Pom's Kitchen & Deli (Moved) New Location

對於呢類旺區附近既食肆，有時真係好難比評語😜 話佢出色又唔係，話佢差又未至於😂地點係非常就腳，就係佐敦恒豐酒店後面。舖頭樓底矮，比較窄既空間感。始終係旺區，枱比較細張，距離亦都較窄，可能坐番中間大枱感覺會好啲，作為聊天場所，舒適感會低啲😔 要讚番服務員係會一道道菜上，唔會令你迫到枱面都無位，服務態度都非常好，呢方面係合格有餘👏👏食物，一黎上左牛油白酒燴鮮大蜆。個汁既牛油味上枱已聞到，白酒反而唔重，用料新鮮。係厚重牛油味下，拿黎點麵包都唔錯👍再黎忌廉黑松露菌意大利飯，creamy, 但太過creamy, 好快隨溫度下降而黏埋一齊，again, 牛油同忌廉都應該係用咗超多😂 香口但易滯😔最後上既美國牛扒，其實叫咗medium raw, 但上枱就太熟，牛呢家嘢都係溫度藝術，佢算不過不失🐂最後補充下，餐廳燈光偏暗偏黃，可能想營造個舒服格調，但呢隻燈光見唔到啲食物既實況。係旺區黎講，作為一個隨意晚飯點，係一個可以既選擇👍不過價錢就唔係相宜，性價比就中下喇😰 始終本人認為西餐要突圍而出，一啲都唔易，簡單嘢，用心做，係十年磨一劍😇

2017-8-27 (Sat) 7pm 🌨🌪#好味度: ****#抵食度: ****#環境度: ****#推介度: *****.看到之前食評評分都不錯，於是就預訂了一張二人桌跟朋友慶祝吃生日晚飯。預約了七點鐘，準時到達直接入座，可能因為今早八號風球及天雨關係，餐廳當時只約七成座滿。.很喜歡這間餐廳的格調，有點英倫小店風，格局不算十分大，約有20-30張四人可併合的餐桌，感覺尚算舒適有適當的空間感。侍應們的態度也很好、很有禮貌，上菜態度也很有manner，還很貼心和觀察力強，定時定候會為我們更換碟子和加水。. 1) 牛油白酒燴鮮大蜆 $78>> 超讚! 難得地在西餐廳吃多這麼鮮甜而入味的蜆肉。份量剛剛好，每粒蜆肉也很嫩滑。推介!2) 黑松露忌廉野菌意大利飯 $148>> 忌廉、黑松露、意大利飯三個食材的配撘很匹配和適中。不論在嗅覺或味覺上，每一口飯都滲透著很濃的松露味。份量供二人食用就剛剛好，即使吃到最後也不會覺得很膩的感覺，剛剛好。3) 原隻炭燒波士頓龍蝦配黑松露薯條 $228>> 想不到配角薯條比主角龍蝦出色。龍蝦屬多肉扎實，也帶有蝦膏

講起食西餐已經唔一定去Soho或者酒店先食到高質素食物，今次就去咗佐敦pom's kitchen & Deli，餐廳門口已經十分有格調，內𥚃裝修一樣有情調，光線柔和，感覺簡約乾淨。餐廳有好多位都做得非常之細緻，用餐環境尚算寬敞舒適牛油白酒燴鮮大蜆，蜆肉非常新鮮食落肉夠厚身同非常鮮甜，完全冇沙，白酒同蜆本身好在㚒帶出蜆的味道，牛油令醬汁咸咸地，更富層次感龍蝦忌廉蟹肉龍蝦意大利飯，意大利飯煮得軟硬度唔錯, 飯粒索晒湯汁而煮成, 再配以香滑忌廉汁, 每一啖都食到香滑感，飯更盡收龍蝦內裡精華，味道已具蟹味，加上也有蟹肉混和，香濃味倍增佢哋啲份量啱啱好，我同朋友都食得非常之飽，店員非常貼心給我一杯熱水來消化解渇。總括嚟講都滿意呢個晚飯，因為可以同朋友傾計，啲嘢食又不錯

火辣水牛雞翼四隻，個汁酸酸辣辣勁開胃，雞翼都炸得夠脆，襯底有少少沙律菜營養就夠哂均衡啦，啲沙律菜都好新鮮，唔會話變哂色，得四隻真係唔係好夠喉，早知嗌八隻啦。牛油白酒燴鮮大蜆，一上枱勁香濃既蒜味撲鼻，大蜆新鮮，仲有香濃既牛油白酒汁相伴，如果攞黎撈吓天使麵應該唔錯，再如果多多幾隻就好嘞。三色芝士手工薄餅， 身為芝士控既我又點會錯過一次過滿足三個願望既機會呢！喺 menu 一見到用三種芝士黎整既 pizza 梗係要即刻嗌啦，芝士方面選用咗藍芝士，水牛芝士同埋巴馬臣芝士，餅底算脆，份量亦夠豐富，芝味滿足。