餃掂手工餃子雲吞專門店

5月28日下午，我和三位同事到餃掂灣仔分店吃午餐。午餐時段客人很多。我們要在外面排隊等候座位。等了大約15分鐘。我點了野生松茸素餃。掙扎了一會要點燙餃子或是煎的。最後都是煎餃子招手成功。兩款餃子的價錢不一樣。亦有數量選擇。燙餃子7隻是$48、10隻是$60。煎餃子7隻則是$55、10隻是$65。7隻怎能滿足我，我當然要選10隻。（其實我想要燙餃子和煎餃子各7隻，哈哈！但只是吃餃子便花費超過$100，有點不捨。）餃子煎得很好。我喜歡焦香的餃子皮。香脆可口。卻不會過份焦黑。雖然是煎，油份卻不多。吃完後，嘴巴沒有油光光的感覺。松茸味道香濃。綠葉菜的清新也沒有被掩蓋。餃子皮不厚。外脆內軟滑的口感不錯。這餐廳是一位素食筆友推界。很久以前。終於都來光顧。現在還有新推出的大滿貫素餃。內餡是菇菌、菜苗和瓜類等。下次再光顧可以吃這個。自家制山楂雪梨水。另有蜂蜜檸檬薏米水。同樣是杯裝$21，瓶裝$28。大家都要瓶裝，覺得比較划算。而且，喝不完可以帶走。這飲品以山楂片、雪梨、甘草、冰糖、麥芽和水等製作。我期望山楂味會比較突出。事實卻不是。正常是山楂和雪梨味都不是淡。我卻未能在這杯飲品中嚐到各自的酸和甜的味道

灣仔有間餃子專門店叫餃掂，作為餃子的愛好者，當然都要到店食下。店裡的餃子款式五花八門，由舊式至新式都有，每款都有煎餃同湯餃兩款食法。至尊松茸豬肉餃（$78），是這店的皇牌餃子，松茸有好高的營養價值，餃子外皮煎到金黃色，外皮好脆口，豬肉的肉汁好出，豬肉裡的松茸碎好香，味道很好。每款餃子都有鯪魚粉葛湯，足料得黎好有營養。元貝豬肉餃（$48），這款餃子我選擇了湯餃，豬肉配元貝很匹配，湯底同樣也是鯪魚粉葛湯，同樣唔錯。香煎軟心豬肉餃（$54），見到呢款餃子都幾有創意，較心的芝士包住豬肉，一咬濃味的芝士湧出來，有了芝士拉絲的效果，整味味道都不俗！蜜餞雞翼（$32），雞翼的蜜餞味好重，醃得非常入味，雞翼每隻都大大隻，肉質輕軟，很美味。自家制山楂雪梨水（$28/支），食太多煎餃，雖然是脆卜卜，好好食，但終於有少少熱氣，不妨可以飲，滋潤返下！

次次灣仔lunch搵食都見到呢間野排長龍，呢日夜晚決定去試試。時間尚早，入坐時唔使排隊，但已經坐滿人，到我地食完嘅時候已經要排隊喇。好欣賞一坐底就有一樽醃蘿蔔食，少少辣同酸好開胃。我地仲叫左一樽熱山楂雪梨水，姐姐話係自家制原個雪梨煲嘅，較為偏甜，真係好滑好潤。煎至尊松茸豬肉餃雖然相對黎講較貴，但係招牌菜點都要試吓。煎左一面唔會太燶好香口，豬肉入面會食到一粒粒松茸帶出少少香味，仲有2個醬試多2種口味，但個人覺得唔點醬都好食。仲跟左個狀元九鼎湯，清清地有媽媽嘅味道，可以清下煎餃嘅油膩，飲到最後加少少鹽更加帶到少少魚味。龍鳳松茸灼餃有分黑白松露，豬肉松露係夾嘅，黑松露比較香，灼又比煎更入味。湯元貝豬肉餃雖然唔係招牌但一樣好味，元貝好香，比松茸餃濃味。為左滿足嗜辣既朋友仔而叫嘅重慶鮮肉雲呑，比餃子細粒容易入口，雲吞皮好滑，朋友表示小辣唔夠應該要大辣。原來除咗餃子仲有其他小食，我哋要曬兩款皮蛋黎試。黃金原味皮蛋，個黃好流心好靚，出面少有比較特別，但我都係覺得傳統嘅麻辣松花皮蛋好食。食得出佢地嘅嘢原汁原味，冇味精，下次想食清淡d黎呢到就岩曬！

最近搭叮叮經過修頓球場都見呢間新開既餃子店坐滿人，今日黎開附近一於試吓 . 內裡裝修雅緻,兩旁有梳化位都坐得幾舒服既牆上仲有松茸既介紹, 溫馨分享, 店長見我影相仲好親切同我講,d碟都係自家畫ga ~呢度既餃子有煎/灼,中碗同大碗之分, 我地2個人又想試多幾款,所以都order中碗等食既時候見到呢樽酸蘿蔔都夾左幾舊開吓胃,唔係太酸,剛剛好, 仲可以外賣原樽添!先送上山楂雪梨水材料除左山楂雪梨仲有甘草冰糖麥芽,啱哂呢d天氣夠滋潤麻辣松花皮蛋採用糖心皮蛋, 麻辣偏重, 怕辣既可以試黃金皮蛋好啦,到主角餃子喇先黎既係至尊松茸豬肉餃(跟狀元九鼎湯) 先呷一口九鼎湯暖胃, 有住家feel , 飲得出有粉葛赤小豆扁豆既味道至尊松茸豬肉餃皮薄得黎有咬感 , 肉鮮松茸都唔少ga , 配埋xo松茸醬, 好夾再黎香噴噴既煎雲耳椰菜豬肉餃 , 3種材料分佈平均,椰菜粒平衡返肉膩感重慶鮮肉雲吞 可揀辣度, 我地揀左中碗有12粒,小辣, 因為係小雲吞,所以好快又清哂好啦, 最後呢個真係要試香煎軟心芝士餃 本身好奇,芝士做餃子係點?會唔會好漏呢? 效果估唔到咁, 淡淡既芝士加埋栗米, 外面有脆邊內面軟軟的,煎過更