Pho Metro (Closed)

同男朋友心血來潮想食越南牛肉粉，搵到呢間小店，鋪頭面積唔算大，裝修簡約，座位亦闊落舒服。食物方面，由於我地唔多肚餓，兩個人只叫左一碗「特別牛肉粉」（$98）同兩款小食Share（各約$40），份量剛剛好！牛肉粉既配料有生熟牛肉、牛丸及比較少見的牛栢葉，牛肉嫩滑、厚薄適中，放於清甜湯底中亦唔會過熟，牛栢業切得幼細爽口，沒有異味。至於牛丸，牛味夠濃，而且亦好彈牙，如果不是對半切會更好！河粉的粉量好足，即使男士食亦都唔會唔夠飽。芽菜、香葉同青檸會另上，份量都比坊間多。而小食方面，雞翼是單骨雞翼，一碟有8件，適合同朋友開心Share，但味道比較普通。反而春卷就非常驚喜，炸得非常香口同乾身，配上冰凍生菜食唔會覺得油膩，一上台就秒速清碟了！最值得一讚既係，兩樣小食都係即點即炸，全部都係熱騰騰，你知啦，炸野熱食先好味！最後介紹下杯飲品牛油果沙冰，牛油果味好濃，唔會太甜亦唔會只有冰沒有料，只係$38，性價比高！誤打誤撞試到間唔錯既小店，都好想推介比大家😊

銅鑼灣地租貴絕亞洲外出用膳要小心謹慎否則荷包會元氣大傷今晚來感受越式風情枱面有支不同口味的是拉差醬點了蟹膏湯檬和順化牛肉扎肉粉湯頭呈深紅色浮上一點黃油先呷一口湯頭鮮味突出蕃茄味香濃但蟹膏味稍遜配料有肉丸球排骨扎肉等份量頗多飽肚感十足順化牛肉粉味道小辣牛肉是牛展入口鬆軟小吃點了炸蝦餅炸雞翼炸雞翼不乾身調味中普通炸蝦餅即叫即炸入口燙口飲品點了牛油果沙冰和芒果沙冰牛油果味道真實果味清淡清新解喝是夏日良品

今朝同老婆去跑馬地探去左醫院待產嘅表妹出返黎銅鑼灣已經差唔多兩點, 我地兩個因為都未係早餐, 超級肚餓, 老婆提議食越式湯粉, 上網搵左一陣, 決定去Openrice評價唔錯, 位於蘭坊街呢間來自多倫多嘅越南河粉店Pho Metro醫醫肚。😙我地到餐廳時已經過左午市繁忙時間, 所以客人唔太多, 唔需要等位已經有位坐, 餐廳唔大間, 裝修幾有格調, 牆上掛左幾幅越南艇仔嘅畫, 同餐廳越南菜主題好配。😁餐牌設計簡單, 主打越南湯粉, 另外有多款越式小食選擇, 我地點左兩碗湯粉同一碟菜Share, 加埋飲品應該夠食。😙特別牛肉粉 $98作為牛魔牛嘅我, 難得遇到一碗粉係由湯底至配料全部都係用牛製成, 當然要叫黎食啦, 呢碗特別牛肉粉牛味特別濃, 配料有生牛肉, 牛腩, 牛丸同牛栢葉, 加上芽菜同青檸汁, 味道層次好豐富, 而且牛肉同牛腩都軟腍爽滑, 湯粉大大碗, 一個人嘆非常滿足。😙蟹膏湯檬 $118老婆點呢款蟹膏湯檬湯底蟹味好濃, 加上蕃茄令湯頭更鮮甜, 由蟹膏, 蟹肉同豬肉製成嘅肉丸蟹膏味突出, 而且好多汁, 口感鬆軟, 檬粉口感軟滑, 配上美國製嘅拉差醬食, 特別惹味。😋上湯芥蘭 $

去利園shopping完 見到對面有間超大個魚缸以為買魚既🐠原來係食越南菜即刻入去試下，環境好舒服有好多水種植物圍住食野，令人好放鬆特別牛肉粉$98 配料有生牛肉、腩片、牛丸、牛栢葉。 呢到食既 絕對係生牛肉！ 重點係唔會太薄身無咩肥膏， 口感十足！ 而腩片彈牙無渣， 一定燜左好耐啦香草、芽菜、青檸用杯上，鐘意燒牛肉飯$78牛肉用左燒烤汁燒至全熟，甜甜地好開胃，飯上面放左半熟蛋，整穿左蛋黃汁流到飯一齊食， 啖啖旦香🌟煎蝦餅4件$68🌟比起平時食既蝦餅厚好多，咬落非常彈牙蝦味出哂黎，非常鮮甜食完一件就想食多件😋 重點係絕對體現到咩叫外脆內軟。 芒果紙米卷4件$48用新鮮芒果夾住，咬落去好有咬口，芒果選材用了青芒，比較硬身， 微微酸好清新開胃牛油果沙冰$38十分滑， 好似飲緊牛油果醬咁， 即叫即開即打，超fresh‼️熱咸檸龍眼蜜$28咸檸醃得夠哂時間， 而少少既龍眼蜜真係飲完條氣都順埋， 潤啊

今日過對面海做身體檢查，做完之後都已經差不多中午時分，撞啱老友啱啱放飯，佢話銅鑼灣喺希慎廣場附近，有間加拿大嘅PHO，問我有冇興趣試吓，於是兩個人就相約左喺呢度會面。店內環境唔似一般嘅越式河粉餐廳，格局好清新，Menu簡而清，本來想試吓佢個軟殼蟹，蟹膏湯檬，可惜店員話軟殼蟹已經沽清，佢推薦左我是試蟹膏湯檬，好啦一於係咁話。PHO未到，飲品就首先送上，朋友叫嘅青檸梳打，晶凝通透，消暑解渴，特別一提佢哋已經轉用咗紙飲管，為環保出一分力的餐廳值得一讚。我呢杯牛油果沙冰，更加冰涼透心，獨特的牛油果味，飲落唔會覺得太甜，冰凍的沙冰簡直涼到入心入肺，記住唔可以啜得太快。小食鮮蝦紙米卷，好精緻，餡料配搭得宜，薄薄的紙米皮，餡料包括米粉扎肉芒果，再點上醬汁感覺非常清新好味，預期之上，正。朋友的越式香茅豬扒湯檬，豬扒炸得好香，香茅的味道特別令人開胃，呢度啲檬粉有啲似米粉的感覺，頗特別，湯底很清甜，分量十足。我order的蟹膏湯檬，上枱的時候已聞到濃濃的蟹膏香味，絕不誇張，店員話用大量的膏蟹淆製而成，絕對真材實料，絕無花假。蟹膏的濃度，令人望落去還以為是蕃茄湯底，大家都應該想像到蟹膏的香氣是何等吸引和滋味

正宗越式牛肉粉理論上應該來自越南，為何會有北美風味的呢？靈魂就是這支美國製造的拉差香甜辣椒醬。 話說當年越南內戰，不少難民被迫移民外地，人數不少開始聚居美國加拿大，思鄉情重，自然想盡辦法希望做出與家鄉味道相同的 pho，可惜美加只用冰鮮牛肉，缺乏大量新鮮牛骨熬湯，就是味不同，既然如此，移民求變，怎知越變越遠，不知道由誰及何時開始，把源自泰國的拉差醬加進牛肉粉，而且加以變化，後來自己製造，變成一款味道獨特的是拉差香甜辣椒醬，這支醬，現在北美四處都有得賣。 說是辣醬其實是酸辣醬，吃牛肉粉時就把它加進去，令到湯頭酸酸辣辣，這種味道，在加拿大或美國長大的人，絕對不會陌生。 若然想試試，現在無需遠洋，多倫多知名越式 pho 店 Pho Metro 已在銅鑼灣落腳，依照本土做法，非常正宗。 門面光猛，以蔬菜香草盆栽作櫥窗佈置，非常矚目。 店內簡約風格，以簡單線條的越南風景作裝潢，亦以拉差香甜酸辣醬作佈置。 相比一般粉麵的價錢高少少，但都是幾十蚊一款，走親民路線。 牛油果沙冰  牛油果是健康食品，把它用來做冰沙我未試過，飲起來就是吃牛油果的感覺，冰涼可口。 青檸梳打  同伴的青檸梳打，青檸

星期五晚冇訂枱，所以揀咗間新嘅餐廳，希望唔需要排隊七點鐘到達，已經九成坐滿座，只剩返高枱，因為我同朋友都已經照好肚餓，所以照入餐廳內有好多室內植物，環境舒服好清新☘️我地叫左兩碗湯粉，一杯飲品，因為食物份量好大，食唔晒🙈特級蟹膏湯檬 配軟殻蟹 - $168湯底好清甜，裏面好多配料，扎肉，肉丸，豆卜，蕃茄，洋蔥軟殼蟹雖然只係得1件，切開兩邊分開上，不過好好食，入邊仲有蟹膏添！🦀咖喱豬扒湯檬 - $88平時好少叫咖喱湯底，想試下新口味。d粉入晒味，正！塊豬扒有炭燒味，喜出望外牛油果沙冰 - $38有牛油果肉🥑，雖然有dd稀，不過好清新！夏天消暑解渴一流！總結: 味道好唔錯，若果想喺銅鑼灣鬧市搵一間小店坐低好好休息食個飯，不妨黎試吓呢一間越南餐廳。

近來發現銅鑼灣多咗好多越南菜餐廳。越南菜之中， 當然最鍾意食就係生牛肉河啦。所以每一次初嘗一間越南菜餐廳，一定會叫生牛肉河粉。今次都不例外。友人約我到呢間 pho metro。本來都不寄予厚望，因為真係太多越南菜館，而大部份新開嘅越南菜館， 只有價錢貴， 但食物質素都非常普通。牛油果沙冰。近來唔少餐廳都開始流行用牛油果做唔同菜式或者飲品。 大概係一個潮流掛。但係每間餐廳用嘅牛油果無論質素同埋 份量都好唔同。呢個牛油果沙冰，只可以話不過不失。如果店主可以考慮將牛油果嘅份量增加， 常常味道會更加好。生牛肉河粉。 非常好味。 已經有一段時間冇食過咁好味嘅生牛肉河粉。湯底一流。一向主張唔好飲湯嘅我都飲左一大半。河粉好滑身。 粗幼度啱啱好。最重要係啲牛肉， 好友牛肉味，厚度適中。分量亦都唔孤寒。碗粉嘅份量比起其他越南菜館都多。 我同朋友都各自叫咗一碗。冇再加其他小食。 都已經夠飽喇。環境唔錯。裝修可以。最重要係座位都夠寬敞。相信下次想食越南菜， 我都會再返嚟。如果價錢可以平少少。我一定會成日嚟捧場。

早幾天吃越南菜，全枱只有我吃香茅雞扒飯，看著其他7碗生牛肉湯河，讓我也心癢癢。今天再戰越南菜。芒果紙米卷米紙煙韌，嚼勁十足。包著檬粉、生菜和一條芒果，口感有層次，爽脆清新。可是，唯一的味道來自芒果的微甜，帶甜的醬濃味但不太夾，加點魚露清清的反而還好。特級蟹膏湯檬配軟殼蟹湯沒有期待的蟹膏香，連蟹鮮味都欠奉。配料豐富，有扎肉、豆卜、排骨和肉丸。最喜歡肉丸，軟腍，肉香夾著香料味。軟殼蟹炸粉偏厚，蟹不肥，肉不多，但吃到蟹的鮮甜。越式香茅烤豬扒撈檬這可能是我見過最薄的豬扒。第一塊覺得太乾以致微硬，由於太乾，吃起來完全沒有豬肉香，只有點醃肉的香料和烤過的味。後來的兩塊比第一塊稍佳，沒那麼嚡，也可能是有心理準備了？即使連著骨的一塊，肉還是一點脂肪都沒有。一丁點辣椒或青檸都沒有的魚露，像碗雞湯，味道正常，甜度可以稍降一點。最喜歡是碗內的青瓜絲、炸蒜、酸蘿蔔絲和芽菜。芽菜很新鮮，清新有汁。酸蘿蔔開胃，跟檬粉一起吃甚至無需魚露調味。檬粉不似檬粉似米粉，但口感微彈，都可以。咸檸龍眼蜜偏甜，出盡力把咸檸拮爛，但咸味始終不足以中和整杯的甜，只有吃到爛出來的青檸肉才夠咸。牛油果沙冰內有一小塊牛油果肉，很香。沙冰幾