聚點 (Closed)

趕時間求其搵間茶記黎醫肚！無諗過小菜質素都唔錯！叫左好多人推薦嘅三款菜：.聚香🐓$88 (4/5)黎到最想食就係佢個聚香雞，例牌分量都不少，有成半件雞！好似餐牌咁寫，煮得啱啱好，皮滑肉嫩，仲有三種醬你點: 自制口水醬、薑蓉、沙薑醬，好味！😆黃金🦐$138 (3/5)蝦大大隻，炸左嘅蝦殻佔滿晒蛋黃，十分惹味！而且無雪腥味，好海鮮者可試！.啫啫芥蘭煲 $78 (3.5/5)加入大量肉碎蝦米炒香，芥蘭完全無苦味，又煮都好淋！正！ ..

要約齊一班死黨出嚟食飯真係唔容易，難得今日齊人就諗住去試新嘢呢間鋪頭門面細細，但裝修雅致，環境企理，坐得都幾舒服因為實在太肚餓我地4個人總共叫咗5道小菜呢碟聚香雞跟咗隻3色醬比我地點，分別係蔥油，辣醬同埋沙茶醬聚香雞好唔好食好取決於啲隻雞新唔新鮮呢碟雞真係不得了，佢好香醬油味，食落好有鮮味，而且肉好嫩滑，煮到好入味比平時我係出面食開嘅好食 特別想提下佢個三色醬中間用嚟點雞嘅辣醬，同平時出面食開嘅辣醬唔同，食到有小小XO醬嘅甜香味，口裡面再慢慢散發一種又香又辣嘅味道，好有層次 攞嚟點雞同撈飯都一流 咖哩薯仔班腩煲上枱個陣仲滾緊出緊煙，就咁聞落已經超香咖哩味，班腩係炸過先嘅，雖然同啲汁撈埋咗但啱啱上枱但都仲有小小脆脆地，入面就好滑好軟熟薯仔食落都好香口感好好金沙鮮魷食落好香咸蛋味，雖然係炸嘅但食落一d都唔油，佢外層好薄好脆，魷魚好鮮好彈牙，超好食魚香茄子煲啱啱上枱仲係jar jar聲勁香咸魚香茄子整得好好非常入味而且又唔會太油， 佢個汁調得啱啱好好啱好非常惹味，攞嚟撈飯一流蒜香骨食落去外層脆口入面就好多肉汁仲好香蒜味幾好食

喺尖沙咀搵到一間地點方便、價錢有相宜既中國菜餐廳就喺西鐵站N2出口， 直行一分鐘就到啦✌呢度嘅菜式多樣化，而且有中國特色~一入到去已經見到有兩張枱係外國人， 真係識得搵食呀佢哋😚首先黎個湯羹， 湯底夠滑，再加埋芫茜嘅淡淡清香🤭 可以一個人飲幾碗聚香雞叫咗個例牌~加埋自家製嘅口水醬， 有另一番風味😊豆腐好滑，鋪喺下面係蒸水蛋🥚一樣係好滑~實在太好送飯，忍唔住叫個白飯🍚😆呢個餸一黎到好好香~食飯又點可以唔食菜呢🥗兩個人4個餸食咗三百幾蚊~尖沙咀又多個選擇😉

悠閒的假日，舒適的人生便是大道理。食好嘢更加係人生一大樂事，今日就一於大家去食下鬧市旺區嘅小菜啦 呢間鋪頭地理位置十分方便，喺尖東站N2 一出行5秒就到，方便程度嚇死人囉，大家一定要去食多兩啖。 我哋今日就叫咗四餸一湯，任君選擇，分別係：聚香雞、黑椒牛子仔骨、人氣小炒王、黃金蝦、同埋粟米魚肚羹，等我同大家逐一介紹：粟米魚肚羹：餐廳十分大方，一上枱已經見到非常之多嘅魚肚，每一粒都有一定嘅大細，非常分明，可見足料程度。一飲落去非常舒服，喺度鹹田得宜，滲透着甜味，食落口飲粒粒嘅粟米，同埋濃稠嘅蛋花混合一起，每一啖食落去有魚肚嘅嚼勁、粟米粒嘅鮮甜、蛋花既濃厚、湯底嘅鮮甜，簡直每一啖都係一個享受。聚香雞：我認為聚香雞就係呢間餐廳嘅一大賣點，更係王牌，原因係隻雞無懈可擊！雞肉鮮甜得來肉質結實，食落口唔會太老而失去鮮味，反而肉質唔鬆散之餘亦都容易入口，配合豉油嘅香味，將雞原本嘅鮮甜一併帶出，做出一個水準來。點解唔可以唔講嘅就係，你間鋪頭送上點點雞醬十分充滿驚喜，特別係中間嘅”口水醬”，食落去帶着一點麻辣，我本身唔係一個食得辣嘅人，我會覺得係麻得來少少偏甜嘅辣，非常容易入口，後來才知道原來店舖

早幾日同三個老死出左去尖咀果頭睇戲。 睇完當然唔會就咁走返屋企喇 ！行行下行到去河內道果頭見到有間餐廳😎大大張相有個叫聚香雞好似係呢度主打😊 又見係尖沙咀質素但旺角價錢 🧐咁就四餸一湯組合 😍四個人食當然要試試主打菜 🤫原隻聚香雞喇 🤗清炒時菜 唐生菜非常新鮮而且份量好多⋯⋯爽脆得來唔會過淋！豆腐魚雲湯：今餐可以話除左主打聚香雞外 ！最好食嘅野之一 😍睇相都睇得出用料十足 🤤可能因為要時間熬湯嘅關係 ，佢係最遲登場 ，鮮甜的湯頭加上嫩滑嘅豆腐配合埋新鮮嘅魚頭 ，味道特別鮮美 ！朋友仔仲話呢個湯又保身 ，魚雲又養顏 ，真係必食之選😍咕嚕肉 ：每次一大班人去食飯必叫嘅款式之一 ，咕嚕肉要整得好食 ，當中嘅酸味一定要好好 ，同埋咕嚕肉唔會太粉 ，不會好似食緊粉團 ，呢一碟咕嚕肉啖啖肉 ，值得一讚❤️豉油皇乾煎海虎大蝦虎蝦大大隻⋯⋯熱辣辣，外殼沾滿了豉油皇醬汁，食之前連個殼都唔可以放過🤤！正正～蝦肉10分彈牙，份量又多，真係物超所值之後冇得走雞嘅~當然係隻雞！雞雞肥瘦適中，而且肉質非常滑，雞皮晶瑩，再點下三款秘製的醬汁，簡直將雞味發揮得淋漓盡致我喜歡總括而言今次簡直係物超所值之旅⋯⋯用旺角咁嘅收

在K11 附近上完烹飪班，與同學仔去吃晚飯，她看到這家餐廳門前的靚雞介紹，沒有和我商量之下便走了進去。我的同學仔就是被這雞吸引進去😅聚香雞：上碟賣相吸引，我們叫例牌，但也有原隻雞脾給我們，感動😻 味道正正是餐牌所描述的，肥美的鮮雞煮至剛好熟，皮滑、肉嫰、味鮮😋👍🏻做得好的地方是雖然雞是煮至剛熟，但並沒有血水滲出，火喉控制剛剛好👍🏻，此外，每碟㰿均配三款醬汁：沙薑醬、秘製口水醬及薑蓉。三款醬汁均能令味道提升，其中秘製口水醬很惹味。豉油皇乾煎海虎大蝦：外殼煎得香脆，調味夠入味，蝦肉很爽脆鮮味😋

今晚純粹為咗就腳，所以搵咗間小菜館醫肚，沒想到這小店的「聚香雞」令我回味無窮。「聚香雞」首先，雞肉沒有雪藏味，而且肉質十分嫩滑，就算雞胸部份，都沒有半點「諧」口的感覺。值得一讚是餐廳好細心，小小一碟雞，卻提供三款不同的醬汁：秘制口水醬、沙薑醬及薑蓉。口水醬幾惹味，越食越開胃。「柚子骨」這是另一開胃小菜。甜甜酸酸，十分適合這種悶熱天氣。「西蘭花炒帶子」坊間往往食到的西蘭花，都比較硬。今次嘅口感好適中，帶子亦都好正常，整體感覺良好。「瑤柱蛋白炒飯」名副其實的瑤柱蛋白炒飯，真係有瑤柱，比例適中。由於自己曾經在別的餐廳，吃過只有幾粒小瑤柱的炒飯，所以今次有喜出望外的感覺。「豉油皇乾煎海虎大蝦」同行朋友好喜歡吃虎蝦，豉油皇乾煎幾惹味， 好好的下酒菜。「鹹魚煎肉餅」自己通常吃的都是鹹魚蒸肉餅，今次第一次吃到用煎的方法，估唔到會有意外的好味。*餐廳沒有提供BB櫈。

「聚點」是一間港式中菜館，四正格局，中式燈飾、西式餐枱、港式椅墊及韓式鐵筒座椅，完全是一個 mix-and-match 安排。當然，來得港式中菜館用膳，著眼點也不會落在環境身上，反而更看重食品質素。尤其是晩市，多試兩道小炒更能試出真功夫。 「西湖牛肉羮」屬餐廳的人氣食品，一客湯羹足夠四人享用，賣相對辦，稠度合理 (最怕過稠的「糊仔」)。就味道而言，香茜味道最為突出，牛肉味道則偏淡，剩下鬆軟的食感。在餐廳的當眼處，貼上了「聚香雞」的「海報」，足證這是一道不能不試的招牌菜。半只「聚香雞」雞味普通。因餐廳選用飼齡較小的雞隻，稚嫩口感有一定保證。平時享用原隻雞肉菜式，薑蔥蓉是最常見的調味料。在聚點吃雞，更有機會試試配搭沙薑醬及秘製口水醬的效果，口味更豐富。「粟米斑腩」同樣掛上「必食」的勳章，令小編的期望頓時提升，心想... 難道餐廳採用真斑塊？！可惜事與願違，最終還是碰上龍脷柳斑塊。菜式可取的亮點，是粟米汁挺可口，拌飯吃一流！細周生一向是咖哩菜式的粉絲，挑選這客「咖哩薯仔牛腩飯」完完全全投其所好。咖哩汁以甜味為主，香而不辣，頗適合小朋友。牛腩被切成粒狀，一口一粒，口感彈實。薯仔因容易吸味，所

💖星期日相約好友二人於尖沙咀睇戲，因為時間充裕，仲可以坐低食個飯傾下計。逛完 K-11，於河內道發現這間港式餐廳，有各式粉麵小菜，啱晒～💖餐廳企理舒服，有一點很貼心的，就是那些櫈，除左靚，仲可以打開放置私人物件，第一次在港式餐廳發現。😚💖打開餐牌，選擇都不小：潮式粉麵、精美小菜、各式客飯、魚湯飯及公仔麵，價錢合理，豐儉由人～💖聚香雞（例牌）/ $88👍👍👍👍👍配三款醬料：秘製口水醬、沙薑醬及薑蓉例牌既份量都唔小，雞肉嫩滑唔嚡，口水醬好香，辣味從舌頭慢慢滲出黎，夠惹味，堅！我覺得三種醬都蘸晒一齊放入口最爆最正！💖菠蘿生炒骨 / $88👍👍👍👍上枱碟餸靚過menu張相好多～份量足，排骨同配料既比例近乎9:1，十分滿足！碟底係無多餘既汁同油，所有汁都均勻包住排骨，新鮮脆口不油膩，酸甜適中，好好味！推介！💖黃金蝦 / $98👍👍👍👍有8隻，表面乾身，望落蛋黃唔算多但一入口便知龍與鳳，蛋黃香味即時滲出來，香口入味，無法抗拒～💖粉絲海鮮雜菜煲 / $88👍👍👍👍要飲食均衡，所以叫左個雜菜煲。味道清新脫俗，菜心好大條但唔老，無渣。其他配料如鮮魷、蟹柳、菇、蝦也不少。💖另外，白飯很大碗，夠晒滿足。總括

由於今天午餐和男友吃了西式菜，所以在晚上想吃回點中式或港式的餐點。在K11對面的“聚點”，看來合乎我心意。內裡就如典型茶餐廳的格局，地方不算大，不過那些吊燈好特別，有中式風格。餐牌一張就搞定，好方便。另外有一本書型菜單就有更多圖看。“聚香雞”看似招牌菜，當然要點個例牌來試一下~例牌份量已不少呢。有白切雞和玫瑰雞，我們選了玫瑰即豉油雞。他們還提供薑蓉，口水醬和沙薑醬讓我們任點。只有一人吃的話，點雞飯就可以。看雞皮就知到非常入味，就薄薄一層皮，沒有多餘的脂肪，就算吃下也不怕肥，沒有罪惡感。入口豉油甜味濃，雞肉鮮美嫩滑，果然是招牌菜。醬料方面，薑蓉普通，沙薑惹味，口水醬鹹辣相宜的味道是我最喜歡的。另外叫了乾煎蝦，上菜已聞到煎香的蝦味，濃郁芬芳。每個蝦頭我都有吃，連蝦殼上的汁也有吃乾淨，哈哈。每隻蝦都是那麼肥美肉厚，爽口彈牙，吸收了汁液味道濃濃的，大滿足。飯類叫了咖喱薯仔牛腩。咖喱汁無論吃和聞都有獨特香味，頗下飯呢。配料除了薯仔，牛腩還有蘿蔔和青椒等，好足料。另叫了熱和凍奶茶。大多茶餐廳晚上供應的奶茶都老了，但這裡不是！他的奶茶茶味濃而不澀，還很香滑呢。埋單300元出頭，又有蝦吃又有雞吃，份量

又在尖沙咀區，到了晚餐時間就要搵野食，食評話好味，帶埋老婆和契女，來吃飯。間舖唔大，得30個位左右，有小菜配湯，如果要白飯及飲品，另加$15。叫了咸魚煎肉餅，即叫即煎，有咸魚味冇乜豬肉味，係香趣，送飯一流。另外叫半只聚香雞，雞好滑冇乜雞味。生炒骨係即整，D骨剛剛炸起，所以好好味。連加一，埋單$340，如果用茶餐廳來計算貴，如果當小菜就一般貴，可能因為在尖沙咀鋪租實在太貴😰

好久沒吃中式小菜，在尖沙咀N2出口向前走兩步便是看到這間聚點。中菜館來說環境算不錯，時間尚早人流不多，座位不會很擠。店舖雖小但小菜款式蠻多，主打聚香雞，也有其他客飯粉麵。點小菜送例湯 ，白飯則要另點。居然不是味精湯，用豬骨和果肉熬煮成，挺清甜。白飯 $15熱菜蜜 $14熱柚子蜜 $16 足料，下了一大匙柚子蜜，喝到最後要不停加水沖淡，不然會太甜。聚香雞 $120/半隻所謂聚香雞其實就是白切雞，特別之處在於所配的三種醬汁，分別為沙薑、薑蓉和麻辣醬，一雞三食，一次過吃到沙薑雞、薑蓉雞和口水雞！最愛沙薑醬，鹹香十足。半隻份量也不少，啖啖肉，皮薄肉嫩；略欠溫度，熱一點更好吃。燒汁野菌牛柳粒 $98牛肉炒得很香，肉質不硬，也不是用了鬆肉粉那種軟；醬汁香濃，伴以茄子、雜菌，本身不愛吃菇的我也覺得可以，如果牛柳粒再多點和大粒點更好。西蘭花炒帶子 $98賣相稍遜，幸西蘭花翠綠爽口，芡汁略多；帶子肉質不夠鮮嫩，相對失色。椒鹽豆腐 $68 幾客小菜中最便宜也是份量最多的！豆腐炸得香脆可口，外脆內軟，椒鹽惹味，不自覺地吃了一粒又一粒。上菜速度蠻快，中菜館的質素，茶餐廳的速度，唯稍欠鑊氣。侍應都是麻甩佬（希望

今日媽咪唔煮飯休息我同佢兩個人出去食小菜尖沙咀平時都係食西餐日本菜估唔到比我搵到間中菜館聚香雞(半隻): 雞肉好嫩滑，都幾大隻同食落啖啖肉多汁，另附有三個醬料，有薑蓉、XO、沙薑醬，覺得唔夠味可以沾唔同醬汁，一個餸可以滿足哂三個願望乾煎海虎大蝦: 我幾鍾意依個餸，海虎蝦用左蔥同辣椒粒一齊炒，蝦大隻得黎肉質好爽口，味道夠哂惹味又有穫氣椒鹽豆腐: 豆腐皮好薄身，口感乾身脆口，椒鹽粉灌切係每粒豆腐皮，食落唔覺一團粉，配埋炸蒜粒好香口，直情係送酒菜乾扁四季豆: 四季豆連肉碎唔會炒得好油，食落爽軟濃味，配依味餸送飯真係可以食哂成碗魚咀海帶湯飯: 魚湯味道濃郁鮮甜，魚咀口感爽滑，海帶冧得黎帶爽口，飲落無味精，好少街外飲既湯似足屋企煲既味道

今晚諗唔到食咩好 同男人求其入左間茶記原來餐廳夜晚有中菜食 主打聚香雞 叫左半雞試下 比想像中肥美喎咬落啖啖肉 而且非常嫩滑 好食男人話要食煎大蝦 好夠鑊氣 咬落蝦肉爽口彈牙 配埋少許蒜一齊食 正另外叫左個燒汁野菌牛柳粒 說好的野菌得好少 變左茄子粒⋯略嫌燒汁太甜 吃落怪怪的⋯不過店員服務態度好好 值得一讚

行完街，想簡單咁食餐中式野，行過見到呢間餐廳仔 似靚少少茶餐廳，女朋友唔反對，就亂入，叫2個小菜做晚餐。我地點左一個招牌既聚香雞同乾煸四季豆。聚香雞其實即係豉油雞。呢隻雞可以話係我食過最好食既豉油雞！雞肉好嫰滑，層雞皮深深咁吸收左濃濃既豉油香味，個豉油香濃得黎唔會過份咸，送飯一流！真心必食！乾煸四季豆其實我好少食四季豆，不過女朋友好想食，就遷就下佢，又估唔到味道不錯！ 雖然有啲辣椒，但食落完全唔辣，辣椒只係令到啲肉粒更香，味道更出。肉碎醃得好好，咸度適中 。而四季豆唔乾身，個皮食落少少爽口，入面啲豆豆仲有少少水份！最怕食四季豆乾爭爭，所以呢碟野做得真係幾好！想係尖咁簡單食餐飯，呢間係唔錯既選擇。味道好價錢唔貴，簡簡單單，自自在在咁幾好。