阿木台灣麵 (廣華街) (Closed)

一直都覺得香港唔係太多好食既台灣麵，聽朋友講依間都幾好，就一於黎試下係咪真係好食。夜晚時間基本上都好多人排，如果要食既話我建議係手機用”gulu”拎左飛先，咁就唔使等咁耐。手機拎左飛大約半個鐘左右就入得，鋪頭比較細，所以都坐得比較逼，牆上面貼左好多佢地既產品，有拌麵同各種小食都有。我地今日唔係太肚餓，所以淨係叫左兩個主食加一個小食，分別係紅燒牛肉牛筋麵 / 麻辣肉燥拌麵 / 鹽酥雞。紅燒牛肉牛筋麵，牛肉好淋，唔使點咬就食到，個湯有陣陣香料味，加埋酸菜食都幾開胃，但我發覺加左佢地自家制既辣椒醬完全係將成碗麵昇華左，鍾意重口味少少既一定要加，會令成碗麵好食好多。麻辣肉燥拌麵，依個係出奇地好食，超級開胃，唔會太辣，好惹味，令到人食唔停既選擇。鹽酥雞，炸粉唔會太厚，食菅都唔會好乾，有人覺得佢好淡，但我自己唔食咁咸就覺得岩岩好，鍾意咸D可以自己再落調味粉。

①紅燒牛肉牛筋麵 ($69)// 湯底相對比較似清燉湯多啲🥺唔夠濃🙈不過好鐘意麵質有彈性而且有咬口🤏🏼牛肉份量多仲要每片都厚切🤩煮得軟腍仍不念咬口🐮好食好食！//Food：🌕🌕🌕🌕🌕🌑② 麻辣牛肉麵 ($65)// 麻辣湯底好香😼辣度唔會太辣 啱曬大眾食✨麵質同樣地有硬口❤️牛肉同樣外形堅挺唔會嘅夾就散😽食落好柔嫩軟榻 仲且仲帶有膠質🐮💛愛爆了ヽ(´∇｀)ﾉ //Food：🌕🌕🌕🌕🌕🌗③芝士肉鬆蛋餅 ($42)// 蛋餅餡料好多🤩✨芝士同肉鬆一夾起就爆曬餡🤤肉鬆好鬆軟唔會腍曬 但芝士唔係拉絲嗰種(๑ּగ⌄ּగ๑) 不過整體都好食😼💛//Food：🌕🌕🌕🌕🌕🌘④ 鹽酥雞 ($38)// 鹽酥雞可以再酥脆啲🙈而且調味粉再多啲都會更加好😗唔算好好食但不過不失~//Food：🌕🌕🌕🌗🌑🌑⑤ 台式炸大腸 ($39)// 大腸炸到外層脆卜卜😽而且份量好多好抵食💛不過都係私心滷大腸多啲🙈//Food：🌕🌕🌕🌕🌗🌑.💛阿木台灣麵 (廣華街) (旺角)旺角廣華街8號地舖🍮#aiiifoodie #aiiifoodie_mongkok #aiiifoodie_旺角 #aiiifoodie_黃店#旺角 #mong

呢間台灣麵次次去都好多人，所以都係食唔到，今日同朋友5點幾就去到餐廳真係冇咁多人，都係等左一枱就入得喇，座位唔算闊落兩個人叫左四樣嘢食梅子地瓜條（叫左多梅粉）好好味呀，同梅粉好夾不過我覺得唔洗多粉，因為佢地真係無手軟，加左勁多，到最後都冇食晒啲粉，有啲浪費左鹽酥雞炸得啱啱好，唔會太乾，仲有少少肉汁起司肉鬆蛋餅內饀好多，每啖都係滿滿肉鬆，好正紅燒牛肉牛筋麵呢碗麵啲牛肉好大塊呀，成大半個手掌咁大，同埋配料都唔少，肉好軟淋，湯都好飲

一路都好想試呢間阿木台灣麵但去親都排長龍 終於搵左日早啲去就食到☺️疫情下提供嘅餐具都獨立包裝 好衛生🥢紅燒牛肉牛筋麵 $69一上菜就聞到好香嘅牛味🐂湯底好濃郁嘅牛味 食完唔會覺得口渴牛肉用左牛𦟌嘅部份 非常有厚度 肉質唔韌 軟稔易咬🥳牛筋淋身但唔會無晒口感 我幾鍾意個麵底 係幼麵 好彈牙🍜😋鹽酥雞便當 $54碗飯嘅份量都幾大 我叫左多肉燥🍚質感碎肉蓉咁 好有味 份量足夠撈晒成個飯鹽酥雞炸粉唔會太厚 唔會太咸 🐓肉質都仲好嫩滑芝士奶蓋炭燒烏龍 +$19套餐加飲品有半價嘅但呢杯就有啲伏 芝士奶蓋太稀而且好少 🤭

成日聽同事講阿木，終於搵個星期六試左，睇左阿木社交平台十月頭開始可以用手機應用程式theguluhk攞籌等位，好彩預早download左，實測過大約早半個鐘攞籌，去到等冇幾耐就有位。阿木除左台灣麵，仲有便當、拌麵、小食同台式飲料，全部幾十蚊有交易，定價非常貼地親民。另一樣要讚嘅係枱上面嘅湯匙同竹筷都有用膠袋密封，食得更放心。紅燒牛肉牛筋麵($69) - 牛肉麵價錢貼地，但份量比一般台灣麵足料，裡面牛筋同牛肉各兩大舊。阿木嘅牛肉面積一塊已經等於人地兩塊，仲要厚差唔多一倍，目測接近1cm厚，肉質亦好軟腍。牛筋彈牙得黎唔會太韌。麵質唔會太腍，我特別鍾意佢地個湯底，好濃郁惹味。芝士玉鬆蛋餅($42) - 蛋餅質地軟薄，裡面有好多肉鬆，不過芝士就唔多。芝士岩鹽奶蓋炭燒烏龍茶(半價後$19) - 凡點牛肉麵式者台式便當都可以有飲品半價。烏龍茶上面有白色嘅奶蓋，但入口奶味比較淡，芝士同岩鹽味亦唔太突出，比起野食黎講，野飲就較為普通。總結，野食唔差，雖然未至於驚艷，但確係抵食嘅，而家可以喺apps攞籌真係方便好多，唔使早成個鐘去排隊。

終於食到「阿木台灣麵」，話說上次到達時先取票排隊，超多人，應該等不到。今次預先早一小時用app取票，去到剛好可入座。全晚都爆滿，氣氛幾好，係坐得迫少少，但樓底算高，感覺唔焗。有10款套餐，牛肉麵及鹽酥雞/肉便當……價錢$52-69，仲有拌麵及多款小食飲品，花光眼亂，但好似去左台灣旅行咁，咩都想叫哂來食。鹽酥肉便當 $59肉燥好正好入味，還可以免費增量(加飯加肉燥)。鹽酥肉超有驚喜，好香脆又惹味，肉質非常彈，仲好多肉汁，超讚。跟餐的是日三款配菜也好味，鹵蛋入味，花生炆豆根超軟糯入味，菜脯很爽脆微辣很開胃。紅燒牛肉牛筋麵 $69牛極厚身，一件等於人地3至4塊，所以好有口感，肉感豐富，牛筋炆得好軟腍有膠質，湯底充滿藥材香味，很滋補美味。台式炸大腸 $39好肥好香口，大腸肥美又乾淨，炸得熱辣辣，外皮脆卜卜，入口爆脂香，易咬好軟有彈性，邪惡但味道好。芝士肉鬆蛋餅 $42蛋餅包著極多肉鬆，加上芝士，咸香惹味，兩個味都好濃郁，蛋餅做得夠薄。金鑽鳳梨四季春 $34 (跟餐半價 $17)有鳳梨清甜，也有四季春甘甜，甜度剛好微甜，好解膩又有果香。玫瑰花烏龍 $28 (跟餐半價 $14)好重玫瑰花味，有烏

今日係旺角買完game有d肚鋨，就在附近找吓有乜噤食順便休息一吓，見到呢間門囗都幾多人應該唔差而且都係我幾喜歡嘅台灣美食，一於過去攞籌試吓先大約等左15-20分鐘就可以入座，在門囗等候期間見佢哋都有d台灣直送和自家製嘅物品售賣入座後我即刻選左個：紅燒牛肉牛筋麵、芝士肉鬆蛋餅，還叫左杯白桃四季春紅燒牛肉牛筋麵：麵質煙煙靭韌，兩塊厚厚嘅牛展，食落軟腍冇根牛筋嫰滑入囗即溶，正！芝士肉鬆蛋餅：大件低食，新鮮熱辣，香䓤和蛋味濃加上惹味嘅肉鬆，味道一流，超正！白桃四季春：跟餐叫半價，白桃粒幾甜，加上四季春味道剛剛好餐枱上還有鹽酥雞粉和自家製麻辣醬俾食客添加，我試過麻辣醬加落碗麵到即刻惹味好多

黃店 💛 #旺角 #油麻地 #阿木台灣麵❣️票站之一❣️今日黎咗聞名已久嘅票站之一「阿木」食台灣牛肉麵，呢間牛肉麵出名好食，作為foodie緊係要黎試吓☺️ 疫情關係，餐廳開放嘅位置少咗，所以有啲時間要排隊食。建議大家都係多多外賣，分散懲罰更好喔💛🍜 紅燒牛肉牛筋麵 （$69）大碗到傻咗😭 啲肉超多！牛肉應該係牛𦟌，每塊到1-2厘米咁厚😨😨 牛筋又長又大，同麵嘅長度有得fight😨😨真係好正🤤 台灣麵好粗又煙韌好好味☺️ 無論男仔女仔，我覺得一個麵一定飽曬😆🍹 芝士岩鹽奶蓋炭燒烏龍茶 （$38，跟餐半價）👉🏻少冰👉🏻微糖炭燒烏龍茶又清爽又淳淨嘅感覺，好適合夏天飲🥰 奶蓋唔會太濃味嘅啱我，感覺唔邪惡之餘又可以飲到口感到層次豐富嘅奶蓋茶💛🍡 綜合芋圓嫩鮮草（$38）👉🏻少冰碗芋圓大碗到可以當一餐飯😭😭 見到隔離位個女仔淨係食呢個芋圓鮮草但我又食麵又食芋圓🤣🤣 但我都真係夾硬食都食唔曬人🥺🥺 明明好好食，個奶有少少甜同紅豆甜之外其他嘢都唔會太甜😚 芋圓、小丸子都好煙韌，超愛芋圓💛💛阿木嘅門口仲有好多唔同嘅台灣產品賣，包括中秋送禮佳品鳳梨酥添！呢個鳳梨酥係阿木台灣麵同烘焙愛麗斯一齊炮製嘅，而家去到31

#22052020疫情期間，無得去旅行…..好掛住台灣啲食物。今次搵左旺角一間食台灣菜既餐廳，過一過旅行癮。嗰日去既時候排排下隊成條街停咗電，店員好好咁續個續個解釋。因為都等咗一段時間，所以好肚餓，兩個人嗌咗兩個麵兩個小食同一杯飲品。 份量都幾多，無論係牛肉牛筋定係麵。佢啲牛好軟，一咬就可以散開；麵質煙韌有彈性；佢個湯底係台灣既味道啊~~~ 麵質同樣地煙韌有彈性。不過我個人唔係好食得辣，撈咗四分一已經頂唔順。Btw 佢枱面放咗隻麻辣醬，亦都可以另外買。 小香腸連埋啲蒜片食原來幾夾 鹽酥肉好酥脆，啲肉炸完都唔會乾噌噌。 款款食物都好好食，但杯飲品呢就…..一般般啦。唔知係停電既關係定咩原因。杯野飲嚟到好似走咗冰咁，甜味又唔夠鳯梨味又唔太有，係有少少茶味咁。

之前同朋友係Openrice搵到呢間餐廳，係我少數認為佢絕對值得排行更高嘅餐廳！香港有好多由台灣人主理嘅台式餐廳，當然好多都正宗嘅，但又未算話好抵食今次食呢間阿木台灣麵，無論係麵定飯都令我非常想嚟encore多次直入正題，首先講咗呢個 $69嘅紅燒牛肉牛筋麵份量非常之足夠，一攞上嚟成碗見到晒d料，牛肉同牛筋都非常多！牛味香濃，大大塊又煲得淋易咬口，牛筋口感更為軟腍麵底同樣抵讚，佢地嘅麵係以高根麵粉每日手工製作，又彈牙又有口感配埋少少甜甜地好台式風味嘅牛湯底，冇落味精，直接飲晒佢！$52 台灣腸便當，我只能講呢個便當實在係抵到爛...會唔會蝕架到底！！配菜有D酸菜泡菜鹵物等，俾我開下胃先台灣腸俾得好多又大舊，超有咬口又質感，朋友話有少少似臘腸🤣重點當然係個肉燥飯度！有時去D台灣餐廳都好想同店家講，你俾咁少肉燥，我係想食D肉燥唔係想食白飯丫！但呢間就唔同啦！店家特登埋嚟同我講肉燥同飯都係任添！！唔係呀嘛，好彩我未嚟之前食過野，如果唔係真係想食到佢破產😅D肉燥肥瘦有致又多汁，有少少似魯肉飯，而飯粒係用珍珠米，盡情咁撈幾多肉燥都得，都咪話唔爽，呢個價錢仲要咁大份量，$52我未見過出面第２間有呢

適逢五一假期，當然要外出支持不同的小店💪🏻上網搜尋一下，最後也是揀選了我最愛的台灣美食🤤-這次選的餐廳位於旺角，是由一位台灣人經營，味道當然會比較地道👍🏻店外除了有不少文宣物品供售賣外，還有很多自家調製的醬料、漬物、乾貨和茶包，價錢也很實惠，約$25至$48👍🏻店內環境雖然不是很大，但是基本上很多的台灣美食也能在這邊找到，而且份量也不少，難怪有這麼多人排隊👍🏻-1️⃣ 紅燒牛肉牛筋麵 $69店家在這碗麵上所放的材料絕不手軟，用上2大塊厚切牛展和多條牛筋🤩牛展很有筋道，牛味很濃；而牛筋煮得很軟腍和入味👍🏻另外店家每天手工製造新鮮的麵條，質感結實，食落彈牙👍🏻配上香濃的牛肉湯，整碗麵非常美味😋- 有兩點向各位建議（1）雖然在menu上可以選走蔥或酸菜，不過個人建議不要走酸菜，因為味道易入口，伴麵吃，非常開胃😋 （2）可以蘸店家製造的無味精無添加的手炒麻辣醬，味道不太辣，而且有一點麻，吃起來好爽🤤-2️⃣ 鹽酥雞 $38這個鹽酥雞的炸粉不厚，很酥脆👍🏻內裏的雞肉一絲絲，口感紮實，而且也充滿肉汁😋最後灑上的鹽巴，更令整個雞變得香氣十足🤤-3️⃣ 芝士岩鹽奶蓋炭燒烏龍茶 $38在台灣餐廳，奶蓋是我的首選😍而

上年8月開業，老闆娘係台灣人，好熱情❤️；門外除了有售「手足廚房」嘅曲奇外，另有售賣以活動為主題嘅義賣活動，如鎖匙扣、貼紙，另有售台灣食物，由阿木出品嘅小食如菜圃、小黃瓜、酸菜等。·芝士肉鬆蛋餅 $42推薦指數:★ ★ ★ ★ ★呢款真係必點🌟，滿滿嘅蛋香🤤，皮薄而且餡料豐富，芝士未做到拉絲效果但都半溶，有芝士鹹香味，配上滿滿嘅肉鬆，味道層次豐富·紅燒牛肉牛筋麵 $69(轉粗關廟麵+$3)推薦指數:★ ★ ★ ★ ☆係台灣嘅味道😍‼️ 湯底非常濃郁，有藥膳嘅味道，有4️⃣大片牛，每舊都大大舊，半肥瘦，脂肪分布好平均，而且厚身，好有口感，每舊牛肉牛筋都煮到勁淋勁入味；麵條揀咗寬麵，幾彈牙·麻醬乾伴麵(下午茶) $36配3款小食—滷蛋、台式香腸、鹽酥雞2粒加$10配珍珠奶茶🥤推薦指數:★ ★ ★ ☆ ☆麵質煙靭，單配3款小食，有少少Dry🙈；珍珠奶茶🥤d珍珠有少少過於硬身，奶茶正常水平；整體來講較一般。

呢間台灣麵店我收藏左好耐，今日有時間又順路，終於可以去試一下。店外人山人海，逆市中佢都算係好多人，未食就已經有人頭數保證鋪頭內坐位之間唔算好闊落，人內都已經坐滿密密麻麻既人。會清晰地見到d朋友仔既說話，等食物既時候可以妨欣賞一下!好快趣就已經叫好左野食喇，女皇成日去台灣，所以我都會中意搵d台灣野同佢食!等野食既時間唔算耐，5-10分鐘都已經可以上枱，係好合理既等候時間。熱‧黑糖珍珠奶茶凍‧檸檬四季春熱個杯係女皇既，因為我飲檸檬既關係，所以我冇試到佢個杯，不過我問返女皇，佢話好好飲，夠黑糖味，珍珠偏淋身。至於我個杯茶，本人就覺得冇咩特別既，不過不失喇，但下次會選擇試其他芝士肉鬆蛋餅呢個蛋餅真係好好食，一送上枱已經聞到好香蛋味，蛋餅既皮唔會食到一口粉既感覺，厚度都好適中，芝士有味，唔會淡某某咁，肉鬆都好飽滿。蛋餅黎講，佢呢個都算係中上既質素，中意食蛋餅既朋友一定要試 鹽酥肉便當先講個鹽酥肉，味道ok既，唔會死咸，但又唔會食完好口渴個隻，脆口唔會太油，亦都唔會食一口都係粉，炸得都幾好，不過d肉就有少少"鞋"。之於個飯，滷肉都好食，如果講台灣野黎講，基本上滷肉係膽黎，呢個滷肉飯係好好食既，份量

老闆娘的祖母係台灣經營滷味攤檔，而爸爸亦有間老字號牛肉麵店，所以她繼承了手藝並用上台灣食材香港人可以品嚐台灣菜。餐廳有紅燒牛肉麵、鹽酥雞、蛋餅、芋圓甜品、各款台式飲品，價錢合理。間舖喺廣華醫院斜對面條小街，我星期日晚七點左右幫襯，有人龍但清得好快排15分鐘左右。💛黃店認證： 老闆娘曾拍片支持香港民主運動；舖頭𥚃面有連儂牆，係台灣人為香港人打氣嘅字句；店面貼滿文宣！凡惠顧牛肉麵/便當可以半價惠顧飲品。👓紅燒牛肉牛筋麵 $69牛肉份量算多，有兩塊牛和兩件牛筋。牛腱肉係厚身但夠淋，聽聞佢地嘅紅燒牛肉燘煮超過12個鐘，滷汁入味；個筋都好有膠質有漿嘴口感，但唔韌一咬就斷。麵係自家手工制，麵身偏幼，彈牙都掛湯。湯底有牛肉味，唔會太鹹飲完唔會好頸渴🤣不過中途加入小店嘅自家製麻辣醬湯底更加惹味好食。評分：8/10👓黑糖珍珠鮮奶 $17得微糖同全糖選擇而今次原味真係過於甜🤣變相唔夠奶，甜味多過奶味。珍珠Q彈但唔算太入黑糖味。整體來講飲品有黑糖味係好飲嘅，不過適合一啲鍾意飲甜野嘅人。評分：7/10👓蕃茄牛肉麵 $65有四大舊牛腱肉，同樣厚身但肉質淋！湯底好濃蕃茄味，略帶蕃茄粒，唔算酸帶點甜。如果鍾意食酸酸

撐台灣撐香港 星期六放工約咗舊同事經過「阿木台灣麵」見到有數對男女正在排隊， 門口貼著試業中我們便排隊等。 老闆是個說國語的美女，很年輕！ 會少少廣東話很可愛。店舖不大，座位有點逼，員工也有四名，十分勤勞。用已過膠嘅菜單上面用紅蠟筆下單。在台灣旅行就是用這種方式下單，感覺十分方便環保及清晰，而牆壁上也貼滿台灣支持香港的便利貼。我們點了番茄牛肉牛筋麵 / 紅燒牛肉牛筋麵 $69- 熱辣辣份量滿滿台灣麵 ，一邊牛筋一邊台灣牛肉類似香港的牛展 ， 中間放著滿滿的酸菜，我還加了老闆娘極力推介的自家製麻辣醬，初嘗小小嘴唇已有麻麻痺痺的感覺沒有太辣，加完再加，十分好味。 牛筋很Q彈 而且充滿高濃度膠質， 會黐牙。 牛肉十分柔嫩軟塌，都不用咬，不會鞋口。 麵條雖然不及台灣的粗，但麵條質地彈牙爽口。 嘗了一口同事的蕃茄湯底十分濃郁香甜。鹽酥雞$38 - 份量比想像中多， 都是用瘦雞球肉， 肉質結實，鹽酥味香濃 ，唔係死咸， 沒有太大負擔。跟牛肉麵或便當，餐飲半價去冰 黑糖珍珠鮮奶$17 - 珍珠粒粒分明，無痴住一大舊，很有趙口。黑糖溝鮮奶甜度岩岩好，香滑得得。老闆員工笑容很親切 ，十分難得，會再幫襯。