匠森串燒

Open Now

Now Closed

🍢🍢🍢需時製作嘅串燒▫️qr code 落單，免加一🐷秘製燒豬頸肉 -$58一份大約有7條，都燒得幾香，有口感，配咗泰式酸辣醬。🐔燒雞軟骨（兩串） -$28調味主要係用孜然粉，都ok🐟燒多春4條-$38燒得比較燶，都係孜然粉嘅味道🍆秘製金黃香蒜茄子皇 -$48都ok, 蒜味夠濃，但係做唔到皮肉分離，有d難搞，味道偏鹹，條茄子都比較細條，得好少肉。🥢燒腐皮墨魚滑 -$68呢個由落單，去到上菜等咗超過50分鐘，想食嘅朋友要早啲落單。好彩都真係幾好食，外層嘅腐皮好脆，入面嘅墨魚滑都好彈牙，都好惹味，不過都係有啲偏鹹。

上星期嚟到觀塘匠森串燒 ，同朋友一邊食串燒🍢一邊傾偈放鬆下～平日夜晚都好多人呢，而店內有多款唔同嘅串燒，無論係肉類、海鮮定係小食都好多選擇呀～我就最鍾意煙肉芝士燒巨菇、秘製燒豬頸肉同燒生蠔。豬頸肉燒到有少少燶邊，入口爽口彈牙又多汁👍🏻 而煙肉芝士燒巨菇，肉厚多汁，芝士份量十足，芝味濃郁。燒生蠔肥美飽滿，味道濃厚，口感仲好creamy綿滑🥳差啲唔記得仲有燒腐皮墨魚滑，脆卜卜夠晒香口，加少少泰式辣醬都唔錯㗎！✨煙肉芝士燒巨菇✨豚肉荔枝卷✨豚肉芒果卷✨秘製燒豬頸肉✨燒雞中翼✨燒腐皮墨魚滑✨燒新鮮生蠔✨燒韭菜✨冰凍柑桔檸檬特飲✨冰凍提子特飲

觀塘區工廈講飲講食，第一時間會諗起駱駝漆大廈，但唔想次次都咁悶嘅話，我哋推介呢間串燒店比你哋，收工想食下串燒飲下酒，都會係一個幾好嘅選擇😙汁燒安格斯牛仔骨 $78必點！醬汁甜甜地，食落肉質嫩滑，都幾Jᴜɪᴄʏ，牛味頗濃😋燒特級牛舌芯 $68份量適中，有一定嘅厚度，燒到微脆，口感爽彈得嚟中間有少少軟熟😜秘製燒豬頸肉 $58今次呢塊豬頸肉偏瘦啲啲，份量都Oᴋᴀʏ嘅，食落豬味都在線，肉質都幾嫩，帶點爽口，點埋個醬食都幾惹味😗鹽燒新鮮海蝦 $48有4大隻，又係必點！蝦肉拆完都夠哂大，燒得啱啱好，唔乾身，肉質紮實而爽口，味道帶點孜然味，不過建議用口拆殼，🐻表示好耐未試過連拆殼都咁享受😏東北風味羊肉串 $22呢個孜然味極濃，食落完全係東北口味，羊臊味唔重，肉質都頗嫩，幾易咬開👍🏻煙肉芝士燒巨菇 $45燒香口五花腩 $22燒墨魚丸 $22