Video
Read full review
2021-12-27
1568 views
星期六同朋友出旺角信和買嘢，再順便食個晚飯。由於未係晚餐高峰時間，所以終於等到「水門雞飯」唔使排隊，可以直接入去食喇👏。餐廳環境幾四正，裝修富有特色，好似模仿泰國排檔一樣🇹🇭。呢度燈光明亮，衛生情況良好，餐枱之間用隔版隔開，食客食得安心。唯一挑剔嘅地方就係冷氣較強勁，食物好快吹凍咗。我並唔係第一次幫襯，但之前只係食過佢個雞飯，呢日同大胃王嚟食，就可以試埋佢啲小食😛！食物定價唔貴，如果係午市或茶市嚟食就更抵，因為設有套餐。水門三寶雞飯($64)，水門雞飯係呢度嘅首席招牌菜，基本上每枱都會嗌。🐔三寶雞飯包括有原味水門雞、炸雞同雞雜，名副其實一次過滿足三個願望、試晒幾款滋味。兩款雞肉嘅肉質同樣嫩滑😋，連埋雞皮食都唔覺肥膩，而肉味本身比較清，不過伴旁嘅調味醬就正好發揮作用。配原味水門雞嗰款醬微微辣，帶點檸香，清新開胃。另一款三寶係雞雜，內容包括有雞腎、雞肝同雞腸等，我個人唔好內臟，但個味都算易入口。飯底配上雞油蒸飯🍚，飯粒分明，軟硬度適中，並滲出啖啖油香。最後就係隨湯奉上嘅雞骨湯，味道還好，重胡椒味，最重要係夠熱🔥。泰北咖喱雞麵($50)，🥘咖喱湯麵跟雞飯同屬高度推介嘅菜式。咖喱湯頭勁正，佢濃
星期六同朋友出旺角信和買嘢，再順便食個晚飯。由於未係晚餐高峰時間，所以終於等到「水門雞飯」唔使排隊，可以直接入去食喇👏。
餐廳環境幾四正，裝修富有特色，好似模仿泰國排檔一樣🇹🇭。呢度燈光明亮，衛生情況良好，餐枱之間用隔版隔開，食客食得安心。唯一挑剔嘅地方就係冷氣較強勁，食物好快吹凍咗。
我並唔係第一次幫襯，但之前只係食過佢個雞飯，呢日同大胃王嚟食，就可以試埋佢啲小食😛！食物定價唔貴，如果係午市或茶市嚟食就更抵，因為設有套餐。
水門三寶雞飯
$64
43 views
0 likes
0 comments
另一款三寶係雞雜，內容包括有雞腎、雞肝同雞腸等，我個人唔好內臟，但個味都算易入口。飯底配上雞油蒸飯🍚，飯粒分明，軟硬度適中，並滲出啖啖油香。最後就係隨湯奉上嘅雞骨湯，味道還好，重胡椒味，最重要係夠熱🔥。
泰北咖喱雞麵
$50
54 views
0 likes
0 comments
🍜麵底原來無得自選，指定咗係配蛋麵(粗麵)，估唔到餐廳係有精心設計過，皆因面頭仲有一大堆炸麵條，食落香脆可口，索咖喱汁食一流；而麵中亦混入咗芽菜，增添爽爽滋味。
泰式腩仔($52)，🐷炸腩仔有成十幾件，外層經五香粉醃製，味道有啲似糭入面包嘅肉，但鹹度並無過火。由於真係用上豬腩肉，所以脂肪較多，而且亦帶軟骨位，扣咗少少分。醬汁係平日沾豬頸肉食嗰種，鹹鹹辣辣，重口味擔當。
脆炸蝦波
$38
20 views
0 likes
0 comments
總括嚟講，呢晚試咗雞飯以外嘅食物，無論同雞有關定無關，佢哋全部都咁有水準👍。再者，餐廳性價比高，就算日日食都無問題，咁就真係可以「日日食雞，唔會瞓低」🤣。
Post
