羲和雅苑

Open Now

Now Closed

趁復活節假期，與家人到海港城聚餐，原本打算去吃自助餐的，但很多自助餐的餐廳都已經Full Booking了。因為想媽媽坐得舒服些，所以選擇海港城看看有什麼中菜，媽媽喜歡吃片皮鴨，所以選了羲和雅苑，亦在一星期前Book了位。我們當天被安排坐玻璃窗旁的座位，對著海景，很開揚、舒適呢!  一坐低，侍應已經問我們是否會用海港城的優惠券，這令我想起之前看到的食評，說如用優惠券，侍應態度就會有些不好，而我們是沒有優惠券，亦幸好今天的服務都算中規中矩。這裏有提供套餐的，但我們寧願單點好像更好，因餐牌寫明烤鴨製作需時50分鐘，所以我們一坐低先點了一隻烤鴨，再看餐牌有什麼菜式選擇。 我們點一隻烤鴨、松露蠔仔煎蛋、拆骨肉燉白菜、牛油芝士焗大蝦、金銀饅頭，甜品點了蛋白杏仁露、杏仁豆腐、 薑汁紅棗小桃膠。烤鴨 (一隻, $598) - 廚師會把烤鴨放在餐車上推到我們桌旁邊，在我們旁邊切鴨皮/鴨肉, 這位廚師很好人，見我舉起手機拍攝，先讓我拍照，再繼續切鴨，而且他滿面笑容。這些鴨肉上枱時我們都覺得份量好似少了點，餐牌上寫明一隻鴨可片取88片，當然我們沒有逐片逐片數，但感覺上是少了點。鴨肉有點肥，我心想，餐牌註明

星期三晚上同友人共四人飯聚此店, 訂枱要朋友親身去做,因為這店電話自兩三星期前已經沒人手接聽了, 可能同太多人訂枱, 生意做唔切有關, 環境係人氣關鍵之一, 這店有內同露台位可供選擇, 當然現在咁緊張嘅情況底下就梗無得揀啦, 落地玻璃基本上坐裡面或者外面都同樣感受到自然光線, 茶位每位$20 食物方面當然係有片皮鴨半只$328, 以3個部位分開上, 先來頸皮, 件数不多, 皮下脂肪令這片皮特別甘香, 建議沾一種近似洋式醬汁嘅赤色酸甜醬再沾上些爆炸糖碎同吃增加脆口效果, 第二部份是鴨胸片, 主要肉較多, 肉質沒有過頭, 建議沾黃芥末蜜糖醬同吃, 又一種近似西式嘅醬汁, 第三部份係鴨脾, 肉質較有咬口, 建議跟山渣糕及甜醬同吃, 比較近似平時嘅食法, 這樣吧作為新嘗試可以接受, 但同傳統的烤鴨很難作比較, 因為似係洋食多一點, 當然亦明白來這店嘅客人多半就係想試新玩法,其他點的菜式有芥末仙掌$108, 只是一個比泰式鳳爪再軟口感一點, 芥末味溫和一般人能接受,份量的骰!  但當日沒有仙掌只有鳳爪, 但當仙掌換成鳳爪之後價格跟舊, 這有點取巧吧, 因為兩種材料相差較大, 另一個乾炸馬蘇里拉拔

屋企人鐘意食中菜特登book 左呢間靚海景餐廳食飯餐廳最出名應該就係北京馳名烤鴨我地4個人叫左半份就岩岩好了廚師會係你面前表演切烤鴨眼見師傅都幾好刀功然後侍應會介紹烤鴨的食法烤鴨不同的位置配上不同的醬料和配菜首先食左烤鴨皮先，配上爆炸糖同藍莓醬呢個食法相當新穎有趣食落口感都好特別，屋企人都接受到然後就係食烤鴨皮連肉配上黃芥茉醬最後就係比較傳統的食法配上京蔥、山楂條、青瓜以及傳統醬汁應該是最有層次和口感的食法了牛油芝士焗大蝦超級多芝士亦好入味蝦都算大隻，而且蝦肉爽囗鮮嫩師傅已經開邊，所以好容易就拆到蝦肉食紫薯燕窩蒸蛋白紫薯燕窩再配上金箔賣相睇落已經好高貴好吸引蛋白蒸得好滑好靚籠仔花膠櫻花蝦海味蒸飯冇諗過份量都幾大份而且好足料，櫻花蝦、魷魚等配料都好多但花膠就好像沒有食到的感覺老上海燻魚魚是先炸再燻的魚肉有點幼骨，要慢慢小心點吃整體來說，這家餐廳都幾值得食，而且環境優美。海景位要提早booking ，趁疫情去食，會比較容易坐到的。

家中長老喜歡食中菜, 同時亦要滿足班小朋友口味, 記起曾幫襯過既尖沙咀羲和雅苑, 對食物、環境都留下深刻印象。可以飽覽維港景色, 京菜保留住傳統口味同時亦加添了特色。招牌菜片皮鴨就係其中一款能滿足唔同年齡層口味! Menu上均有食物圖片參考, 令食客點菜更加清晰。當然必點招牌菜【馳名烤鴨(半隻)】HK$328師傅推出了整隻烤鴨, 在我地旁邊表演刀功, 未食就可以先滿足視覺,將烤鴨一片一片地片開, 刀法純熟, 後來知道師傅係有規律地分別將烤鴨胸皮、烤鴨胸同埋鴨腿肉分成三碟。配料+熱辣辣粉皮同時上檯。侍應建議了三種不同食法,  比傳統北京填鴨食法別具特色。 第一盤是鴨胸皮,  建議點藍莓醬+爆炸糖, 皮下沒有多餘脂肪, 鴨皮炸得香脆, 甜甜地既藍莓醬加埋爆炸糖, 在口感非常過癮。第二盤是鴨胸肉, 建議點芥末醬, 芥末甜而不攻鼻, 相連胸肉較少, 口感細膩。 第三盤是鴨腿肉, 為傳統食法, 於熱辣辣餅皮上加上香蔥絲、甜麵醬、黃瓜條, 包住食, 口感澎湃, 層次豐富。【張氏獅子頭】HK$48一小燉盅裝著獅子頭, 另外再上了一啖白飯。獅子頭肉汁豐富, 質地嫩滑, 偏杰身既豉油茨汁很黏口, 送飯岩

朋友從外國回來，早前就約定到尖沙咀shopping，餐廳是朋友負責預定的，說要請我吃一噸豐富的🤭🤭感恩感恩主角：馳名烤鴨🦆 廚師在客人面前專業的切開烤鴨，刀功非常厲害，純熟👍還沒開始吃，香噴噴的味道撲鼻而來服務員會細心地介紹鴨子不同部位有不同的吃法，配料也有不同的種類，洋蔥，大蒜，山楂，還有爆炸糖🍬.....搭配爆炸糖我還是第一次嘗試😜😜好特別😋不同的配搭，絕對可以滿足不同口味的客人，多樣化👏烤鴨的皮香脆可口，入口即融，烤鴨的肉嫩滑，完全演繹了 皮脆肉滑 ～我個人最喜歡夾著山楂一起吃，酸溜溜的跟烤鴨搭配，感覺很好👍- 粟米魚肚羹🌽玉米的清香配上魚肚的鮮味兒，濃度剛剛好😋- 青梅一字骨那醬汁酸酸甜甜，最讚的是肉質很好，每一塊肉的份量剛剛好，我吃了3塊😜- 牛油芝士焗大蝦芝士控必吃這個，賣相相當吸引，芝士好juicy，大蝦的肉質鮮美，沾滿了芝士醬，完全不會膩- 和牛粒乾煸口菇賣相好像一個繡花球😂😂我個人覺得這道菜味道有點辣，可能我自己吃不了辣吧😔那個菇，厚度足夠，吸滿了和牛的汁，一口一粒菇😂😂乾淨利落- 上湯牛油蝦球伊麵蝦，又是大蝦🍤😂這個蝦不用自己動手去掉蝦殼，好激動，好彈牙的肉🤭🤭為什

早排新年同朋友講過想食烤鴨佢就話遲下帶我去食好西神神秘秘咁帶左我去海港城碼頭個邊唔通上遊輪食咁正?!原來係網紅店羲和雅苑入到去已經好興奮 急不及待要叫野食羲和三寶一定要試下！三寶即係北京烤鴨、獅子頭同花膠獅子頭係bite size肉丸柔軟多汁 味道香甜配埋一口白飯食 好味道呢配黃扒魚肚 真係正到爆舊魚肚厚滑鮮甜 口感好重膠質湯底南瓜味香濃 配埋比起一般雞湯更鮮甜鎮店之寶北京烤鴨出場啦！$598一隻 價錢合理 剛烤好師傅會在席前片出三個部分 邊片邊食八寶盒入面有一籠薄皮同醬料包括有芥末醬、藍莓醬、甜麵醬同一啲配菜仲有獨家既羲和爆炸糖最先片好係最酥脆既鴨皮呢到有種創新既食法係將鴨皮點上藍莓醬然後再點一啲爆炸糖 鴨皮肥美香酥 入口即溶爆炸糖好似將塊皮響口入面加速溶化 令到成個口腔都充滿左滿滿既油香 好正之後係鴨胸肉 店員都係建議就咁食唔洗包皮可以點啲芥末醬食 微辣微酸既味道可以中和番種油膩感 唔錯最後出場既係鴨腿肉呢個部份係較適宜用薄皮包埋配料食傳統食法係包京蔥、青瓜絲再點甜麵醬我就覺得夾埋山渣糕條食都唔錯酸酸地好解膩 可以大肆食多幾舊都唔滯當然我地仲有試埋其他小菜啦事前做過功課 知道呢到既

被片皮鴨吸引而黎，呢度嘅烤鴨有分唔同部位，唔同位置建議點唔同嘅醬，最特別嘅係鴨皮點爆炸糖，感覺好得意，不過偏油。另外有鴨胸肉點自製芥末醬，味道ok。最鍾意都係用鴨腿肉點返甜醬，再用皮夾青瓜。金沙燒魷魚，入口有啖啖蛋黃香，不過食得多都幾漏。青梅一字骨，酸酸地，份量好多。松露蠔仔煎蛋，賣相雖然普通，但有松露坐鎮都唔會難食得去邊，配搭得相當唔錯。櫻花蝦海皇炒飯，飯粒分明而且乾身，唔錯。老北京炸醬麵，好鍾意呢個，撈入協醋同炸醬好香，麵質似扁烏冬。牛油芝士焗大蝦，芝士味濃！蝦乾冰草，醬汁開胃，食完咁多肉要食返呢個。黃扒魚肚，南瓜底，魚肚好長，真材實料。甜品試左杏仁豆腐，質地好黏，都係鍾意食蛋白杏仁露多啲。

這個阿妹真抵錫，每年我嘅生日都一定做定功課，精心挑選餐廳同我慶祝。今年佢就揀咗我至愛食嘅烤鴨，一間我一直勁嚮往想食嘅京中菜餐廳「羲和雅苑」，大吃大喝生日飯啦！餐廳位於海港城LCX下一層，對住個無敵大海景及古色古香特別裝飾，已是第一大賣點。服務方面更要一贊，從到步後安排座位、上菜時詳細介紹、無時無刻主動添水換碟等等，都是第二賣點。而最大最大賣點當然係食物質素之高，可以話係我今年生日飯最好味嘅一餐！嘩，食物選擇真係超超超多，每樣食物附有圖片、有些又有介紹，令有選擇困難症嘅我倆，好易就揀到今晚超豐富嘅生日晚餐啦⋯⋯yeah！<< 桂花蜜山藥 >>一個超清新醒胃嘅前菜，桂花蜜的獨特香味，配上超爽口健康的山藥，簡直令我停不了口。<< 動感豆腐 >>視覺+味覺十足嘅動感豆腐，簡簡單單的一道菜，真正食出不做作的豆腐真味。<< 蔥燒海蔘 >>濃汁炆煮香滑海蔘，入味非常。配上香濃蔥燒，兩種不同口感，互相配合，好好味。<< 羲和馳名烤鴨 >>果然係羲和馳名，完完全全食得出餐牌上所

曾經女朋友問我細個嘅時候最鍾意食咩，我即刻回想起小時候老母帶我返大陸食片皮鴨，因為好味又好玩，自己非常享受包裹既過程。估唔到今日女友就帶咗我去鼎鼎大名既羲和雅苑。入座嘅時候大約九點，但門口依然好多人排緊隊，可見餐廳嘅受歡迎程度。我哋坐係窗口位，成個維景一覽無遺。餐廳室內設計係不折不扣既中國風，不失高貴典雅，燈光非常充足。自己之前上YouTube睇謝霆鋒整鋒味獅子頭，今次終於有機會試到獅子頭。味道果然如YouTube片所講，肉質非常柔軟，亦非常多汁，下飯既話一流，所以餐廳亦會送上一細碗白飯。食緊獅子頭嘅同時，第二道菜已經上左，就係松露牛肉羹，湯羹晶瑩清澈，每一羮都見到松露嘅蹤影，松露既香的確抵擋唔住。牛油芝士焗大蝦總共有四隻，每一隻都肉質鮮甜，配上牛油芝士汁，更加滋味無比，真係想連汁都食埋。第四道菜係清梅一字骨，醬汁本身亦唔會太稠，豬肉本身亦唔會太肥，整體酸酸甜甜唔太膩。當師傅行過嚟嘅時候，我就知道主角係時候出場啦，係我期待已久嘅片皮鴨！首先職員送上一個八寶盒，裏面有青瓜絲、京蔥絲、甜面醬、洋蔥、山楂條、藍苺醬、爆炸糖同芥末醬。欣賞完師傅嘅刀工後，三款烤鴨就呈現係我面前，包括有鴨胸皮、鴨

今晚同朋友食慶功飯，因為朋友完左一單大Project，佢就問我有無邊間餐廳之前食過覺得好正可以再介紹比佢，我諗左一諗，然後就同佢講左呢間位於海港城海運果邊既餐廳 羲和雅苑。羲和雅苑呢間北京菜餐廳算係我腦海中一直有佔據一個位置，因為對於鍾意食北京鴨既人黎講，呢到真係一間唔錯既餐廳。餐廳環境:呢間餐廳其實位置唔錯，雖然行入去真係有小小遠，不過係你食飯既過程中會望到海架，有海景睇之餘仲有咁多美食，其實係幾chill。餐廳內既環境好唔錯，都算坐得舒服，枱與枱之間亦唔會覺得逼。餐廳餐牌巴蜀口水雞(半隻) $168雖然我本身麻麻哋食辣野，但係因為朋友好鍾意食辣，所以都決定叫一個冷盤，佢就話想食口水雞，呢度嘅口水雞都算幾辣，不過都啖啖肉，朋友話覺得肉質幾好，不過都真係有啲辣。呢度嘅口水雞價錢其實唔算平，我覺得性價比一般。栗米魚肚羹 $88我同呢個朋友都好鍾意飲湯，跟住我哋決定叫粟米魚肚羹share，一人份量嘅粟米魚肚羹其實真係大概一碗左右，不過我同朋友都叫咗好多嘢食，所以其實份量係OK。呢度嘅粟米魚肚羹算係幾真材實料，我記得我上次嚟都有飲，粟米蓉加上超級多嘅魚肚，味道好正，魚肚又有咬口，正！花蜜汁黑

呢一晚同個朋友約左好耐好耐，一直話要試早排係海運開左既羲和雅苑，之前一開張果陣介紹左老闆黎食，佢帶日本客黎食完之後都話呢間北京菜餐廳好有質素，話無介紹錯，等左好耐終於同朋友夾到時間黎食。羲和雅苑係海運都算係好入既位置，入左商場都仲要行一段路先到。餐廳裝修都唔錯，有中國風既感覺，真係有種食緊北京菜既feel！餐牌選擇選擇其實真係好多，種類太多，我地只有兩個人都叫唔到好多野黎試，但因為難得黎呢間，我地兩個人都決定叫多小小share食。本身Menu既設計好靚，見到d相都已經流哂口水，不論係前菜、湯品、主菜定小食或者甜品，全部都好吸引，雖然睇menu價錢唔算平，但感覺上質素應該係上等！蝦乾冰草 $78前菜點左個冰草，其實我對上一次食冰草已經好耐之前，係深圳到食過，果陣已經覺得冰草口感幾特別，但係係香港絕對唔容易係餐廳食到冰草，難得北京餐廳有得食，所以我地前菜就叫左個冰草試下，佢呢到係蝦乾冰草，食落覺得幾fresh，係輕易就可以食哂成碗，不過前菜黎講佢唔算開胃，不過我都朋友都幾enjoy食冰草哈哈！粟米魚肚羹 ($88)朋友係一個愛湯愛羹之人，所以佢話點都會叫一個羹黎試下，咁我個人係menu都淨

近期尖沙咀海運大廈新開放了一個觀景台比市民大眾欣賞維港景色影下相, 要好好欣賞咁靚既景色, 又點可以冇美酒佳餚呢~ 剛好晚飯時段, 經過見到這間中菜廳人流比較旺, 門外站著好幾個人在等位, 於是我就去看看門外menu。出奇地, 可以飽覽維港景色既餐廳價錢不會太貴, 價錢比起酒店的更要便宜, 不怪得這麼受歡迎!既然價錢不貴, 更可坐著慢慢欣賞維港夜景, 於是我們一家今晚就決定在這裡吃個Dinner。先送上前菜+熱茶這裡除了散叫, 還有二人或以上的套餐。第一次來, 很多款美食都想試試, 所以最後我們還是散叫了。這裡主打就是片皮鴨, menu上亦有介紹這裡片皮鴨的特色跟與眾不同的食法, 一場來到怎可能不試?!【馳名烤鴨】HK$598/隻即叫即烤, 然後師傅推出至我們旁邊將鴨慢慢片開, 我們可以近距離看看師傅的刀功。師傅把鴨分了三個不同部位給我們進食, 分別是鴨胸皮、鴨胸、大腿肉。放片皮鴨下的更有一個保溫包, 能將片出來的鴨稍為KEEP溫, 我地慢慢食都唔會咁快凍。至於配菜比起出面其他餐廳食片皮鴨為多, 整體顏色看起來更為吸引,。鴨胸皮用以點藍梅醬跟爆炸糖, 入口後, 爆炸糖在口中跳動至溶開,