阿來泰式地道風味

Open Now

Now Closed

今日同另一半先出旺角行陣街。再打算睇戲，因為戲院依家唔食得野，所以決定先醫肚再睇戲，反正有時間。男友話想食泰國菜，話記得先達後面等小巴個度有間泰國餐廳。餐廳望落去唔算大，不過後來我聽到佢地講「樓上丫」（原來有兩層）我同另一伴則坐係樓下。✨睇黎繁忙時間佢地都係好忙，出出入入既客人不斷，但發覺個個店員都好有活力，感覺好似同好多客人都好熟咁。而且佢地做野都幾快手，但又唔急同唔會因為忙而黑臉。✨另外我更驚喜既係，佢地每張枱都放左消毒搓手液比客人用（感覺好窩心）講返野食先，因為我鐘意食生蝦同生菜包，餐廳有數款二人餐可所供選擇，我地就簡左$328 2人餐。估唔到2人既量，我覺得可以3個人食，因為份雞係例牌，豬頸肉都係例牌，生蝦仲要好大隻！仲有兩配白飯👏👏

今日落住滂沱大雨，但係無阻我想食泰國菜既意慾。去左旺角通菜街，大約離地鐵站五分鐵左右既阿來泰式，係長沙彎都有見過，有個泰國人像係鋪頭出面果間，但第一次入去食，冇諗過，平日仲要落住雨都咁多人。值得一試既一定係個冬陰公湯，濃，香，多料，只要你係食得辣既，一定要飲, 最驚喜既係，有幾隻大蝦，入面仲有蝦膏添！！！之前食過九龍城既菜生包肉，好辣，呢到既無咁辣，只要簡走啲辣椒就得！蔬菜都好新鮮啊，一淡蔬菜配一勺碎肉，個口感，好豐富，食過想再食，只係食到最後剩番好多肉，如果多啲生菜就好啦。 海南雞飯，包埋係個set入面，無諗過係咁大份，又嫩，唔會太多脂肪，再加埋兩碗超好咪既油飯，只食飯都好味。個醬都好好味啊！豬頸肉個口感都好爽，只係無乜味，好似純粹燒過尼，如果有醃製過應該會好味d😝擺到成台野食，200幾蚊埋單，抵食又好食，比錢都比得心甘情願。如果間鋪頭大d，多d分店就好，因為其實人多，食野既時間都限制左，食完就要即刻走，同個朋友聚下舊既時間都唔多。希望呢間野可以愈做愈大！

星期日晚，旺角真係好多人，和朋友正在諗緊食什麼的時候，經過通菜街這間阿來泰式地道風味餐廳，覺得都幾吸引，全場滿晒座，同門口店員說兩位的時候，他們邀請我們上樓上雅座，原來餐廳有兩層又幾好喎， 樓上更加安靜，座位闊落，坐得很舒服這間餐廳都幾出名，牆上有很多飲食雜誌的訪問專欄，菜式很豐富，比較之下，和朋友點了二人餐＄328 ,可以選擇泰式滷豬髀，或者泰式海南雞，燒豬頸肉，山下刺身，泰式肉碎生菜包，還有白飯或者油飯兩碗，飲品兩杯。先上枱是泰式海南雞，都有差不多半隻的份量，去骨，雞肉做到很嫩滑多汁，皮肉分離，配着秘製醬汁一齊食，讚再來生蝦刺身，山蝦很大隻，中間開邊，夠新鮮，不過一上台就要快快食，因為底下鋪了冰粒，很快就會用了變水，醬汁不是很辣。泰式肉碎生菜包，豬肉碎炒到很香，食泰菜必點泰式豬頸肉，豬頸肉燒到很香，肉質很鬆軟，醬汁很特別，甜甜地，不似其他泰菜的燒豬頸肉醬汁，但是好好味加$10可轉蒜蓉包，烘到香口，蒜蓉味重，但是太飽，食唔曬啦啤酒不跟餐，要散叫，甘地道的泰菜，當然要配番支泰啤啦！整體來說，真係不錯👍有時間可以試下

兩個人喺OpenRice搵左呢一間旺角既泰國嘢試試，不過始終都係覺得食泰國嘢都係要去九龍城，硬係覺得啲味始終都係爭啲啲泰國feel，整體來講都叫做OK啦，唔算難食。首先黎個金邊粉，估唔到佢咁大碟，可能我食開個啲金邊粉比較濕同埋斷開細細條，容易入口啲，所以今次呢個我就覺得偏甜而且太大「住」，乾得濟，油就一d都唔油，唔怕「漏」。你個香芒蟹肉炒飯就真係零瀉特別， (可能因為我未食過嘅關係)，一開始覺得濕爹爹的的口感有啲奇怪，後來食食吓又覺得佢同啲炒飯好夾， 1濕1乾，而且真係好香芒果味，芒果同蟹肉仲有炒蛋嘅份量都比想像中多，當然啦，你就唔好預佢啲蟹肉有好重嘅蟹味啦。鹹淡適中，亦都唔會油，呢個炒飯都叫做唔錯㗎啦。食泰國嘢梗係一定要叫生菜包啦，今次呢個生菜包嘅豬肉餡肥瘦適中，不過如果就咁食嘅話就有啲油膩，用生菜包住黎食就可以平衡返嗰陣油，而且佢會辣辣地，都幾野未，但就爭緊d獲氣。本來好期待呢個豬頸肉炒椰菜苗，可惜有d失望，豬頸肉肥瘦唔均勻，偏瘦，難咬，椰菜苗食唔到本身既菜味，只係得蒜頭香，個汁傑左d，而且太多啦。

夜晚放工時段出左去旺角中心搵完朋友，就不如簡簡單單係附近搵餐廳食晚飯，有人偏好泰國菜，於是openrice搵到呢間係未食過既，呢條街都有啲野食，有食過呢條街既米線，不過唔知原來呢度開左泰國餐廳。舖店細細，不過平日都有位，原來樓上都有大檯，我仲諗左一陣如果剩係得樓下幾張細檯咪好快無位😅牆身貼滿曬餐牌上既食物相片，有得睇相片梗係食慾大增，搞到好多野都想食！燒豬頸肉、沙爹串燒睇落好似燒到少少焦邊，menu有二人套餐都幾抵食，之但係lunch食得好飽所以我地決定散叫可以自由選擇～首先去到邊間泰國餐廳都要叫既冬陰功，我地叫左一份細既，2個人share都有4小碗，即係每人有2小碗，都好抵飲！味道夠開胃！飲左1碗開始覺得幾辣不過佢既酸中和左，裡面有好多香料，又有好多秀珍菇同埋2隻新鮮大蝦，即刻令冬陰功增添唔少鮮味！蝦真係好鮮甜，唔係一般無味既急凍蝦，讚！而生菜包夾雜住紅蔥頭、蔥、香葉，豬肉炒得唔鞋夠juicy，肥瘦適中，自己鐘意再酸D，加D檯上既調味料就最正！豬肉碎有好多，相比下生菜得5-6塊唔夠包呢～如果多2塊生菜，大概有8塊就perfect!仲有叫左個炒飯，唔好睇少佢，其實呢度叫份量好多！食落口

八月果陣去左一轉泰國，一直都好掛住泰國的味道。今日同朋友行開旺角，經過呢間主打泰式食品既餐廳，就入左去試試。「不過不失」生蝦相信係泰國菜必點食物，呢度既生蝦唔算好特別，生蝦汁有點兒稀，偏淡，唔算好做到提鮮既效果。而生蝦就夠爽口，食落算係脆身既蝦肉，呢點可以補返丁點兒分。「相輔相成」生菜包食落係一種好熟悉既感覺，有啲似屋企既蒸肉餅切粒。睇落個色水偏淡，本以為會淡口，唔夠味，但食落係剛好的，而且辣味好出，係下道開胃菜。生菜塊塊大小相約，而且唔係濕漉漉既，拎上手算舒服，整體來說幾唔錯。「嘖嘖稱奇」到左呢碟不得不提既主角──海南雞，本身覺得係度食海南雞會有啲奇怪，但見鋪頭入面個個都係咁食，咁我地都叫埋一份。雞皮咬落唔油，再加埋佢個雞醬，完全唔覺油膩。而雞肉就好滑，食落好腍，我估應該係廚師既功勞，值得一讚！「平行互補」甜品係芒果糯米飯，呢度食既係白糯米，唔係我心愛既紫米，不過估唔到都有驚喜。糯米有甜味唔係死甜，而且仲會有點點既鹹味，加埋個椰汁食落有一個平衡係度。另外，芒果可能唔算係當做，食落有點兒酸，扣小小分，不過整體黎講，呢個甜品係值得返黎再食既。最後想講，呢度上菜速度十級快，我地落左單唔夠三

同中同食惹味泰國菜，其中有個推薦啊來，Good choice！好多人好旺，排隊排左將近半個鐘。［必點1］極力推薦豬頸肉！［必點2］魷魚筒！［必點3］炒通菜！以下個人不太建議呢到嘅小食水準好高，主菜有待改善，但比較之下我覺得公司附近嘅紅蟻泰國菜食物火候夠價錢平民更抵食！

約了朋友在旺角小聚，在openrice 見到阿來泰國菜，訂了晚上8：45 。我們都早了一點到達，等了一會，大約9點可以入坐。因為太肚餓的關係，在等待時間已選定餸菜，希望食物早一點到。枱面上整齊放了不同醬汁，魚露，醋， 辣椒粉。生菜包，生菜份量不多，肉餡炒得香口，鬆化不鞋口，每一口都有淡淡香料味，十分開胃。椰汁雞湯（小），十分香濃！！湯內有雞肉，靈芝菇及小蕃茄，雞肉沒有雪味，菇亦沒有草腥！十分新鮮 。泰式炒金邊粉，伴有青檸及花生碎，粉上有一塊很靚的蛋網包裹。金邊粉炒得乾身，味道不錯。金沙炒蝦，有2隻大蝦開邊，蝦肉爽口彈牙，咸旦黃醬平均地包裹蝦身，香而不膩，底下的炸粉絲過足口癮，正！！！炭燒魷魚，有點過火，但魷魚非常新鮮。

出動搵食之前通常我都上下openrice睇下各位食家有咩好介紹，睇到介紹阿來，照辦煮碗叫左個2人B餐，只需$298就有4個餸，2個飯，2杯飲品！ 仲唔加一，單睇價錢已覺超值！ 我平時好少食到海南雞會唔失望，但今次讚不絕口，肉質又夠juicy，好夠味 連平時唔鍾意食雞胸既我都食晒！連埋個油飯，簡直一流！ 落單姐姐見到我地2個女仔，已經主動話可以裝少啲飯比我地(不過裝少左都有咁多) 如果男仔黎食一定夠飽！呢個餐竟然都包6隻生蝦刺身，簡直係一大亮點！ 每隻都咁大隻，新鮮無雪氣又唔腥，又彈牙，非常讚 通菜比我想像中辣，但都新鮮好味 生菜包都幾辣，所以食唔得多，下次去要叫少辣先得！個餐仲一人包一個飲品，我地叫左柚子蜜之類，但顧住食，唔記得影相添！整個用餐體驗好不錯！星期二閒日餐廳都唔算太爆，唔洗點等位，好快我實會再黎啫！

今日約左班大學同學食飯，見到開左間泰國菜，泰國菜係我最愛，咪一齊入去試下。一行５人叫左碟炸蝦餅，生菜包，酸辣鳳爪，燒魷魚，青咖哩雞，燒左條鰂魚，飛天通菜，滷豬脾，同埋２個椰青，３杯青檸梳打，食左咁多野，埋單時有驚喜，先$674,好抵!!。燒魷魚好新鮮，完全唔un，酸辣鳳爪夠哂辣，超好味。青咖哩送飯啱哂，滷豬脾夠入味。By the way,上菜略慢, 可能因為新開張關係啦~師傅係泰國人,除左係味道上食到泰國風味之外, 亦感受到佢地既熱情同好客!!我會再黎旺角幫襯