鼎尚燒鵝湯館

Open Now

Now Closed

襯天氣涼快上山頂。記得好耐之前在山頂廣場見過這間由鼎爺及棋哥聯手打造的港式餐廳，留下深刻印象，今天上山頂就順便飲燉湯和食燒鵝。餐廳面積頗大，走懷舊路線，連背景音樂都是許冠傑年代的作品。環境優雅，居高臨下大海景，加埋殷勤服務，價位中上但值得。叫了個二人套餐（$388），可一次過嚐到鼎爺燉湯和棋哥燒鵝，再加$8要了熱飲。~~~~~二人套餐包括：醬皇燒鵝例牌單拼燒味例牌效外油菜自選$98以下燉湯2盅絲苗白飯2碗~~~~~燒味：醬皇燒鵝+燒腩仔＊燒鵝靚唔靚最緊要睇塊皮，這兒的燒鵝皮薄如紙，香脆油潤，鵝肉嫩滑，的確是出色。＊燒腩仔例牌份量充足，外皮鬆化不會滲油，肥瘦相稱均勻，肉質軟腍無渣，無可挑剔。燉湯：粉葛鯪魚赤小豆湯+茯苓白朮霸王花五指毛桃湯雖然這兩款湯都屬春天湯水，好啱時節。但有少許失望，因為無得揀。我不知是賣曬定其它原因，今日全餐廳只有這兩款湯供應，想加錢都無。＊粉葛鯪魚赤小豆湯清熱去濕，比平常家居煲的深色，配料充足，味道夠甜，不過我覺得少了魚香味。粉葛、扁豆、赤小豆都煲得夠腍可食用。＊茯苓白朮霸王花五指毛桃湯加了粟米和紅蘿蔔，清甜好飲。油菜：蠔油菜心清甜爽脆好好食，排列整齊顯誠意。熱飲

放假揸車上山頂， 行完Donki 「熱情小店」都冇乜啱食， 不如飲下湯同食下燒味， 棋哥呢間餐廳喺個好選擇。 今次叫咗個二人餐， 有佢哋最出名嘅燒鵝， 自選燒味一碟， 大家可以選擇叉燒、切雞 油雞、 燒腩仔、燻蹄， 如果要食乳豬， 需要加50蚊， 套餐仲包括油菜一碟， 自選燉湯， 如果唔食飯， 可以選擇米粉或者瀨粉， 套餐跟熱飲加8蚊， 凍飲加10蚊。 佢哋個燒鵝真係幾出色， 個皮燒得好脆， 隻鵝油脂分佈均勻， 唔會太肥或者太瘦， 上次食過乳豬， 啲皮真係好脆； 今次試咗油雞， 沒有什麼驚喜。 燉湯叫咗兩款， 西洋菜陳腎無花果湯， 火候夠， 味道清甜； 綠豆章魚蓮藕湯就沒有什麼驚喜。 奶茶唔夠熱， 可以唔叫。 呢度服務態度好， 淨係分數有中上。 會再來。