燒味滷師 (安發大廈)

Open Now

Now Closed

長沙灣新開燒味店，主打外賣燒味，種類非常齊全，除了有一般叉燒、燒肉、雞、燒鵝、燒鴨以外，燒排骨、燻蹄海蜇、等等也都一應俱。客家鹽焗雞 新張優惠只是$59一隻，size算大，雞皮滑肉嫩，鹹香入骨，另附上沙薑醬和薑蓉增加風味。燒味佬叉燒叉燒肉質軟嫩多汁、色澤鮮明，肥瘦適中，香甜而美味，個人非常喜歡。老師傅燒腩肉腩肉肥瘦肉層層相間，外皮燒得香脆，不會太鹹，推介！至尊燒鵝（上庄）啖啖肉，皮脆而且帶有光澤，搭配甜酸醬食用一流。另一新張優惠就是外賣飯盒也只是$22，可以選擇單拼或者雙拼，近幾年已經很少見二字頭的飯盒了，性價比超高！

👉最鍾意試新嘢，經過見到《燒味滷師》店面乾淨企理，🈶️別於一般燒臘店 - 燒味望落又鮮又靚✅仲要咁抵食，忍唔住要買啲走😉📌客家鹽焗雞（隻）$59 ～ 超值之選！竟然$59🈶️隻鹽焗雞🐔😲 。雞本身已夠味，點上隨雞附上嘅沙薑醬即時唔同晒😋📌至尊燒鵝（上庄）$110 ～ 鵝🦢香味濃，皮下脂肪少，唔會食到成口油。至like佢啲汁另上嘅，運送途中唔怕會倒瀉！👍📌老師傅燒腩仔（半斤）$64 ～ 個燒腩仔真係好掂，肥、瘦相間，又唔會搭埋啲下欄嘢！晏晝買咗擺到晚飯先食，啲皮竟然仲脆卜卜👏📌燒味佬叉燒（半斤）$50 ～ 少肥叉正🈴️我意，蜜味香甜，充滿肉汁，瘦位都好腍滑冇柴皮，正！✅單雙拼飯都係$22咋，真係費事煮呀🌈

呢排都比較忙，個人都好攰，懶得煮飯又唔想出街食，唯有外賣買返屋企😜有好一段時間都冇食過燒味，聽朋友講呢間新開燒味鋪質素又幾唔錯咁，一於去斬料返去同屋企人食下先。今次買左禾田滷水鴨(半隻)($60)、至尊燒鵝(上庄)($110)、老師傅燒腩仔($64)、蜜汁燒排骨($60)禾田滷水鴨(半隻)：鴨肉味濃而且滷得好入味，肉質唔錯唔會鞋口，有醬汁可以點黎食😄至尊燒鵝(上庄)：份量都幾足，燒得夠香，外皮夠脆，而且食落啖啖肉同好嫩滑，唔會燒到過晒火喉好乾柴咁🤤老師傅燒腩仔：燒腩仔層皮一定要夠脆身先好食，搭完車拎返屋企仍然超脆😍燒腩鹹度恰到好處，味道幾好，再點一點芥末醬更加惹味😋蜜汁燒排骨：本身想買叉燒，但又見到有燒排骨，幾特別又好似幾好食咁，於是買黎試下😜蜜汁夠香甜，排骨肉質比起叉燒黎計更加嫩滑😋大合照🤩買左咁多料，成家都食到飽一飽😉價錢經濟實惠，燒味大大份又好味，難怪咁多街坊過黎幫襯，我得閒再過黎買D返去加下餸偷懶都唔錯😆

今晚唔想煮飯，經過長沙灣見到有間燒味舖新開，而且人頭湧湧，於是就買咗幾款返屋企晚飯食。客家鹽焗雞 $59皮薄唔肥，肉質嫩滑，啖啖肉，鹹香味道剛剛好，唔會搶走雞味。至尊燒鵝（上庄）$110鵝皮薄唔肥膩，配上梅子醬好醒胃！飲酒食佢一流!燒味佬叉燒小朋友最愛，搶住食  ;  燒到有少少燶，肥瘦適中，好 juicy，叉燒好淋，燒汁香甜不會蓋過酒香，一流！老師傅燒腩仔拎到返屋企，燒腩仔個皮仲係好脆，肉質鬆化，味道又唔會太鹹。家人都讚好好味，叫我經開再買過 。

聽講長沙灣有間燒味好抵食，呢日趁有家庭聚會，一於去斬d料試吓店舖位置都好容易搵，我由元州商場沿住長發街一直行，大約3幾分鐘就到，但一去到就發現好多人喺度排隊店名叫得做「老師」（諧音），相信對出品都有相當自信，果然店主大有來頭，曾代表酒店參加世界賽贏得至尊金獎店舖門面光鮮，店內亦整齊清潔，俾人放心嘅感覺。我一口氣買咗4款燒味，雞鴨鵝加燒骨都只係$254，價錢認真相宜不過講到尾，最緊都係食物質素。其實我買完搭車期已經聞到陣陣香味，返到去打開d香味直頭撲埋嚟！仲而且款款都份量十足！影完相，我每款都偷食咗一件，雖然外賣返到去只係暖暖地，但依然美味！最喜出望外嘅係各款食物都唔算咸，可以食出各種食材嘅味道，食店亦提供咗甜酸醬、魚露同蔥油等調味，可以按各自喜好點配，當晚大家都食得好高興