火鍋撚 (染布房街) (Closed)

火鍋撚已經食過幾次😍外賣同堂食都試過，最出色嘅係湯底！9成湯底都試過，最鍾意係酸菜白肉鍋🥰每次落火鍋料之前都要飲一碗淨湯底加湯料先今日難得約多啲朋友一齊食，可以試多啲火鍋料麻辣鍋/酸菜白肉鍋。 10/10大推酸菜白肉鍋！夠酸夠開胃，而且湯底本身既配料超多！如果唔太鍾意酸既朋友就應該唔啱食，因為會愈煲愈酸的～ 麻辣鍋都好香，小辣level 食得好舒服😌湯底配鴨血/蜂巢豆腐係絕配！值得額外追加各一碟火鍋撚手切肥牛。 8/10有牛味，唔會好肥膩。缺點係薄同貴🤣蔬菜籃/雜菌併盤。 9/10蔬菜同菇菌種類多之餘，仲好新鮮！啲粟米超甜🥰響鈴。 10/10即炸既響鈴冇得輸，鬆脆好食！配埋甜酸醬一流！4個人叫左兩碟食☺️黃喉。 8/10正常水準。 杞子龍眼菊花蜜。 9/10幾足料，又唔會太甜腐竹湯水沙冰。 9/10每個人都會送既飯後甜點打完邊爐飲返個腐竹沙冰超清熱💦

武漢肺炎搞到冇得約齊腳食飯， 而家終於可以食，不過要前後腳到。。。 真係低能呢間火鍋撚真係難book, weekend真係要book位， 冇book應該真係冇位。。。 呢度幾間鋪都係佢地個集團，有獨。火鍋撚， 安安燒， 成條街都好香， 好多人等位， 好心急呀， 就嚟有得食喇終於入到去坐低，我地6 個人， 坐卡位， 都幾舒服 有好多嘢都想食呀。。。 點算呀 我地叫咗兩個湯底， 一個辣， 一個唔辣~ 辣就揀咗祖傳麻辣鍋， 唔辣就養生白湯鍋， 辣嘅湯我地冇咁癲， 冇就咁飲。。。 不過個養生白湯鍋就俾我地飲到要加湯真係好好飲~全部食材都好新鮮， 好好食， 正到爆， 你睇相就知好好食， 我都唔逐樣數出嚟~ 到最後， 有腐竹糖水沙冰， balance返打邊爐嘅燥熱， 好細心呀~

自從「打邊爐家族」之後， 少左好多人去打邊爐， 但其實只要做好個人衛生，就唔會有問題架啦！希望快啲抗炎成功啦！💪🏾 我同小妹今次去左旺角「火鍋撚」打邊爐， 餐廳都嚴陣以待， 食客全部都一律要探熱同用酒精搓手液消毒雙手方可入座， 「火鍋撚」所有餐具都係即棄， 仲推出左一人一鍋， 咁就可以打邊爐食得放心啦！ 見到佢推出左新湯底，係沙嗲溝麻辣湯底， 啱晒重口味又嗜辣嘅我哋！😂 台式古早沙嗲麻辣鍋（$129） 以十多種藥材熬製而成，好香濃， 辣勁比一般沙嗲湯底強， 帶沙嗲和沙茶香氣， 仲有配料蜂巢豆腐和鴨血， 吸盡湯底嘅精華，正！☺️ 小妹係食肉獸， 所以打邊爐一定要有肥牛， 極品安格斯肥牛（$229） 肥牛有小和大兩個size， 我地order左大， 不過份量比我想像中少， 颜色唔係好鮮艷， 不過勝在肉香有嚼勁！ ⭐️推薦❗️火鍋撚香滷拼盤（$119） 1次過可以食晒所有滷水：蜂巢牛肚、香滷大腸頭和香滷牛筋， 滷水味幾入味， 腸頭厚肉有口感，牛筋嫰滑，值得一試！ 上次試左黑松露墨魚滑和瑤柱干貝滑， 兩款都好正！

因為朋友之前食過中環個間分店, 話好味道, 麻辣鍋既鴨血可以免費添加, 岩晒我D為鴨血瘋狂既人去食!打電話訂位, 幸好後補有位, 可以一嘗真假! 座位只有樓上位置, 地方不算大, 但已經坐無虛席啦...坐底第一時間睇咗要咩湯底先, 叫咗個鴛鴦鍋, 祖傳秘製麻辣鍋(中辣)拼蜂巢豆腐白湯鍋, 嚟到既時候聞到麻辣既香氣~滿心期待免費添加鴨血, 點知問一問職員話追加要收費的....再望到佢牆身貼咗逢星期一有免費追加, 原來只有另一間分店才有免費追加...夢想幻滅了! 麻辣鍋除咗有鴨血仲有蜂巢豆腐, 好滑呀~鴨血仲好滑唔"鞋"口架~但要等耐D先食, 等佢吸收多D麻辣既香味會更正!! 白湯個邊有淡淡既人參味, 個湯入面有成支人參架...仲有鴨血同蜂巢豆腐, 味道比較清, 用嚟滾肉類會比較食得出原味, 因為始終麻辣味都會蓋咗~至尊水餃皇好足料值得大家試下, 雲吞好新鮮, D蝦好彈牙!手切牛好香牛味, 唔會話有雪味仲要肥瘦適中, 兩款滑都好好味, 真材實料, 勁彈牙!!響鈴新鮮即炸, 熱辣辣又夠鬆化, 我就咁食咗2條, YUMMY!!(但記得要熱食, 涼咗就會覺得油架啦!) 另外黑豚肉都唔錯, 佢個冬

之前一路都知旺角開咗間港版無老鍋，一直都想試，今次撞啱朋友生日，佢又話想試，就早早訂枱，用餐時間係個半鐘。準時去到，行到個位發現二人枱要搭枱，真係傻了眼你可以講佢係兩張長方型二人枱，但呢兩張枱係拍埋的，同搭枱基本上冇分別。咁坐低點菜啦，中價打邊爐價，我地兩個人，要左個鴛鴦鍋，一邊麻辣一邊酸菜白肉鍋。麻辣鍋好香，不過唔會死辣，有鴨血同埋蜂巢豆腐。酸菜白肉鍋有幾片豬肉，有紅薯粉墊底，初段至尾段都覺得味道幾好同開胃，不過食到尾覺得太酸。之後點左個細手切肥牛、響鈴、雜餃、黑松露墨魚滑拼干貝滑、皇帝菜、烏冬、一渣竹蔗茅根。手切肥牛好食，有咬口，半肥瘦，有牛味雜餃冇咩特別，不過魚皮餃偏咸。雙拼滑冇影到，不過夠爽口彈牙！響鈴即叫即炸，鬆脆好食，冇油溢味最後有糖水送，係腐竹糖水沙冰！賣相特別！兩個人盛惠$834，食物不錯，但環境太嘈，又迫，好似坐喺放題咁，我覺得呢個價錢有更佳選擇。

晚上同朋友來吃晚飯，餐廳比左間房我地，環境係不錯，但總結就係有d失望。叫左個麻辣鴛鴦鍋(少辣)，麻辣鍋完全食唔到湯底有味，一般就算少辣都會食到麻辣鍋既香料味，但呢個湯底完全冇。反而豆腐白湯更好，食得出湯底有少少人蔘味。每個湯底裡面都有鴨血同蜂巢豆腐。另外，火鍋料份量只適合2-6人黎食，我地8個人食，樣樣都唔夠分。份量真係有點兒太少。如果6個人黎食每人每樣都係食到1-2件左右，而且價錢又唔算平。不過，味道就唔差既，而且擺得幾靚，好岩相機食。全餐飯最鐘意都係佢地最後送既腐竹糖水沙冰，幾創新，不過有朋友就覺得甜左少少。

早前係旺角搵空氣梳乎厘發現有間打邊爐個名好似粗口.....................見個餐牌既價錢唔係話太貴加上又肚餓於是2個少女上左去了......而家既餐廳唔只講食物質素同服務頌好講裝修、擺碟、特別的容器呢間餐廳令我最難忘係佢樣樣都有餐廳的裝修有種舒服寧靜的感覺望住人地一家大細一理朋友都會感受到氣氛餐牌上的湯底有5款但種種都有特色咩沙嗲鍋、"嚴"茜鍋完全冇因為第一次幫襯所以先點個聽上去比較易接受的湯鍋底一上枱當然要試下啦味道一入口有少少苦，但之後個味好舒服飲完喉嚨冇甘痛，好有媽媽的感覺(重點是店員加湯係加番呢隻湯，唔係水)蜂巢豆腐同我地食既凍豆腐一樣但更好食，個口感更實正而且豆腐味濃之後更吸了湯的味道頌打消了我點滑豆腐的念頭而且入面有鴨血呢鴨血同豬紅既樣差唔多食落冇豬紅甘淋，味道會淡少少而且更加健康(電視好似有甘講)第一樣食物上了--「必點的響鈴」你會發現唔少食物都配左個牌仔呢個係「請灼3秒」響鈴係即炸的，非常香口點上甜酸醬包保讚口不絕浸埋湯更好味腐竹好濃而且加埋湯係入面無得彈第二道--「珊瑚蚌」呢個既牌仔係「請灼10秒」時間真的係重要，甘先會灼得爽口之外頌保留鮮味第3道--

多次經過見到呢間火鍋撚，都比佢咁獨特嘅名字所吸引，叫得火鍋撚即係好拿手啦，咁就要睇下佢有幾拿手啦。坐低左見到個Menu ,原來係台式火鍋首先叫咗個湯底-龍鳳鴛鴦鍋，紅白湯紅湯係麻辣鍋(小辣)，店員話唔夠辣可以後加白湯係蜂巢豆腐白湯鍋留意呀，鴛鴦鍋是以較高價錢再加＄30係未淥其他配料之前，建議大家先品嚐白湯的味道清甜得來帶點回甘，人參的味道，兩個湯底都配有古法製的鴨血同自家製的蜂巢豆腐極品黑豚肉咪睇佢好似好肥好多脂肪，食落非常爽口新鮮這個即炸3秒響鈴，上枱仲熱熱地，有兩種食法，第一種正正常常落湯灼3秒，第二種點甜酸醬食，就好似食炸雲吞咁，又幾好食喎！完全沒有油溢未兩個人唔食得多，又想食多款，好在有得雙拼黑松露墨魚滑拼手打靚蝦滑完全唔係交行貨，黑松露好香同墨魚滑又幾夾喎，蝦滑好新鮮起晒膠，仲有蝦肉增加口感餃餃都有拼盤，每人每款一粒啱啱好包括韭菜餃、水餃、魚皮餃同雲吞，粒粒都新鮮自己包，雲吞水餃都有原隻蝦，我自己就鍾意食韭菜餃食完仲有糖水送，用月光杯裝住腐竹糖水沙冰，一人一杯又幾過癮喎，不過糖水就甜左少少