喜來稀肉 (Closed)

每當看罷韓國劇集往往恨不得立刻衝去嘗試劇中各種美食在其中一集出現過的正是這間韓國連鎖烤肉店喜來稀肉當晚約了友人一同前去這間過江龍位於旺角的分店地點方便位於地庫的店舖空間較多沒有狹迫的感覺甫坐下店員已在爐邊倒入蛋漿入口滑滑香香很不錯附送數碟前菜其中泡菜辣味頗勁喜歡吃辣的會很過癮在眼花撩亂的選擇當中我們挑了一碟豬一碟牛護心肉(橫膈膜肉)是此店主打的豬肉是近幾年在韓國非常受歡迎的食材肉質較有彈性有嚼勁但很易咬開喜來烤肉(牛肉)以餐廳名命名押上店舖名譽質素當然有保證每片都厚切油脂分佈平均紋理分明蟹籽紫菜飯團份量不少足夠二人用加入蟹籽不但美味而且入口脆卜卜整體上性價比幾高肉類質素不錯尤其招牌護心肉果然名不虛傳PS.如果非顧客用廁所須付30元清潔費

我真係好鍾意食韓燒， 更加鍾意去韓國旅行， 可惜仲未有得飛， 唯有不停在香港吃韓國菜。 今次約朋友到位於旺角廣華街3號百利達廣場地庫的喜來稀肉吃晚飯， 店舖位於地牢下面大約行一段樓梯就到達，裏面環境燈光偏暗， 坐低不久已經聞到香噴噴的燒肉味， 我就急不及待地點好菜式，水冷麵$85、 石鍋拌飯$85、喜來烤肉$138、 喜來五花肉配特製醬汁$133。喜來烤肉～ 薄薄的一片， 燒起來比較容易， 多汁肉味重。喜來五花肉配特製醬汁～五花肉色澤粉嫩，油花與肉層層分明， 口感煙煙韌韌的。水冷麵～ 每次食韓菜必點水冷麵， 喜歡冰冰涼涼的口感， 麵條煙韌， 重點是配上醋和芥末， 拌涼透心。石鍋拌飯～ 是韓國的傳統料理， 拌飯的材料有不同顏色的新鮮蔬菜， 再配上韓國辣醬， 因應自己的口味調教辣度。當晚特別想吃燒肉， 仲有爐邊蛋、泡菜和各式各樣的韓式前菜， 真是大滿足。

【喜來稀肉Seorae】『香港篇-油尖旺區』朋友生日又難得多人，當然要有大食大。加上天氣凍既關係，所以一定係揀D熱辣辣食到爽YY既野。萬變不離其中，一定係打邊爐/BBQ/韓燒揀一樣。今次我地就選擇左一間幾出名既韓國燒烤-喜來稀肉Seorae。呢間燒肉黎講睇IG就成日都見到好多人打卡，可能係韓流既關係會有OPPA撐場。而我本身聽就聽得多呢間餐廳，食就從來未食過，今次就真係First Blood。我地今次就有Book位Book左8點半。一黎到而家見到好多人係門口等位，我地大概等左20分鐘左右(因為有Book位)。咁我就利用呢20分鐘去睇下D Poster 同埋Menu 啦。見佢啤酒有買一送一真係唔洗諗，又黎『露營必須酒』系列。再睇埋Menu，見佢D肉同埋D韓國菜都咁上下價錢喎，心裹面就開始有種奇待同埋最終幻想，質素應該唔會差得去邊既。我地一行十一人分左兩張長台，OPPA一黎就幫我地係爐邊到加左泡菜蛋/芝士蛋同埋蒜片，仲比左幾碟配菜包括有泡菜同埋芽菜仲有一盤生菜夾肉。入正題先，韓燒食物方面我地一黎就叫左兩頭豬同埋兩頭牛既套餐，每份套餐包括左一盤唔同部位既肉，飲品兩杯及醋飯八粒，五花肉一碟及辣

係三年前，曾經有朋友介紹我食喜來稀肉，話質數高質，值得一試。但當時剛剛出黎做野錢唔多，所以遲遲未有機會試。臨近情人節，有個藉口可以試試呢間「等咗4年」的燒肉。餐廳除了有單點外，仲有2人套餐，有豬或牛的拼盤可以選擇。如果想再食豪D，更可以揀韓牛套餐。點餐過後，職員就將前菜送上。泡菜雖然唔多款式，不過勝在好夠味。佢的泡菜的辣味比一般韓式餐廳再辣多少少，同埋無咁「梅」，食落惹味又爽口。今次我揀左食壹頭牛套餐，套餐內的牛拼盤有五款不同部位的牛肉，包括牛肋骨肉、牛五花、特級牛頸肉、喜來烤肉及烤調味牛排骨。雖然呢個只係較平的牛肉套餐，但牛肉的質數絶對唔係「揸流灘」。鍾意食肉味重的，您們應該會較鍾意食牛肋骨肉及牛頸肉。鍾意食油香的，一定唔可以錯過牛五花，加埋葱絲的香，送埋飯就一流。而我係呢個拼盤內，比較鍾意喜來烤肉。喜來烤肉的厚薄適中，而且入口肉味濃，就算唔點調味料，都絶對夠香。除了常見的生菜，套裝仲會包8個飯波，大家可以燒香牛肉後再點少少Wasabi放係飯上，咁就成為一件壽司。我食親韓國野，一般都會叫泡菜餅。呢個海鮮泡菜餅的海鮮比平時餐廳食的較大粒，而且唔會只係得粉。點埋個洋蔥香蒜醬油，真係好惹味

過江龍韓燒店「 喜來稀肉」2013年尾落戶香港，不經不覺，在港幾年都累積開咗7家舖，雖知道，晌香港做飲食都唔喺一件易事，打好根基再慢慢擴張喺好重要，以往都見唔少食肆一喺就食住條水急速擴張，一喺就擴張過渡，最後結業收場。對上一次到訪喺尖沙咀嘅「老店」，已喺2014年初嘅事，事隔3年半，唔知質素如何？地下鋪面只喺餐廳入口，真正用餐區位於地庫，踏入餐廳就喺排排坐嘅等候區，就算訂咗位都要人齊先安排枱。而等位區有個告示牌，寫明入座限時90分鐘，到第75分鐘時就唔可以加蛋、加前菜，個半鐘食一餐韓燒真喺好掹水，所以，最好喺諗定嗌乜，一坐低就點菜唔好嘥時間。之不過，今晚唔算人多，所以，90分鐘嘅要求都無嚴格執行。環顧餐廳，其實環境幾大，又鎅開好多個分區，一室水泥地配紅磚牆，中央仲植咗樖樹，圍咗啲木櫈，睇起嚟好似啲韓國嘅小社區晌街坊公園圍起嚟食韓燒。抽風系統用上抽式，燒嘅期間唔算大煙，食完亦唔覺一身煙味，不過，因為今晚都未算好爆場，未算真正考驗。現場環境比較幽暗，所以，影起相嚟比較難，嚐試影一影餐牌，效果麻麻，即管貼出嚟俾大家參考。當中有純豬、純牛嘅套餐，如果喜歡集中某啲部位，就散點最好。最有趣喺豬肉類

今晚一早向open rice book 定枱食韓燒，自從去完韓國之後就勁愛韓燒，而呢間係我認為最接近正宗嘅韓國燒烤。一坐低見到爐邊蛋已經加咗向爐邊，之後所有前菜一齊上枱，有泡菜，洋蔥，豆芽湯，大蔥，我地叫咗喜來烤肉，五花肉，護心肉，今次第一次食護心肉，唔怪得之前有咁多人推介一定要食，肉質軟嫩，肉味濃，真係大推，而五花肉煎到外皮脆脆再加泡菜包埋生菜一齊食，真係勁正！如果要揀向香港食韓燒真心推介一定要試呢間