元祖沾麵專門店

Open Now

Now Closed

麵～又係麵～究竟NANA係有幾鍾意食麵🤣呢間元祖沾麵其實NANA都食過幾次 每次都會見到好多人呢 證明呢間沾麵都有一定的實力哈哈！而且佢湯可以任加 食完仲可以加木魚湯清下味蕾 最特別既係 佢地會係你落單後比個漏斗計時器你 上面寫住：若超過20分鐘都未有食物 全單即享9折🤣✨（但今次都係準時到 所以9折冇緣哈哈哈-特製赤蝦沾麵 $99雖然係呢間沾麵店食過幾次 但幾乎次次都會叫龍蝦/豚肉魚介湯🐟所以都未試過呢個赤蝦湯🦐咁就首先講下個湯啦！一放落枱已好大陣赤蝦味 聞落同龍蝦湯差唔多 但食落的確比龍蝦湯淡！但整體來講都夠鮮味 湯入面都有數粒肉粒 進一步增加湯的鮮味！湯用石鍋上 所以十分夠熱 但就有點黏底！而且凍得好快 再加上沾麵本身凍上 導致食落少左熱辣辣既感覺🧊麵食方面 肉有3塊有炙燒既味道 尚算惹味😽配料有：紫菜、半隻流心蛋、荀、青檸🫒不得不承認 青檸令到沾麵的味道層次上升 而且更開胃😋麵質軟硬適中 唔會太過黏口 亦夠彈性！麵條掛湯能力足夠 合格成為沾麵的麵底😎-整體來講沾麵、沾面湯底都不錯！絕對可以成為想食沾麵時的選擇✨服務態度又不錯：會不斷加茶（因為要收$5🙂）、想加沾麵湯時反應也很快

話說有日突然間諗起沾麵好想食，男朋友就好好咁帶咗我嚟元祖呢到食。我嚟個陣都已經有少少晏，所以等都唔洗等就入得！😙我係一個好鍾意食蝦嘅人，所以見到赤蝦沾麵就已經決定咗要叫呢個。🤣 等咗一陣，熱辣辣嘅沾麵已經到了！大家睇圖片都可以見到石鍋有幾熱。🧡 個湯好濃郁，煮蝦味不斷傳入個鼻到，十分吸引。雖然個麵睇落好少，但是吃落去好飽。材料也相當豐富，有叉燒、筍、紫菜、同半隻蛋。大家仲可以擠點青檸落個麵到，再放落湯沾一下，令味道更出色🤤食完沾麵，可以叫店員加木魚湯落沾麵湯底，最後品嘗一下湯嘅味道。💕

香港越開越多沾麵真係好，因為以前想沾麵都唔係咁容易。平時經過成日都見咁多人排隊，所以決定試吓。沾麵一定係湯同麵條分開上，而沾麵的精髓在於麵條，店會先將沾麵過冷河，令麵條更煙韌更有口感。所以沾麵係熱湯冷麵。叫左個特製赤蝦沾麵，依度嘅湯係用熱石去上，保持住個湯一路食都唔會凍。先講個湯，個湯有赤蝦，亦都有啲豬肉喺度，而且用熱石上，唔使擔心會食到一半變到好凍。味道好濃郁。麵條亦都非常彈牙，其他配料同拉麵都一樣，叉燒，流心蛋。

喺日本食過沾麵一直都對沾麵念念不忘，搵到呢間尖沙咀嘅沾麵專門店，今次特登嚟試吓~今日係平日都見到有幾多人嚟食下，攞咗飛等左一陣終於入到~入面裝修都幾靚，排排坐設計有係日本食拉麵嘅味道☺️佢哋嘅茶係日本嘅宇治抹茶，可以任飲，侍應見到你差唔多飲晒會幫你加，抹茶味香濃，配搭沾面係幾夾，個人認為有消濟作用~叫咗個特製赤蝦沾麵同埋豚肉魚介沾麵，特製赤蝦沾麵上嘅時候啲湯啱啱滾起，見到炸炸聲好吸引，蝦嘅數量都多，侍應會幫你撈埋落沾麵到搞一陣，等冇咁滾嘅時候再叫你慢慢小心食。佢個湯真係冇令人失望，蝦味超濃郁，而且個湯夠濃稠，每一啖面點湯食都食到超香濃嘅赤蝦味，配埋佢哋個極太面真係好滿足，因為個麵好彈牙，有小麥味，食得返係日本嘅感覺😭而且個面嘅配料都幾多下，有半隻糖心蛋，筍同埋三塊叉燒，個份量都真係幾飽下~同行朋友就叫左豚肉魚介沾麵，沾面湯食咗一陣都保持到熱度，豚肉魚介湯到一樣濃郁，而且他會有多一舊豚肉，同叉燒一樣肥瘦都適中，同半熟糖心蛋同埋極太麵一齊食一樣係好夾，質素唔錯~最後埋單每人玩$100都唔使，個人認為沾面質素的確幾高，價錢都合理，下次會再嚟食過☺️

厚福街出名多野食，以往都係黎食甜品比較多，不過今日行過，見到有日式拉麵店，所以都心思思入左去食我地2個人叫左1碗拉麵+1碗沾麵。特製赤蝦沾麵，份量都頗多麱上面鋪滿左各式各樣嘅餸菜，有赤蝦、叉燒、筍乾、海帶絲、糖心蛋，非常之豐富。湯底都非常之濃郁，雖然專家都建議唔好飲咁多日式拉麵嘅湯，怕鹽分超標，不過真係好好飲，最後都係忍唔住飲哂另1碗叫左濃厚豚骨叉燒拉麵。雖然材料與特製赤蝦拉麵差唔多，但係個湯底就唔太一樣。呢個拉麵嘅湯底，有好濃郁嘅豚骨味，相信要經過長時間嘅新烹煮，先能夠令到味道咁濃厚平時食完一碗拉麵，可能都感覺唔夠飽，但今次食完之後，已經食唔落其他野啦，大滿足

忙咗成個星期，終於有時間竄出去尖沙咀行下，行程當然唔少得食好嘢；之前喺日本食過沾麵之後就一直好掛住呢種味道，今日係時候要重拾呢個味道。估唔到4-5點嚟食都坐滿人，上次經過元袓沾麵已經好想試，今次終於有機會。雖然店面細細，但係內部裝修好有日式風格。店家選用京都宇治抹茶招待客人，好似去咗日本咁平時少食沾麵係因為食到咁上下個湯就會凍曬，拉麵唔熱真係會堅嬲，但係呢度唔同，用燒熱石鍋上枱，全程都享用到熱辣辣嘅濃湯。店員細心提示小心個鍋燒熱，而且仲好貼心會幫你換石鍋豚肉魚介沾麵：豚肉偏肥，但係湯底非常濃厚，魚介味道又鮮又香，唔會好似其他店有陣燶味。特製赤蝦沾麵：蝦香味重，但係味道稍淡，冇咁重口味，個人鐘意魚介多d。流心蛋真係抵讚！滷得夠味，流心啱啱好，食落口嗰陣釋放出陣陣蛋香麵底選用極粗麵條，有口感得嚟又唔會好硬。價錢以同區嚟講非常親民，絕對係抵食。之前食過附近嘅拉麵店食到一肚氣，相比之下，元袓沾麵真係好用心，係非常接近日本正宗風味嘅一家。

從旺角一路走走逛逛，到了尖沙咀，已將近晚餐時間。為了避開人多的晚飯時間，我們提早一點吃。拉麵選擇多，但主打沾麵則寥寥可數。於是我們進去一試。喜歡這種清雅又具日本特色裝潢，最愛是那個一人座，很有私人空間。這次與友人二人行，沒機會用上。如何吃沾麵，沒吃過的人很大機會不知道。餐廳細心地在每一個位附近的當眼處貼上吃沾麵的步驟，在場有其它的食客也一邊看這張紙，一邊把青檸汁加入麵中。簡簡單單的一張雙面餐單，有日文和英文，迎合外國人。侍應派一人一張，我倆共用一張點菜便可以了，不用浪費。我們點了一個特製赤蝦沾麵($98)，是餐廳的人氣沾麵。我不太肚餓，便點了大280克(+$15)的份量，與友人共吃這個沾麵。粗麵以日本小麥粉製成，製作需時約15分鐘，煙煙靭靭具嚼勁，很喜歡這個獨特的口感。滾燙的湯鹹香味濃，大量櫻花蝦令吃下去時每一口都帶鹹香爽脆。不是很餓，點的東西不多，點了這碗麵，再加一個小食—海葡萄凍豆腐($39)。珍貴的海葡萄在日式拉麵店少見，難得遇上當然要點。被定為超級食物海葡萄飽滿，口感如蟹籽般清爽，與嫩滑的凍豆腐一起吃，滑中帶爽。靜岡綠茶可樂($38)是我必點的飲品，配拉麵或沾麵是絕配，正如有些

一般日本拉麵都以麵條、湯底和叉燒這三大元素再加上其他配料來製成。而三大元素當中湯底往往成為一碗拉麵的靈魂所在，所以每一位師傅都會有其獨門秘方，而今次所食的沾麵卻沒有湯，而是一碗濃濃的汁，把麵條放進汁裏沾滿麵條，食法和拉麵有點不同。在枱頭會有一張食用沾麵的方法薯仔沙律 - 薯仔沙律只有薯仔的味道十分淡口特製赤蝦沾麵 - 特製赤蝦沾麵材料十分豐富有兩片火炙叉燒、半隻溏心蛋、紫菜、大葱、竹筍和沾麵(極太麵），沾麵以小麥製成麵身較粗有咬口把沾麵加入赤蝦湯汁中食用，蝦汁非常濃郁充滿蝦味如果不加麵一齊食用會比較鹹元祖龍蝦沾麵 - 基本上和赤蝦沾麵差不多只是湯汁有所不同，湯汁用上龍蝦來餚製龍蝦味濃厚。