極尚大瀛喜日本料理

Open Now

Now Closed

當想放肆咁食嘅時候，多數會揀去食自助餐或者放題，今晚就同男朋友去咗觀塘大??喜食放題，大家都留定肚要放肆咁食。地方光猛闊落，一行行卡位和長梳化座，所有卡位都好寬敞闊落，坐得好舒適。自助區和飲品區都集中在一個地方，好方便。我地揀咗晚巿放題特價時段，由5:30pm-7:30pm時段，成人($258+10%/位)可任飲任食2小時。我地先馬上用QR code落單點定一些食品，接着就去自助區，把握時間。先去自助區拎嘢飲。一排超大的飲品雪櫃，有不同牌子的啤酒、茶、汽水、果汁、紙包飲品等，還有熱茶、清酒和梅酒等，超多選擇，好正! 男朋友要罐果汁酒，我就有杯梅酒，梅味唔算突出，但不太甜，酒味都幾濃，不錯!再去自助區取食物，熱食有炸物、章魚丸、麻辣小龍蝦、豉汁蒸鱔、糖水和雞湯；凍盆有豬耳、雞腎、沙津菜、泡菜、中華沙律、螺肉、凍青口、凍蝦、卷物等等。我地一口氣拎咗四碟，有清爽新鮮的沙律菜、四款有創意的卷物、雜錦凍盆和豉汁蒸鱔。最鍾意係豉汁蒸鱔，又滑又肥美，仲好入味，我encore了兩三次。凍盆的麻辣雞軟骨夠晒爽脆入味；雞腎亦爽嫩入味，好味!刺身隨即上枱，點咗三文魚、油甘魚、劍魚腩、赤蝦刺身、甜蝦、希靈魚等

疫情下的生日Lunch 🙈又大一歲啦，雖然今日回南天，濕濕哋咁，但都無阻我一個人去食日式放題既決心 😂對我而言，刺身不過不失，其中赤蝦，赤貝最鮮味，而最估唔到既係冰鎮花海蜇刺身，有口感(其實即係平時食開既海蜇頭)壽司方面，三文魚腩，油甘魚腩都唔錯，三文魚親子軍艦好食 😋 海膽手卷比較失望，除左海膽冇海膽味之外，最差既地方係塊紫菜淋左，咬落去個心真係好難受 😭今次放題，最出色既非熟食系列莫屬，當中最好食既三樣分別係：鐵板京蔥燒汁牛柳粒，吉品鮑汁扣花膠鮑魚，燒紐西蘭香草羊鞍，都係必食之選。其他既熟食都好唔錯，例如：古早味和牛丸湯，醉酒鮑魚，金銀蒜粉絲蒸扇貝 😘 至於天婦羅就不太推薦最後，甜品方面，朱古力蛋糕👍豆腐雪芭幾得意，一試無妨 😉

四個人在星期日下午12時，不用等位就可進場，不知是否疫症的緣故。首先，有自助吧，提供日式沙律、飲料（大約十幾款，茶都有4-5款，好適合我）、生果、日式海帶、螺肉、炸物、章魚小丸子等等前菜。刺身：有三文魚、吞拿魚、希靈魚、墨魚片、鮑魚片、甜蝦、虎蝦、玉子、帶子、螺肉、北寄貝。其中我認為鮑魚片、希靈魚、三文魚、帶子比較新鮮及鮮甜。相反，吞拿魚不夠肥美、螺肉較腥，有欠新鮮。壽司：味道大小適中，保持水準，沒什麼特別。手卷：只吃了海膽手卷，紫菜不脆在預計之內。熱盤：大致所有熱食都保持熱溫度，尤其天婦羅、燒菠蘿、炸（榴槤、香芋、芝士）球、熱烏冬等煲類食品都熱。唯獨羊架及鯖魚常溫。甜品：這間放題有不少甜品，有蛋糕、乳酪、啫喱、提拉米蘇、不同類型雪糕（mega/ melon/Coco)等等。總結：結帳不用$200一位，而且儘管星期日，但進食時間為1200-1500，這間放題既提供寬敞座位，又給予充裕時間，價錢尚算不俗。為衛生情況欠佳，尤其自助吧，每人都會用共同的餐夾去夾食物。如果擔心疫情，可能要犧牲不去吃前菜了。

自從過年後都無出嚟食過嘢，今日家姐話太耐無見，環境又好似好啲就出嚟食嘢傾下，家姐提議食放題，自己覺得銅鑼灣滿屋就最好，但太耐無去都唔知咩環境又星期日怕交通好麻煩，最後搵咗官塘呢間，因為早個月家姐話同啲同事食過都幾好，因為無訂枱所以要等，估唔到都好多人，我哋食5點要7點就交枱，2個鐘就好似好急，坐低要裝個app落單，如果唔識搞都唔知會唔會無得食，哈哈哈，搞掂完就開始，初初都唔識搵後來先知都容易，如果唔清楚都可以問，但感覺食物種類唔夠滿屋多，魚生就6款左右，因為大家好多都唔食，所以樣樣少少，如果食得魚生就好抵食，樣樣食少少都已經好飽，甜品都喺唔多選擇，雪糕只有牛奶公司，最後都無咩點食甜品，大至上都可以二百幾蚊都算喺咁，傾下講下好快2個鐘就要埋單，可能太耐無聚太開心之後周圍行下就各自回家

好耐冇食過放題，好慚愧地都冇食過放題友必食既「極尚大瀛喜」，一直都想試，不過總有好多借口遲遲未黎，今晚終於黎到。其實次次經過都見到好多人排係地下，餐廳位於APM旁的「1亞太中心」，好易搵。餐廳環境好大間！成層都係佢，而裝修都唔hea，燈光夠，以金黃色為主，比人感覺好醒神，我就一行四人，18:30左右就到，已經有八成入座率，再過多陣已經全場full，香港人對放題既喜愛真係不能忽視。收費我食「星期一至四 兩小時自選時段 $248+10%」，另外果啲大家可以睇下以下張圖，因為實在太多唔同價錢。餐牌有A-L即12張紙可任點，A-F都係冷盤即壽司、刺身類，而G-L就係熱食。刺身同壽司既選擇會比熱食多啲，不過熱食都有啲比較吸引既選擇，例如有花膠、咖哩炒蟹等等，下面再同大家分享！自助區首先，緊係去左自助區睇下先啦！自助區麻雀雖小但五臟俱全，有前菜：沙律、泡菜、海哲、螺肉等等；有小食：芝士蝦、小丸子、黃金炸魚皮；有湯：係蟲草花膠魚翅雞腳湯；有飲品區：各式汽水、啤酒、茶等等；有甜品：自助雪糕機同埋各款甜品杯。當然介紹唔哂咁多，亦都食唔哂各款，講下我覺得值得食既！開餐自助區--蟲草花膠魚翅雞腳湯個湯好香好

每次朋友生日🎂我都都成班人走去觀塘食放題，尼間亦食左無數次尼間勝在位置夠方便又夠大間次次黎都爆滿人我地一早訂座了7位，有壽星送海膽刺身刺身一板非常新鮮刺身大舊又新鮮款式亦很多最愛吃炸國既我非常鐘意食佢既天婦羅🍤炸得好靚油溫剛好不過天婦羅款式較少。尼到最正係有台灣炸鮮奶，吾係間間有超好味。另外仲有炸全芝麻全翼，炸蠔等所以炸物都好正除外仲有好多串燒揀，雞軟骨、羊架等。羊架非常大舊除左自己畫既食物外仲有好多食物山面自助拎薯角、蛋撻、沙律、甜品、飲品、雪糕、雪條等等應有盡有尼到甜品超多款仲要好多款好快俾人清晒添。飲品有冷有熱仲有熱茶同紙包飲品，款式多到你吾信依家仲有埋自助雪糕機有得玩有得食成班人黎食真係不錯既選擇

第一次聽朋友介紹黎食呢間放題 感覺都ok喎! 講下個餐牌啦 佢係一本好厚既拆裝式簿仔 有齊哂ABCDEFG.....勁多張點餐紙 上面有哂subtitle講明係咩類型既食物啦 然後每款野食又會有高清圖提供 簡野食都特別方便簡完野食就將一堆點餐紙比啲侍應 佢地態度都唔錯 好快見到就黎收 仲會提我地可以去出面（近門口有一個區域）拎小食呢個真係不得不提 佢個小食區域真係同一般酒店自助餐差唔多咁正 作為甜品控真係拎到停唔到手呀! 有迷你芝士蛋糕啦 迷你西餅啦 仲有細細杯個啲咖啡味 牛奶味甜品真係超級好味 仲有雪糕就唔少得啦 但值得一提既係佢個drink bar真係成個便利商店個啲汽水櫃咁大 仲要有個位專登暖住啲紙包野食 對於本身病病地既同行友人真係好貼心呀～拎完小食番到埋位啲野食已經黎左一半! 呢個時候就發現原來啲二人座位都幾逼 張枱差啲放唔哂啲野食呀 如果三四個人去坐個啲位就會相對舒服啲啦 不過唔緊要既 啲野食好食搭夠!（重要係同餐牌啲相係一樣咖 唔係照騙haha）整體黎講都食得幾開心 有機會實會再去 值得推薦!

今晚約咗閏蜜👭👭👯喺觀塘食放題放縱一餐！喺openrice 揀嚟揀去，見到呢間極上大瀛喜日式放題好評如潮，我哋就決定嚟試一下！👻👻一上到來已經見到好多人等位，所以建議大家最好預先book位☝🏻。等咗一陣就可以入座，呢個場好大，全層！樓底仲要好高，加上好華麗及好似宮廷嘅建築，好似置身於皇宮享用盛宴一樣咁！而座位又好舒服，一啲都唔覺得侷促！呢個真係要讚。因為平時去食開啲放題餐廳，座位都係非常逼夾，行出行入都會撞親人，好危險，但呢度一家大細老老嫩嫩來都冇問題。好！入返正題講返嘢食先，未揀嘢食，系出邊已經有大量嘅前菜，生果，壽司，冷盤，熟食，甜品，雪糕，雪條，冷熱飲品喺自助bar 可以食住先，講真，連選飲品都花多眼亂，因為有成五個大雪櫃裝咗不同類型嘅飲品，有韓國，日本等等特色野飲！淨係揀飲品都已經有選擇困難症！食物方面，基本嘅刺身、壽司、炸物、軍艦、鍋物、料理全部都有齊！呢度最特別嘅係有咖喱炒蟹&花膠炆冬菇！咖喱炒蟹，一上枱嚇親我，因為真係大大隻蟹放喺你面前，肉質鮮嫩，加上咖喱汁好滋味。而花膠炆冬菇簡直係出乎意料，每碟嘅花膠size係手掌咁大嘅花膠, 好多骨膠原嘅感覺但係又1一D都唔腥！簡直係

跟舊同事聚會，一行四人來到位於觀塘極尚大瀛喜日本料理，這裏供應日式放題，這裏非常爆滿，必須要提前訂位才有得吃。這裏跟位於旺角日式放題最大的分別是，這裏的座位寬闊，不會逼逼夾夾，而且座位非常多，但亦都非常爆滿。這間餐廳在OpenRice的食評一直都很好，所以我哋早兩個星期前已經在這兒訂了位。一坐低我哋就拚命地點了魚生、壽司、天婦羅、羊扒、日式小食等等餐廳提供的魚生非常新鮮美味，應該是人流多的因素所以魚生很新鮮。另外值得一提的是這裏的羊扒，超級好味，蟹粥亦都是鮮甜無比

為咗滿足男朋友食放題的慾望，所以今日中午惟有豁出去同佢一齊去食。之前經過銅鑼灣有一間，所以咁啱經過觀塘，就一於試吓啦！呢間放題最主要係用apps 下單,一開始特登download一個Apps落單，覺得有啲麻煩。但用用下又覺得幾方便，同埋幾先進喔。😄😄而且又冇落錯單，效率又幾快，又冇漏單嘅情況出現，所以都幾正！😝😝感覺上啲職員都幾有禮貌，有好多嘢食，幾乎係應有盡有。第一時間當然係叫刺身先啦！嘩！😲都幾大碟喎，但之前聽人講過或者睇過啲評論，話會出煙都唔覺得有出煙嘅感覺。😑好抵食，夾埋大件，但味道就一般，唔係想像中咁鮮甜咯！😳啲羊架有少少騷嘅感覺，似乎唔係太好食！😣最特別就係蒲燒鰻魚，呢樣真心覺得好正，啲鰻魚熱熱地，感覺而且幾香，幾好食，忍唔住叫完一碟又一碟。👍🏻😆😁試過其他間放題，好少有得食蒲燒鰻魚😎😎😎至於飲品方面或者甜品方面，都幾多款選擇。😌但佢似乎最主要係以道地產品同埋雀巢產品為主，如果可以有多啲口味，例如Haagen-Dazs嘅選擇咁就最好啦！😏