Steak Bar (Closed)

都有一排冇食過石燒牛，突然有啲掛住就搵左一間專門食燒吉列牛既店😚，環境唔算好大，不過坐得舒適，價錢食物質素都成正比👍🏻。✨另設加一-💕 Set B吉列炸牛扒 $188👅好味指數：8.8/10吉列牛份量都唔小，有大概10件，女仔未必食得哂😂。上菜時牛扒已有三成熟左右，外層薄薄麵包糠，食落勁香脆，肉質軟腍☺️重牛味，唔洗沾牛肉汁都夠味。而飯配有飯素，令人更開胃🤤，配菜仲有沙律同醃蘿蔔，可以減低番個油膩感👍🏻。-💕 Set E石燒薄切牛肉 $178👅好味指數：8.8/10牛肉紋路色澤都好靚☺️油脂比較豐富，厚薄適中，唔會話真係好薄👍🏻，肉質鮮嫩多汁🤤。-環境：7.5/10服務：9/10整體味道：8.8/10回頭率：8.8/10

對牛魔王嚟講，又想簡單方便又想食到高質素石燒牛，銅鑼灣嘅Steak Bar就係不二之選。他們有多款石燒牛，有頂級板腱、頂級肉眼、有勁出名嘅吉列炸牛扒、有薄切牛，仲有魚同羊，全部跟餐上，有飯同沙律，仲有醃蘿蔔，一定食得飽飽。今次小編同朋友叫咗兩個餐，唔想只食牛，都想試吓其他，結果叫咗一個牛一個羊，牛好味就一定，羊都一樣正👍。📌石燒薄切牛肉牛肉切得厚薄適中亦大塊，放一陣喺塊熱石上剛好半生熟，牛肉肉質鮮嫩唔韌多汁，份量亦都剛好，配上醬汁非常好味😍。📌羊架三件羊架雖然唔大，但味道都一流，羊羶味重，羊架非常新鮮，醬汁仲配有燒汁同芥末兩種選擇，小編覺得兩款都正，兩款都要試，整體讚👍。

.‼️❤️ 記得CLICK我PROFILE關注我呀 ❤️‼️.🐮 𝙃𝙤𝙡𝙮 𝘾𝙤𝙬 𝘾𝙤𝙬 @ 🌟 Steak Bar《👽食神大媽食牛牛》.💁‍♀️ 圖片展示美食為：石燒薄切牛肉 HKD 178吉列炸牛扒 HKD 188紫菜薯條 & 蜜桃梳打 HKD 35.👽 大媽今次黎到呢間位於銅鑼灣嘅牛魔王嘅天堂，可以一次過滿足晒又想食牛、又想自己落手石燒、又想性價比高嘅慾望！👅.🐂 平時一見到一字頭嘅牛牛，都會擔心質素可能會麻麻。而呢度不論你係選擇邊一款套餐，都只係一字頭咋！同埋用料唔差喔，咬落絕對冇筋唔會韌，同埋全部套餐都配以前菜、沙律、同飯，絕對算幾豐富架！😬.🥩 打頭陣係「石燒薄切牛肉」🪨 一落舊石度燒，超爆香！點埋特質牛牛汁，餐後都無覺得口渴，絕對真材實料唔係靠味精 😋.另一款人氣推介就係「吉列炸牛扒」，性價比絕對高，D牛係厚切唔靠炸粉堆砌，同埋係超軟嫩呢！必食！🤤.🍟 餐廳仲要超聰明，推出叫飲品送小食嘅優惠，做到生意之餘又可以滿足食客！大媽就點選左「紫菜薯條」同「蜜桃梳打」，配埋D牛牛一齊享用，超滿足呀！🌝.😃 地理位置超方便，性價比又高，店員仲要有禮貌，絕對要黎試下呀！❤️.‼️❤️ 記得CLICK

登龍街多好嘢食, 今次俾餐廳嘅招牌同門口嘅石燒牛menu吸引，就走咗入去試，點咗：🐮Set E 石燒薄切牛肉 - 強推呢個！🤩🤩入黎就係為咗食石燒牛，所以就點咗呢個。店員端上石燒爐嘅時候，溫馨提示，要等五分鐘後，等牛油溶咗先開始燒。一邊燒，一邊就聞到牛香，自己控制幾成熟，食落去係半生熟，加埋一齊上嘅sauce，super like! 🐮Set A 澳洲黑毛安格斯西冷 - 既想食石燒牛，又想試煎好嘅牛，於是就揀呢個，揀咗7成，燒出黎剛剛好！點飲品，可以加多一個小食：🥤荔枝梳打 + 🍟和風紫菜薯條 - 雖然個薯條係連飲品黎，但份量都唔細👍🏻🥤柚子梳打 + 🐥蜜糖蒜香雞翼 - 雞翼燒得剛剛好，加埋蜜糖同蒜香汁，真心不錯仲有要一提嘅係，呢度有位聲音好溫柔嘅女店員。一入到黎，佢已經好主動地介紹個餐牌，上餐時又提我哋要五分鐘後先開始煎啲牛肉。香港人生活太急趕，坐低食飯，聽到把咁溫柔嘅聲，未開餐都已經relax晒😌

小編今日走到登龍街覓食，心血來潮想食石板牛😚就入咗去steak bar嘆牛😍Set D 頂級板腱牛扒🥩 (每日限量) $215板腱牛肉味更為濃郁，肉質較細嫩，有咬口之餘又唔會韌，加埋秘製醬汁仲惹味🥳溫馨提示，熟成度揀5成熟，咁樣更加可以食到板腱牛嘅最好口感，想熟d嘅朋友可以借有石燒set嘅燒一燒啦🤓想食就唔好錯過啦，因為每日限量㗎🤫‼️Set E 石燒薄切牛肉🥓 $178新鮮紋理清晰的薄切牛肉，最啱係放喺石爐上燒。石板上有牛油做開場，燒嘅時候聞到香噴噴，令到小編流曬口水，牛味十足。配合調味料：蒜片、醬油、鹽🧂仲入味😌另外，每個set都有配上沙律🥗及加有飯素的白飯，好開胃🍚Steak Bar (銅鑼灣)銅鑼灣登龍街36-48號登輝大廈地下B舖

吉列牛並不是新菜式，據知早在一百多年前的日本已出現，但近年才爆紅。筆者曾在東京吃過數間品牌，確實很不錯，不知道香港的吉列牛又能否媲美呢？Steak Bar位於銅鑼灣登龍街，漆黑的門面顯得十分型格，頂部掛著金色的牛頭招牌，形象突出，更有畫龍點睛的作用。餐廳的室內空間主要以啡色木材為基調，感覺樸實舒適。職員主動上前向我們介紹餐廳的人氣餐點及特色，服務態度良好！在職員的推薦下，我們點了吉列炸牛扒 ($188) 及石燒薄切牛肉 ($178) 。吉列炸牛扒 ($188) 的肉較有口勁，雖說脂肪欠奉，還有點肉筋，卻不會太難咬開；牛味不濃，但值得一讚的是粉漿不會散開，經煎烤仍能緊抓牛肉，配以蒜片，鬆脆可口。石燒薄切牛肉 ($178) 較合我口味，油花平均，只需在熱石板上煎烤一會，牛味更為香濃，肉質軟稔。總括而言，食物質素中上，但此價錢在日本能享用更高級的日本國產牛，值不值得便由大家決定。

吉列炸牛扒🥩($188)好好玩🤪🤪，熟度可以自己控制，份量都幾多如果多budget既可以叫吉列炸和牛石燒薄切牛肉($178)肉汁好多，好juicy,好淋，煮煮下突然間車起晒啲火，侍應就同我講係因為啲肉有肉汁所以汁同油溝埋左，所以就大火，煮嗰陣要小心啲。2個set 都送前菜、沙律🥗同飯可能因為用牛油🧈煎，更加香👍🏻燒完可以點燒汁同海鹽，加埋蒜片就更加香😋星期一至五去食抵d，有set lunch

中意食牛嘅朋友注意⚠️平時食吉列豬多🐷今次發現到一間高質吉列牛食店！推介推介👍🏻👍🏻👍🏻《吉列炸牛扒》$188極厚切吉列牛😍是旦夾一塊都有我半塊面咁長！睇賣相都留曬口水，肉質鮮嫩粉紅，條紋分明好新鮮🤤自己燒可以控制幾成熟🔥但我試過係點燒都唔會靭！識燒嘅會打側燒埋金黃炸粉😎咁就外脆內軟，沾上鹽/燒汁食口感無敵😋《石燒薄切牛肉》$178呢個平少少但一d都唔輸蝕！牛肉薄得黎脂肪分佈平均🥩好易燒，口感似牛舌👅有好香好濃嘅牛肉味，齒頰留香😍👍🏻配多料素飯好好食唔知點揀好？店員會細心介紹唔同牛肉分別、點燒同食法😊服務態度加分💯 依家仲有8點半後据扒送紅酒優惠添🍷

今天終於有機會試下吉列牛😍星期六日同埋公眾假期嘅午餐係用晚餐餐牌，價錢唔差得遠。全部定食都有沙律、前菜同埋一碗白飯。鍾意個芝麻醬豆腐前菜😋吉列炸牛扒（$188）第一次食吉列牛，同埋自己燒，D細路好開心😂。侍應會講解點樣燒，每邊燒30秒就得啦！吉列個漿唔係太厚，幾脆😋。份量比想像中多。Cowboy Steak帶骨牛扒（$328）侍應介紹咗話呢塊未燒唔計骨係18安士😮又話得返一舊，就即管試下🤔煮左後比想像中細塊同埋薄😓，可能因為多油脂，所以縮咗好多。肉真係好腍🤤！比起吉列牛腍好多🤣。份量可能兩個人share再加一個定食就啱啱好👍🏻石燒薄切牛肉（$178）強烈推薦！好多肉汁，好嫩好腍🤤唔係太薄，份量又多👍🏻。（晤好燒太耐😉）香煎魚柳（$198）試埋呢度嘅海鮮，竟然唔錯😮個人覺得油膩咗D，但係魚肉嫩，份量都多。個人覺得無理由貴過牛肉😅Charlotte Street Shiraz 紅酒（$58一杯）整體嚟講，食物唔錯👍🏻牛肉係掂嘅😋。服務好好，環境舒適。如果定食包野飲就更好😬

上次在中環店試過SteakBar的牛後一直念念不忘，所以是次經過銅鑼灣店便再來一試。由於上次已經試過「吉列炸牛扒」和「安格斯西冷牛扒 」，今次決定Encore「吉列炸牛扒」$188和試另一款「石燒薄切牛肉 」 $178。日式定食附上前菜、日式沙律和味素飯。飯的味素份量頗多，令白飯非常惹味增添咬感；而麻醬豆腐口感清新、健康有益，加上沙律一洗牛肉吃後的油膩感。石燒薄切牛肉是餐牌中最便宜的套餐，牛肉共有7片，油花均勻，每輕燒20至40秒，配上蒜鹽、燒汁及炸蒜片佐食，使牛味更有層次感。這份吉列炸牛扒再次沒有令我失望，把吉列牛排放於高溫燒熱的石板上，快煎約1分鐘，把肉汁緊緊鎖住，配上香脆皮薄外皮，能吃出外脆內嫩的肉感。不論中環或是銅鑼灣店，兩間SteakBar分店都能保持水準，極推介喜歡吃牛的朋友。

周末難得和女友去銅鑼灣行街，竟遇下雨天，如此天氣，心情實在不好，唯有食餐好西，當作補償。餐廳位於登龍街。雖然是平日中午，人流卻不多，即時可進場。餐廳裝修偏向日系，森林色系的感覺，木質紋理的餐枱，和黑啡為主的餐椅；燈光柔和，感覺頗舒適！店員十分貼心，當我們就坐後，細心地向我們二人講解午餐餐牌內的各種食品，牛肉當然是主打，另外也有魚作主題的定食，製作方式則主要有兩類，一種是要自己燒，另一種由廚師製作。我們點了兩款都是要自己燒！。Set A 石燒薄切牛肉 ($178)店員迅速就把食物送到，速道之快可比快餐店，有效率！上餐時店員也十分細心，提醒我們要掌握燒的時間，要先等幾分鐘才可以開始燒肉。牛肉脂肪比例不高，主要是肌肉，但鐵板上有牛油，算是彌補了牛肉油份不足的問題，牛肉品質很好，隨着鐵板的熱力，牛肉香味隨之四溢。當然，這不是甚麼頂級和牛韓牛，但午餐來說十分滿意了。Set D 吉列炸牛扒 ($188)另一道定食是吉列炸牛扒， 都是要自己燒的，上餐時店員也十分細心，提醒我們要掌握燒的時間，要先等一分鐘才可以開始燒肉，和上一道分別是這道沒有牛油在板上。肉質頗佳，有油份，不會太肥，吉列外層也十分鬆脆，

餐廳位於登龍街，呢一區有唔少餐廳，好多都要排隊，經過呢間餐廳今日唔使排隊於是決定一試。餐廳唔大，但感覺乾淨。想食石燒嘅牛肉，又唔想食周圍都有嘅吉列牛，所以試左比較特色d 嘅 Set A石燒薄切牛肉 $178。一個set 有薄牛肉大約8片，沙律一小兜，胡麻醬豆腐一小塊，以及飯素白飯一碗，其他細細碟係調味用炸蒜、燒烤汁、蒜鹽。其實整體份量唔算多，一個女仔食得曬。尤其是牛肉份量真係有d少。沙律用的好像是柚子沙律汁，幾fresh，豆腐都幾嫩滑。石板上有牛油，牛肉好薄，稍微煎一煎已經食得，都算嫩，有牛油香味，點d 燒烤汁就夠味d，若牛肉味能濃一些厚身一些就好了。飯素加飯就係預期的味道。芝士粉薯條 $48不知道是否餐廳特色，薯條雖然熱，但內外質感都是軟軟腍腍的，跟平時外脆內軟的很不同，但芝士粉幾均勻，每條都均勻沾上。店員服務態度不錯，點菜時不知道怎麼選擇，他們會主動詳細介紹menu，走的時候也有禮開門送別。

今日中午去咗銅鑼灣依間食石燒牛嘅餐廳🍴試一試佢地嘅石燒牛。店舖位於勁多拉麵🍜店嘅登龍街，所以都容易搵到。.而店入面比較昏暗。不過12:30 lunch 時間，都唔算太多人，而且唔洗等位，位置又唔會太迫。點咗個set A，石燒薄切牛肉$178。會配前菜（凍豆腐）丶沙律🥗同飯素。另外，叫咗一個set c，頂級板腱牛扒$215。同樣配前菜丶沙律同飯素。.店員嘅上菜時間都幾快，大約5-10分鐘左右。首先，講下個石燒薄切🥩牛肉，牛肉嘅花紋真係幾靚，而且唔肥，大約有6-7塊。而個石燒火喉真係好大，食完個火都未熄滅🧯。而啲牛肉真係有牛味同肉質嫩滑，唔會粗糙。而個凍豆腐真係好滑，而且好有豆味。不過胡麻醬唔夠多，而且食落去真係比較淡。特別講下個飯素，真係幾好味。因為有紫菜加上芝麻粒粒，份量都好多👍🏻，食落去好開胃，又同塊牛肉幾夾。😀🍚而另外一個頂級板腱牛扒都幾大塊，而且都係幾厚，可以揀5成/7成熟。朋友揀咗5成，5成塊牛會有少少血水，不過好有牛本身嘅牛味。而因為我唔食得有血水嘅食物，所以我用咗石窩燒熟咗幾塊去食。牛嘅肉質鮮嫩，而且塊牛鎖住少少水份，食落去幾juice 而唔會難嚼。🐂👍🏻.不過價格方面真係

在日本興起的吉列牛自從登陸香港之後，都已經試過好幾間，普遍都算可以，有些就比較參差。今晚試呢間並不是以吉列牛做主打，最主要是賣牛肉的，不過餐牌裏面都有吉列牛套餐。於是就叫一個吉列牛和薄切牛套餐。這裏最值得一讚是他的上菜速度，不夠5分鐘已經上菜了，不過快不等於馬虎，盤子擺設仍然是有一定的講究。沙律，凍豆腐，醬汁一應俱全，飯亦都不只是白飯，上邊鋪了應該是有紫菜碎和炸蔥般的脆脆。先試薄切牛，薄薄的不用30秒就已經煎熟了，牛肉鮮嫩脂肪不算多，加醬油一齊食十分之美味然後再試吉列牛，上的時間只是有三成熟的，需要再放下再煎一煎，熟度隨你喜好。第一口，非常之有驚喜因為表皮的炸漿經過一輪煎煮亦不會變淋，仍然維持脆口整塊吉列牛不會過肥，屬啖啖肉的一種，無論是5成或全熟都不會食到有渣，值得一讚雖然兩款牛肉吃下都不是高級牛肉之列，但以這個價錢和他們處理的手法，就將這兩款牛肉得到最好的表現。

這天在銅鑼灣逛街並在附近午飯，在登龍街發現了一家專門吃日式牛扒的店，很有特式，所以來一試... 這裡有提供午市套餐，除了主菜牛之外，還包括沙律、前菜(豆腐)和日本米飯。主菜我們點了吉列炸牛扒和石燒薄切牛肉。 薄切牛肉是大大片的薄切牛肉，在煎板上不消一會就燒熟，牛肉味濃郁，肉質嫩滑... 配上炸蒜片和秘製燒汁來吃，十分惹味... 這裡另一賣點是可以自行動手燒牛扒，在陶瓷板上控制生熟程度，新奇之餘亦好玩。牛的質素亦很好，要食高質素的牛肉，這裡確是不二之選，值得推介。 吉列炸牛扒的外皮很脆，而且不太油膩，肉身鬆軟，有種入口即溶的感覺，經燒過的牛扒味道很特出，外脆內軟，配上牛油的香味令人食慾大增，吃的時候配上燒汁和蒜鹽實在別有一番風味。 ❤️