阿來泰式地道風味

Open Now

Now Closed

正！ 一直bookmark左呢間平民泰菜餐廳，今晚終於嚟左。晚飯時間都真係幾多人，等位等左大約10分鐘，好彩唔算等左好耐。最近學整生菜包，但試左幾次都覺得唔似，今晚除左因為平民價錢嚟朝聖之外，就一心諗住嚟試真d肉碎，睇吓究竟爭左d咩。想自己整生菜包，因為好怕食d勁酸、勁辣、或勁重香料果d，所以就想自己整，可以落少d調味，但整極都唔似。今晚迷題終於解開，bookmark呢度就係因為見過人家食評話呢度味道較清，果然，呢度嘅生菜包正正係我喜歡嘅味道，微酸、微辣，剛好可以開胃，刺激味蕾。原來呢度嘅肉碎唔只肉粒，仲有不少肥肉，可能就係因為咁提升左肉嘅香味；另外仲見到有唔少嘅乾葱，當用新鮮生菜包住肉碎一齊食，味道確係更豐富、更惹味。除左生菜包之外，我地仲嗌左冬陰功、蒜蓉包、芒果糯米飯、椰汁三色冰。要左個細嘅冬陰功，我地兩個唔大食嘅人都好夠分，湯味香濃，湯料又多，最重要係唔會大酸大辣，呢間泰菜館真係好啱我呢d怕酸怕辣，不過又鍾意食泰菜嘅人。蒜蓉包脆卜卜，就算我地唔係即時食，沾上冬陰功湯一齊食都依然又咬口，蒜味濃郁。最最最最好味係芒果糯米飯，上枱時見到出晒煙，以為因為有熱椰漿舖面嘅緣故，食落先知原來除

呢間泰國菜餐廳CP值真係爆燈🤣，每人百幾蚊已經食都好飽，而且好好食呀。🔹️阿來海南雞飯 $58雞肉好嫰滑😍，份量幾多下，$58來講超抵，泰式醬汁用來點雞肉真係好正。🔹️泰皇咖哩火山軟殼蟹法包🦀 $158火山包好大份量，軟殼蟹好厚肉🦀，炸得好脆，咖哩好惹味😋，個包吸咗咖哩都好正，🔹️泰式炒金邊粉 $68金邊粉炒得幾香😋，唔會太乾或太濕，酸酸甜甜，食落幾開胃🔹️芒果糯米飯 $58芒果新鮮🥭，糯米蒸得啱啱好，好有口感，配埋椰奶幾正呀。

久聞這間在旺角鬧市的泰國餐廳，單是「正宗」和「親民」兩評語已很吸引。今日和太太食個超豐富的午餐，由於6點前不用加一，超級抵食，地道風味。冬蔭功湯（$78）~ 三隻大蝦，味道正宗，夠辣夠酸。泰式鐵板蠔仔蛋（$98）~ 蠔仔多，蛋蓬鬆有蛋香，下面鋪滿芽菜仔。黃咖哩（$78）~ 有豬、牛、雞三種選擇，我們選了豬，豬肉片軟滑，薯仔夠腍很好吃。午市菠蘿炒飯（$55）~ 雖然午市版本不是用原個菠蘿盛載，但非常足料，有菠蘿粒、泰國臘腸、蜆仔肉、肉鬆等，炒得甘香，還送熱飲。芒果糯米飯（$58）~ 足一個芒果肉，糯米軟糯，椰漿香濃，好吃。椰汁西米糕（$16）~ 午餐升級優惠

好耐冇睇過早場，同朋友向朗豪坊睇完戲，見差不多12點，又到午飯時間，朋友話想食泰國菜，我就帶佢黎先達隔離既‘’阿來‘’食正宗地道泰國菜。平時午市時段，‘’阿來‘’2層都會坐滿食客。經常要等位，如果唔想等位，最好就早少少入座。因為今日未到午飯時段，所以餐廳仲未坐滿，我第一次唔需要到上層入座☺️。因為今朝冇食早餐，超級肚餓，所以我同朋友除左點左阿來海南雞飯配青檸梳打外，仲點左泰式鐵板蠔仔蛋；好耐冇食既泰式明爐烏頭同甜品芒果糯米飯。阿來海南雞飯雞肉好嫩滑，雞皮爽薄，配上酸酸辣辣既泰式醬汁，非常惹味！泰式鐵板蠔仔蛋與潮州蠔烙不同，泰式蠔仔蛋比較似台式蠔仔煎。蠔仔蛋只用蛋，沒有落木薯粉，所以食落口感很滑，蘸上辣醬食就更加美味😋泰式明爐烏頭湯汁味道酸酸辣辣，魚肉吸滿湯汁，愈食愈開胃。伴碟既秀珍菇亦吸滿左酸辣湯汁，連埋魚肉一齊食，又係食唔停口！芒果糯米飯傳統既泰式甜品，成日食芒果糯米飯既我，本以為會冇乜驚喜。但整餐飯我卻最欣賞佢。芒果香甜，微熱軟糯既糯米飯配上鹹椰漿，真係非常滋味，比出面一般既泰式餐廳做得更出色。

近排愛吃泰菜，今日Lunch 又同老公去食泰國嘢😁去咗旺角通菜街 -阿來泰式地道風味，因為佢地餐牌有唔少啱素食嘅菜式👍🏻呢度平日中午時間都非常旺場，因為食物好食之餘價錢仲要好平民貼地CP值高👍🏻 餐廳有兩層，我哋今次都係坐上層。💛泰式乾炒河粉（海鮮）💛泰式的炒河粉係好大片果款河粉，好夠鑊氣，材料除了海鮮（蝦、魷魚、蟹柳等）仲有蛋、雜菜，個醬汁好好味帶少許甜，食落好滑溜同埋係一啲都唔油膩。💛黃咖喱雜菜💛蒜蓉包 💛個咖喱超級好味，佢係少少辣又好香咖喱味，個汁夠傑身，配埋個蒜蓉包點咖喱汁真係好正，裏面嘅材料除咗薯仔、雜菜仲有菇類，好豐富足料。💛泰式木瓜絲沙律💛有幾隻大蝦，蝦肉好爽彈，木瓜絲沙律加咗唔少蕃茄、豆角，個汁酸酸辣辣非常之開胃。💛芒果糯米飯💛個糯米飯係新鮮整起，上枱仲熱辣辣出晒煙😚淋上香濃嘅椰漿，加埋芒果係用呂宋芒，好香甜美味。💚青檸梳打💚

女人街 除了購物之外，食肆選擇也非常多，今日去了阿來泰式地道風味食泰國菜，感覺好地道， 可以諗想到的泰國菜式都有，而且價錢親民，食物質素良好，值得推薦！午市由幾十元至幾百元的套餐都有，豐儉由人。餐廳不大，上餐非常快，我和朋友各點了一款飯和飲品，然後再加一款小菜和甜品share阿來海南雞飯$58，招牌菜之一，賣相幾靚，看起來已經知道雞肉好滑，食落果然非常滑溜，油飯又夠香。跟餐配泰式咖啡+$6泰式香芒蟹肉炒飯$73，蟹肉味道不太突出，但芒果十分清甜，令炒飯食落好開胃。飲品點了椰青$38，味道好清甜。泰式咸魚炒椰菜苗$78，菜苗充滿鹹香，好惹味。芒果糯米飯$58，餐廳採用了呂宋芒，又香又甜又好味。

今天出了旺角買東西，順便解決一下午餐，經過這間發現有很多東南亞人在吃，我想味道肯定不錯的，如不是不會有那麼多東南亞人來吃的，那就馬上來試試他們家鄉的味道！泰式蒜茸燒大蝦（１０８元）這個燒得非常香，蒜香味較重，應該也有下了炸蒜下去，因為吃起來帶點脆的！蝦肉鮮甜彈牙，燒到帶點焦香，配上蒜茸吃起來特別惹味！阿來海南雞飯（５４元）這個份量不錯，剛好幸運的是拿到雞腿的部位，吃起來挺嫩滑的，而且有雞味！油飯也挺香的，質素不錯！而配的醬汁的酸辣口味的，辣度挺高的，但配合起來吃會挺過癮！芒果糯米飯（５８元）想不到這個給了一整隻的芒果，芒果酸甜可口，芒果味濃，配上軟糯的糯米，再撒上濃香的椰漿，吃起來特別過癮，冷熱的口感不錯！椰汁三色冰（＋５元）這舍椰汁也是非常濃的，配上嫩滑的三色條來增加口感，喝起來特別好喝！而且跟餐加配也不貴，非常推薦！

好耐冇去泰國旅行🧳，今日去開旺角買嘢，試吓呢間阿來泰式地道風味，位置很方便，就喺旺角新之城附近正啊，好多選擇，當去咗泰國了雖然係夜晚，天氣太熱坐低唔使講整個椰青先，好清甜好新鮮，當堂開晒胃口嘢食到啦，先來個例牌泰式豬滷脾，肥瘦剛好，滷得好入味得來又唔會太咸，忍唔住叫個白飯食泰國菜又點可以唔嗌咖喱呢，有好多種選擇，我最後選擇左青咖喱肉碎釀魷魚筒，印象中呢個餸喺其他泰式餐廳唔係成日有，通常豬雞牛就多，識落好惹味，豬肉同魷魚好夾，青咖喱好有椰香味，豬肉肥瘦剛好，魷魚好彈牙好食泰國嘢就一定係濃味，整多杯鹹檸七就係一絕以鬧市來講呢間阿來泰國菜價錢相當實惠，份量亦好夠，我地兩個人食到呢度9成飽了，但係提提大家必須嗌呢個芒果糯米飯，熱辣辣，芒果又夠甜，飯後一甜係最好嘅享受

呢間喺旺角小巴站隔離嘅泰國菜館，晚市時間經常有人排隊。就算有兩層都一樣坐滿人，皆因呢度既泰菜性價比高，唔貴之餘仲好大份。✨📍火山軟殼蟹法包 $148首先個賣相已經好震撼，滿滿既咖喱上面放住一隻大軟殼蟹。黃咖喱充滿椰香而不辣，軟殼蟹亦都炸得鬆脆可口。各有所好，我就略嫌法包沒有焗到硬身。不過同埋咖喱一齊食，真係好惹味😋😋✨📍阿來海南雞飯 $54雞嘅份量不少，油飯亦都好香。雞皮亦都能夠做到爽口，食落口唔會油膩感重。✨📍沙嗲串燒(雞&豬) $78$78有半打串燒，而且仲唔係細細枝。沙嗲汁好香，滿滿嘅花生碎亦都好有口感😋✨📍芒果糯米飯 $58雖然話甜品有另外一個胃，但係呢一個甜品嘅份量真係不得了🙊有大半碗份量熱辣辣既糯米飯，而芒果係整整一大個，仲配埋濃濃既椰漿，食完真係12分飽🤣🤣✨唔應該浪費食物，好味既食物就更加唔應該浪費。於是我將食剩既食物拎走，作為我聽日既午餐。見到店員俾我既外賣餐盒有別於其他餐廳唔同，反轉一睇發覺原來係𝗠𝗮𝗱𝗲 𝗶𝗻 𝗛𝗼𝗻𝗴 𝗞𝗼𝗻𝗴而且仲攞咗專利又可以入得微波爐，非常方便外賣👍🏻✨我都冇為意叫既野食都係黃色🙈雖然構圖冇咁靚，食物亦都冇多餘嘅裝飾，不過餐廳平實地以味道和

以前我在晚餐時段光顧食店，在食店餐牌同時有提供「牛腩」、「雞」跟「白飯」三種食材的情況下，「主菜」飯類食品我通常會選擇「牛腩飯」、至於「小食」我通常會選擇享用「炸雞」或者「燒雞」食品。但是後來我在「旺角」「亞皆老街」跟「通菜街」交界舖位位置，找到一間泰國菜餐廳，泰國菜餐廳的實際名稱，叫做「阿來泰式地道風味」。我意外發現「阿來泰式地道風味」餐牌裡面，竟然沒有提供泰式「咖喱牛腩飯」。「阿來泰式地道風味」餐牌，有關「招牌小菜」食品一欄裡面，本來有「咖喱」的食品，「咖喱」字眼旁邊本來還包括有「牛」。可惜我詢問侍應，侍應卻告訴我「咖喱牛」裡面的「牛」只是一般手切「牛肉」片而已。本來我對「阿來泰式地道風味」侍應的答案有點失望，擔心自己需要在光顧「阿來泰式地道風味」之後，可能需要急忙光顧其他食店，尋找可以享用到「牛腩飯」的食店，但是「柳暗花明又一村」，我終於找到「咖喱牛腩」。我再繼續細心一看「阿來泰式地道風味」餐牌，有關「招牌小菜」「紅咖喱」食品一欄下方，忽然發現原來「招牌小菜」食品裡面，還有一款名稱叫做「黃咖喱牛腩煲」，這款不包含白飯在內的食品。結果我發現雖然總算是能夠在「阿來泰式地道風味」裡面享

今次黎到旺角食泰菜揀左喱間好有泰式地道風味嘅泰菜餐廳🍴喱間餐廳有兩層座位我地星期一7點黎到都尚算有位之後陸陸續續就好多人留意去到夜晚差唔多9點出面都仲有人排😱果然喱度嘅泰菜做得好出色❕❗️Menu嘢食勁多選擇有2️⃣人餐4️⃣人餐、串燒、小食etc基本上好多出名嘅泰菜式都有2️⃣人餐都好抵 包埋3-4款菜式、飯同飲品400蚊都唔洗不過我地今次因為想試唔同嘅菜式🍴所以冇揀二人餐單 就order想食嘅野坐低落左單好快就送上嘢食👍🏻好有效率👍🏻👍🏻🌟［泰式香芒蟹肉炒飯］炒飯炒得粒粒分明🤩仲見到好多芒果粒😲同炒飯好夾食落好香甜蟹肉絲都好多好大方😱😍🤩入面仲有蛋絲同香蔥口感非常豐富😋🌟［泰式小食拼盤］想試唔同小食又想同朋友開心share?呢個小食拼盤就好啱啦入面有4款唔同小食：雞翼、泰式蝦餅、魚餅仲有素春卷加埋特有泰式甜酸醬 非常好食👉🏻泰式蝦餅魚餅都好大件 外脆內軟👉🏻魚餅入面加左啲經典嘅香茅葉餡料👍🏻👉🏻素春卷入面好多餡料 有好多蔬菜絲 非常香脆可口👉🏻雞翼都炸得岩岩好🤘🏻極力推❗️❕🌟🌟［龍眼冰（水）］飲品方面，養生嘅我叫咗熱飲😹龍眼冰熱嘅會變龍眼水（爛gag)甜度適中👍🏻龍眼水入邊有三粒好大粒嘅龍眼食完

去旺角行完街都已經2點幾呢個時候都唔知食lunch 定tea好🤔見到呢間餐廳嘅午餐只係40幾蚊 仲要去到5點半都有供應就即刻揀左呢間入去食🤩果然又抵食又高質 唔怪得食客都絡繹不絕😛.🌟阿來海南雞飯 ($54)做得全日套餐就知佢係餐廳嘅招牌菜食過就知果然唔會失望😋海南雞嘅雞肉好滑 最厲害係連雞皮都好滑再加埋香噴噴嘅黃油飯真係好好味🍚.🌟泰式滷豬髀清湯金邊粉 ($44)至於呢個午市湯粉套餐嘅金邊粉份量都好大🍜蘿蔔煮得好腍好入味又無渣豬髀亦都滷得好好 好似食左好多骨膠原咁😌.🌟牛肉紅咖喱 ($68)紅咖喱用料十足 所以食落感受到豐富嘅味覺體驗🍛咖喱入面有蔬菜 例如豆角、菠蘿同蕃茄 全部都切到細細粒仲有好多牛肉真係好超值.🌟蒜茸包(4件) ($25)食紅咖喱最好就係加個包一齊食蒜蓉包新鮮熱辣脆卜卜🥖而且佢夠挺身所以用黎點咖喱食真係好夾.🌟芒果糯米飯 ($58)食完咁多主菜當然要加埋個甜品先完滿我地就點左泰國最出名嘅芒果糯米飯🥭糯米上枱嘅時候仲係熱辣辣而且芒果超甜 加埋香滑嘅椰汁糯米飯真係絕配份量亦都幾多可以同朋友share食🤓.餐廳仲要全日都免加一 服務都唔錯而且食物亦都煮得好地道

泰菜除咗係九龍城食 呢間都係我心水旺角可以搵到好味泰菜🤩-📌泰式炒金邊粉泰國菜唔少得食炒金邊粉😍😍炒得好乾爽夠味 最搞笑應該係佢擺盤點解放條蔥🤣-📌辣椒膏蝦頭油海鮮炒飯貴為廚師推介真係無令人失望 辣得好過癮🤪🤪又有蝦頭爆出嚟嘅香味 同埋炒飯最緊要嘅乾爽都做到👍🏼👍🏼-📌泰式蝦醬炒飯重口味人士首選🤣🤣其實係好香好濃味😝😝配料都算豐富 係一個唔錯嘅嘗試😇飯/麵嚟講呢間餐廳做得幾好😌😌最有驚喜係蝦頭油炒飯果款🥰比較特別而且味道📌串燒沙嗲（豬&雞）啖啖肉 主角沙嗲醬又香又惹味 會不自覺一串接一串-📌馬拉盞通菜每次必點的菜式 馬拉盞的鹹香同通菜好夾 裡裡外外都吸收個汁😋😋-📌泰皇咖喱火山軟殼蟹法包咖喱的香料味濃而香 配包/薄餅好正😋但另一主角軟殼蟹炸的太耐 搞到外表黑黑實實要扣分-📌芒果糯米飯食飽飽都好點都要食埋呢個甜品先圓滿☺️☺️ 芒果大大塊夠甜👍🏼 糯米飯比滿滿的椰汁包住👍🏼👍🏼😝 整體嚟講呢間絕對係性價比高的泰菜餐廳😍😍 大部分食物都好有水準 唔怪得keep住咁多人幫襯

生蝦刺身($98)••••••要讚店用冰座住生蝦，可以保持新鮮😍每隻爽口生蝦都鋪上辣椒片+蒜片，點啲酸酸地嘅醬汁食好清新😛。金柚子鮮蝦沙律($68)••••••海量柚子🤪柚子甘香味甜，醬汁呢就有啲似稀身啲嘅泰式辣醬，甜甜酸酸好開胃，辣度好微好溫和。最重要係咩？係大蝦好細心咁去左殼啊😂！明爐冬蔭公烏頭($168)••••••每次食泰菜都要點原條明爐烏頭，啲骨大條肉易食又多肉😬旁邊仲有好多秀珍菇添🤤明火煮熱嘅冬蔭公湯底帶點香料香茅味，想再重口味啲再泰啲嘅，建議點埋搭配嘅秘製辣汁🤭惹味up🤣。芒果糯米飯($58)••••••完滿嘅甜品真係唔少得😌表現相對一般。糯米飯極熱上枱，可惜糯米粘度較弱👉🏻👈🏻，飯唔夠椰漿味，無乜味比較似白飯，淋面鹹椰漿都一樣略兼唔夠椰香。

返工忙足全日，決定好好獎勵自己食餐好，開左open rice搵左好耐，終於都比我搵到間夜收嘅泰國菜，見唔少好評，一於膽粗粗咁去試。其實餐廳比較小型，一眼望晒，坐枱會比較密集，想食嘢嘅話就冇乜大礙，如果我傾計就唔建議，因為好應聲，隔離枱都一定聽到晒內容，不過我同男友冇乜所謂，純粹肚餓想搵間食台醫醫肚。由於太肚餓嘅關係，我地order左好多飯類食品，叫4道菜式入面，3樣都有飯🤣都仲食得晒，就知幾咁餓！🤭😍❤️❤️👉🏻冬陰公炒飯 $58冬陰公炒飯已經唔止第一次食，呢到嘅冬陰公炒飯比出面食到嘅速度會更強，一碟飯有齊甜、酸、咸、辣嘅味道，仲要海鮮配料又多，最抵死兩隻蝦系面嘅蝦肉好彈牙🤩😍❤️❤️👉🏻阿來海南雞飯 $52海南雞夠滑，個調配醬汁系帶酸辣味，好開胃，仲要個雞油飯做得出色，咸咸香香咁，呢個價位真系好難想像食到好味嘅海南雞飯🤗👉🏻馬拉盞通菜 $68呢碟菜仲貴過我碟飯😂☝🏻，不過都夠香，加左好多蝦米同食得出有蒜蓉同蝦醬味，用黎送下飯都唔錯嘅，味道會偏咸一d🤭正常嘅，有蝦醬嘛😍❤️❤️❤️🔥👉🏻芒果糯米飯 $58呢個真系讚不絕口，啪完兩個飯同一碟菜我地都仲可以食得晒個甜品就知幾好味，一上枱個糯米飯d煙系咁冒