陶園燒臘飯店 (Closed)

經過佐敦嗱嗱臨買咗個燒味返屋企加送，買咗燒腩仔有啲肥😳燒鵝就唔錯我要左下裝都幾多肉㗎呢間舖頭唔係好大，啱買外賣如果經過都可以試吓㗎，喺佐敦地鐵站一出行兩三分鐘就到

Yeah今晚有燒味加餸👍🏻👍🏻今次揀左呢間燒味店試下，去到見都有幾枱係度等緊買燒味，睇得出好受街坊歡迎呀😊😊門口有隻肥燒鵝公仔非常搞笑😂😂 忍唔住都要幫佢影下相👍🏻我望左幾眼，店裡姐姐已好熱情咁問我需要👍🏻👍🏻🔸燒鵝-上裝$100 ▪️大大盒😍😍鵝肉肉質厚實細緻，鵝皮色澤亮麗，薄脆帶油香👍🏻👍🏻🔸半肥瘦叉燒 $50▪️其實卡幫妮最愛係肥叉燒，但為左身型，都係食半肥瘦啦😂😂$50 都好大盒，口感軟淋，肥瘦適中，蜜汁味非常濃郁👍🏻大家經開都可以試下，佢既白切雞我都非常想試😋😋😋

外賣燒臘向來都是加餸首選，陶園燒臘飯店開業超過半個世紀，曾經面臨結業但幸得熟客接手繼續經營。透過玻璃可見掛滿各式各樣燒味及滷味，富有光澤狀甚吸引。除了外賣之外當然亦可以選擇堂食，整體價格與坊間相若，而外賣飯盒或下午茶餐如燒鴨米粉或叉燒拉麵連飲品均不用四十元，更加划算。燒鵝 ($100) 標榜以荔枝柴燒製，鵝皮香脆並富油香，而鵝肉肉質結實細緻，肉味香濃且愈嚼愈香。叉燒 ($128/斤) 偏肥口感豐腴正合我意，鹹度適中並帶蜜汁甜味，色澤自然感覺上並無添加過多色素。

十二月係特別多聚會，今次主題是「地道美食」，朋友們各自準備自己心目中之選。身為土生土長嘅港女，更係揀香港最地道嘅港式燒味啦～ 門口有隻吹氣燒鵝，仲著住師傅衫，好搞笑，忍唔住要影低佢。店內靚女姐姐好好人，幫我揀咗件靚瘦叉燒 😆燒鵝下庄 $130燒鵝皮脆，帶甘香，有荔枝柴嘅燒烤香味，肉質結實，充滿肉汁，個個都讚！用手揸住隻鵝髀直接食先夠招積叉燒 $50斬完仲熱辣辣出緊煙，燶邊叉燒微微脆邊，港女們怕肥，所以特登要瘦叉燒，個個食得開心又放心！

星期六同朋友去咗佐敦食晏傾嘢，大家傾到差唔多時間各自返歸。佢住附近，我問佢有乜加餸推介。佢二話不說就話即係斬料啦哈😆，並且推介試吓「陶園燒臘飯店」。餐廳完全係街坊店，門面並唔起眼，亦無華麗嘅裝修，不過就有熱情嘅招呼。我其實只係喺門口望望，但老闆娘已經出嚟睇吓我有乜需要👍。我要咗半斤叉燒同燒鵝下庄，望住師傅即場斬，保證唔會扣料，所以得兩盒都好重手啊🤘🏼。燒鵝下庄($120)，屋企人好鍾意食燒鵝🦢，我見掛出嚟都幾靚，就買邊鵝髀食食佢。燒鵝皮脆多汁，鵝肉又香又嫩，我老豆仲話一食入口就已經分到係鵝定鴨。下庄有髀食🍗，但就無胸肉，噒骨為主。我認為呢度嘅燒鵝燒烤香氣特別強，好惹味啊。叉燒半斤($64)，我嗌咗瘦叉🐷，因為怕食肥膏，但打開盒後有啲後悔，因為見好似有啲乾身。不過一食就覺得自己諗多咗，叉燒鎖住肉汁，肉質軟稔，甜度鹹度適中，份量足。總括嚟講，我哋成家都滿意來自陶園嘅燒味🥢，小店出品絕對不比連鎖店遜色，價錢亦好正路，難怪店內坐滿堂食嘅客人！最後，我想講門口隻燒鵝公仔著咗衫好鬼搞笑啊🤣。

難得黎到佐敦，點可以唔去陶園斬料加餸。食燒味一定會稔起陶園。佢嘅燒味真係係香港數一數二。要等，因為真係好多人。入面有堂食，又有好多打工仔街坊叫外賣。menu 十分簡單。不過比我想像得多野食。重來仲有滷味同餃子，下次可以一試。燒鵝例牌$120加餸比老媽子，一定冇死。燒鵝唔係立即食都仲係咁脆同咁juicy好多肉，唔會食骨多叉燒$48好多，成盒都係肉肥瘦適中，送飯一流。d 肉唔太un, 後悔唔叫多幾味。不過今日咁加一加餸，其實夠一家4口食下次大家去佐敦都可以黎加一加餸。泊一泊低架車落一落去買。買多左，仲可以帶飯。

自己平時都好鍾意食燒味 今日去搵屋企人梗係要斬料加啲餸啦行到佐敦街個轉角位見到有間唔太起眼但係睇落去掛滿燒味而且幾多人排隊嘅餐廳 都係果句多人排隊嘅地方一定冇死啦入到去斬咗隻燒鵝同埋叉燒夜晚加送燒鵝🦢 $120喺燒味舖頭已經見到掛起左一隻隻嘅燒鵝 頭好明顯凸起咗 咁就知道係正宗嘅燒鵝唔係攞鴨仔嚟魚目混珠 咬落去燒鵝嘅皮燒到啲油必晒出嚟 好香燒鵝油味 用嚟送飯真係好正 我仲特登問佢哋拎左幾包燒鵝醬汁甜甜酸酸加埋落去就更加惹味另外仲斬左$61蚊叉燒 🐖因為食完燒鵝已經好油 所以叉燒就叫咗佢比瘦少少嘅唔使太肥 值得一讚嘅係呢間燒味餐廳就算係瘦叉燒都可以做到一啲都唔鞋 咬落去依然係軟熟 而且充滿咗蜜汁味道 食得出燒味師傅嘅工架總括來講今次喺呢度嘅斬料都幾滿意 其實地區燒味舖頭嘅出品比大財團無論係味道同埋價錢都有過之而無不及 價錢又低啲味道又好啲份量仲多啲 所以其實香港地都應該多啲支持下小店 等我哋頓時更加多嘅選擇 下次斬料加送唔使再去乜興了🤪🤭

星期一拜山返了佐敦，附近又沒有什麼好吃，所以就去了一間開了很久的燒臘舖吃燒味。4個人不想只叫碟頭飯各自食自已，於是點了乳豬例牌（忘了影相），一隻燒鵝，一隻白切雞。另外叫了瀨粉及例湯。例湯沒有味精，吃飲完後不口渴，我光顧那天煲的是赤小豆粉葛，非常下火。老闆娘很好人，見我們叫了這麼多肉，主動問我們要不要例湯。乳豬真的好吃到無話可說，很少地方可以吃到新鮮的乳豬。平時只有在宴會的時候才能吃。想不到在這個小小的燒臘店居然可以吃到外皮很脆，而且很香的乳豬。他的肉不太肥，也不太鹹。貴妃雞貴妃雞吃入口沒有怪味，雖然都知道不是新鮮雞，但是最低限度不要吃到滿口雪味。這裡的雞皮光肉滑，雞脾沒有血水，岩哂我。要知道平時大多數顆到的貴妃雞，雞脾肉通常很多時候半生熟或者得八成熟，啲骨頭仲有點點血水呢一樣野。我係最棹忌㗎啦😖。難度呢度又滑又無呢個問題。燒鵝燒鵝來講佢唔算做得好出色，外皮脆的都可以，酸梅醬不太甜，總括來說只是肉比較鞋一點，不過燒鵝來講普遍都有這個問題存在。