快車茶餐廳

Open Now

Now Closed

適逢長假期所以來坪洲逛吓，聽說這間海鮮不錯，即管試吓。由於午餐，一家五口只叫了五餸一湯，若果你一心想食靚海鲜，相信你會失望；但若以食家常小炒住家菜的心態去食，相信你會滿意。不要期望食靚、貴價海鮮，食吓家常小菜，指定嗰幾款招牌海鲜，還可以。價錢還可以，5個人食了$1300，午餐人均三佰有找，尚算可以。推介咸蛋黃鮑魚、煎封魚、豆卜魚湯；最差的是蒜蓉粉絲蒸扇貝。整體來說，不過不失，可以一試，不過我未必會再去。

農曆五月初八為龍母誕，因為屋企人係正日雖要工作，所以我哋就提早一日前往坪洲龍母廟進香朝拜。結束後，我哋就去咗快車茶餐廳食晚飯。蒜蓉蒸扇貝花雕蟹煎封魚上海鹽焗雞籠仔蝦（糯米飯底）黃金飽魚南瓜椒鹽瀨尿蝦豆卜湯海鮮全部都非常之之咁新鮮，依度重點介紹下花雕蟹、籠仔蝦同埋黃金飽魚南瓜。花雕蟹蛋滑之餘、非常之香嘅花雕味，配白飯就最合適。籠仔蝦係蒸嘅，而籠底仲有糯米飯。糯米飯吸收哂蝦嘅鮮味，又係另一絕。我平時食飽魚都係蒸嘅多，好少食咸蛋黃爆炒。黃金飽魚南瓜確係一款特別嘅菜式，飽魚剛剛好，咸蛋黃又唔會太搶出嚟，而配角嘅南瓜亦都好香好好味。依道菜一定要襯熱食。有機會去開坪洲嘅話，大家可以去試下呀，不過提提大家，大部份海鮮都要預約先有得食嫁。

廿幾年冇入過坪洲了，今倘一行竟然有意想不到的收穫，這廿幾年來結識了一些坪洲的原居民，雖然已遷出市區，但對家鄉美食的概況瞭如指掌，多得好友介紹，令我食咗難忘美味的一餐，𥮉一坐下，老闆娘即報告有咩海鮮供應，說到海捕的有「劑」魚（恕我唔識寫正字，唯有寫同音字）,$140一份，真是快人快語，沒法，老公在廚房，樓面就只得她一人，一腳踢，真係少啲效率都唔掂，我唔知佢地係出名煎封，仲問佢點整好，佢於是很自信地說：煎最好，果然不負我所望，食咗呢世人最好味嘅煎魚，我地另外再叫了籠仔蝦蒸飯，豆卜湯和炒玉豆茄子，也頗有水準，全部都是用心製作，睇得出也食得出。

城市裡有大灰塵 人多車多嚇驚人喜歡鄉村綠野處處原野共樹林不是對城市厭惡，只是太喜歡郊野了！每次在郊野，腳步特別輕快，又越過高山，又越過谷，就像忍者從不覺累，心情也特別的美。所以每逄週末，若天氣和時間許可的話，便飛奔到郊野去！今年的情人節，碰巧是星期天，我們再一次到次訪坪洲！累積了上次到坪洲的經驗，我們下船後第一時間到心儀的餐廳訂位及預留菜式。「快車」是我們的目標，門口的海報將招牌菜圖文並茂，因餐廳的面積不大，加上坪洲的食肆較早關門，上次我們未能佔上一席。在大利島岩石上欣賞浪花，然後轉入山徑，環島走了一圈，再走上手指山，下山後差不多五時半，跟我們預訂晚餐的時間相約！「快車」內部呈長方形，左邊大多擺放了大檯，右邊是供兩人的小檯，我們是第一對到埗的客人，可優先佔上一張二人檯，不用跟其他客人搭檯了！牆壁掛上坪洲舊貌的畫和照片。亦貼有寫上菜式名字的彩紙，散發出地道和街坊氣息。給老公在雪櫃裡發現了「Riesling」，售價才 $100，非常合理。用港式的水杯盛上，從沉實中帶出甜絲絲的浪漫!第一道菜是煎封魚。魚身鋪上滿滿的青蒽，細看撲上麵粉的位置，並不像煎，頂多是半煎炸！入口肉質細嫩鬆化，尾部、魚鰭

前2天同事問我有冇興趣去坪洲食野？當然去la.一行四人坐車坐船到坪洲時間尚早走到手指山，剛好黃昏坐在高處欣賞一下，一來一回正在晚飯時間。穿過橫街到享用晚膳的“快車“。由於餸菜须早幾日预訂，坐了一陣已有 最遲是雞及炸豆腐是晚十分豐富好飽，平均每人消费200.最好味花鵰蟹蒸蛋好重酒味，蟹肉中酒味濃厚，而蒸蛋细滑。而煎封魚，新鲜魚肉結實，有魚味！而雞……是我同事推介，我觉得麻麻，坐車坐船到坪洲別有風味！可携新鮮海鮮加工。值得一试。這。是。假期晚餐