魚眾不同酸菜魚 (啟德一號) (Closed)

呢個星期天氣又涼返，所以燃起了煲仔飯嘅心！放工後嚟到啟德嘅「魚眾不同酸菜魚」。呢間餐廳自稱係酸菜魚專門店，但食過幾次之後，反而覺得呢間最好食嘅係煲仔飯。今日我哋食咗臘味煲仔飯、麻辣濃湯墨魚片同埋紅糖糍粑做甜品。臘味煲仔飯 ($72)呢度啲煲仔飯要等30分鐘，不過每次一食就覺得30分鐘係值得等！臘味夠油(肥)夠味，而且見到啲鼓油好似有煮過，唔係一般市面上買的甜煲仔飯鼓油。不得不講、最出色就係佢啲飯焦，每次食都可以整碗飯焦起到出黎，加埋鼓油好食唔膩口，超有滿足感！麻辣濃湯墨魚片 ($85)利申:我食到一半先發現唔記得影相......墨魚片好新鮮，咬落去都有啲Q彈，而麻辣湯底幾濃味。呢度最好係佢可以比你自選調味同配菜，如果平時唔食得太辣就記得揀少辣少油啦！份量唔算特別多，價錢如果可以平少少就更好了。紅糖糍粑 ($28 - 半份)最後叫左半份紅糖糍粑，外層似飯焦咁脆，而入面口感似麻糬，加埋紅糖(=黑糖?)都幾好味！雖然知道「魚眾不同酸菜魚」有好多分店，但唔知係咪間間分店嘅煲仔飯都咁出色呢，所以每次食都一定去返啟德！

啟德新開餐廳🍴|一人酸菜魚｜即製煲仔飯一人份量的酸菜魚（老壇酸菜湯底配鱸魚片）$75今次呢一個一人份量酸菜魚湯底，味道鮮甜大少少微辣🌶而佢嘅份量亦好多，如果加其他配菜一齊食嘅話兩個人share都可以。湯底冇加味精，係比較正宗嘅酸菜魚。而鱸魚片嫩滑，有少少調味，係幾鮮甜同埋肉質新鮮嘅一種。跟餐仲附送兩款配菜，今次要咗萵筍片同埋腐皮。腐皮係比較特色嗰一種，食落吸咗少少湯底，風味十足。而且仲可以配一款煮食，今次就要左特色米線，就係比較軟身嘅薯粉，會另外分開一碗上。招牌臘味煲仔飯$58所有煲仔飯都係即叫即製，落單至少等20分鐘先至會上菜。所以上菜時係熱辣辣而且有好多飯焦。佢嘅臘味質素中上，有臘腸潤腸同埋臘肉。比較欣賞佢嘅潤腸，有淡淡的玫瑰露香，而臘腸切得比較薄片，食落有少少豬膻味個種。煲仔飯仲有好多選擇，但值得欣賞嘅係佢嘅煲仔好乾淨，比起傳統廟街嗰種煲仔飯衛生得多👍🏻👍🏻滷水雞翼 $23 （小編推介）估唔到成餐飯最有驚喜嘅係滷水雞翼，呢一款滷水雞翼真係超級超級好食😋佢嗰種滷水大少少藥材香，而且非常掛汁。每一隻雞中翼都係肥美飽滿，非常入味之餘唔會過火令肉質變霉。非常加分👍🏻呢個價錢仲有四隻雞翼，