裕記大飯店

Open Now

Now Closed

燒鵝：聲稱係深井最出名嘅燒鵝。送上嚟，賣相係好吸引。皮唔算好脆嗰種，但都香，皮有肥膏。肉都算入味。不過就唔係好食到炭燒嗰種燒烤味。薑蔥焗蠔：啲蠔唔算太大隻，整得幾爽脆入味。蒜蓉蒸蟶子： 每隻$72，勁多蒜蓉喺面，都算爽甜。魚肚肉絲浸時蔬：啲菜心幾甜，不過唔算好大碟。環境： ★★☆☆☆食物： ★★★☆☆ 推介指數： ★★★☆☆

好耐未食過，爸媽心癮發作，坐的士去食，真心好食。本土情懷，用心經營。新鮮，熱，皮脆，肉香本身唔太鍾意，阿哥話必食，我試咗小小，堅香酒味，個汁好正，肝唔會好鯹，可惜我不喜歡肝本身texture我唔鍾意食鵝䁑。不過都試一下，洗得好干淨，冇腸臭味，唔肥，更加冇漂水味！豉油汁係堅正，可惜我對鵝腸還是不太有好感聖子勁大只，鮮，甜，唔過火！必食！鯪魚球，基本上好食，可惜還是不及中環中心對面果間雲吞麵店好食咕嚕肉精彩！真係肉，不是炸粉/肥膏！真材實料！西蘭花帶子，帶子大粒之餘，冇煮過火，雖然一定係雪，但大大粒都冇雪味！叻！真心，呢D菜館有自己堅持，水準不會因為市場變化而下降，真係買少見少！好好珍惜！

上一次去裕記食飯都已經係十幾年前了一直都好想去多次，終於有機會門口有停車場，所以都還好燒鵝有炭燒的味道，皮脆肉嫩肉汁都算多另外叫左酒煮鵝肝同豉油皇鵝腸都係水準以上但其餘非鵝類食物例如椒鹽魷魚同西洋菜湯就一般而且較貴

同朋友一行5 人係星期日去行山，玩到五點幾就終於到深井喇。帶着疲倦嘅身軀，一到深井嘅樓梯一轉彎就見到依間裕記燒鵝。對於從未嚟過深井嘅我其實都知道深井最出名就係燒鵝喇，所以我哋決定都要試一試佢嘅燒鵝到此一遊當日唔需要排隊，店員叫我們上一層樓梯找座位，座位都很多而且都不是很迫，本身我哋想在這裏吃燒鵝瀨作下午茶，但唔碗燒鵝瀨嘅價錢其實跟一隻燒鵝的價錢不是差很多，所以我們五個人只點了一隻燒鵝及一碟蒜蓉炒豆苗燒鵝點一隻是分兩碟上嘅，每碟都會有燒鵝髀感覺都好足料燒鵝皮脆肉嫩，真係比外面的好吃吃燒鵝會有一點油膩，所以再加上這個蒜蓉炒豆苗就十分夾裕記燒鵝真係唔係浪得虛名

心血來潮好想食燒鵝，返工lunch得1個鐘，飛車由荃灣去深井，好多年無食過裕記，已經唔記得佢好唔好食喇。5個人叫左半隻燒鵝，4個小菜。燒鵝一上檯，拿拿林襯熱食先。勁好味啊！個皮好鬆化好正！我諗我會念念不忘

如題。一早訂左7:00pm 7位！阿姐堅決人齊先俾入，但明明上到去又唔係爆晒，由於我地都準時到，所以人齊就可即入座。7個人叫左9個送，當中一個係前菜海折。最後食左二千幾蚊，我會揀入三聖食海鮮。

有馬來西亞的朋友到港，諗住帶佢哋食啲特色地道美食。結果佢哋同我講話聽聞香港的燒鵝好味，於是就帶佢哋入深井。本來諗住叫套餐，但係覺得套餐選擇唔多，結果就散叫。燒鵝非常肥美！比起平時出面燒臘舖嗰啲多汁好味，但係真係非常之肥，食嗰時真係要好小心整走啲肥膏，如果唔係仲上個星期運動都減唔到返！結果我哋六個人完全解決咗一隻燒鵝，大家都覺得好好味！值得一題係炸蝦丸好好食，其他的小菜就一般，不過算係在深井同佢比較好味，不過不實。

雖則本食肉獸向來無肉不歡，嚮譽多年的裕記燒鵝卻是從未蹈足，是次有幸一嚐名物是也。燒鵝皮堅脆，肉厚而多汁，邊吃肉汁邊從嘴角流下來，豐腴滿溢，千萬千萬不要加甚麼酸梅醬，以免影響鵝肉的鮮美！燒鵝之外還要了酸菜炒鵝什和浸豆苗。咸酸菜炒鵝什乃上乘之品，鵝什的香油滲入咸酸菜，下酒一絕也！至於蒜子上湯豆苗，自是吃過那麼多肉食之後用來清腸胃的，少些油份會更好……確實是值得一試的燒鵝！

和同事們即興駕車入深井食lunch。從小對深井的認識就只知道是食燒鵝的好地方，有兩家很有名的飯店─裕記和陳記。這是我有生以來第一次踏足深井，感覺有點像探險。同事們提議去裕記，造就了我寫食評的機會。這裡是代客泊車的。全人下車，車子交給店員處理後，我們被安頓到飯店的二樓坐下。經過一輪商討，決定要點4餸套餐(連半隻鵝和湯)，另外追加兩碟小食海蜇和鴨舌。小食和湯先來，然後「主角」登場。馬上嚐一口試真偽！燒鵝的肉質是頗鬆化，不過對我來說是略為咸了些。要把鵝件放進湯瀨粉把味道沖淡了才能吃。其餘的4個小菜也陸續上菜，開始擔心菜太多了，會吃不完。估計這其實是六人餐來的，我們只五個人還點了小食，愈吃愈覺得over左。其中咕嚕肉和豆腐火腩煲我覺得不過不失，沒有什麼特別。反而要讚賞的是粟米班塊，粉不會太厚，魚很好吃，粟米汁味道適中。至於冬菇掌翼煲，在一般飯店並不常吃得到。這道菜水準不錯，煮得好入味。結果瀨粉我只吃了三分之一碗。一是因為吃不下，二是因為湯被我用來為燒鵝「沖身」而變得很多油。可能有點難以置信，但這餐之中我覺得最好吃的不是燒鵝，而是粟米班塊。

係黃金海岸睇完日落，心血來潮一想，便走到深井。夜晚 7 點都未夠，就已經要等位，而且都幾多人等‧‧‧‧‧‧ 但入得來冇理由唔食嘛，於是決定等，可能係兩個人既關係，等左10分鐘已經有位，坐底見到有二人餐，唔洗諗就呢個啦 呢度環境個感覺，就好似細個係飯店食飯咁，有少少懷念。花生配茗茶，餐前的小食當然少不了。等了5分鐘，開心燒鵝率先上枱，拍照後立即起筷，肉質有點實肉，感覺像走地的，很棒！雖然皮脆汁甜，但太重油了，咬的時候有一滴油從嘴角唧出。接下來是翅，偏熱的溫度恰到好處，香味隨著蒸汽散發出來，味道十分平均，幸好沒有食到其他地方煮的重鹹味。蟹鉗不用多說，只要蟹肉夠，很難會不好吃的。這個足料，好食！最後是花膠鵝掌扒時蔬，花膠很彈牙！個汁煮得不錯，但溫度方面可以再提高一點，整體來說都是美味的。

個蟹本身好鮮味,但是本人五系太鍾意D焦鹽,太過干身,食落都幾確喉,之後又要飲返好多水先解到渴,所以本人五太like,不過重口味,又食得辣既人可以一試!另外,遠近馳名既燒鵝就有D驚喜,雖然有D油膩,但是外面脆內裡好滑,可以五需要咬直接滑入去,系同外面燒味鋪五同既,一分錢一分貨~

上篇提到，在Happy Saturday 食了很多美味的~一餐又一餐~~想不變胖也不行~~以為食過Holly brown 的厚多士就完了嗎？還有晚上的家庭聚會呢~~今晚約了肥肥一家三口，連同我家四口，一行七人，齊齊到深井食燒鵝深井有好幾間燒鵝店，今晚選的是裕記大飯店因為早在一星期前已訂位，所以到達的時候，不用等位就可以入坐餐廳分為好幾個大廳，每個大廳又有三層~我們被安排到其中一個大廳的天台層「大熱天時坐天台咪會熱死!?」這是我們第一個反應還好，我們的擔心是多餘的~~天台有冷風機，也有大風扇，一點也不熱~肥肥叔已半年"無啖好食"，自從上年肥肥叔身體出現一點小毛病，肥肥嬸跟小妹一直限制他的飲食，一向愛食的肥肥叔真的"苦不堪言"呀~~~終於經過半年的努力，指數竟然有達標的一天所以今晚就讓肥肥叔放假一晚，明天繼續努力!今晚的餸，是由肥肥叔發板的呀~~~先點一碟鹵水鵝掌鵝翼作前菜~鹵水很入味，鵝掌鵝翼嫩滑可口，食得大家津津有味!也點了一碟海哲燻腣，水準一般，海哲夠彈牙專程到來，為的就是一道燒鵝，當然要點啦！雖然只點了半隻，但份量一點也不少熱辣辣的上台，香氣撲鼻~皮燒得脆脆的，但鵝肉比較乾身，炭燒

燒鵝好大隻叫左半隻,一行4人都唔多食得晒燒的好香口, 肉質好嫩醃料都幾好但肥, 要撕走肥膏健康D加個西洋菜湯, 咸到呢應該係落多左SALT, 唔關材料事下晝來唔駛等位幾好

竹戰過後要醫肚,媽說很久沒有吃過深井燒鵝,這日位置正好.九點多,人流仍然不少,等了數分鐘才有位子. 終極目標是燒鵝,其它的也不想煩,就點四人餐($46X)再另加一餐前小吃.餐前小吃選了香辣鵝舌($35),鴨舌吃的多,鵝舌倒是第一次. 鵝舌賣相像極鴨舌,根本無兩樣,就如燒鴨和燒鵝,很易混淆. 調味的香辣有點像麻辣,一碟有大約20條,是一個很不錯的前菜.四人餐:韮黃瑤柱羹 - 本人很怕吃韮黃,而這個卻有很多很多,花了一輪時間挑選,加點白胡椒,味道很好,配料有冬菇,荀,肉絲等.西蘭花炒帶子 - 典型酒樓菜式,沒有特別的好壞,帶子份量不少,西蘭花也炒的鮮綠.燒鵝(半隻) - 主菜最後才登場,因為點菜過後已聽到廣播說燒鵝正在燒,要等十分鐘. 對我們而言,更好,可以吃到熱辣辣的. 結果也沒有令我們失望,半隻燒鵝份量很大,燒鵝肉嫩多汁,皮燒得十分香脆而不見有太多肥膏,吃得很放心.燒鵝份量大,吃剩了不少,又吃又拎真的不枉此行.鮑魚菇炆鵝掌 - 鮑魚菇大大片,很是香甜. 鵝掌很大隻,肉也很多. 最愛放底的紹菜,吸收所有精華,一流.西檸煎芝麻蝦球 - 原本應是清蒸青斑,但侍應早已告之青斑賣完,改成這一道菜

今日特登入嚟深井試吓呢間連日本雜誌都介紹嘅裕記大飯店係唔係名符其實咁正先。其實上次行過都想試吓架嘞，不過比門口排緊隊啲人多到嚇到我哋去咗第二度啫！一入到去就有侍應招呼我哋去咗一間房入面坐，呢間嘢究竟有幾多間房？好大喎！我哋叫咗： 半隻燒鵝：我哋都知唔好叫例牌，因為唔知比咩嘢位你食，食唔晒都要叫半隻，燒鵝最後先嚟，主角梗係最後出場嘅。好香炭燒味，真係皮脆肉嫩，但係唔係咁多汁，乾身咗啲，唔知點解個碟就好多汁喎，整體上都好好味嘅！ 炸蟹鉗：炸粉唔厚，不過好似全部係墨魚膠，食唔到有蟹味，夠彈牙，但冇驚喜！ 豉椒炒鴨什：夠惹味，可能我哋鐘意食內臟啦，覺得好好味，又冇內臟嘅羶味，正！ 琵琶豆腐：大碟抵食，仲有好多菜墊底，啱啱炸起，皮脆內滑，味道亦唔錯！ 可樂啤酒各一以為食唔晒，但我兩公婆本著趁新鮮嘅原則，最後都係乜都冇剩！食完佢都差唔多收工囉，不過太早嚟真係冇位，招呼仲差少少，有好嘢食，夜啲就夜啲啦！