阿來泰式地道風味

Open Now

Now Closed

收工想食泰國野上openrice搵到呢間價錢相宜即管同同事試試去到都差不多9點但人依然多都等左一陣先入去-泰式火山排骨 -$118排骨唔只得骨 仲有超多肉大大條加上底部既泰式汁超好味 加上我又鍾意食芫茜😍 朋友唔食芫茜都話因為個汁太好咪影響唔到👍🏻-火山軟殼蟹法包 -$158咖喱軟殼蟹包 包入面好多黃咖喱湧晒出黎好似火山溶漿咁軟殼蟹大大份 好抵食-泰式香葉肉碎煎蛋伴白飯 -$68去到邊間泰式餐廳都好鍾意食香葉肉碎飯肉碎炒得好香帶點甜超好送飯 lunch過黎食都唔錯

經過旺角見到呢間幾多人等位的泰國餐廳，見價錢又幾實惠，就同屋企人食個便飯先返屋企。雖然多人去，但餐廳都好快安排到位😆有留意開我的人都會發現，每次食泰菜都必點軟殼蟹包，個人認為是泰國餐廳最值得一吃的菜色，而這裡的🔥火山軟殼蟹法包也出乎意料地特別！🔥 火山軟殼蟹法包- 價錢只是$148，但有成2隻軟殼蟹，而且軟殼蟹大隻多肉，仲有好香嘅膏😍而咖哩也相當出色，竟然有炒了蛋粒在內，配上濃洧咖哩香+香脆麵包，味道幾好😋（個人認為咖哩炒上蛋粒是最好的食法、可惜不是每間泰菜都會）🐔阿來海南雞飯—夠經濟實惠，水準不錯。雞肉是皮滑肉質幾有咬口，配上少少薑香味的飯粒，性價比幾高。泰式炒雜菜的蒜粒非常惹味香口，配上各款菜，真係好味又健康！下次再來食咖哩包😋😋

呢間阿來泰國菜，平時經過旺角間唔中都會幫襯下，皆因佢價錢親民食物又好食👍🏻今次星期日晚市來到，又係坐滿曬人，要稍等一下位，不過好快都入到😌🦀火山軟殼蟹法包 $148落單時已經被菜單上的圖片吸引，上到嚟都不負所望。法包同咖喱都超大份，面頭有兩大件炸軟殼蟹，份量十足，對得住呢個價👍🏻炸軟殼蟹脆卜卜，咖喱唔辣，有少少蛋香味👍🏻法包比想像中鬆軟，點少少咖喱汁Perfect，我同朋友兩個成個法包食曬😋🐷泰式肉碎生菜包 $78呢個我哋次次嚟呀來都會叫，食過九龍區泰國菜來講呢間肉碎生菜包都係above average👍🏻 肉碎份量大，酸味同香料調得啱啱好。🌱豬頸肉炒通菜 正常水準，豬頸肉同通菜一齊炒得有啲濕咗少少，豬頸肉應該係烤過嚟，但因為太濕已經霖左，可惜。整體來講雖然呢間環境迫咗少少，但以呢個價錢同食物質素來講，已經係超值，會繼續幫襯😌👍🏻

呢間喺旺角小巴站隔離嘅泰國菜館，晚市時間經常有人排隊。就算有兩層都一樣坐滿人，皆因呢度既泰菜性價比高，唔貴之餘仲好大份。✨📍火山軟殼蟹法包 $148首先個賣相已經好震撼，滿滿既咖喱上面放住一隻大軟殼蟹。黃咖喱充滿椰香而不辣，軟殼蟹亦都炸得鬆脆可口。各有所好，我就略嫌法包沒有焗到硬身。不過同埋咖喱一齊食，真係好惹味😋😋✨📍阿來海南雞飯 $54雞嘅份量不少，油飯亦都好香。雞皮亦都能夠做到爽口，食落口唔會油膩感重。✨📍沙嗲串燒(雞&豬) $78$78有半打串燒，而且仲唔係細細枝。沙嗲汁好香，滿滿嘅花生碎亦都好有口感😋✨📍芒果糯米飯 $58雖然話甜品有另外一個胃，但係呢一個甜品嘅份量真係不得了🙊有大半碗份量熱辣辣既糯米飯，而芒果係整整一大個，仲配埋濃濃既椰漿，食完真係12分飽🤣🤣✨唔應該浪費食物，好味既食物就更加唔應該浪費。於是我將食剩既食物拎走，作為我聽日既午餐。見到店員俾我既外賣餐盒有別於其他餐廳唔同，反轉一睇發覺原來係𝗠𝗮𝗱𝗲 𝗶𝗻 𝗛𝗼𝗻𝗴 𝗞𝗼𝗻𝗴而且仲攞咗專利又可以入得微波爐，非常方便外賣👍🏻✨我都冇為意叫既野食都係黃色🙈雖然構圖冇咁靚，食物亦都冇多餘嘅裝飾，不過餐廳平實地以味道和

今日大膽撇底老婆, 同個兄弟去左旺角食泰國菜.老友食飯, 梗係第一時間啤啤佢啦, 至於啤幾多… 在心中喇 食肉獸兄弟點名要食火山軟殼蟹法包, 隔離左右吾覺有人食, 不過都即管試下, 哈, 又吾錯喎!賣相係有啲吾夠靘, 不過勝左個餡夠正. 啲軟殼蟹夠晒大隻, 炸得好香脆, 吾會油林林new 開裡面, 咖哩汁多到滿瀉, 又有芹菜又有洋蔥, 好豐富, 味道非常夾.必食海南雞, 掂呀, 夠晒嫩滑, 但例牌原來真係吾夠2隻食肉獸食, 下次起碼要半隻先得泰國菜例牌必叫冬蔭功, 呢間都煮得吾錯, 有蝦有菇有蕃茄仔, 睇落足料味道亦可以.有啤酒自然有蝦餅 (吾好問, 總之一定要有)呢個蝦餅size係我食過咁多間泰國菜最大件.3件大大件對開, 我真係未試過覺得一碟蝦餅係夠食, 呢度好得, 有誠意炸得OK香口, 又OK彈牙, 幾好呢間鋪啲食物得呀, 又吾貴, 下次可以帶老婆嚟

夜晚六點半左右到，上左餐廳二樓坐。落單後啲餸起得好快，唔錯～阿來海南雞飯係全日餐：油飯淡淡油香，啲雞好滑😆，同個汁好夾。雞切得有啲幼，但份量滿意。.之後有生蝦～我地都好鐘意食生蝦😍總共八隻，好咬口👍🏻但個汁唔夠惹味😢夠酸唔夠辣。搞到食落口有啲淡味。.火山軟殼蟹法包賣相幾靚😍蟹切左做4件，應該總共係兩隻黎～好味☺️炸粉唔太厚。個包偏甜，還可以啦～咖哩都幾好味，偏甜唔辣，加左蛋，餸得少少菜。餐廳全日唔加一👍🏻七點過少少離開餐廳，門口已經有好多人排隊。

星期日晚我地兩個九點幾黎吃泰菜。過左熱鬧既晚飯時間所以一去到就有位。我地叫左 辣椒蝦膏蝦頭油炒飯、火山軟殼蟹法包、泰式肉碎生菜包。✅辣椒蝦膏蝦頭油炒飯$68：好香，辣得啱啱好，雖然賣相同圖有小小分別，不過味道唔錯！✅火山軟殼蟹法包$138：係蛋咖哩！份量好足，麵包點咖哩再夾住軟殼蟹咬落去既口感同味道一流！唔辣，咖哩味可以再濃啲。👌🏻泰式肉碎生菜包$78：好多香料炒埋啲肉碎好香！不過有一半都係肥肉...太離譜所以比唔到✅，同埋可能多兩三塊菜會好啲，我地吃嗮啲菜都仲有四分一肉剩。本人係好鍾意吃生菜包，味道真係正，唔怕肥既人可以挑戰下。🏠唔會太迫，坐得舒服。性價比好高，少有在旺角地段有呢個價錢質素。