云手工火鍋店

Open Now

Now Closed

放工同幾個好友去咗間裝修得有氣派嘅火鍋店，店内座位寬敞，燈光柔和，而且仲有幾間VIP房，私隱度真係好高，適合聚會。火焰三椰雞鍋店員先用乾鍋炒香雞肉、椰子肉和紅蘿蔔，加入酒用火槍點燃，視覺上非常震撼，倒入新鮮椰青水同埋濃湯做湯底，仲會隔走湯面上油份。湯底清甜而香濃，雞肉鮮嫩。手打芝心牛丸口感彈牙，咬落去肉汁豐富，芝士內餡帶來一種獨特嘅醇香滑順感。手打鹹蛋黃蝦丸創意十足配搭，蝦肉鮮美，同鹹蛋黃嘅鹹香完美結合。自家製黑松露蟹肉餃餃子嘅皮超薄，黑松露嘅深邃香味同蟹肉嘅細膩口感在口中綻放，必試之選。花雕醉滑牛牛肉經過花雕酒浸泡，肉質變得更加柔軟，花雕酒嘅香氣細膩，提升咗牛肉嘅風味，牛肉入口滑嫩。串燒今次試咗日本鱈魚干同埋廣島蠔，鱈魚干入口香脆，點少少蛋黃醬食好滋味；廣島蠔肉質鮮嫩，入口juicy，串燒都好高質。

打邊爐最緊要夠地踎先夠地道，但好多朋友話尖沙咀瑞生酒店入面嘅火鍋店嘅出品好出色，所以決定去試下佢😍火焰三椰雞鍋 $328呢個湯底即席煲出嚟，由炒料到滾起，全程直擊，先炒雞，再用椰皇椰青椰奶滾成，仲會玩火添，超香椰子味，唔會好油，一開始淨係飲湯都飲咗三碗，正😊美國安格斯牛肉（中） $268啲雪花勁靚，食落非常軟熟，牛味都好勁，同埋份量都好多，兩個人食啱啱好👍🏻自家製黑松露蟹肉餃 $68呢個必點，皮薄餡靚，黑松露味好突出手打芝心牛丸 $52呢款要小心焫親個嘴，一咬開就爆哂啲芝士出嚟，牛味好濃，同芝士夾埋一齊又真係幾得意手打蝦丸 $48食落爽口彈牙，蝦味極重，因為呢款蝦丸真係有蝦係入面㗎🤭自家製炸魚皮 $68真係食得出係自家製，唔係買貨，特別香脆👍🏻佢哋仲有Vɪᴘ房，入面有卡拉Oᴋ唱，一班人包房玩仲正，當然有低消喇，有興趣嘅朋友可以打去餐廳研究吓😌

入秋時份，打邊爐要滋補湯底，找到了一酒店手工火鍋店裝潢走現代中菜廳路線，設有五間獨立房間環境雅緻舒適，座位相當寬敞，店員主動有禮貌美美的九宮格醬料及醬油自配調味！除火鍋配料亦有刺身，餐前小食及香脆炸物等手工湯底火焰沙白蟹鍋極具氣派！打卡必食肉類牛胸爽含豐富的骨膠原，帶筋帶油，薄切爽口丸類半份四粒、一份八粒！手打黑松露墨魚丸肉汁豐富，帶有幽香香菇貢丸肉質飽滿而不膩，味道鮮甜，口感彈牙自家製黑松露蟹肉餃內黑松露的香跟蟹肉的鮮完美結合魚皮餃魚味香濃，厚身爽滑，外皮帶出煙韌口感消滯恩物酸梅湯生津可口，可幫助消化及增進食慾

喺OpenRice見到佢做緊優惠，兩個人消費每人$200以上，就送一個火鍋湯底，要三百幾蚊一個煲。呢個優惠勁抵，所以就同朋友嚟。$328 火焰沙白蟹煲店員會上咗煲底之後，幫我哋翻炒，加入酒，點火，成件事勁好睇。最後加入湯底滾起就可以飲得個湯。我平時唔係太鍾意食芫荽嘅，就揀咗落少少芫荽，成個湯底都好鮮甜，帶有白胡椒味。天氣凍咗，飲返一碗即刻暖晒。蜆肉每隻都脹卜卜，鮮甜，冇沙勁抵讚。唔好睇隻鞋細細地，都有好多蟹膏，鮮甜，蟹肉都結實。$118 新鮮鵝腸鵝腸唔會太肥，啱啱好。每一條都好爽口彈牙唔會有怪味。賣相都好精緻。$68 香煎鵝肝墨魚丸第一次食到鵝肝丸，感覺好新奇，味道都好食。墨魚丸彈牙，食到有墨魚粒，咬開之後，入邊有鵝肝粒，估唔到兩者可以咁夾。$68 自家製黑松露蟹肉餃都係第一次食。水餃皮唔會太厚，一咬開黑松露味就湧出嚟，而且食到蟹肉絲。好有水準。$48 稻庭烏冬係真稻庭烏冬，平時喺出邊試過食到唔係稻庭烏冬，而且係成個烏冬，唔係得一半。$18 忌廉$18 可樂冇諗過喺酒店入邊都食到咁高水準嘅火鍋，而且而家仲要做緊優惠，非常之驚喜。

🔥🍲火焰沙白蟹鍋($328)作為鋪頭3大招牌鍋底之一，呢個火焰沙白蟹夠哂氣派🥰一上枱就見到原隻肉蟹、沙白、芹菜、蘿蔔，炒香左後落芫茜🌿白酒然係點火😆好有睇頭後黎仲已經聞到好香😇然後加湯🥣滾左之後先飲湯，幾清甜同埋好驚喜既係肉蟹真係好有鮮味🤩好難得地我地食完成隻蟹先捨得開始打邊爐🍲🤣🥩美國安格斯牛肉($268)比想像中大碟得多🥰望落已經feel到有質素🫶🏻食落牛味亦好濃😇🦑香煎鵝肝墨魚丸($68/半份4粒)彈牙有咬口，中間會有一粒鵝肝好特別😆🐄手打芝心牛丸 ($52/半份4粒)入面係流心超濃芝士🧀要小心燙口呀⚠️🥰自家製黑松露蟹肉餃 ($68/半份4隻)推薦‼️幾有驚喜😆入面超足料，啖啖都有滿滿既黑松露mix蟹肉絲🦀好滿足❗️🐝蜂巢豆腐($48)有8大片，超掛汁而且有咬落有質感☺️🍋檸檬梳打($68/一榨)超大榨😇 酸酸地令到打完邊爐好解渴🤩

🦀火焰沙白蟹鍋 💰$328芫茜控 🌿一定要試呢個鍋👍🏻店員會將芫茜、蔥同沙白、蟹一齊炒炒一陣後會加上清酒跟住點火 香氣撲鼻!!最後加上清湯 飲落去好清甜 好重芫茜味😹如果唔鍾意芫茜都可以叫店員唔好加~-🥩水晶滑牛 💰$128牛肉咬落去好軟滑 另外附上雞蛋一隻 可以整滑蛋牛肉~-🦐黑松露芝心蝦丸 💰$68/4粒煮熟之後由灰色變咗粉紅色🤣咬落去有淡淡黑松露香味 -🐮手打芝心牛丸 💰$52/4粒一咬落去就有少少嘅芝士流出嚟 食落好彈牙-🥟自家製黑松露蟹肉餃 💰$68/4隻黑松露味好濃郁 入面加咗啲菇嘅碎絲 所以食落幾有口感同時帶有蟹肉嘅鮮味-🐟自家製黃金炸魚皮 💰$88鹹香味十足 炸得香脆不過略嫌有少少鹹 要浸耐啲湯底先得~

係尖沙咀想打邊爐，唔想迫同限時趕住食一完，又想食啲特色野，就諗起云手工火鍋☁️坐位闊又舒服，好多VIP房，高質食材😍超級多款式選擇，由於好肚餓既關係，開始滾之前叫左個風沙粟米🌽未上枱已經超香炒左既咸蛋黃味，賣相都流晒口水，咸蛋黃掛晒係粟米上面，加埋粟米既清甜好正好味😋配埋生啤爽一爽，未打邊爐已經覺得好享受😎火鍋時間，揀左火焰沙白蟹鍋，先上鍋，入面係生既花蟹同沙白，加埋牛油係你面前炒香半熟，加入白酒點火🔥好震撼👀香到周圍啲人都望晒過黎，之後就加入白滑鯽魚湯，個湯都好鮮好濃😺沙白幾肥美，花蟹吸左魚湯同炒過都好正，好多肉好甜👍🏻👍🏻牛魔王發功🐄本地手切封門柳(中)，雖然係中但都幾大碟，唔碎幾完整無扼你，仙氣盤上，即刻試下，牛味超濃😇腍但唔梅，好好味下既封門柳，食唔停😗花雕醉滑牛，花雕係中間好香，浸完快淥，滑牛好滑帶住陣陣花雕味，正😘牛骨牛汁丸，幾有咬口嘅牛丸，算多汁既💥仲有冰菜食，唔係度度有！自家製黑松露蟹肉餃，黑松露味重，口感幾特別，一粒粒好滑咁😌整體黎講好高質，果然係手工火鍋🍲好值得食既邊爐！💓

雖然話火鍋係要趁凍打，不過想食起嚟，咩季節都會想食尖沙咀呢間樓上火鍋店，可以食到好精緻嘅火鍋冬瓜盅可以用嚟打邊爐，仲要整到鬼咁靚，真係賞心悅目會有專人幫手處理火鍋，大可以坐住打卡唔使騰雞。煲裡面仲有雞肉、松茸、雜菌同翅，夠晒滋補煲滾咗之後，馬上飲一兩碗湯，好滾好清香，飲完等啲雞肉熟，食落好嫩滑。松茸亦都好香口，仲有啲翅增加湯底質感齋食個煲都夠飽，不過點都嗌啲嘢淥吓先有mood花雕滑牛牛如其名，滑不溜口，淥熟再淋啲花雕，酒香濃郁大胃同胃弟都好鍾意牛胸爽，呢間嘅牛胸爽好靚仔，雪白爽身點埋醬汁食，肉香更出墨魚丸係好平凡嘅食材，但加埋鵝肝喺裡面，油香加魚香加上肉質彈牙，平凡之中帶點不凡黑松露蟹肉餃未淥之前平平無奇，但淥完都冇縮水而且裡面爆餡，爆香黑松露味

手工餃 手工響鈴 出色湯底今日既手工火鍋真係幾正，首先係個湯底，松茸雞翅冬瓜魚鍋個湯底本身係魚湯，已經好清好香，加上雞件，一齊煮，同埋雞翅。先滾一會，滾起先試個湯，有同事會幫你幾冬瓜煎開。超好飲，完全吾油。仲好濃魚湯味。配料可能有點似冬瓜盅，但個湯真係好出色。再加上冬菇等配料。牛胸爽一向都正，雖薄薄一片 但牛味極濃。自家製響鈴響鈴新鮮炸起，超脆。佢出黎既時候仲係熱架。數了幾秒已經可以食。超脆。一直覺得火鍋店既響鈴真係好出色兩款手工餃子竹笙帶子香菇餃自家製黑松露蟹肉餃兩款各有特色。當中松露餃裡面滿滿既松露。相當之香同好食。帶子餃，裡面真係有帶子而不是帶子碎，真係幾有誠意雜菜拼盤火鍋當然要有菜食。菜都幾新鮮，粟米仲好甜添。

尖沙咀一間好值得推薦嘅手工火鍋店🍲湯底味道夠特色之餘仲有好多手工製作嘅火鍋料比大家選擇🤤餐廳設有open kitchen位，可以睇到廚房既運作係一個幾特別嘅設計，可以邊食邊留意廚房嘅一舉一動😳湯底：松茸雞翅冬瓜魚鍋 $368 🍲店家特別推薦signature嘅湯底，魚湯湯底清香香甜，原個小冬瓜加野生松茸配上鮮嫩雞件同埋魚翅。鹹鮮味適中，雞件新鮮嫩滑，少量嘅胡椒刺激感覺飲落口非常暖身🥰火鍋料：🐟自家製黃金炸魚皮 $88 🐟黃金炸魚皮由店家自己即炒鹹蛋黃，所有炸魚皮包住晒鹹蛋黃醬勁惹味，放落火鍋到過一過黎返起熱辣辣嘅魚皮超香脆，鹹蛋黃經過加熱後少左份油膩感，超級推薦🍤自家製紫菜響鈴 $88🍤打邊爐唔少得食響鈴，店家自己將一大片紫菜捲入響鈴，響鈴皮夠薄炸得夠香脆，咬落唔會似普通買到既包裝響鈴一樣中間會有硬既口感。紫菜香味好濃，響鈴有清香嘅豆香味。專員獨特食法係放落湯到即時大嗌“夾起”，咁就保持到最好食嘅響鈴😂🥟自家製黑松露蟹肉餃 $68 (半份)🥟自家製餃子永遠都係最有驚喜嘅食料，內餡包滿細細粒嘅野菌同埋鮮蟹肉絲，鮮味十足！餃子皮唔會過厚同埋太薄身，所以唔洗擔心煮太耐會穿蟹肉絲嘅鮮味同水份比

餐廳位於尖沙咀瑞生酒店內，主打多款手工火鍋料～ 整體環境乾淨企理，裝潢亦十分優雅，座位寬躺方便傾偈而且坐得好舒服，仲有幾間VIP房添☺️ 啱晒一班人過嚟聚一聚🧡湯底方面選擇咗養顏松茸雞翅冬瓜魚鍋😋 採用魚湯做湯底，配上松茸、雞翅、半隻鮮雞件🐔 豬肉粒🐷 雜菇同冬瓜💗 材料豐富又吸睛，雞件肉質嫩滑，湯底超級濃郁而且飲落去有滿滿嘅鮮甜味，消暑得嚟夠晒滋潤～ 單點當湯飲都得呀😍 嚟到呢度當然要試吓佢哋嘅手工餃子啦！自家製黑松露蟹肉餃內有大量嘅碎菇粒，口感豐富，非常飽滿，超級creamy，好特別呀💛 招牌韭菜餃皮薄餡靚而且好足料，調味亦非常恰當😗 十分推介💖事前唔知湯底原來已經有咁多菜所以叫咗雜菜同雜菌拼盤🤣 有白菜🥬 蕃茄、粟米、大菇🍄 金銀菇、平菇、金針菇等等🤭 種類都幾多而且食落都好新鮮😝 粟米夠爽口🌽 蕃茄又好甜🍅 菇菌索晒湯嘅味道～ 唔錯唔錯！朋友未試過蜂巢豆腐所以就索性叫埋！同樣地好索湯汁，嫩滑彈牙，QQ地好得意呀～ 最後要多榨酸梅湯，消暑解渴，酸酸甜甜咁好開胃🥰 為今晚畫上完美嘅句號😆

無論春夏秋冬, 都係打邊爐既時候🍲尤其係朋友聚會😝 一路十下十下, 一路吹下笑下, 勁正😆係尖沙咀唔係好顯眼既酒店入面, 有間手工火鍋店, 環境寬敞優雅, 空間感十足, 仲有幾間VIP房, reu之選呀👍🏻🍲湯底: 松茸雞翅冬瓜魚鍋 ($328) 👍🏻👍🏻打邊爐最緊要係個爐, 同埋湯底🤪而個湯底豪華到真係擘大對眼👀 材料豐富又吸睛😍湯底超級濃郁同鮮甜, 未打邊爐已經先飲左幾碗湯🤣雞件嫩滑, 冬瓜同姬松茸全部索曬D湯, 超正😋個湯咁正, 無論落咩餸都好味呀🤩🤩👍🏻🥢招牌牛肉拼盤🥩 (中 $388 / 大 $498) 👍🏻有六款牛肉, 擺盤超靚🤩 仲有仙氣乾冰打卡😆- 安格斯牛肉: 雪花平均, 牛味濃郁, 滾十秒就食得😝- 手切牛: 雖然唔及安格斯牛肉濃郁, 油份適中, 都唔錯~- 牛舌: 軟軟爽爽咁, 薄切既, 所以唔會好韌☺️- 牛胸爽: 軟骨位置, 白色既, 薄切爽口, 好似食緊珊瑚蚌咁😚- 牛心掟: 比較少見, 食落有d似牛黃喉, 爽口彈牙😁- 牛柳粒: 牛味好濃而且唔硬, 一口size, 好滋味😗🥢自家製黑松露蟹肉餃 (半份 $68 / 一份 $128)皮薄餡靚, 充滿蟹肉同黑松露

眨吓眼又到六月，大家諗到父親節去邊度食飯孝敬爸爸未？上個月母親節我就帶咗媽咪去試我曾經介紹過嘅手工湯底💁🏻‍♀️今次要再推介我encore咗幾次嘅<<金湯花膠雞鍋>>($368)點解呢煲湯咁正呢？除咗賣相💯有金黃色嘅腐皮包到好似一個大福袋之外！佢嘅雞湯係用咗八隻雞，煲咗5-6個鐘㗎🤩所以非常鮮甜😋仲要清徹冇油😍店員幫手剪開條蔥，翻開晒啲腐皮見到豐富嘅食材🤩雞、花膠、素翅、娃娃菜等等之後…店員就將雞湯倒入鍋中，煲滾就飲得🦾媽咪同勁嘴刁嘅daddy都讚不絕口😀平時佢哋咁辛苦煮咁多好嘢食俾我，養到我肥肥白白，梗係要請佢哋食最好嘅😘<<美國安格斯牛肉>>🐮放咗乾冰冒晒煙嘅佢好有氣派😎因為飲晒啲雞湯都好飽，所以佢有中size ($248) 同大size ($358)，我哋三個人叫咗個中size都覺得好夠👌🏻跟佢指示淥10秒啱啱好，肉質嫩滑又有濃濃嘅牛味💯<<自家製黑松露蟹肉餃>>($68)🥟#有圖有真相 #皮薄餡靚 黑松露味濃，蟹肉軟軟的，冇牙婆婆都食到👵🏻<<手打鹹蛋黃蝦丸>&