東京築地拉麵 (Closed)

今晚很想吃拉麵，上Openrice查看一下，看見這間拉麵評價不錯，所以特來試試。等了大概十五分鐘便沿樓梯向下往餐廳，一坐下，侍應便遞上菜單。食物款式也不少，我和友人快快點菜後便問侍應生取杯水，可是他忘了，唯有再點一次。然後，我點的是黃金濃厚豚骨湯叉燒拉麵，喝了一口湯，並沒有濃濃的豬骨湯味，而拉麵也跟平時在日式拉麵吃到的亦有不同，麵條沒有吸收到湯底的味道。半熟蛋處理得不錯，既糖心又流心。叉燒是多肥少瘦，瘦的部分夠入味，但肥的部分則太多了。然後，飲品先上，這裡的乳酸產品也有不少客人點，而其質素也不差，不會因溝水太多而淡而無味，只可惜份量太少。友人點的這個牛肉飯是在我的拉麵吃剩一半才到。這個牛肉丼跟外面的是很不一樣的，用的牛肉更像是牛腩，味道像中式的牛肉飯，但加入了京蔥，又拾回一點日本的味道，友人十分推薦。然後，拉麵和飯也都吃完，再多等十分鐘，燒活鯛魚才上菜，上菜時間實在有點太慢。鯛魚尚鮮，有檸檬汁、鹽及日本甜醬油可點。吃過拉麵和飯後，實在太口渴，叫了侍應加水，他應了一聲後又沒了這回事，這家店侍應的服務態度不算差，但好像記性不算好呢...而且我們坐在近門口位，有客人出入開門時超扯風，實在有點

老公今日特登提早放工,陪我去朗豪坊睇戲,入場前食返個DINNER 先..東京築地拉麵之前都有同朋友一齊食過拉面感覺食物水準唔錯,今日經過見到佢新出牛丼飯決定再一試首先叫左一個仙境沙律 $38,外型非常得意,食落脆身, 加入少少生果,沙津菜值得推介好厚身, 又肥美既三文魚刺身口感佳.. 價錢唔算貴$49築地牛丼 $46好大碗, 牛肉好林身, 份量多,自家製牛肉醬汁充足,估唔到除左拉面, 牛丼飯都整得咁好食   

chicken對拉麵情有獨鍾，但香港既拉麵店價錢通常偏貴，所以唔係想食就食到，迎排終於有啲時間出黎慶祝節日，順便當食餐好。呢間東京築地已經開左四間分店，差唔多有少少步向連鎖式既感覺，旺角依間係地下鋪，落2層樓梯就到步。環境欠缺左日本既拉麵店特色，雖然有特登裝飾一下，但整體感覺比較時尚感，冇左果種日本和風特色既味道。MENU都有別於出面既拉麵店，有圖有字，連鎖式比人既感覺就係唔同。泡菜餃子雞翼，開頭以為泡菜要自己加上去一齊食，因為旁邊放左泡菜，但咬左一啖先知，原來入面都係用泡菜做餡，酸酸辣辣既味道，令雞翼冇咁HEAVY 焗芝士青口，焗得乾左少少，芝士更出既話會更好，仍有少少海腥味。仙境沙律，見到MENU個賣相已經比佢吸引左，估唔多份量都幾大同多！上層係好脆身既炸薯絲（？）再淋左個胡麻汁，下底仲有個沙律菜，成碗野食左好耐，比較適合2-3人食。築地牛丼，面頭落左芝麻同蔥花，聞落去好香，應該用左牛腩既部份黎整，牛既口感有少少＂鞋＂身，但調味醬汁做得幾好，咸中帶回香，令牛丼加左唔少分。以飯黎講，依款算比較平同抵食，份量唔係大大碗但已經夠晒飽肚。綠魅拉麵，chicken話想試新野，所以嗌左個充滿綠

去拉麵館唔食拉麵食飯😂呢個牛丼啲牛肉🐮同平時食開既味道好唔同 佢既牛肉味好濃郁 用左特別既醬汁煮到佢好林 個醬汁唔係沙嗲醬又唔係咖哩汁 係築地既秘製醬料😂再加埋芝麻同蔥😋 我覺得食物味道係唔錯 但間餐廳既樓面衛生有待改善😐 我同啲friends 都一致表示 一唔食一唔聞到酸餿味 好得人驚😖

去完朗豪坊shopping又夠鐘依肚，行行下見到有附近有間日本餐廳，於是落去睇下。屬於雅蘭中心既地庫鋪，真係唔覺唔覺，原來有一間餐廳係度。可能係地庫既關係，餐廳都算幾大。餐牌有多元化既日式食物，望落去好似最多係拉麵類。日式煎餃子 $33餃子皮夠薄，而且煎得夠香，咬落去仲有肉汁流出。三文魚刺身(6片) $49三文魚刺身都幾新鮮，性價比之選。黃金焗帆立貝皇 $43芝士帆立貝皇，手掌咁大既帆立貝，有大量芝士鋪面，淹沒左帆立貝，芝味無窮。黑椒脆皮雞中翼 $28/3隻雞翼炸得非常香脆，味道濃郁。燒活鯛魚 $68燒活鯛魚都算幾大隻，燒既火力充足，上枱時已經散發陣陣香味。揭開魚皮，魚肉仲有熱氣冒出。旁邊有一個甜既醬油，檸檬，同埋鹽。基本上只需加上少許檸檬汁已經可以帶出味道，略嫌唔夠可以再沾少少鹽，反而甜醬油我覺得同魚唔係幾夾。燒牛油粟米 $18栗米燒得幾香，不過我覺得好似差咁d牛油，有埋應該更香更滑。築地牛丼 $46築地牛丼材料豐富，大量牛肉鋪面，唔好以為只係表面風光，牛肉層都算幾厚。一般食牛肉飯最怕唔夠餸，食剩好多飯，食之無味，棄之可惜，今次就無呢個情況出現。牛丼味道都幾濃，加上牛肉夠腍，整體唔錯