鐵牛台灣牛肉麵 (希爾頓大廈)

Open Now

Now Closed

星期日午餐尖沙咀尋找好吃的，找著找著槓入鐵牛。唔知係咪太多地方都做紅燒牛肉面，一食落口會高下立見咁。呢度紅燒牛肉面係一般貨色，上次去過中環鐵牛食都係同樣感覺。牛肉夠腍，面都夠彈牙，可能係牛肉的味道同埋湯的味道唔係心目中的台式味吧，硬係略嫌差少少咁。魚酥皮蛋豆腐都幾好既，感覺好過紅燒牛肉面，個醬汁味道幾好，豆腐加皮蛋口感滑滑的。星期日鐵牛無 lunch set，全部獨立計埋單都要成舊水，貴左啲喎，加上牛肉面的 performance 我只能比 OK 呢。

同友人happy hour飲完野，仲係覺得有d肚餓，於是去咗附近嘅餐廳搵嘢食。見到有呢間鐵牛台灣牛肉麵唔需要排隊所以就嗱嗱臨出咗去。我叫咗個紅燒牛肉麵，個湯底好濃，飲落去有牛肉味，仲有少少榨菜，令到層次更加豐富。麵條方面，食落去好有彈性，份量都唔少，掛到晒湯底嘅汁。至於重點紅燒牛肉，咬落去好淋，有膠質，成個口都係牛肉味，好滿足。

鐵牛向來都是我喜歡的食店，也會推薦給朋友食，因爲它的牛肉麵雖不是最好但也不錯，而且幾間分店的位置都就腳，忽然想食牛肉麵來這裡是不錯的選擇。今次就同幾位朋友一起在這裡食午餐，午餐選擇其實都多，除了牛肉麵還有便當餐，便當餐我就沒有點過，反而有一次我試了午餐中最貴的麻辣豬軟骨拌麵，覺得頗油，所以之後的每一次我還是點回最穩陣又好食的紅燒牛肉麵。牛肉麵份量不少，肉是半筋半肉，足足有三大件。雖然體積不小，但放入口還是一咬就散開，證明牛肉燉煮時間非常足夠。半筋半肉的部位是最好食的，兩者各有不同口感但又很好的配合在一起，三件食罷都不夠喉。麵的部分是較幼，帶少少韌度，配上一看上去就是熬了很久的紅燒湯底真不錯👍🏻餐廳還放了很多蔥花，正！跟餐配飲品的，奶茶、檸水和檸茶不用加錢，其他都是要加錢的，這就沒什麼特別了在尖沙咀食午餐其實都差不多價錢，不過這裡不好的地方是一到午飯時間就很多人等位，想坐久些都不好意思最後提提大家，這裡寫完紙仔後，是需要自己先去收銀處付款的～

個人都鍾意食台灣牛肉麵, 香港越黎越多選擇. 這間人氣店環境比較迫, 檯不大, 叫多兩碟小食都未必夠位.招牌紅燒牛肉麵($58) - 湯底濃味, 偏鹹, 帶點輕微藥材味, 並附有酸菜. 這裡麵條比較出色, 彈牙有口感. 牛蹍肉腍滑, 有水準, 不過個人較喜歡大角咀某小店的. 麵的份量算多, 食完都幾飽. 逢甲鹽酥雞肉燥麵($56) - 湯底較淡, 伴以肉燥剛好夠味. 肉燥瘦肉較多, 比較健康. 鹽酥雞炸粉薄而酥脆, 不錯.肉燥小茄子($34) - 茄子略煎過, 伴以肉燥和醬汁, 比較一般的一道小菜.

同阿囡去完科學館，等埋老公收工，就嚟咗鐵牛開餐。七點幾去到，已經全場滿座，非常熱鬧。好在等左一陣就有位，不過座位之間真係幾迫，冇計啦，尖沙咀呢啲遊客區，寸金尺土。侍應帶我地埋位嘅時候放低左一張點餐紙，剔好之後就自己拎去櫃位落單俾錢，跟住就可以坐定定等人送食物黎。最先嚟嘅係兩杯飲品。蜂蜜綠茶加珍珠幾好味，凍冰冰，唔會太甜，珍珠份量都唔少，口感QQ的！胚芽奶茶味道唔算好香濃，不過胚芽份量真係好多，飲到尾都仲有之後招牌紅燒牛肉麵就到左：牛肉湯湯頭味道濃郁，不過無乜藥材味。牛肉煮得好軟腍，阿囡猛咁話好好食！麵條份量多，不過煮得稍為淋左少少，阿囡鐘意食，老公就嫌唔夠嚼勁。（可憐的牛肉麵，順得哥情失嫂意）新竹米粉非常幼滑，撈埋肉燥一齊好好食鹽酥雞香脆可口，一啖一粒，好快就清晒成碟。之後我哋嗌嘅小食都到咗。小香腸蒜味突出，烤香咗之後切薄片上枱，一啖一片，正過去夜市！鹽酥小拼盤一點有三樣野，啱晒有選擇困難症嘅人炸花枝丸冇乜特別。中間嘅炸番薯好好味，外脆內軟，加上面頭嘅調味粉一齊食，酸酸甜甜呢度啲台灣嘢食都整得唔錯，而且價錢好抵食，絕對係尖沙咀平靚正之選

一個好寒冷既晚上去到尖東想搵D唔太貴既野食 香港食野真係愈黎愈貴啦去到尖東見到間鐵牛就入咗去拎飛啦 係食台灣麵既等咗廿分鐘 都幾多人等 入到位 要自己寫飛仔之後出去排隊比錢 D野食就會自動送上黎我點咗個牛肉麵食都幾入味 麵質都唔 牛肉入味 湯都濃味 好好飲 整體感覺良好我仲叫咗杯奶茶飲胚芽奶茶 好好飲有奶味仲叫咗個小食食 都好好食呀 炸得好好味 鹽酥野真係冇得輸總體黎講 牛都算係間幾好食既台灣麵 我地成八點幾九點先去到 都仲咁多人等位都食到間野差唔多閂咁滯

吃過台灣牛肉麵后，對此味道念念不忘。暑假最後一天帶兒子去科學館充充電，當然肚子也要充充電啦，好彩搵到附近有家牛肉麵館，食評還不錯，決定午餐去嘗嘗，從科學館走去約十分鐘，繞著希爾頓大廈一圈才看到招牌，中午近二時人流不算多，三人坐了卡位，饥肠辘辘趕快點餐。中午套餐有小菜和飲品，很實惠，點了一個紅燒牛肉麵套餐面條彈牙，牛肉軟嫩，足足三大塊紅燒牛肉配地瓜飯有配三樣小菜，羅卜很入味，地瓜飯很健康哦！仲有一小碗擔擔麵和一個街頭綜合小食擔擔面微辣，肉末拌一下令味口大開。街頭小食有鹵蛋，大腸和豬耳，卥味稍遜一籌。總體來說性價比蠻高，可以再來！

今日因工作關係去左尖東,行經過見到有間位於地庫位置的台灣牛肉麵,見到排晒長龍應該都有返咁尚下實力,所以去試一試。由拎飛到入坐,前後等左20分鐘,係等候既時間亦都提供點餐紙比我tick定食咩,相當有效率。呢間鋪頭係先比付款後入座, 有別於平時的餐廳。本次點左呢度出名既紅燒牛肉麵($55包一杯熱飲), 湯底香濃,麵質彈牙而且牛肉炆得好淋入晒味。不過由於湯底太濃需要不斷去飲野去解除濃烈的味道。整體來說, 呢個價錢配合呢個質素,真係的確抵食,所以呢間野一到午市,都會好多人黎食。