禮 (打鼓嶺道)

Open Now

Now Closed

一間食物種類選擇豐富嘅日式居酒屋小店， 有刺身、壽司、串燒、炸物到丼物等等。 座位以四人位為主，氛圍比較啱一班朋友高談闊論咁聚餐。 極上刺身三品 ($238) • 分別係油甘魚、三文魚、帆立貝。 • 整體係一碟好高質嘅刺身，肉質嫩滑、咀嚼嘅時候有刺身原有嘅淡淡鮮甜。平時唔好刺身嘅我都覺得好食。 清酒煮蜆 ($88) • 每粒蜆肉都好飽滿，最重要係食落唔會咬到沙粒，處理得好好。 • 清酒嘅米香味幾濃郁，但又唔會搶走蜆本身獨有嘅鮮甜。 青森青提豚肉卷 ($48)• 極力推薦‼︎ • 用豚肉包住一粒原整嘅青提去燒，味道有驚喜。 • 青提經過燒烤仍然保持獨有嘅香甜，口感變得更腍同更多汁，兩者味道好配合。 脆皮風鱔 ($88) • 燒嘅程度啱啱好，外皮收得緊緻香脆。 • 入面嘅肉質保持爽口，保留到鱔嘅味道。 池魚王薄切 八切 ($138) • 肉質除咗保持一貫咁鮮嫩肥美，仲多咗一股魚油香。 • 撈少少伴碟嘅薑蔥一齊食又係另外一種層次。 蟹羔玉子燒 ($88) • 玉子口感好濕潤滑溜，比較似蒸出嚟。 • 夾咗蟹羔喺入面，食落有浸浸蟹羔味滲出。

一早聽朋友講過哩間居酒屋唔錯，話佢啲串燒幾有特式，同事last day我地就黎哩度同佢farewell。居酒屋店面唔大，感覺比較家庭式，反而靜靜地幾啱傾計。一坐低，先黎每人一碟前菜($10)，雖然要收費，不過都交足功課，係牛舌黎，鹹鹹辣辣幾惹味。紫菜芥末八爪魚($58) - 芥末八爪魚比想像中多，食極都仲有，而且切得唔會太細粒，仲保持咬口，最難得係紫菜keep倒脆嘅。香蔥吞拿魚薄脆($88) - 吞拿魚幾油潤，下面嘅脆米香脆得黎唔會太硬。秘制半熟堅魚他他($118) - 堅魚表面輕燒過，食落唔會太油，加埋柚子汁，酸酸地幾清新開胃。紫蘇三味雞肉串($48) - 三味雞肉串有明太子、柚子胡椒同蜜糖芥末，紫蘇葉味道唔會太重，仲食倒三隻味。青森青提豚肉卷($48) - 用豚肉包住青提第一次見，雖然冇荔枝咁甜，但一樣咁好食！鹹蛋媽媽素肉棒($48) - 素肉棒口感同味道都完全唔似素肉，亦唔會好油咁，加埋鹹蛋黃醬非常惹味。脆皮風鱔($88) - 風鱔肉質扎實，鱔皮燒到脆脆地幾好食。蟹肉蟹膏甲羅燒($88) - 蟹蓋入面已經有蟹膏同蟹肉，食之前可以加埋下面嘅蛋黃入去撈勻再放上餅乾上面食，蟹膏味道濃烈

上次嚟食過lunch，已經覺得又抵食又好味，既然中秋話落大雨，咁就book嚟呢度賞月亮燈啦八貫手握壽司 ($368)大大件嘅壽司，放喺月亮燈下影相，真係好靚呀！！！兵庫縣室津生蠔 ($58隻)味道超級鮮甜，又肥又大隻，而家更加係當造，食完真係一口蠔氣，正呀！黑松露A6和牛三文治 ($368)和牛肉厚，而且油份激重，不過一定要趁熱快快食！再加上黑松露醬點綴，放喺彎月碟上，非常有心思！脆皮風鱔 ($88)魚皮真係脆得好緊要，一陣濃郁炭香，肉質鮮嫩肉厚媽媽鹹蛋豬肉棒 ($48)一咬開原來鹹蛋就喺入面！感覺就好似住家菜鹹蛋蒸肉餅，不過呢個就係變身成串燒，味道依舊但更有趣味蟹膏玉子燒 ($88)玉子燒好滑溜，陣陣蛋香再加上香甜蟹膏，成落整體非常香滑，令人欲罷不能食完想再食呢度雖然細細間，但環境舒適，店員服務非常良好而且不斷加茶。走嗰陣落大雨，仲好貼心咁教我哋點坐車走。的確令人有賓至如歸嘅感覺

禮 (九龍城)📍九龍城打鼓嶺道79號地舖來都充滿各式各樣美食的九龍城，跟男朋友想找一間較有特色的餐廳，大概當晚比較想吃日本料理吧，就看到這一間精緻又企理的居酒屋，看到在內也有很多人在喝酒聊天，感覺蠻舒服的，就進去試一試了。由於疫情還未過去，這餐廳也很貼心的替我們量體溫，及提供酒精搓手液。然後看着餐單：哇～很多款不同特色的！就像是昇華版的放題一樣，很吸引我們就各項一點一些。先來一些前菜來 warm up 一下吧！我們吃起來，覺得全部款式也特別清甜清新。廚師就在旁邊跟我們說，他們的餐廳原來主張零味精，想客人吃到食材本身的天然味道。特別推介⭐️蒜頭元氣漬⭐️外面未吃過這種蒜頭的漬物，本身怕味道會過濃，但是醃料跟蒜頭的味道非常配合，蒜頭本身的濃郁氣味也被醬料完全的溶化混合。帶點點辣，吃起來非常爽口。特別推介⭐️富士山蘋果煙肉卷⭐️看見一款特別想吃的就是「富士山蘋果煙肉卷」，聽起來很清新的感覺，未試過，所以點了試一試！味道真的是非常之清甜，吃完會想再吃的感覺。帶點油香又軟熟的煙肉，配搭着清爽的蘋果，口感層次很好，實在是太好的配搭了。特別推介⭐️免治雞肉卷棒配蛋黃醬油⭐️上菜時已令我和男朋友感到很新奇。或者我