程班長台灣美食 (Closed)

平時黎程班長都要排長龍，今次平日黎食好彩唔洗排隊。係熱情既店員招呼安排下就可坐低，然後先攞一個餐牌同紅筆，寫自己想點既菜，跟住去排隊俾錢就可以等食啦！今次叫左紅燒半筋半肉麵（$55）、肉燥乾拌麵（$38）、炸花枝丸（$32）、小食綜合盤（$28）、牛肉捲餅（$35）、蚵仔煎（$36）。太耐冇食台灣味，食到蚵仔煎同煎米血糕既時候真係好感動！先講小食，炸花枝丸、小食綜合盤同蚵仔煎都要等比較耐，因為都係新鮮炸起，真係會食唔停，米血糕同甜醬油好配，而蚵仔煎既甜甜醬汁軟綿綿、滑口嘅感覺正正就係好多台灣食物既口感，強烈推介！主食方面，佢嘅紅燒牛肉麵係有少少辣但好惹味，佢既牛筋炆到好軟好淋，麵底煮到岩岩好，唔會太糊或者太硬，呢碗牛肉麵只需要$55，性價比極高！必食！相比之下乾拌麵就較為普通。最後壓軸要講個人最期待既牛肉捲餅，同蛋餅既軟外皮唔同，呢個捲餅外皮係酥脆既皮，而餡料係好足料嘅大塊牛肉同青瓜，味道唔差但入口其實有啲乾，下次試玉米起司蛋捲餅應該會濕潤啲。聽講程班長今年三月就會暫停營業，鍾意記得嚟支持下佢哋，如果鍾意食佢哋嘅牛肉麵仲有冷凍真空包可以買返屋企！

想去台灣旅行嘅時候唯有去程班長止下口癮先中意呢個地方 因為佢由頭到腳都好似台灣價錢亦都係香港黎講比較合理價錢嘅台灣菜🌟麻油雞麵線-比起台灣嘅淡味好多-好似個湯再油D-雞肉好滑-酒味好濃-無咩藥膳味🌟牛肉捲餅-料好多-蔥油皮煎到脆口🌟肉燥乾拌麵-醬汁有蔥蒜香味-滷蛋入味-麵條有咬口-會再食

程班長台式美食 台灣雲林人-程班長，年輕時，當兵認識嘅外省老兵有日教佢做四川牛肉麵，退伍之後就去到台北饒河街夜市賣牛肉麵，幫保生計。結果成為咗夜市嘅人氣小店之一。之後輾轉黎到香港荔枝角嘅工廈開設台灣食堂，主打紅燒牛肉麵及其他台灣菜，正宗台灣口味。開業之後，呢間餐廳一直被人整蠱。例如消防，警察成日上黎檢查，openrice 成日有人寫D唔合理嘅食評，派口罩而又被人罵等等，對程班長黎講己經係日常事件。 我其實今次係第一次去程班長(唔好話我呀)餐廳嘅環境以而家嘅審美觀黎講係可以話佢係「醜樣」，但佢醜樣得黎又好有傳統台灣風格。 1.豆乳雞$32豆乳雞源於台南做法同鹽酥雞好似。將腐乳同蒜，醬油，香料等等，再上一層蛋漿同蕃薯粉再拎去炸。外皮香脆，散發著豆香。雞肉嫰滑，好juicy,仲keep到D肉汁，雞味濃得黎又帶少少腐乳味。係一個高分之作，但我一個人食，就講得好熱氣。 2.牛肉捲餅$35捲餅皮唔係平時食開嘅蛋餅皮咁，係一塊葱油餅黎嘅。外皮煎到有少少脆口，但餅皮中層就好韌，好似裏面有少少未煎熟咁。內餡就有牛，青瓜，葱同甜麵醬。牛切到好薄，食落唔韌，又有肉味同少少滷汁味。甜麵醬份量控制得幾好，唔

呢間出晒名嘅台灣菜 終於到我嚟食吓😝成日都見人話大排長龍 但我嗰日去完全唔洗排 直接就入得🤣去到好有台灣嘅感覺 店員都係講普通話🤫個人覺得味道唔算太有驚喜 不過價錢係真係幾抵 想平平地食地道台灣菜可以 但如果要排隊我諗我就唔會食🙈.📌牛肉捲餅 $35個捲餅係食完餐飯媽咪話唔夠飽後加嘅🤰🏻唔知係咪因為飽 所以感覺唔太好食😢佢個皮係手抓餅 不過口感好扎實 唔似坊間嗰啲捲餅咁鬆化煙韌😫個內餡係大蔥,青瓜同牛展🧐同張相見到一樣 餡勁少 皮勁厚 好似食緊成舊粉咁😟佢入面仲有啲好鹹嘅醬...夾埋一齊其實就淨係好似一舊包再搽啲鹹嘅醬😂.📌肉燥便當 $40佢有分肉燥飯同滷肉飯 前者係偏瘦後者就會肥啲😝都幾貼心 分兩款可以滿足唔同客人嘅需要😌個飯面頭一大堆肉燥 一定夠撈飯🍚雖然佢係寫偏瘦 但食落一樣好甘香 啲滷肉汁同台灣食到嘅一樣味😍仲有好多拌菜 呢個價錢 咁豐富 都真係幾抵食😎但係可能唔識欣賞 我覺得唔太好食🥲.📌麻油雞飯 $68食之前一定要搵吓相先 媽咪以為佢係我地平時食嗰啲油雞🐔食先知佢係用湯浸住🙈佢menu寫住切勿開車 飲下個湯 知咩事 勁濃酒味🍺食落係完全冇麻油味 得酒嘅苦味😟小朋友口味覺得好

程班長依然係🧒🏽係香港食過最正宗最好味既牛肉麵呀，好耐冇食就緊係帶埋👦🏻食啦哈哈🥰當然唔可以錯過既就緊係紅燒牛肉麵啦，會有小小辣加上酸菜等等超級入味湯底加上麵條真係已經好好味，仲有仲有緊係仲有入哂味既牛肉啦，又有分量又夠哂腍，真係絕對地道既台灣味呀🤤🤤🤤今次冇食蛋餅試左牛肉捲餅，好似食緊扁皮鴨咁既包法，入面就係牛同兩條蔥咁，個皮就好似食咖哩果隻餅咁，食落幾fusion又幾好味哈哈，下次再食下佢其他小食先👅💦💦💦💦💦

思念台灣ga感覺愈來愈強烈，唯有去食D台灣美食止住咳先🙈🙈🙈要食正宗台灣美食，又點可以唔黎荔枝角幫襯程班長👍🏻正宗台式牛肉麵👇🏻👇🏻👇🏻牛肉非常有咬口，每舊都係筋連肉👍🏻👍🏻👍🏻湯底味道濃郁唔肥脷，而麵底係正宗台灣麵，囗感似刀削麵。牛肉捲餅平時去台灣都會必食我最愛ga蔥爪蛋餅，e個捲餅雖然就冇台灣街頭ga蔥爪餅甘鬆軟，但味道就似足我喜歡ga扁皮鴨，蔥爪餅包住一片牛肉再加上青瓜同大蔥，可以算得上係‘台式扁皮鴨’🤣🤣🤣個人覺得程班長ga野食算係香港最接近台灣口味ga店鋪之一，鍾意台灣美食ga，絕對值得黎幫襯一下❗️

去開長沙灣，於是去咗程班長食晚飯。朋友介紹食台灣嘢，去嘅時候冇乜期望，都係諗住食下普通台灣菜，例如肉操飯，台式炸雞扒之類，但係都有驚喜。餐廳位於工廠大廈，餐廳外面有一個好大嘅「程班長」同埋好幾個奬狀，而內部裝修簡約。六點零鐘都有半滿座，一入職員用普通話打招呼同提供咗點菜紙，好有台灣風格。參考推介，試咗清湯半筋半牛肉麵，大腸包小腸，牛肉捲餅，紅油抄手同冬瓜茶。碗清湯半筋半肉麵雖然話係清湯底，但都見有少少紅油，微辣。湯底清甜，牛肉（係牛腩嚟嘅）「林」，口感唔錯，有D彈牙，唔韌唔鞋!大腸包小腸，即整嘅，熱辣辣。係劏開嘅糯米腸包住台灣香腸，加咗醃製青瓜片同甜酸菜。味道幾好，有甜酸菜食起嚟無咁制。牛肉捲餅都係即做，薄餅上鋪上薄牛肉，再加上鮮青瓜切條，卷成捲餅。薄餅外脆內暖，加上牛肉好好味，值得一試！至於紅油抄手，可能未能趁熱食，味道較普通，唔係太辣，食食下有咬咗啖麵粉皮感覺，因為收口位個皮有D厚。冬瓜茶標準，同係台灣當地飲嘅一樣香甜，是甜，但不覺過甜。整體嚟講，呢餐好好味。

第一次去程班長，好多人等，隔離有個房係等候區，全程等左一個幾鐘，入到去要搭枱，而且感覺有d擠迫，速食速離開。店員幾好俾個籃我裝住個袋，睇完餐牌之後自己出去order同比錢叫咗清湯牛肉麵(半筋半肉)，蚵仔煎，細油炒手，牛肉卷，大腸包小腸，最好飲嘅鳳梨芋圓冰。食物質素普通，員工服務態度不錯👍🏻餐廳舒適感就麻麻哋可能都未必會再嚟幫襯班長了

聽聞荔枝角工廠大廈裡面有間好正既地道臺灣麵食店...個個食完都讚不絕口！今次就慕名而來試試！星期六下午大慨13:45去到...一出電梯已見一條長長人龍正在等位！大大話話前面都已排咗成廿幾人...都幾誇張呀！不過好在裡面啲食客食得快...等咗半粒鐘左右就有位！我哋兩個人食...分別 order 咗三個小吃、一碗清湯牛腩麵、同一碗紅燒牛筋麵。啲牛一食落口就真係知功價，炆得好林好入味...好食到停不了！尤其是啲牛筋😋真係估吾到一間位於工廠大廈裡面...不用怎樣花巧裝修，只是簡簡單單佈置，單憑實力同口碑、已贏得不少食客!👍

為咗探朋友班,又再一次嚟到荔枝角食lunch,今次程玊長係朋友介紹的,聽講係好正宗嘅台灣菜麵質係比較厚身，不過食落幾有咬口，唔會覺得好粉，牛肉牛筋炆得好'林'，我就覺得幾好味，不過湯底略咸呢個牛肉捲餅係一定要推介餅皮有少脆而且煙韌口感，另外最緊要係夠熱！呢啲捲餅係要熱辣辣先正綜合盆有6樣菜式可以選擇，豬耳同豆腐都無咩特別，而甜不辣係我哋諗住試新嘢所以揀嘅味道甜甜地，有少少似魚蛋咁，加上好似魚膠嘅口感，都可以試下嘅呢個大腸包小腸攤涼少少食會好啲，因為太熱嘅時候啲糯米顯得有啲濕同淋,可能係因為夾住本身有啲油嘅台式香腸，味道食落都可以，係地道台灣掃街美食今次因為得兩個人唔係可以試得好多款菜，而程班長係值得可以返頭再試嘅

#雪雪茄大滿足 😋🈵 味道：🔴🔴🔴🔴🔴🔴🔴🔴⚪️⚪️👁‍🗨 環境：🔴🔴🔴🔴🔴🔴⚪️⚪️⚪️⚪️💰CP值：🔴🔴🔴🔴🔴🔴🔴🔴⚪️⚪️🔙 番撻 : 🔴🔴🔴🔴🔴🔴🔴🔴🔴⚪️星期五晚既長沙灣工商業區慢慢靜落黎, 人潮都各向鐵路站/巴士站移動,又點會估到一出𨋢就見到咁既情景 😱雖然現值大熱天時, 工廈入面空氣一向唔多流通,但呢度走廊好在都算涼爽,排隊等候時間比想像中快,所以都唔會嚇怕再食既動力 😉入到去坐都好涼快～ 好彩啫 🙈 黎到一定跟大隊叫碗（1）紅燒半筋半肉麵 $60👉🏻湯底濃飲晒 😋👉🏻最愛手打麵 ～ 爽口唔痴牙👍🏻👍🏻👍🏻👉🏻牛肉好大件唔取巧👉🏻牛筋夠稔（朋友好鍾意～😬）（2）肉燥飯(滷肉飯)(瘦) $28👉🏻啲菜好食喎 😆👉🏻滷肉濃味偏油～ 下次食要嗌肥肉 😝👉🏻飯粒至少溝左2款米～ 應該該係想增加口感吧 🤔（3）牛肉捲餅 $35👉🏻最愛餅皮～ 好食呀 😍😍😍 👉🏻牛肉餡好普通～ 下次試 🧀（4）黑糖芋圓👉🏻好大粒足料👉🏻嚼口, 食到最後有啲啲粉👉🏻會更鍾意熱食呢 🙈 雖然係大熱天時, 有得凍/熱 2選就好嚕～～ 👉🏻黑糖略為淡（5）山粉圓 轉左 冬瓜茶 $10 (跟餐價)👉🏻山粉

好耐之前聽過「程班長台灣美食」開喺荔枝角工廈，星期六終於的起心肝嚟試食! 中午12點幾去到，門口已經有好多人排隊，我地排咗大約半個鐘度先入到去食!入到去覺得啲座位比較迫，同人背貼背咁坐，坐就坐得唔係咁舒服架喇，不過主要係嚟試佢地嘅台灣正宗野食。先試下啲小食呢個甜不辣($20)係凍係，個人覺得一般。牛肉捲餅($32)，都算足料，入面仲有青瓜。蚵仔煎 ($35) ，佢啲蚵仔係比較大粒，雖然冇台灣果啲咁好食，但係喺香港嚟講呢個算係有台灣風味。主食叫咗個紅燒半筋半肉麵同手工滷肉飯。紅燒半筋半肉麵($52)，麵係闊嗰隻，個湯底都好夠味，牛肉夠淋，啲酸菜都唔錯。手工滷肉飯($32) 同另一隻肉燥飯，係較肥，個人覺得肥啲好食啲，咁多樣野我最滿意手工滷肉飯。總括嚟講啲野食係唔錯，不過如果環境冇咁迫會好好多，可能星期六特別多人，下次試下閒日會唔會好啲啦。

難得和朋友吃飯，大家收工也早，就決定吃程班長吧朋友三年左右吃過一次，而我，這裡早已成為我的飯堂了我倆也很久沒見面，很久沒有大吃一頓今天就好好的吃大約18:15左右到達餐廳，店內客人不多，我們找了較入面的長方枱坐下來，然後就看菜單吃什麼。我們1人點了1個主菜+3個小食+每人1杯飲品這是朋友點的，本身擔心滷肉會太肥，不喜歡吃，但實物食落都唔算太肥，配菜青瓜酸酸的，很好吃。每次都點，筋不會韌 ，吃下去有即溶的感覺，很好吃，牛肉也不會韌 ，很容易咬開湯底濃郁，加上有些酸菜，可以去點膩的感覺如果可以再多一點點就好了皮蛋不是我喜歡吃，但柴魚同平時吃的有點不同，這個很脆口，不會像平時軟軟的。每次必點，但一定要趁熱食，片皮鴨的手抓餅牛肉版超粉漿不厚，吃到1點點的豆乳味，吃多也不會覺得熱氣之前飲冬瓜茶每次都覺得太甜了，這個就不會了，並且有蘭香子參加口感

沒有去台灣旅行已經有好幾年~ 難得香港有一間正宗又平民價的台灣美食, 一定要去試! 雖然餐廳在工廈內, 而且企在無冷氣的走廊等位差點熱暈, 但都是值得的!沒有機會影餐廳內的相, 因為當日實在太多人, 而且地方很迫! 幾張長枱, 大部份人都是差點背貼背, 手踫手的一起坐, 很壯觀!等了足足半個鐘, 坐低後已急不及得點野餐! 選好用筆寫在膠片上再排隊買, 加埋人多的環境真的感覺好像去了學校的carteen! 只是員工大多是以國語對話, 好有台灣feel呀!先送來牛肉捲餅~ 第一啖已感到好香口, 皮薄不油膩, 牛肉好juicy, 不用另外點醬已好夠味! 正!之後一人一碗人人必點的紅燒半筋半肉麵~ 嘩! 未食已聞到很熟悉的"台灣味", 哈哈... 牛肉和牛筋份量平均又豐富~ 牛肉和牛筋都很淋身, 很滑口~ 湯底濃味剛好, 而麵身亦好彈牙! 必點! 基本上不太肚餓來吃也可以食到一大碗吧! 最後還有去親台灣行夜市掃街時都會買的"虎咬豬"(刈包)~ 割包的皮雖然有點厚身, 但配上滷五花肉真係絕配呀! 包吸了肉的油香, 夾在一起一齊吃, 真係好好味! 

因為曾經我喺銅鑼灣食過程班長嘅牛肉麵，我一直都好掛住嗰個味道！食過好多間台灣牛肉麵店都食唔到呢個味道！咁啱早幾日聽到我朋友話我知喺荔枝角開咗間「程班長台灣美食」，所以我們今日專程去試吓可唔可以揾返當日喺銅鑼灣店嘅味道！我們叫咗程班長牛肉飯、單點牛筋、牛肉捲餅、虎咬豬「刈包」、紅燒半筋半肉麵、鷄排湯麵「豬骨湯」「魯蛋」、蚵仔煎、萬巒豬腳冷盤「小」、紅豆芋圓、黑糖芋圓、山粉圓同酸梅汁！紅燒半筋半肉麵嘅牛肉同牛筋炆得好腍好入味，湯底非常香濃，牛肉味十足，麵質非常彈牙！鷄排湯麵「豬骨湯」「魯蛋」嘅湯底味道比較清，鍾意食清淡啲朋友會覺得好好食，但鍾意食濃味啲嘅我就比較鍾意食牛肉麵多啲！萬巒豬腳冷盤「小」真係非常好食，豬皮非常爽口彈牙，口感十足，完全無油膩嘅感覺，同埋係凍食再配合埋個酸酸甜甜嘅醬汁，真係一流同絕配！係本人嘅必食推介！蚵仔煎真係好正宗台灣味道，番薯粉令到個蚵仔煎非常煙韌彈牙，好過其他店只係用蛋煎！牛肉捲餅嘅捲餅外皮好香脆，牛肉鮮嫩多汁，再夾埋青瓜嚟食，感覺非常清新！虎咬豬「刈包」嘅包非常軟綿綿，中間夾住兩件肥豬肉同少許梅菜，唔會覺得好肥膩，好似中式漢堡包咁！紅豆芋圓同黑糖芋圓嘅味道唔