博派麵館 (Closed)

之前在Openrice 見到係呢度有一個好特別的湯底，便和老公坐車過來吃，這裡門口裝修有個好大的博派變形金剛，都幾得意呀。老闆果然是博派迷，就連員工的T-shirt都係博派logo。 我點了必食推介的A9黃酒雞柳湯米缐($68)和A11燒安格斯牛肉牛舌粉絲($68)給老公。芝士薯蓉燒蕃茄($26)，手拍青瓜($26)，雞骨草同可樂都係($7)。黃酒雞柳湯米缐，雞湯底足料，有杞子、黨參、淮山、紅棗、冬菇、黃酒等等，所以我先飲湯先，個湯真係先甜濃郁，好似藥材湯咁，可惜我叫了米缐，米缐吸湯力唔夠粉絲，下次要點粉絲會再好味D。個湯好適合呢個季節，飲完全身暖立立。👍👍👍燒安格斯牛肉牛舌粉絲，有四塊安格斯牛肉和四件牛舌，兩種都燒得好香，由其是安格斯牛肉，帶少少肥，至於個骨湯都幾香濃。芝士薯蓉燒蕃茄，用薯仔釀入蕃茄，再放上芝士烤焗，味道好似食緊蕃茄薯仔湯咁。手拍青瓜同胡麻醬又幾夾，味道都幾有新鮮感。午市現正做緊八折，如果我下午在荃灣，一定會再來的。

今晚相約朋友交收小櫻之餘，也跟她小聚一番，不過她懷了身孕，不宜去太遠的地方吃晚飯，所以我還是約她去她家附近的博派麵館好了，而且這裡的魚湯米線挺鮮甜的，對BB也有益處。這裡的小食相當不錯，儘管光顧多次，也百吃不厭。首先來個開胃的涼菜手拍青瓜，不用擔心青瓜會很嗆辣的，酸酸的醬汁並沒有蓋過青瓜的清脆香甜，反而讓青瓜更為爽脆，令人忍不住一口接一口的吃。朋友挺喜歡芝士薯蓉燒蕃茄，濃厚的芝士加上煙肉粒香氣十足，也讓薯蓉燒蕃茄味道層次豐富起來。薯蓉鬆軟綿密，因蕃茄包覆薯蓉讓它保有充足的水份，她說意想不到的美味。博派的脆炸珍珠奶茶隱隱約約飄出珍珠奶茶的芳香，珍珠奶茶外層被香脆的炸漿重重包圍，內裡珍珠滑溜富彈性嚼勁，同時奶茶以不一樣的形態出現，如絲滑的布甸的口感，朋友非常好奇它的製作方法，我每次都會研究，都未找到結果，哈哈。我極力推介朋友吃蝦腐鯪魚餅湯米線，因為真的會一嚐難忘。鯪魚餅炸至今黃的外表瀰漫出驚為天人的香氣，剛上桌有少燙口，但那香味會讓人忍著燙，也要將它塞進口裡。扎實的鯪魚餅彈力十足，滿是魚肉的鮮甜。蝦腐絕非是一般坊間所吃的，都是博派手工製出品，飽滿渾圓的很可愛。蝦腐除嚐到它的彈牙感外，那鮮蝦

前排成日去「魚魚魚魚」專門店食魚湯米線最近竟然發現荃灣有間新店都係以魚湯 骨湯做主打睇相見到大黃鋒係門口！型格又夠吸睛變型金剛vs魚湯？究竟係咩玩法？貪新鮮嘅豬小姐當然要拉埋豬先生一齊探究一下啦門口當然係影相位店鋪裝潢簡單得尼多了種港式溫情見到尼個柯柏文頭被貼上「小心辣」！原來佢係盛載住特辣辣油嘅器皿！傳說中嘅「魔鬼一滴辣」？！ 豬小姐決定冒汗挑戰今晚零舍肚餓 我地叫左兩碗麵食同幾款小食先講下小食首先上場嘅係涼伴雞翼尖雞翼尖雞皮爽脆 夠冰凍 但辣度太強勁 係麻辣嘅感覺！食到我地流哂鼻水 雖然如此 我地都堅持食「lun」哂啲雞翼尖 辣得過癮嘛再尼手拍青瓜青瓜面鋪上嘅醬汁似係麻醬 但味道卻比想像中偏淡 似係加入了少許陳醋調味青瓜不夠新鮮 味道帶有一點苦澀尼款小食有驚喜芝士薯蓉燒蕃茄賣相可觀！紅彤彤香甜嘅蕃茄釀入加入了煙肉洋蔥嘅薯蓉 面頭再鋪了芝士成件事好夾！味道香濃惹味 整個組合邪惡到不得了！脆炸珍珠奶茶夠哂gimmick 當然係must order就咁睇個樣真係樣衰衰咁哈哈 豬小姐其實覺得幾似炸巨型廣島蠔人不可賣相！食物都一樣係！ 唔可以因為佢肉酸而歧視佢 是咪？一於感受下佢內涵 㗳佢

今日放假，約了朋友去荃灣千色行街， 行過見到用變形金剛做主題的麵館叫「博派麵館」。門口有隻巨型的機㭜摸型， 原來是變形金剛的大黃蜂， 被佢吸引住了。 餐廳提供八款麵食， 有鮮雞雜豆卜湯粉絲、鹹菜豬肚湯麵、和豬軟骨豬腸湯米粉等等。抬面放了一件可愛的玩具， 一打開， 原來是自製辣椒油， 店員細心提醒我們這是特製辣椒油，放少少便可! 嘩！ 真係好辣呀！ 一滴已經足夠了。我叫了牛肉牛筋湯麵 （$58）， 份量不少， 女士門多數食唔晒。 最細心是湯麵同牛肉牛筋分開上， 這樣就可以食到牛展肉和牛筋的原味。牛展肉大大片， 牛筋炆得非常入味， 煮得剛剛好。 魚湯烤魚湯米線， $68足料湯底，大廚非常用心製作，每天煲製8 小時， 奶白色的魚湯湯底，魚湯很鮮甜， 仲有濃郁的魚味， 色澤清澈。 還有鮮茹、 菜心、豆卜和香芹等等作配料， 材料十足。 有大大塊煎香過的魚腩， 肉質嫩滑， 非常肥美。 另外有四款小食， 有炸珍珠奶茶、芝士薯蓉燒蕃茄、 手拍青瓜和涼拌雞翼尖。 芝士薯蓉燒蕃茄，$26原隻蕃茄加入火腿、薯蕃、 煙肉和芝士， 一齊焗。上枱時， 蕃茄還熱辣辣， 鮮茄鮮甜多汁， 香濃的芝士加上煙肉同薯蓉， 味

今晚來到荃灣，行過以變形金剛為主題的博派麵館，因為晚飯時間，入去試試，鋪面唔係好大，有十幾個座位，好多裝飾都係變形金剛的公仔。雖然食物選擇不算很多，不過見餐牌上表明湯底是煲足八小時，女侍應解釋湯底分魚湯、骨湯，魚湯煲二小時，骨湯煲八小時，而魚湯配海鮮，骨湯配肉類。我們點了一個魚咀魚鰾湯粉絲($68)，和一個蝦腐綾魚餅湯粉絲($68)。魚咀魚鰾湯粉絲，魚咀和魚鰾都很新鮮，沒有鯹味，只有魚的鮮味，至於魚湯㡳，又沒有薑和胡椒味，就好香魚味。蝦腐綾魚餅湯粉絲，蝦膠溝落蛋白而成，蝦腐好似魚腐咁淋身，蝦味豐富，綾魚餅煎過，仲加咗些煙肉係𥚃面，再好味些。脆炸珍珠奶茶($32)，外皮炸得好脆，如果唔點鍊奶仲食到奶茶味，呢個可以當飯後甜品。涼拌雞翼尖($26)，用炸過蒜粒伴上，都算可以。芝士薯蓉燒蕃茄($26)，蕃茄包住薯蓉，好似番茄薯仔湯的另一板本，不過都幾好味。店內有一特辣辣椒油，真係一滴已經好辣，我用來點蝦腐，就覺得頭頂，有股熱流衝上去，原來係用魔鬼椒秘製而成，雖然辣不過好香，唔會死辣，建議大家試少少😋😋😋😋，仲可以買走。

門外站著一部大黃蜂很好認今天有空就偕動漫發燒友來朝聖一番鋪位不大餐牌選擇不多不過比東拼西湊的菜式要好米粉相當港式大大碗兩條炒菜心雞脾菇片炒得香口多汁大小厚薄適中米粉爽口完整夾起來食份外暢快骨湯底清甜飲完不涸喉豬軟骨鬆軟入味豬腸味道濃陏甚有咬口另點的芝士薯蓉燒蕃茄落足料芝士微咸薯蓉填滿整個蕃茄比想像中要飽肚得多一場來到當然要試衝擊性的招牌菜炸珍珠奶茶一碟四件連煉奶上枱雖然估計是炸鮮奶變奏版但吃在口裡又是另一回事固然炸得酥脆有奶茶味珍珠煙韌大大提升出咀嚼的滿足感新奇有趣有別於炸鮮奶色調明亮炸珍珠奶茶外表重口實際安全可口相信店主花了不少心血去研發另外的魚咀魚標湯檬粉極鮮甜魚湯像集結了全海洋的精華魚頭走過油嫩滑鮮味柯柏文頭特辣辣椒油算是另一款特色職員特意叮囑我們要小心加配免得過辣因我們都怕辣而未能一嚐究竟

週末要諗同小朋友去邊度食，搵到呢間喺荃灣嘅新小店，一睇到張相，諗都唔洗諗，就嚟呢度食一嚟到門口見到隻大黃蜂，小朋友已經好興奮。入到去仲誇張，每檯都有個頭喺度，心諗邊個嚟㗎，原來佢就係傳說中嘅柯柏文！入面仲係放超級辣嘅辣椒油㗎添，小朋友，唔好亂掂喎！老實說，食物選擇唔係好多，雖然有齊牛、豬、雞及魚，但配搭實在太新奇，雞雜及豬腸我唔啱了，所以可以揀嘅唔多，但勝在價錢都相宜蝦腐鯪魚餅湯米線 ($68)魚腐就食得多，蝦腐真係比較少見，蝦味就唔係好重，不過口感軟綿，好啱小朋友食；鯪魚餅入面嘅蔥粒好香口，口感彈牙，又係小朋友會搶住食嘅餸，不過有一塊就燶咗少少；除此之外，仲有菇、菜、豆卜及芽菜，非常豐富；魚湯真係好清澈，感覺上完全唔油膩，非常清甜，仲有濃郁嘅魚味，好有驚喜！魚湯烤魚湯米線 ($68)原來係一大塊輕輕煎過嘅魚，不過唔係魚腩部位，肉質唔係太嫩滑，不過勝在清清哋啦，如果魚皮冇浸過會更加香脆！就算隔咗一陣先食，啲米線仲keep到好煙韌，冇浸到爛晒，抵讚！芝士薯蓉燒蕃茄 ($26)幾新鮮嘅配搭，但全部一齊食會好腍，冇乜特別嘅層次，可能簡簡單單芝士燒蕃茄會更好味食物清淡健康，環境乾淨企理，絕對適

如果經常去德海街吃東西的話，應該知道這裡米線都是以酸辣湯為主，但是最近非常吸睛的博派麵館卻走另一風味，就是鮮魚湯。博派麵館門口有著巨型「大黃蜂」盟友守候著，男生很難不被吸引光顧，當然我的朋友也不例外。這裡湯麵配料選擇多，魚，豬，牛，雞均有，一定可以滿足到各人口味。平日魚腐就多見，但是蝦腐也是第一次見，我們都想嚐嚐蝦腐究竟是味道如何，於是點了蝦腐鯪魚餅米線尋找答案。蝦腐鯪魚餅米線擺得相當漂亮，雖然只是湯米線，但沒有車仔麵那種凌亂感，未吃已有視覺享受。我們一口咬下蝦腐，細細咀嚼，裡面扎實的滿滿蝦膠，蝦的鮮味在嘴裡綻放，而且彈牙的口感相當討好。鯪魚餅挺驚喜的，沒想到它如此厚重飽滿，一點小骨刺也沒有，加上蔥花香煎，彈性極至的質感，如鮮魚在湯中跳躍，如魚得水。搭配著煲煮到呈乳白色的魚湯湯頭，看起來豐盛又美味。魚湯很清爽，重點是它真的很新鮮，雖然看似簡單的魚湯，但是所花費的熬煮時間不能小覷，每一口清甜滋味都是店舖所默默付出。夾起米線來嚐嚐，米線滑溜得很，即使久泡在湯頭裡面，口感依舊有嚼勁，完全不會有過軟爛的問題。如果愛辣的刺激，不妨嚐嚐柯柏文頭顱下的特辣辣椒油，包保你的味蕾會念念不忘這辛辣感。另一