直燒和牛商店 (Moved) New Location

❤️呢到最出名係無限refill吉列牛脷，可以單點，都可以加$38(晚市）轉定食，定食包左沙律、支裝冷泡茶同紫菜月見飯。好耐冇食石燒牛肉😍😍👅吉列牛脷吉列牛脷一大盆，食晒唔夠仲可以refill。牛脷口感好軟，只要輕輕係石板上煎一煎,將吉列皮煎番香脆就可以食仲配有黑松露醬 ，呢個入點 ，大大提升口感🐮SRF 極黑和牛 120g和牛雪花好靚 ， 油脂平均，燒完好香口惹味。$120g份量都唔少。如果唔係非常大食要食好多肉 ，呢個肉絕對高質🍚紫菜月見飯飯面鋪滿紫菜，將生蛋同紫菜飯撈勻食,紫菜麻油味好香，配燒肉一流🥟雞皮餃子有4件 ，雞皮炸得香脆，肉質juicy🍵冷泡茶 大大支冷泡茶 ，解油膩解喝一流餐廳細細座位唔多，座位會比較窄，所以食完都唔會坐太耐就離開。整體性價比高，呢個價錢好食又好玩

呢間餐廳主打$98無限供應吉列牛舌，限時90分鐘內任Encore，自己即燒即食又得，叫餐廳代燒又得🤩💗吉列牛脷午市定食 ($126)🐮吉列牛脷：牛舌先慢煮三個鐘，然後沾上麵包糠炸至外表金黃酥脆。將牛舌放係石板微微加熱就食得。牛舌軟腍帶脆嫩。伴碟係松露蛋黃醬，黑松露香非常濃郁；或唧上檸檬汁減低油膩感🥗沙律：沙律菜伴以車厘茄同水牛芝士球，以黑醋調味，有助消滯解膩🍚紫菜月見飯：日本珍珠米飯粒粒煙韌飽滿，同日本生蛋黃拌勻，每一啖都充滿香濃蛋味，再加上大量紫菜🍑冷泡白桃烏龍茶：冷泡茶清新幽香，帶淡淡白桃味💗鹿兒島和牛霜降午市定食 ($206)黑毛和牛呈大理石紋理，肉質柔軟嫩滑，牛味濃郁且肉汁豐富，脂香四溢🐃💗日本味醂魚乾 ($38)雞泡魚乾燒得啱啱好，口感煙韌唔會過硬，食落焦香鮮味，帶味醂甜味，再蘸上七味粉沙律醬🐡

朋友帶咗我去旺角食晏，但位置唔係鬧市中心🤔，而係喺長沙街嘅「直燒和牛商店」。基本上普通行街未必會經過，但餐廳人氣頗高的，要排隊入座，你就知佢乜料啦。原來餐廳係食石燒牛🔥，起初不抱太大期望，因為好似度度都差唔多，不過食完就發現大有驚喜。菜式選擇唔多，但佢唔係問你要幾多克、求其切一大嚿肉畀你自己燒嗰種，而係經已切好一片片，方便拎去燒。肉本身嘅價錢唔算貴，午市/晚市加$28/$38就可以變成豐富嘅定食，就如圖片中一樣繽紛😍。餐枱唔大張，不過啱啱好夠擺晒啲嘢。石燒火候都算唔差，但面積較細，要慢慢燒。吉列牛脷($98)，呢個係小店嘅名物🌟，每枱都有嗌，我相信其中一個主要原因係任食！話就話任食♾，但第一碟上嘅時候已經好震撼，繞圈排足足有成25件，仲要講緊唔係好薄、好細塊。如果仲能Encore的話，我讚你叻🤣。牛脷處理得好出色🐮👅，首先佢厚薄適中，質感一啲都唔韌，但又唔會太稔。第二，吉列皮緊貼牛脷，燒完之後口感脆卜卜，唔會成口粉，亦唔油膩。最後，吱少少檸檬汁同沾醬汁食就完美！手切鹿兒島黑毛和牛($158/120g)，🥩佢呢個堅係和牛，唔係得個名，食落油份充足，從肉身睇亦見到好靚嘅脂肪紋理。店員拎出嚟

熱石燒係近來好hit既日本菜, 細細個一人一爐好有儀式感到底牛脷算唔算係內臟呢?👅 其實我自己唔係好敢食內臟, 但牛舌做左吉列之後, 嘩成舊日式beef wellington咁, 食落完全唔覺似牛舌!每一片厚切牛舌都好完整咁被炸皮包住, 用熱石燒完更脆口, 蘸黑松露Wasabi沙律醬超惹味 吉列牛舌仲有1️⃣小時任食添!鹿兒島黑毛和牛勁厚切, 雪花均勻❄️係熱石上面香煎8️⃣秒鎖住肉汁, 咬落去油脂咇哂出嚟值得讚係個熱石用酒精燈keep到成餐都夠熱燒生肉🥩, 店員仲會一開始就會放定d牛脂等個熱石夠油去煎食物, 不過要小心熱油彈到哦定食包埋解膩黑醋水牛芝士沙律🥗、調味岩岩好既紫菜月見飯🥚、勁大支飲成餐都飲唔哂既清涼冷泡茶, 一定夠飽個紫菜月見飯真係餸多過飯, 仲夠哂醬汁, 就算無燒肉就咁食都好正口痕想試埋牛肉刺身, 一餐食哂牛三味🤭 用意大利🇮🇹Carpaccio做法, 橄欖油同檸檬汁🍋既酸味令生牛肉食落完全唔腥, 都無血淋淋既感覺. 用日式炸珍珠葉代替意式火箭菜沙律, 呢個fusion做得妙👍環境方面就比較細, 但係幾有日本地道街頭feel-吉列牛舌午市定食👅($126)手切鹿兒島黑毛和牛午市定

-{旺角任食吉列牛舌🥩}最近好多人介紹依間任食吉列牛舌🥳仲試左5款非任食嘅套餐😛🤤任食吉列牛舌🤤 ($136)似一早熟左嘅 純粹係燒熱返🤓另吉列係仲脆身的 牛舌都有啲啲厚度但有時會韌😌有牛味的 配檸檬汁或者黑松露醬☺️👖褲評:7.8/10🤤 SRF極黑和牛 120g🤤 ($176)右邊嘅 有油脂香又唔會太油膩🤩好香嘅牛味亦好腍身😋👖褲評: 8.8/10🤤 鹿兒島黑毛和牛 120g🤤 ($196)左邊嘅 做到入口即溶嘅感覺 超級香牛味😛但係覺得太油 收返少少會適合啲😂👖褲評: 8/10🤤 吉列Prime牛小排🤤 ($156)牛有啲韌度同咬口啲🙆‍♀️各有特色喇~👖褲評: 8/10🤤鹿兒島黑毛和牛壽喜燒🤤 ($176)最推！！就咁會變燒15秒已經好夠🥳再沾蛋汁同少少黑松露😋油脂嘅香氣再加上蛋汁perfect match!!👖褲評: 9/10 🤤紫菜月見飯🤤 就咁蛋同紫菜撈飯已經超好味 有珍珠飯粒唔使食牛都好快清晒😂😂😂👖褲評: 8/10整體幾抵食😊油煙味會有啲重同地方窄啲 不過任食算係咁！唔任食嘅推介壽喜燒同SRF極黑和牛性價比: 8.5/10服務: 8/10環境: 7.8

話說，朋友係網上揾到公司附近有間勁抵的燒肉！除了$98任食吉烈牛舌，日本和牛都係$160有找！我們一行二人去食，叫了一份任食吉烈牛舌($98)，一份手切鹿兒島黑毛和牛($158)。另外加了$38配定食，即沙律、冷泡茶及紫菜月見飯。水牛芝士沙律配柚子醋，正常水準，菜都算新鮮。紫菜月見飯有海量的紫菜，配埋一隻生雞蛋。橙黃色的蛋汁拌入白飯，就咁食都好好味！另外餐廳送了唐揚炸雞，口感唔會太乾，不錯的。(抱歉無影到整碟吉烈牛舌) 每碟的份量不少，而且以任食的價錢來說，質素不算差，對得住價錢。到直燒「和牛」商店，當然要食和牛啦！餐廳的和牛並非一般的澳洲和牛，而是日本手切鹿兒島黑毛和牛($158)！！！一上菜就不得了，D油脂以雪花般舖滿牛肉，燒熟了放入口，油脂佈滿全口，鍾意食佈滿油香的和牛絶不能錯過！！餐廳的CP值超高，難怪平日門外都滿滿等位的客人！唯一挑剔的是，餐廳的空間有限，因此夠鐘就要離座。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

食完覺得佢既牛好岀色，之後上網搵下先知原來佢係激安燒肉工房姐妹店，咁唔怪得咁正喇🤣！餐廳位於旺角朗豪坊附近，位置比較隱蔽，座位都唔多，大概只有5張4人枱，適合2人去食同埋可能要搭枱喔～✨ 每位客人最低消費一個定食✨另設加一-💕 吉列牛脷 $98 (🔥無限refill)晚市定食(沙律 ＋冷泡茶 ＋紫菜月見飯)+$38👅好味指數：9/10依款牛脷係無限refill😱但份量其實已經好多，兩個人先勉強食得哂😂牛脷外層香脆，肉質爽口得黎軟腍唔韌☺️配檸檬汁/黑松露沙律醬，味道都超夾👍🏻-💕 手切鹿兒島黑毛和牛 120g $158晚市定食(沙律 ＋冷泡茶 ＋紫菜月見飯)+$38👅好味指數：9.5/108件黑毛和牛切得厚薄均勻肉質軟腍柔嫩，牛味濃郁😍食落同dxxki $2xx-$3xx個隻好似，好正❤️-💕 牛肉刺身 $88👅好味指數：9/10超薄切既牛肉刺身，牛味香濃入口即溶😍仲配上芝士粉同炸紫蘇葉，惹味有咸香🥰-💕晚市定食(沙律＋紫菜月見飯＋冷泡茶)午市/晚市/不同餐(+$18-38)沙律：清爽解膩紫菜月見飯：飯面鋪滿紫菜再加生雞蛋🥚，一塊牛配濕潤既飯，食到停唔到口🥰冷泡白桃烏龍茶：淡淡白桃清香，好

今日帶大家嚟到旺角，試下呢一間價錢親民嘅燒肉店啦！呢間燒肉店位於旺角豉油街一帶。雖然座位唔算好多，但平日晚市拜訪都依然大排長龍，似乎都幾受歡迎👏🏻。今次我哋就叫咗兩個燒肉套餐。呢個排得咁整齊嘅就係「吉列牛脷套餐」。牛脷配上石板一齊燒，食落都幾有咬口。而且呢個套餐仲要係任叫添👍🏻，岩哂身邊既大胃朋友。另外一款「鹿兒島黑毛和牛套餐」，牛肉雪花紋都幾吸引，油脂分布都幾平衡，食落富有油香添🙂，以呢個價錢嚟講都算抵！晚市套餐仲包咗一個「紫菜月見飯」、沙律🥗同茶飲。係白飯上面加上一粒橙紅色蛋黃，份外誘人😍！最後小食我地仲叫左呢一款「薄切牛肉刺身」，食落都較有鮮味添！呢個價錢都幾親民，而且仲可以食到燒肉添👏🏻！大食既朋友叫埋個「吉列牛脷套餐」，可以任食添～

/直燒和牛商店🇭🇰💛/#sa旺角篇 ➖➖➖<ℕ𝕠 𝕓𝕖𝕖𝕗 𝕟𝕠 𝕝𝕚𝕗𝕖任食吉列牛舌套餐食到飽>➖➖➖最近先知原來激安燒肉工房有另一間姐妹店佢地提供唔同嘅燒肉定食套餐 當中有款無限輪迴燒吉列牛舌係幾抵食份量都幾多 不過食得曬先好叫第二轉啊～怕食唔晒都可以揀其他本身晚市加$38 就可以有埋沙律+冷泡茶+紫菜月見飯😆都真係夠飽架啦！整體來講價錢合理 係地方較隱蔽🤣同埋空間較狹窄～ ➖➖➖1️⃣吉列牛脷 $98 (一人用) 呢個係佢地嘅signature 可以自己燒/店員代燒～無限輪迴份量黎講都幾多 食得晒嘅話可以再嗌不過覺得一round已經食飽😂都有十幾片牛舌幾厚切 部分燒耐左係有啲乾硬😳我幾鍾意佢個松露醬 點埋一齊食無咁乾～➖➖➖2️⃣手切鹿兒島黑毛和牛 $158 牛肉厚薄均勻 紋理清晰🥰呢款肉味會濃啲 都幾juicy！反而夏天的話呢款份量岩岩好➖➖➖3️⃣紫菜月見飯 （套餐) 之前都有係激安食過蛋黃都幾香蛋味 連紫菜同牛肉撈飯一齊食今次好食啲✨✨➖➖➖4️⃣日本味醂魚乾 $38 呢款幾好食😋特別係連沙律醬😆魚乾食落甜甜地 口感似魷魚乾 帶點拉扯感 ➖➖➖5️⃣冷泡白桃烏龍 (套餐) 食

朋友約我去直燒和牛商店，聽個名以為係賣凍肉，原來係食燒肉嘅。餐廳入面環境唔算好大，又位處內街，但係中午時間都會座無虛席，可見佢嘅受歡迎程度。首先揀個小食，雞皮餃子總共有四件，雞皮炸得香脆，亦冇多餘油脂，入面嘅餡料亦都好味。然後店員就為我哋準備燒肉。首先會喺烤爐之上放上油脂，以牛本身嘅油脂預熱燒爐，更能保持原汁原味。手切鹿兒島黑毛和牛嘅雪花分布得非常平均，肉質好嫩滑，而且亦不失肉味，絕對值得推介。而呢度另一推介就一定係呢個吉列牛脷，唔單止價錢相宜，重點係無限輪迴，即係無限追加，大胃王一定啱食。兩個烤爐就可以同時調配燒烤兩款唔同燒肉。午市時段加$28轉套餐，就會有齊前菜、飯同飲品。紫菜月見飯有大量紫菜，再加埋生雞蛋嘅蛋汁撈嚟食，真係又香又滑。套餐同時會包括冷泡茶及沙律，喺熱辣辣嘅燒肉套餐之中加上清涼嘅感覺。

直燒和牛商店（燒烤堂）(10/7) 星期日 中午12點特式：本身都好鐘意食牛舌，見佢一個價錢仲有任食，其他肉類質數又好似唔錯，所以去試下，不過得一個鐘頭用餐就趕左d。食物：吉列牛舌set - 98 + 28，牛舌質數正常，不是太高質，但呢個價錢仲要任fill，絕對食得過，refill速度都快，佢本身已經熟左，燒一燒就食得，如果快手可以食到3~4盤，雖然我只係食左2盤，但已經覺得無蝕。和牛壽喜燒set - 138 + 28，牛肉質數唔錯，起碼都對得住個價錢既，最緊要係佢個自家壽喜燒汁，幾好食，我之後燒完咩都係點佢個汁食，但上網睇人食好大碟，我去到就得上網睇既一半左右，職員話轉左擺盤，呢度扣佢少少分。紫菜月見飯 - 呢個真心好食，我本人覺得仲好食過牛角飯，但跟set只有一碗仔，我有問過職員，佢話再要就要加18蚊。沙律 - 正常沙律，無特別讚或彈，但佢有芝士粒係幾好食既。雞皮餃子 - 呢個係每枱都送既，不過應該唔係次次送，只係咁啱撞正，夠熱夠脆，好香雞油味，又唔太漏，幾好食。冷泡茶 - 好飲，清清地，但又幾香，解油膩一流，個杯仲幾實淨同有蓋，問左可以攞走，拎返屋企裝下野都一流。環境：餐廳環境

一聽到有店可以任食吉列牛舌就即刻嚟試吓。店內座位唔算多，有限時食90分鐘，由於出面有人等位，真係會準時叫你埋單走人。晚餐+$38做定食，有沙律、冷泡白桃烏龍茶、月見紫菜飯。估唔到個烏龍茶食到一半飲晒，店員主動過嚟加，唔知係咪可以任飲。紫菜月見飯都唔錯吉列牛舌，可請店代燒 $98雖然話可以任食，但我哋冇追加，原因係我哋揮左幾次手，店員都扮見唔到我哋，於是就算了。佢寫住一人用，唔知係咪因為見到我哋2個都有份食所以唔加，但另一位同行友人試一兩塊都好正常姐。不過其實佢一碟已經好大碟，$98咁多塊都好抵，已經食得飽，加上又係吉列。$98唔添都抵。牛舌比較厚個啲可能會難咬啲有啲筋，大部分都ok，中間個醬都幾夾。A4和牛壽喜薄燒 $138雖然係好薄同好細塊，但比想像中大份，都有成40塊。食落都幾和牛油香，唔錯的，不過因為真係好薄同細塊，所以就算40塊都唔算好飽。食呢個有生雞蛋跟埋比你點。小食雞皮餃子 $48/4件由於唔鍾意食雞皮所以有啲抗拒，但炸得好香脆熱辣辣，好食。環境有啲逼，同埋預咗有人等位唔可以坐太耐。另外只收現金，食完發現冇錢要即刻走去mk搵atm撳錢翻嚟比錢，有啲狼狽。不過大份算抵食，亦都

最近就同朋友發掘到呢間喺旺角嘅石燒牛專門店，門面唔算好起眼，店舖亦只有十幾個位，但食物都幾高質素✨誠意推介俾各位食肉獸！👅無限輪迴吉列牛脷 ($98)呢個絕對係餐廳名物，重點係可以無限量添加♾本身一碟已經有大概20塊牛舌，份量十足，只要你食得落就可以再encore‼️ 吉列牛脷外皮炸至金黃色，喺石板上面再燒一燒就食得，牛舌厚身得嚟肉質又唔會好乾，都幾不錯👍🏻🐄手切鹿兒島黑毛和牛120g ($158)一見到和牛嘅雪花咁靚就知道冇揀錯，油脂豐富得嚟肉質偏軟，真係入口即溶，每一啖都係幸福嘅滋味🤤想食得更豐富可以額外加 $38 升級至晚巿定食，包沙律、紫菜月見飯同冷泡茶。個飯真係好好食，紫菜配蛋黃呢個配搭真係冇得輸🥺牛肉刺身 Carpaccio ($88) 冇諗過連小食都有驚喜，生牛肉配上芝麻葉同芝士一齊食又幾creamy，不過食得多有少少膩嘅感覺🙈整體嚟講性價比都好高，抵食大份又好味😆唯一有少少可惜係餐廳通風系統未係做得好好，油煙都比較大，燒肉嘅時候會有啲澀眼～

推薦度 (5⭐為滿分) 吉列牛脷 ⭐⭐⭐⭐A4和牛黑蒜油薄燒 ⭐⭐⭐⭐🥩吉列牛脷 ∞ gram 牛脷爽口有彈性，燒一陣就夠60分鐘任食，前後叫左3碟，仲可以要求餐廳代燒，但代燒比較韌，鐘意唔燒/自己燒多啲🤣軟熟程度：唔燒 > 自己燒 > 代燒🥩A4和牛黑蒜油薄燒 120g 大量油花，肉質嫩滑，入口即溶🤤估唔到120g都有咁多，夾極都仲有，好抵食~🍚紫菜月見飯撈埋牛肉超好食🤤🤤紫菜唔會好咸👍🏻👍🏻🍹冷泡白桃烏龍茶清清地，解渴一流~計埋加一每人150都唔洗，CP值超高餐廳位置唔多，想食就記得book位啦~味道：4/5 人均消費：$140回頭率：4/5 

如果你只有1小時 = 60分鐘的時間去食1餐晚飯，大家會點樣選擇? 速食系既快餐店/茶餐廳? 連鎖壽司店?  今日小編就帶大家以百多元的價錢，既可以享受到石燒既滋味﹑亦可以食到吉列系既牛肉﹑而最重要既就係1小時內無限追加!直燒和牛商店位於長沙街，大家可能對長沙街印象唔多，但其實店鋪位置就係響信和對面﹑創興廣場後方﹑桔梗附近既7-11旁，地理位置上非常方便。(門口仲有紅色小巴特快去荃灣西地區)由於實在太抵食既關係，晚市基本上無訂位既話係無可能等到枱(最起碼小編與朋友們離開餐廳個陣都見到最少2組人被拒於門外了)，小編本身都響1星期前訂枱先有，所以強烈建議大家要先打電話確認及留枱。由於只有1小時用餐時間，加上石燒要時間煮熱關係，睇到其他朋友響入座前都會緊張諗定用餐既策略；但其實唔駛太擔心既，店員會響大家入座前預先準備晚市定食用既沙津﹑冷泡白桃烏龍茶 (晚市定食+$38)，以及為你響石燒板上預先以和牛脂肪塗上牛油。除左點選任食既1人前吉列牛脷($98)外，本身姊妹店作為批發和牛商鋪既關係，小編都特登點選A4和牛厚燒 ($148)，感受下A4和牛既油脂感吧! 等左5分鐘左右，吉列牛脷﹑紫菜月見飯