LAB10 (Under Renovation)

🐮香蔥薄切牛舌 $125牛舌醃得好入味超薄切所以就算燒耐咗都唔怕韌不過就比較容易痴著個爐 要比較頻繁咁翻神奇係依然保留到爽脆嘅口感 帶微微牛香味🧀️炸芝士卷 $56麵包多士包著芝士經過油炸芝士煙煙韌韌好有口感芝味香濃又唔會過鹹配搭酸酸甜甜嘅士多啤梨醬感覺新穎新鮮又解膩🫐Thermometer $35沙冰冰感好重 所以都融得好快整體酸酸甜甜 可以解燒烤嘅膩感覺藍莓味較士多啤梨突出🍑Explosion $35香桃x士多啤梨同樣冰感重 味道比配藍莓清淡香桃味聞落香但飲落唔太出。

剛入秋，唔知點解就係好想食BBQ/韓燒之類既野食🍢😆🙈天氣涼涼地感覺無咁辛苦 (對住個火爐)以前有某幾間任食韓燒鋪好似漢X，都係我地九十後常常幫襯的(岀賣年齡系列)🙈都算係初期興起韓國野既代表近哩幾年多左好多不同既韓國餐廳，今次就同老表黎到係朗豪坊入邊既位置方便易去 今晚去到人唔多光猛既裝潢 環境唔錯 Tasting menu : 除了燒烤仲有單點因為兩個都係第一次食，唔知d牛份量，就叫左個精選和牛拼盤 $360 同埋其他野食牛既質素同其他野食屬正常未話去到好驚喜環境反而不錯真係可以做到「無煙韓燒」👍🏻哩個真係加分雖然價錢比傳統既貴少少，但可以一試既新派燒肉。

好耐無食韓燒啦，係朗豪坊行過見到呢間Lab 10 就決定去試下！由於我唔係好食牛，但我老公偏偏係一個牛魔王，所以叫左碟薄切和牛！嘩.... d雪花好靚！上面有蛋個碟其實係用黎點和牛食！呢個「生蛋醬」超好味！而下面果d 係醬料&生蒜黎，我勁鐘意生蒜！我食豬時都有點佢！之後仲有職員幫我地燒埋！話說我本身少食牛都忍唔住食左啖！真係好好味！因為我少食牛，所以我平時食到d 平價牛會覺得好「蘇」，但呢片和牛有牛味得黎一點都唔「蘇」，相反好香！正！之後就叫左我的最愛五花豬！呢度的五花豬仲有3種口味，3種醬料！（青檸醬 / 生薑菠蘿醬 / 生薑蘋果醬）雖然五花肉有好多肥膏，但燒完之後，食落口又唔會好油，相反肥膏變得爽口！我就最鐘意佢個青檸醬，少少酸味配埋片五花肉，正！之後叫左個鐵板鰻魚炒飯！呢個炒飯真係不得了！ 因為佢用鐵板上，所以食落去會有飯焦！ 脆脆的口感，好味！最後叫左個炸芝士卷！炸芝士卷上面加左果醬，甜甜的，估唔到又同芝士幾夾！ 我老公話仲可以當埋甜品黎食！食韓燒當然唔少得要叫野飲啦！我點左熱情果梳打！又係我最愛的熱情果！最後值得一讚係呢間韓燒餐廳，但竟然一點油煙味都沒！ 走果陣唔會成身油煙味

朗豪坊係潮人聚腳地，裡面這件韓國餐廳同樣很潮。有別於一般傳統韓燒， LAB 10 裝潢比較年輕化，光猛開陽。他們用無煙燒烤爐，唔使食完一身油煙，這是重點。特級和牛拼盤 $438, 有西冷，肉眼，牛肩肉，牛勒肉。我偏愛肉眼，夠嫩夠牛味。大帶子 $58，不過不失，夠新鮮。炸芝士卷 $56，芝味濃，外脆內軟，雙重口感。韓式牛骨湯 $118，精華在骨髓裡面，記得食埋。鰻魚鐵鍋炒飯 $128，炒得干身，惹味。RED HOT $35，凈係個樣已經夠靚仔。GOLDCOAST $35，同樣顔值爆燈。

對上一次都食韓國菜都超過一個月，今次特登約舊同事食韓燒，慢慢燒慢慢傾計，呢度格局其實不太韓～但坐得幾舒服！同事話聽豬太郎推薦，佢幾多都食得落lol當然唔客氣，每類都叫啲黎試啦～韓燒！梗係要牛行先喇！#韓式梨汁牛五花 $115牛五花紋理清晰，油脂分布均勻，一燒就聞到好香牛味，牛肉索曬啲梨汁，所以有甜甜梨味，味道都幾特別，一開始見到咁大盤以為會食唔曬～但我地試過一次幾塊一齊燒好似鐵板燒咁然後一次過食，超好食！！好飽～唔經唔覺食曬lol#韓式水冷麵$75烤肉飽肚必備～～用左呢個容器令麵可以長期keep住冰冷，真係好貼心！而且D麵有好高彈性同埋有好多新鮮青瓜絲，夠晒好爽口！不過記得一上台最好先攪拌好，如果唔係之後分黎食會麻煩啲～#炸芝士卷 $56抵食之選！！麵包多士外層令芝士卷更脆口，裡面嘅芝士好濃味但唔會過咸，同用來裝飾嘅士多啤梨汁一齊食比想像中夾！雖然係炸,，但唔會油淋淋～食幾件都無問題啊！#蔬菜拼盤$88蔬菜拼盤嘅蔬菜份量都幾多，一盤有4款蔬菜2個人食剛好平均份！啲菜仲切得幾厚幾大塊㖭～朋友最愛茄子，燒完好多汁！#三色五花肉 $130五花肉燒前醃料同燒完點嘅醬汁係一樣，所以三式配返三款醬

最近朗豪坊進駐唔少新餐廳,當中有幾間韓國野我都想試~~呢度雖然話係韓燒,但格局同一般韓燒店唔同,純白裝潢潮潮地,最貼心係有個小屏風幫你隔住隔離檯~~除左牛肉豬肉之外,呢度有唔少海鮮可以少,不過一開始當然食返個小食同叫飲品先~~炸芝士卷 $56呢個卷同我expect的好唔同,我一味係芝士+炸粉,無諗過係咁精緻!而且分量都幾大,望真D原來佢係麵包內有芝士餡再去炸,我好ok wor~~因為本身就唔係芝士控~~出面仲淋上士多啤梨醬汁,甜甜地又脆脆地,口感好豐富!CoCo $35平時烤肉多數都飲啤酒不過今次見佢幾多特色飲品,叫左個有椰子西瓜嘅果汁,因為有西瓜,所以整體感覺好清熱解渴,椰子唔算濃但都會感受到,最近要無多餘甜味,可能有青檸加持,所以蜜糖唔會喧賓奪主Red Hot $35顏色差唔多的兩杯飲品味道大有不同,呢杯有士多啤梨+蘋果+西柚+蜜糖,西柚味尤其出眾,酸味刺激腸胃,令我地可以食更多野~~好彩有蘋果同蜜糖,令成杯飲品唔會過酸,喜歡西柚嘅朋友可以一試蔬菜拼盤$88蔬菜系嘅我梗係第一時間order蔬菜拼盤~~其實烤肉燒蔬菜真係好考技術,好彩佢舊舊都好有份量唔會一燒就焦,等我有使間慢慢調節.

今日放工，同同事朋友一齊食飯，就去咗朗豪坊，大家都知道朗豪坊有好多嘢食，今次就揀咗喺10樓嘅韓國菜，因為見到餐廳裝修都幾有特色，而且我都幾鍾意食韓國菜，同時間又有得韓燒，最啱我呢啲鍾意食牛嘅人🍖我地叫左好多野食，我叫左杯red hot，好鐘意佢有陣陣蜜糖味🍯飲咗兩啖，我哋啲餸就開始嚟，啲餸都上得幾快😍😍鵝肝鐵鍋飯呢一個真係幾好味，因為佢有飯焦，鵝肝又煎得啱啱好，淨係睇佢個樣估唔到👍🏻👍🏻泡菜海鮮薄餅呢個就煎得幾香脆，泡菜味都算濃炸芝士卷呢一個好特別，佢加埋少少果醬，唔會食得好濟😎生韓牛伴梨牛油果呢個菜式既有韓國嘅特色，有適合香港人口味，好適合前菜食，因為好清新，好開胃😋燒肉方面揀咗特級和牛拼盤對於牛肉拼盤，呢度有三個可以揀，我就揀咗中間，四百幾蚊但又可以食到好多唔同部位嘅牛，絕對係一個出色嘅選擇🤗特製牛護心肉牛護心係一定要食既，由其係鍾意食牛既人，因為唔係度度既燒肉都有得食，通常都得🐷韓式豬皮豬皮嘅話我就唔係好鍾意食，所以我都唔識評論🙈三色豬五花呢度啲豬五花好有特色，因為佢配合左三個唔同既醬汁，三個都好match，入口有三種唔同既口感🤩而最直得欣賞既係我食完韓燒都唔覺，身上一D油煙味都

同友人去旺角朗豪坊睇完戲之後搵食， 發現開左一間裝修富神秘又現代感嘅餐廳， 憑店名「Lab 10 」和裝潢完全諗唔到係食咩菜！😂 細看menu先知原來係韓式燒烤店！😯 餐廳呈簡約工業風， 外面有一個juice bar， 以新鮮生果打成嘅果汁做主打， 梗係要試吓啦！ 飲品嘅顔色真係色彩繽紛～ Sour Bomb（$35） 材料用了檸檬🍋、西柚、奇異果、蜜糖、生薑， 酸酸甜甜，夠晒開胃～ Big n Small（$35） 西柚、香橙🍊、蜜糖、生薑， 味道甜中帶微酸，幾refreshing～ 精選和牛拼盤（$360） 有厚切牛舌、首爾牛肋條、牛後腹肉、牛小排，每款四件， 所有牛肉不經醃製，夠晒厚汁原味，不用蘸任何醬料都夠晒美味！☺️ 牛舌有差不多1cm厚，幼嫩多汁，好正呀！😋 好食到仲想追加。😂 首爾牛肋條油香四溢，口感有嚼勁； 牛小排和牛後腹肉雪花分佈平均，肉香軟腍， 牛魔王必定不可錯過！ 蜆（$58/份） 一份有十隻，個頭都幾大隻， 洗得乾淨無沙，海水味十足。 大帶子（$58/2件） 帶子即叫即開，連殼上陣，証明有幾新鮮！ 食落彈牙有嚼勁，鮮甜味美～☺️ 鹽燒雞扒配

難得收工過黎旺角朗豪坊血拼，首要任務要醫好個肚先! 見到開左間新韓燒餐廳，好似好受歡迎咁，於是就試下啦! 佢門口有個beverage counter , 賣埋果汁同smoothies。餐廳設計特別，有別於一般既韓燒餐廳咁，偏向白色為主同似係自修室既設計，而且地方夠闊落，燈光充足，坐落好舒服，同時佢地牆上都會有D簡單有趣既英文字句!Menu上都有各種唔同款色的肉類可供選擇，另外亦有其他韓國特色的食物，坐低之後，店員遞上總共8頁字的Menu比我地揀，花多眼亂由於最近食肉太多，於是只係揀左一款牛肉同一款豬肉，留肚試下燒肉以外的食物!.三色五花肉 $115顧名思義係三色五花肉，呢款總共有三款特製的醬汁，包括蘋果醬、菠蘿醬同青檸汁。上枱時五花肉已經加上多款醬汁，落去燒果陣，醬汁滲落D五花肉入埋，十分惹味，而且五花肉厚薄切得岩岩好，燒起身好香脆，值得一試!.韓式梨汁牛五花未試過呢款牛肉，感覺好新鮮，牛肉似乎用梨汁醃過，肉質帶有淡淡的甜味，而且成碟牛五花切得好薄，係爐上輕輕燒一燒便已熟透。肉和脂肪分佈平均，口感煙韌，好味道!.韓式牛肉炒粉絲十分喜歡呢道粉絲的味道，粉絲夠哂彈牙，軟硬適中，當中的紅椒，