泰越概念 (Closed)

銅鑼灣呢間餐廳<泰越概念>成棟都係餐廳，睇咗陣揀咗三樓嘅《泰越概念》，都算抵食同特別喔！叫咗幾樣野食【泰越拼盤】【炒金邊粉】【原隻菠蘿沙冰】【芒果鴛鴦糯米飯】【泰越拼盤】$128春卷、雞翼、札肉粉絲、豬扒，味道還好，春卷幾出色，炸得幾脆同好新鮮。【炒金邊粉】$98因為驚唔飽所以叫一個Main，算大份，大家一齊share食，炒得幾香。【原隻菠蘿沙冰】$48原個菠蘿沙冰，影相打卡一流呀。有好大塊菠蘿，菠蘿味新鮮。 【芒果鴛鴦糯米飯】$68始終想食下甜品，靚就幾靚不過個芒果酸酸地，同埋份量少，不過不失

阿妹返工果度有間新開的泰國餐廳，環境舒適開揚;坐位寬濶，能給客人輕鬆而悠閒地品嘗滋味的食物。 混合堅果沙律 沙律菜是用水耕菜，配以堅果和自製沙律醬食落新鮮健康。 香茅蝦糕單骨雞翼 廚師將雞翼切開一半方便客人食用。以香茅和蝦膏醃製吃落鹹鹹香香，味道特別。 自家醬串燒拼盤(豬，牛，雞)各二 串燒食材雖然分量的式，但熱辣辣的奉上加強食慾。 冬陰功海鮮米線 味道酸酸辣辣充滿泰國特色。配以鮮蝦、鮮魷 和青口用了新鮮， 惹味十足。 芒果鴛鴦糯米飯 黑白糯米飯煙煙韌韌，咬落有口感;加上香滑椰奶和香甜芒果是我一向喜愛食的甜品。

每日都有新餐廳新發現，又一間泰國菜館。渣甸街盡頭坐落了一間新廈，己陸陸續續進駐了兩三間餐廳，相信再過一段時間會變得熱鬧。裝潢比較新派，少了傳統的老氣。紅豆冰係我兒時飲品，人大了就會著重健康，不會飲太甜膩。我點的是用椰汁，並不是奶，有好香椰味，甜度相対較少。串燒拼盤分別有雞，牛豬三款，惹味。絕無嚡口感，還保持到肉汁。香茅蝦糕雞翼，頗創新配搭。由於雞翼是單骨關係，容易處理，食得輕鬆。香茅和蝦糕的比例恰到好處，味道平衡，滋味！冬陰功海鮮米綿，不要以為平平無奇的一碗米線，靈魂在於湯底，辣得嚟又不會太嗆，少許酸眯，好開胃。海鮮有蝦，青囗，魷魚等，當然鮮甜啦！泰菜中甜品的芒果鴛鴦糥米飯算是表表者。不可不食。紫米糯米軟糯，煙軔的囗感好有嚼口，配合了椰漿更添美味。

今晚同媽咪嚟到銅鑼灣食泰國菜 呢間餐廳位於銅鑼灣渣甸街Aura in Pennington嘅3樓 入到去環境闊絡 具有一番泰國風情嘅設計 位置舒適坐喺窗邊可以望到出面嘅風景 感覺唔錯而且店員態度親切友善 會為客人介紹唔同嘅菜式我哋就先點左一份野菜沙律鮮蝦柚子沙律 $98本身我唔係好食得辣 但我又唔記得問呢個沙律辣唔辣><柚子部分食落第一啖有啲辣 但入面混合左唔少蝦米乾魚乾炸蒜片花生碎 沖淡左嗰份辣 面食到一種好味既鹹香 成個組合變到好match 而且啲蝦都好食！值得一試青咖喱雞 $88我超鍾意青咖喱呢隻味道 本身我係以為佢都係會有啲辣 點知食落冇乜辣味 反而椰香味重 超級正！入面有薯仔、四季豆、泰國嘅白茄子、蘿蔔等蔬菜 全部食落都覺得新鮮 去皮雞肉都好嫩滑 應該係用咗雞腿肉 上邊有一串黑色嘅一粒粒 本身仲以為係葡萄仔 點知原來係胡椒 差啲中招><~...鮮菠蘿炒飯 $98呢個菠蘿炒飯份量超足 可以兩至三人分享 菠蘿非常鮮甜 而且入面嘅海鮮份量超級多 有鮮蝦、青口、魷魚 仲加入左芹菜 令炒飯多咗一份香氣 炒飯粒粒分明又炒得唔油 腰果又香脆又可以增加口感 真

東南亞美食中之泰國和越南的美食最具特色泰越概念正合我們的心意先來泰國美食代表鮮菠蘿炒飯利用半個新鮮菠蘿作為盛器整體賣相吸引香氣撲鼻菠蘿清甜炒飯海鮮足料每粒飯口感層次亦分明是今晚我最喜愛的菜式之一冬陰公湯有鮮蝦提鮮香濃辛辣的味道令我大呼過癮海鮮金邊粉有鑊氣甜中帶酸又有鹹香金邊粉更伴有原隻鮮蝦最後灑上花生碎為之完美青咖哩雞上配有黑胡椒和羅勒葉作點綴微辣的咖哩帶有淡淡椰香雞塊肉質感鮮嫩絕對應該配上一碗絲苗白飯食用芒果鴛鴦糯米飯賣相精美糯米飯可自行淋上椰漿調味芒果鮮甜糯米飯軟綿綿很美味東南亞之旅暫且結束下回再為大家分享見聞