雪山冰廳

Open Now

Now Closed

第2次黎長沙灣嘅雪山冰廳，之前黎食下午茶，今次就試下佢嘅晚飯小菜，冇黎一排，原來重新裝修咗夜晚8點入座都幾多人，見到好多人都食原條蒸魚，不過我唔食魚，所以揀其他小菜。餐牌有好多選擇，除咗小菜，下午茶餐嘅炸雞脾、西多都有，而我最後揀咗二人餐，因為跟埋兩盅燉湯同兩個飯，比夠抵食🌟姬松茸燉赤肉燉湯幾足料，有幾舊松茸菇同赤肉，仲有隻雞腳。湯幾清甜，個燉盅仲好保溫，食完飯飲都仲暖🌟招牌霸王雞（半隻）隻雞幾嫩滑，肉質幾淋，雞皮薄而唔算肥，所以都食得，而薑蔥同芫茜份量啱啱好，個醬油亦好香，呢個招牌菜果然值得試🌟咖哩彩椒牛魔王煲上枱時新鮮滾熱辣，咖喱汁偏甜，味道唔辣，入面有牛根、牛腩、牛仔骨同滑牛肉，仲有三色椒同薯仔。啲牛肉醃得幾淋幾入味，沾滿咖哩汁幾啱送飯食我同朋友仲加咗錢叫特飲，飲咗紅豆冰同雜果賓治，食完超級飽

之前工作周圍走，在深水埗工作的時候經常光顧雪山冰廳深水埗總店。今日去長沙灣探朋友，見到原來長沙灣都有分店，所以帶朋友去試試🤩🤩避風塘生炸髀配紅豆冰 $44炸髀加紅豆冰是個人最鍾意的下午茶組合😍😍炸髀即叫即炸，上枱的時候熱辣辣，雞皮香脆，雞肉滑身入味。由於炸髀加了避風塘調味，令到味道帶少少辣，更惹味。辣味薯皇 +$9薯皇有驚喜，脆身香口。紅豆冰香甜美味，紅豆起沙軟糯，但保持到有咬口的口感，配上花奶味道剛剛好，不會太甜。榛子醬西多士 $38金黃色的西多士有雞蛋香味，中間是令人無法抗拒的榛子醬，加上牛油同蜜糖，是邪惡味道🤤🤤粟米雜果沙律 +$9港式雜果沙律，份量足，簡單好味。樽仔奶茶 $15 （跟餐+$9）奶茶幼滑，茶味香濃，奶同茶比例剛剛好。用樽仔裝，不會額外加冰，避免奶茶因為冰塊融化而稀釋了奶茶的味道，個人十分鍾意，忍不住叫多了一枝😂😂始祖椒鹽豬扒飯 （炒底） $70見到呢個是必試推介，決定試下。上枱已經好吸引，炸豬扒份量足，肉質鮮嫩，肥瘦適中。炒飯乾身，粒粒分明。整體調味出色濃郁，香辣惹味。餐廳裝修新淨，座位闊落，食物味道不錯，份量足，價錢親民。下午茶時間，近乎坐滿了九成客人。住附近的

雪山冰廳屹立咗喺深水埗咁多年，冇食過都聽過佢個大名，而家先知佢開咗嚟長沙灣，唔使同深水埗街坊逼嚕上次食深水埗嗰間，有胃不識漢堡包原來芝蛋牛堡係佢地嘅招牌，今次一試果然唔簡單食咗就知漢堡扒係醃過嚟，一切蛋汁咇咗出碟就算係下午茶，大胃都想單點佢地另一招牌—椒鹽豬扒飯試吓，鑊味勁到呢，碟飯紅得好有氣勢，豬扒好多塊又大大塊嚟冰室當然唔可以冇西多士，餡料仲好特別𠻹，係榛子醬激厚又甜絲絲，大人細路都鍾意水吧方面，最近真係好興樽仔奶茶，老字號更有號召力𠻹紅豆冰都正㗎，紅豆夠爛，奶又夠香

深水埗老字號「雪山冰廳」有60年歷史，係長沙灣開左分店。唔知有冇人同我一樣假日中意訓到日上三竿，然後第一餐就係食下午茶，呢日我同老公兩個人就食左三個下午茶餐🤣 （要食三個先夠飽）【避風塘生炸髀配紅豆冰】$38呢個組合真係無得輸🤤🤤 都係香港地道風味，個炸髀炸得好夠脆，滿滿肉汁，不過某啲部分就會乾左少少，最中意佢嘅避風塘味唔會太搶，係岩岩好，而且個底預先切開，食嘅時候都方便d。杯紅豆冰勁正😍😍 紅豆粒粒分明，無煮到爛哂，咬落去亦夠軟綿，又夠甜，好中意呢杯紅豆冰呀！【經典芝蛋牛肉漢堡包】$36個牛肉漢堡都幾厚身，最正個蛋係流心架，手打牛肉啖啖都非常juicy，加埋蛋汁，簡直多種滋味😋 以上茶餐可+$8 加配粟米雜果沙律/海苔炸薯條我就加左個【海苔炸薯條】薯條都幾粗身，炸得夠脆，但海苔粉略為少咗啲，唔夠海苔味。【蔥油雞扒撈公仔麵】$38蔥油份量勁多，蔥油味都係似食燒味嗰種薑蔥味，撈公仔麵都幾夾嘅，不過就覺得油咗啲，可以落少點油。雞扒煎得香口夠味！所有茶餐都送熱飲，凍飲+$3，樽仔奶茶/咖啡+$9我試左【樽仔奶茶】好港式奶茶嘅味，茶香味濃，又夠滑，我中意😋整體來講，價錢相當親民，食物質素亦相當

雖然話自己晌深水埗區混得較多，但真喺唔知除「嘉頓」隔離，青山道尾長沙灣呢邊仲有一間「雪山冰廳」。今日就喺趁放早，過嚟「實惠」買啲家居品，原本無打算下午茶，見對面就有間「雪山」，同老婆睇兩睇，下午茶餐有炸脾配紅豆冰，佢話想食好耐，二話不說，就放縱一次啦。 跟另一家店嘅環境差唔多，有少少懷舊元素，薄荷綠嘅牆身磚，地板就花階磚，一側牆身有啲仿木窗，一側牆身就喺大金魚嘅彩繪，非常搶眼。 一如大多數嘅茶記，調味料、餐具早已放齊晌枱面，唔使多口問侍應，方便客人，又唔使令員工加重多啲功夫。 阿姐好醒目，嚟兩杯熱水，俾客人洗洗刀叉，話晒佢啲刀叉無遮無掩，熱吓佢消消毒都安心啲啲。 下午茶餐有咩嘢食？一版A4紙睇晒，選擇幾多，有輕食嘅，有飽肚嘅，而定價都幾大眾化。入嚟前，已喺門口睇定晒食乜，所以，一坐低就即落單。 避風塘生炸脾 + 紅豆冰 $38 唔止炸脾，仲加埋「避風塘」元素，其實，好耐之前晌「嘉頓店」都食過一次，今次，就等老婆試吓。隻雞脾非常之大，好墜手，上枱時都感受到嗰股「熱氣」。老婆話入口外皮好香脆，加埋啲炸蒜，香香辣辣勁惹味，而雞肉比預期好，無話「嚡烚烚」，亦唔會食到好油。我都試咗幾啖肉，確喺O

經典芝蛋牛肉漢堡包 ($36)麵包鬆軟，牛肉漢堡juicy嫩滑，雞蛋仲係流心，入口食到芝士嘅咸香，味道口感層次豐富，正！避風塘生炸脾配紅豆冰 ($35)即叫即生炸，上枱傳嚟陣陣香氣，熱辣辣，色澤啡黃，加埋避風塘配料喺上面，邪惡又吸睛！雞皮脆卜卜，肉多味濃，入口咸香無雪味，口感嫩滑唔韌，肉汁豐富。咬落啖啖肉，唔會覺得嚡口，食落仲有少少辣，香口惹味！紅豆啖啖起沙，軟腍得嚟不失口感，甜度啱啱好，簡直透心涼。