十八座狗仔粉

Open Now

Now Closed

左敦街頭米芝蓮店，不設座位，不嫌棄可坐店旁橫巷的膠凳上吃。狗仔粉用外賣碗超迷你，配料隨幾塊麵根之外找不到什麼，面頭再灑上冬菜。味道不錯的，冬菜不會太鹹，但配料小感覺單一，且明顯湯底太過肥膩。火鴨髀肉不是很嫩，但鴨皮挺香的，總體來說賣相比味道好。這張照片較能清楚看見湯面厚厚的一層油，配料不多，份量亦少。今天和店長談起才知道狗仔粉是用粘米加麵粉做成的，但確實一點味道也沒有。用火鴨翅做火鴨髀的醬汁，味道不錯。可惜鴨肉不夠鮮嫩，鴨皮比鴨肉好吃。性價比不高的食物，以質素計價錢不算便宜，而且分量少。都常聽聞米芝蓮店虛有其名，我會覺得食物不至於難吃，但這樣下去米芝蓮也要擔心自己的聲譽和公信力能否維持。

獨特懷舊狗仔粉2018/05/10早前在另一小食店內試第一次食狗仔粉，覺得有點油，粉方面如同通心粉😯，意外的發現工作附近地方有以狗仔粉為招牌的店，便滿心歡喜來朝聖😃。狗仔粉中的脆脆粒是豬油渣👍，脆如麵包粒，加了菜甫，咸咸的令整碗粉非常野味，麵條如同碎碎的烏冬麵，因麵條短小所以非常掛湯。湯味濃郁👍，不知不覺間全喝了，小的一碗狗仔粉對於女生來說已足夠飽肚。因不止一次到訪此店所以也試了店的火鴨翅，香濃的鴨肉味彌漫於翅中👍，有一些鴨肉絲在內。另外，燒賣的豉油調味不錯。但此店的裝修非常簡潔，走前兩位過了一間店位有枱椅及冷氣開放，💪用餐後自助清垃圾，把盤放回回收，如果趕住食dinner唔係同朋友有排坐地食野，💁此店係一人用餐快捷方便嘅好去處。

成日聽朋友話狗仔粉狗仔粉，完全imagine唔到係咩，仲要話好好食必食咁，所以決定搵晚放工同同事去會會佢。聽講佐敦呢間係本店，個位置都唔算難搵，係永安側邊條街，不過就好少位，到達既時候已經滿座，要麻煩老闆娘開多張枱俾我地。本身menu都唔係好多款食物選擇，所以我地一人一碗狗仔粉，另外再叫左D小食一齊share, 小食叫左燒賣，講真燒賣冇特別 ，唔叫都得。再講下專登黎食既狗仔粉，個湯底好濃，配上酸菜好好野味。狗仔粉原來係好粗既麵，好煙UN好似厚版烏冬。呢碗狗仔粉係幾好味，宵夜一流，冬天食仲好暖身。

之前在佐敦全日上堂，剛巧朋友亦來到附近，相請不如偶遇，就一起吃頓午餐吧！在大家周圍搵食之際，行經一間米芝蓮街頭小店，放著甚有“風味”的戶外小座，雖然正值大熱天時，我們仍是二話不說坐低決定試一下。狗仔粉，還記得第一次聽得一頭霧水，以為是自己聽錯這道小食的名字，在今次坐低之前筆者是完全不知為何物。此店主打狗仔粉及火鴨翅，以路邊檔形式經營，枱椅放在檔側邊的後巷中，以屏風間隔開，感覺地道得來還算整潔衛生。餐牌全部貼在牆身，圖文並茂全部列出，一坐下店員即主動推介狗仔粉和火鴨翅，目測周圍每枱皆見其踪影，既然是主打，狗仔粉、火鴨翅當然唔少得，我們還點了黑白炸丸、勁辣魚蛋和魚皮餃。當店員將狗仔粉端上來時，淡淡的蝦米蒜香已即時飄過來，原來狗仔粉是一款有點像剪短了的烏冬粉條，每條約一吋多長，大小粗幼差不多，但口感較烏冬軟綿。湯底偏濃，在蝦米、冬菇絲及葱花等配料襯托下頗有鮮味。而枱上放有兩樽菜甫供佐粉同吃的, 有辣有唔辣，筆者一向是貪吃好辣之徒，當然兩樣都試，菜甫鹹香脆口，辣菜甫辣度頗高，惹火之極。食落原來菜脯才是真正重點，加入了之後整碗粉的層次立即提升了，香辣惹味兼而有之，雖則湯身糊糊有點怪怪的，但一啖啖

佐敦搵野食無難度，但要搵間好食而又唔貴既就唔易。星期3既晚上，放左工周圍行搵野食突然發現好耐無食既18座狗仔粉，其實好多地方都有分店，不過鍾情呢間，可能因為要坐係街舖既出面坐滿人，大概一半人以上都係食狗仔粉，呢度既招牌菜狗仔粉用平底碗放滿狗仔粉，碗係懷舊款，令人容易重拾呢款已經有幾廿年歴史既狗仔粉。雖然份量不算多，但加埋菜舖食，味道絕對令人難忘除左粉，仲有配料，包括蔥，冬菇。同埋好濃好濃既湯，先放菜舖係粉既面，撈勻，再飲一啖湯，好濃好好味。湯應該用好多鴨肉煲出黎，當然亦有好重味精（每次食完都要返去飲兩杯水）。但當食完一啖湯連粉，就會一路追落去食。特別係因為佢熱辣辣既感覺，令到碗粉更有吸引力，更好味總括，狗仔粉好味，不過一定要帶備水解渴（因為味精同樣好味），會再黎

今日難得早放工（即是準時可以收工），順路到這間米芝蓮推介小食店吃聞名狗仔粉。看了看openrice的食評，好壞參平，已經有了心理準備。店鋪很小，但不難找。旁邊剛好有空地放五六張摺枱供客人堂食。 空地不大，數位客人已經坐得有點擠擁。 放摺枱的位置地下較污糟， 畢竟是公衆街道吧。我點了一碗細的狗仔粉，店員姐姐很快便端來給我，相信不是即叫即煮的。狗仔粉的質地過稔，有點糊糊爛爛，似乎煮久了。而湯有點濁，不是清湯，不算油膩，但也說不出有什麼味道。獲得推薦的菜甫，我不覺得有什麼過人之處。勁辣菜甫真的很辣，怕辣的朋友要留意啊！小碗裡除了狗仔粉，菜甫，還有蔥花，小量冬菇絲和我最討厭的肥豬肉。這些純肥豬肉粒似是炸過的，但一點不香口，而且有一種翻炸的油益味，令到原本不太突出的狗仔粉更大打折扣。由於菜甫和肥肉粒形狀差不多，環境又暗淡，很難挑出這些難吃的肥肉粒！除了狗仔粉，還有很多人推介的火鴨翅和魚肉湯。原來這三款都可以兩溝的，即是有粉翅，魚翅和魚粉。喜歡試多款的朋友可以考慮兩溝。後加的翅滾火鴨上脾，鴨脾好味，帶點騷味，可以推介一下。吃這個要狂野點，店鋪沒有筷子提供，會用紙把鴨腳稍微包了一下，好讓你拿著鴨腳扯

狗仔粉食落好似食舊麵粉咁，唔入味。而d湯又太咸。總之我唔識欣賞。鴨髀肉好“鞋”，加幾淡冇味既碗仔翅。大雜燴算最OK，不過蘿蔔佔大半，豬皮站小半。最後埋單90蚊。真系不可一不可再。

在油麻地閒著，忽然想起住附近的莊友，恰巧她又在家，'那我買點小吃便上來吧'。油麻地不像旺角，想買燒賣魚蛋之類的，不是那麼易，因為不是'總有一間喺左近'。正在想有什麼其他可買時，想到了十八座狗仔粉的第一分店就在油麻地！爽快地買了個外賣，便到莊友家去。人不多，今次只買了狗仔粉和火鴨翅各一。因為是外賣，是劃一的size 和價錢 (各$28)。一打開狗仔粉的蓋，鹹香噗鼻而來。即使是外賣，也盛得滿滿的。即使外賣很容易使麵「發漲」，以粘米粉製的粉條仍不糊不爛，傳統秘方應該功不可沒。粉條盡是冬菇、蝦米湯底的味道，配合菜脯一起吃，惹味非常。因為朋友不嗜辣，我加了不辣的菜脯；其實嗜辣的應該試試它的辣味菜脯，麻香味十足，又辣得過癮。至於火鴨翅，對於（聲稱）減肥的人，那種肉香簡直可以滿足吃肉的慾望——很濃的燒鴨味，但其實鴨肉很少，內容像碗仔翅。又不是想果腹的，這兩個小食在味道和份量上都恰到好處。雖然我未經歷過上一輩說狗仔粉而想起的辛酸（聽說過狗仔粉是救濟粉的諧音），但能嘗一下當年的街頭味道——我知道，捧著一碗鹹香四溢的狗仔粉和火鴨翅，無論在舊日，還是物質較富裕的今天，是多幸福的事。

本身諗住同男朋友睇完戲後係尖沙咀食埋野就反屋企, 傾傾下就話不如行去佐敦搵食之前都有聽聞過18座狗仔粉個名幾響, 但次次經過都冇食... 所以今次就試試佢地下舖位唔大..開左幾張木接台, 好似大排檔咁..之後聽到D阿姨同D客講樓上有好多位呀..上去啦~原來仲有樓上舖..個日其實都幾肚餓..成10點都未食野..但本住試下既心態..每樣淨係叫左1份~阿姨好Hard Sell話有上脾..咁就試埋啦~叫左狗仔粉..火鴨脾..雜錦大雜薈..味精味都幾重下..有少少海鮮味..湯底有D蝦干仔係度..與其話佢係湯..不如話佢係玻璃芡..打芡應該係想個湯掛麵D~ 麵質好似唧唧魚麵既口感..E碗野30蚊係一隻用少少碗仔翅淋面既燒鴨脾..隻脾就normal啦..反而值得一讚既係個翅..雖然得個幾啖..但有好濃既鴨味..如果抱住食碗仔翅既心態食佢..會有驚喜既~不過$22食隻燒鴨脾加2..3啖翅就貴左少少雜薈好似有豬肚..豬皮..大腸個D~味道冇乜特別..佢話個個滋味醬定美味醬..我食落就冇咩特別..好似甜醬溝麻醬加豉油..唔記得左幾錢反而我最欣賞係e樽辣菜莆..阿姨上狗仔粉既時候已經有話台面紅色個樽係辣菜莆

經常聽人說到哪吃狗仔粉，令我也想嘗一下，決定專程去佐敦吃，聽說佐敦有間很有名餐廳專賣狗仔粉，雖然店子很小，枱子只有三四張，但已滿座，排隊等了5分鐘，就有位啦。點了馳名的狗仔粉，火鴨翅，火鴨脾，店員很快把食物送到枱上，吃了幾口，這個狗仔粉令我想某牌子的唧唧魚肉麵，當然狗仔粉令人驚喜，麵質很爽口，加上自家制作的菜莆，有辣和不辣之選擇，我個人較愛吃辣，辣得很過癮，很美味。至於火鴨翅跟普通碗仔翅差不多吧，我倒覺得碗仔翅比較好吃；另外就是火鴨脾，每啖都是肉，用手拿著吃，特別有風味，正！沒有試過的朋友，可以試一下，別有一番風味！

這是懷舊食品，狗仔粉！查下這個食品名字的由來，原來狗仔粉香港是1960年代出現的街頭小吃。當時香港經濟環境差，順德人以熱水開粘米粉搓成條狀的粉來填肚。由於粉條尖頭尖尾，像唐狗尾巴，故稱為「狗仔粉」，又簡稱粉仔，用上湯來煮的白麵條，麵條有半隻手指粗，上面淋上蝦米、菜脯、豬油渣等配菜，簡單但非常冶味。也有說狗仔粉是「救濟粉」而來，是抗日戰爭的時候，沒什麼好吃，故有救濟機構就把這些粉派給民眾。十八座狗仔粉都係有蝦米、菜脯、冬菇、豬油渣等配菜，味道特別~口感有D似食烏東~不過碎碎的菜脯叫了不辣的, 脆脆地幾好咬口~呢度堂食係街邊，所以合適叫外賣~呢個真係平價而味美既面食！

太多朋友都講呢間野,,所以搞到我都忍唔住去試下!!!一個字..窄..哈哈去到竟然見到TVB以前個小朋友節目主持..X貫中望到個餐牌個陣..老實講..俾我感覺係幾貴..始終做起左個名..價錢都隨名氣而增加..當然叫左必食狗仔粉..呢個好LIKE熱辣辣味道好好..唔會太(傑)..D粉條好好咬口又彈牙..好好食..加埋無限菜莆咸咸地好好食!!!!又大碗又好食!!!跟手第二出名係個火鴨脾UM...先講個翅..係幾好食好香好濃味..好熱..咸咸的幾好..而個脾就...可能我食唔慣吧..覺得D肉好硬..感覺上食落似雞脾..分別不大..個翅比隻脾好食..但隻脾勝左夠大隻..唔知係米翻熱又翻熱..所以D肉開始唔太好食...其他的燒賣..豬皮..魚蛋..等等..料唔算特別..但個醬一流..有DD辣好香口!!香噴噴!!特別推介個醬係好食!!基本上個醬配咩都好食哈哈!!

Thank you OpenSnap @ Openrice~~前一個星期參加了OpenSnap 的活動，贏得了兩張＜東京小屋＞的換票卷~好不容易才等它寄到家~~上網Check check，只剩下一、兩間戲院還在放映呀~~一家之煮向來喜歡觀看日本電影，二話不說，隔天放工立刻拉她去睇戲~~睇戲之前當然要醫醫肚~一家之煮愛懷舊，就帶她去bookmark 已久的十八座狗仔粉啦~~地點不難搵~~不過大熱天時坐街邊就真的令人有點吃不消...食物選擇頗多，還好我們有二人，可以多點些分著食~狗仔粉（細）$19，不知道細有多細大有多大，也不知道好唔好食所以點一碗細的淺嚐一下~枱上有菜脯及辣菜脯讓大家自由添加，愛辣的我們，加了不少這惹味的菜脯呢~狗仔粉胖嘟嘟，很可愛~~以為它像烏冬一樣煙韌的口感，但原來是吸滿湯汁而腍腍的~~配有些冬菇蝦米，増添口感及香氣火鴨翅（細）$19，很足料很濃稠，滿滿的都是木耳火鴨絲，湯底濃濃的火鴨香，木耳爽脆，可以減低油膩感，不過湯頭真的比較偏重，有點吃不消...火鴨上脾$22，火鴨皮被翅浸得火氣全消，鴨肉滑滑的，不會很油，都不錯食~這十八座狗仔粉其實真的性價比高，不過，略嫌"師

久違了的兒時味道，還記得小時候常在食店吃一種名為粉仔的食物，材料很簡單，只有蝦米、冬菇、豬油渣、菜脯、冬菜等等，湯很少但味卻既濃且鮮的街頭小吃，粉仔的粉外形又短又粗，而且口感也比其他麵來得較實，但現在已很難找到此等美味回憶老公帶我到佐敦出名的十八座狗仔粉，才得知我最愛的粉仔原名是狗仔粉，那我當然巴不得要來一試狗仔粉短壯的粉仔端上有種久別重逢的感覺，粉仔入口口感腍軟，湯底濃稠帶陣陣咸香，呷一啖，味道濃郁鮮味，此味道乃蝦米跟冬菇等配料的功勞，雖不及我記憶中那樣鮮味濃郁，但已重拾到那熟悉的味道，而重要的是必須加入(辣)菜脯同吃，可昇華湯的味道，倍添惹味，吃畢頓感滿足火鴨翅色澤深沈，質地濃稠，材料十足，木耳絲及肉絲清晰可見，木耳絲在濃稠的湯內充當著重要的調和角色，減低油膩感，而湯底也帶出陣陣火鴨香，認真烹製程度可見一斑，但材料之多，真的有點嚇人，而且湯味有點偏重，不能多吃要在炎熱的夏天到此用餐，真的需要點勇氣，還是待秋涼時份再來回味一番

對於狗仔粉，我實在沒有什麼頭緒，因為我小時候從沒有吃過或是看過狗仔粉。直至上星期，我和朋友看過某傳媒網站有關此店的報導後，便計劃找天來吃狗仔粉，看看狗仔粉到底是什麼。大碗的狗仔粉份量其實不算太多，若是一人來吃正餐，一定要點大碗的來吃。本以為狗仔粉麵條像陳村粉，原來它較糊，加上湯底黏稠，整體口感像在吃粥糊。狗仔粉還有蔥、菇、蝦米碎、菜脯，所以湯底鮮味十足。說起菜脯，桌上有兩款任添的，分別是原味和辣味。千萬別輕看辣味那款，吃了一點真的讓人想噴火，其味道像辛辣麵的辣粉，但辣度比它還要高。可惜太辣，辣得讓人吃不到菜脯原有的味道。再者，菜脯切得太細碎，較難品嚐它爽脆的口感。吃完狗仔粉，到大雜燴上桌。大雜燴有白蘿蔔、豬皮、豬肚和豬腸，澆上該是由海鮮醬和沙嗲醬調配而成的醬汁。醬汁味道非常奇怪，與食物毫不配合，吃後更有種很渴的感覺。白蘿蔔煮得雖夠腍軟，但不清甜；豬皮份量是全部食物裡面最多的，切得較大件；豬肚沒什麼味道，幸好不會像橡膠一樣難以入口；豬腸夠肥，清潔得很好，但沒有豬腸獨有的香氣。下次一定不會再點這個。吃過狗仔粉後，我明白什麼是狗仔粉了。