新記冰室

Open Now

Now Closed

做左成日嘢就係想食翻啲邪惡既嘢慰藉心靈🤤為左個燒豬頸肉同埋芝士麵而黎新記食，加埋杯凍奶茶，好爽😌1⃣️元祖終極芝士麵（$64）極度邪惡😈除左滿滿既芝士汁之外，入面既配料有炒蛋、餐肉、紅腸同埋豬頸肉。芝士汁好夠，碗麵黎到既時候啲芝士汁多到直頭睇唔到入面啲料🙈芝士控一定超鍾意😍豬頸肉燒得夠香口，油脂感逼曬出黎，而且唔會好乾，份量都有好多片。食完成個麵感覺即刻肥左，但係絕對肥得值得👍  2⃣️芝士汁豬頸肉煎蛋撈公仔麵（$58）呢款就冇咁多配料，有燒豬頸肉同埋太陽蛋😋豬頸肉有蜜香唔乾，加埋芝士汁食好正。而且勁鍾意個太陽蛋，啲蛋汁加埋芝士汁撈公仔麵食真係無敵🤤呢度既芝士汁好似係用左三款唔同芝士整成，包括卡夫芝士、車打芝士同埋莫札瑞拉芝士，芝士味好香而且唔會太稠，用黎撈公仔麵食真係好正。

噚日（23-1-2021 Sat）同老公去如心酒店前食個晏，原本想去荳子，但人多，而呢間冇咁多人，於是試呢間，我哋等6張枱都等咗25分鐘，入到去，原來得9張枱，唔怪得要等咁耐，由於我哋睇定要咩嘢食就即嗌。我哋要咗$60.00嘅卜卜蜆湯烏冬，熱檸茶，同$53.00嘅芝士汁豬頸肉煎蛋撈公仔麵，同熱奶茶。嘢飲到嚟，熱奶茶順滑，唔澀。芝士汁豬頸肉煎蛋撈公仔麵好快到嚟，睇見芝士幾厚，蛋唔太流心;豬頸肉爽口彈牙，重要有燒香過，好好味，份量重唔少;而原本驚芝士唔夠，公仔麵就冇味，但原來唔係，係好夠，食到最後都仍沾滿。卜卜蜆湯烏冬就耐啲到，一上枱已經嗅到蜆嘅香味，食吓，啲蜆又鮮甜，又嫩滑，而且都唔少，好正;不過都食到蒜頭味，淡湯都正。

新一年 去左食傳說中既芝士撈丁😍去到都要排差唔多15分鐘先入到去1️⃣芝士汁豬頸肉煎蛋撈公仔麵啲豬頸肉好林 好入味😋煎蛋仲係流心蛋 撈埋啲芝士同麵一齊食 感覺好幸福🤤🤤本身我同男朋友都鍾意食硬身少少既麵質 呢到啲麵質好好 唔會太林 如果啲麵太林 再加埋啲芝士汁 個口感應該會好差😂見到每一枱客基本上都係叫呢碗野🙈2️⃣常餐 - 沙嗲牛 煎雙蛋 火腿 拼牛油多塊牛油多士好有誠意 厚身 同埋烘得好脆👍🏻雙蛋都係流心蛋 夾埋塊多士一齊食 岩岩好沙嗲牛個味都好濃 啲牛肉都好‘’諗‘’同好入味🍜3️⃣ 蜜汁龍鬚呢個係必食推介🔥見到好多人都話好好食 一於試試佢的確 啲魷魚鬚燒得好香好乾身 再加埋啲甜豉油 成件事好Match🥰🤩食完都推介左俾啲荃灣友 必食item👍🏻整體環境都舒服枱上面仲好貼心擺左消毒洗手液同酒精好底讚💕

唔知幾時開始見到post介紹芝士汁撈麵，自始就想去食新記，甚至特登plan去食，食之前個日仲好似小學生去旅行嘅有期待感！獨食黎到要咁岩要搭枱，不過茶記預咗。一黎二話不說要諗好食咩，當然係今次嘅目標兼招牌之選：芝士汁豬頸肉煎蛋撈公仔麵。佢個外表好震撼，芝士汁蓋過一切，連影相都只係影到一碗淡雞蛋黃嘅物體，好邪惡呀！撈一撈，就見到燒得靚靚仔仔嘅豬頸肉同煎蛋。芝士汁好濃芝士味，好岩我呢個重口味。但食到後段太飽，有啲太張口。豬頸肉係厚切，所以口感好足料，而且燒得邊位少少香口。唯一改善地方係如果蛋黃係流心就可以增加濕潤感，令撈麵嘅時候更易。芝士迷好滿足！但由於太邪惡，唔可以食得多，建議share食。食完要返學校要gym，減輕罪惡感先。

一個人食飯食咩好？去 冰室 或者 茶餐廳 絕對係一個唔錯既選擇😋最緊要就係快 ! 靚！正！新記冰室既 芝士汁豬頸肉煎蛋撈公仔麵 真係好出名，之前已經聽朋友介紹過~芝士汁撈公仔麵食落唔會好滯，豬頸肉又好鬆軟，加埋煎蛋，真係好perfect ~🔹門面🔹用餐經歷如果1-2個人食既話，有機會要同其他人搭枱。上餐速度極快！一個人食飯既話，唔洗等餐既時候望住對面食客尷尷尬尬咁😂

荃灣人有口福啦，新記有好多藝人加持，芝士麵出曬名⋯⋯我叫左依度最出名嘅芝士汁豬頸肉煎蛋撈公仔麵配凍檸茶少甜少冰，大部分人都係叫依個，未講食物之前，講下個環境先，裝修環境同冰室一樣，餐牌係枱玻璃入面，一入去感覺好有冰室feel 芝士汁豬頸肉煎蛋撈公仔麵($53)，芝士汁蓋曬成個麵，賣相好吸引，芝士腔嘅我表示😋，流曬口水，芝士配麵一流，依種芝士汁唔會”流”，唔太好食芝士嘅人可能會對此改觀，蛋仲要係太陽蛋，豬頸肉份量一般，表面有燒過，比較上薄，全部加埋黎撈麵好正，好有滿足感⋯⋯尖沙咀食到去荃灣，環境變，時間變，好多都變，但味道一樣變，變得更好味

又食啦又食啦，真係開得咁近好易出事hahahahhaha！今次繼續食芝士汁豬頸肉煎蛋撈公仔麵，今次隻煎蛋好流心，撈蛋黃加芝士真係rich到爆呀大佬，教我怎能不吃它呀呀呀呀呀！豬頸肉都係燒得好好食，又juicy播。今次仲加左個特飲就係紅豆冰 啦，愈凍愈食凍野先開心先正架嘛！紅豆冰份量奇多，紅豆多到一個點，又甜，好好好味呀！

咁就緊係唔係食尼食去都係The Mills啦哈哈，新開新記竟然係荃灣仲要咁近點可以唔去，嚟親都一定係叫豬頸肉哈哈真係無法抵擋既好食呀🤪芝士總共係用左3隻加埋一齊架，分別有車打芝士、巴馬臣芝士和Mozzarella，食落夠哂香氣又濃郁呀，而且仲有隻煎蛋既蛋漿加埋一齊，真係不得了呀好好好食呀，一開始望落麵比較少，不過太多太多芝士啦，所以都超飽，份量度得岩岩好呀，豬頸肉又燒得好食夠哂入味👅💦💦💦💦💦