米走雞Live

Open Now

Now Closed

由於我先生之前食過呢間 返到屋企不斷同我講好好味 決定就去試吓 入到去坐低即刻叫咗傳說中嘅芝士雞煲仲要係多芝士 兩個人叫個大嘅$268 真心都幾多吓 😂開頭食落去都幾好味唔錯芝士味都香濃 雞肉好滑 食到一半嘅時候感覺到好流 建議大家唔使多芝士正常份量就夠 同埋兩個人食叫二份就夠 我哋兩條友仔食唔晒 好彩佢哋服務態度都好好 見我食唔晒問我需唔需要外賣盒 嗰一下感覺到好感動😂😂😂之後加咗水打邊爐 我哋仲叫咗碟半份封門牛 肉味都好濃好淋👍🏻 仲有一定要試吓佢哋嘅響鈴又脆又大嚿最緊要唔會太油 佢哋啲食物都唔錯 最緊要係服務態度都好好 值得稱讚 沿途食嘢嘅時候佢哋都會留意你嘅需要好有禮貌 👍🏻👍🏻👍🏻👍🏻👍🏻

又黎到星期五晚，又係時侯出動同班朋友食飯吹水飲啤酒嘅時間。今次黎到觀塘the wave 既米走雞試吓佢馳名嘅芝士雞煲。麻辣火鍋食得多，芝士味嘅雞煲火鍋都係第一次食。芝士同雞肉既份量都超級多，食極都仲有，抵食。另外仲叫左佢地出名既哈哈蝦，佢係一個手打蝦肉丸既朋友仔，中間仲夾住一隻蝦添。爽口彈牙。不錯喔6月大熱天時更係要啤啤佢啦。芝士配Asahi 🍺正呀，重口味。朋友就點左竹蔗茅根，食完芝士咁重口味，飲返杯竹蔗茅根水fresh哂。

麻辣雞煲就食得多，今次試下新嘢🧀🧀🧀芝士雞煲🧀🧀🧀🥘黃金芝士雞煲（小）鍾意食芝士嘅朋友芝士碎可以揀激量，我哋驚會太漏所以就叫咗普通嚟試吓，芝士味道濃厚，雞肉鮮嫩多汁，而且份量好多，芝士亦都唔會太漏，食完雞就可以叫店員加湯打邊爐，我哋揀咗清湯，如果想再濃啲嘅可以揀返芝士湯🧀揀咗幾款火鍋配料；▶️手打M5和牛丸(半份) $48▶️牛柏葉 $43▶️鴨血 $43▶️生菜🥬(半份) $28和牛丸口感彈牙，牛味十分濃郁牛柏葉淥一陣就食得，入口爽脆，唔會韌整體食材新鮮，芝士雞煲又夠特別，果然冇嚟錯👍🏻

朋友圖文並茂話近排呢個芝士雞煲好Hit，咁我就拉咗老公同個Friend齊齊試。佢有好多分店，觀塘呢間好大，坐得舒服；不過服務就好耐人尋味，首先有個好似軍官咁嘅阿姐向你落唔清晰嘅命令，其他侍應亦都唔係好熟餐牌，不過都幫手嘅；好彩食物質素都幾好，所以可考慮回頭。黃金芝士雞煲（細） HK$178 作為芝士控嘅我當然揀咗激量芝士，啲芝士好足份量，單係芝士都值回票價。咁芝士溝雞係咩味？真係好難形容，我會話好似好好味同高級版嘅忌廉薯蓉雞湯再加咗拉絲芝士，由於太好味，連平時唔食芝士嘅老公都係咁飲個湯，結果我哋竟然連個湯都清晒，肥死人！至於個雞，都幾有雞味同好滑，配料中芹、芫茜、洋蔥啲味好夾，尤其洋蔥喺雞同芝士嘅洗禮下，香甜到不得了，個個爭住食。由於我哋清咗個芝士湯，所以最後我哋只能用清雞湯打邊爐，試唔到中式芝士火鍋，嗚嗚～～～火鍋部份哈哈蝦中寶 HK$68（半份） 作為蝦迷嘅我，呢個蝦中寶夠晒勁，足料夠份量之餘，仲好鮮甜好彈牙，不過我建議一人食一隻就夠，因為真係太大隻。手打五寶丸 HK$48（半份）五粒丸食落都好新鮮，我哋三位忍唔住邊食邊讚！我食咗蝦丸同鯪魚球丸，都係平均水準之上！另外

宜家先得閒寫，2019-05-02，今日約左舊同事食飯，3個男人於是去男人的浪漫，食雞煲打邊爐，因為之前食過太子分店既米走雞，所以提出係食呢間，點知2位同事都未食過😮真係O左咀，之後即刻網上訂位。當日去到，當然要叫返個芝士雞煲啦，濃濃既芝士包住d雞，件件雞都食到芝士，如果有芝士控，可以order增量芝士，食完雞煲就加湯打邊爐，食材新鮮，好味，推介食牛丸同肥牛，價錢唔係平，但同質素成正比，呢間分店既座位空間都比太子好，最後一提，現場有live 唱歌👏🏻👏🏻

今日放工見心情好，约咗個朋友在觀塘食火鍋。從港鐵觀塘站 B2 出口, 步行約5分鐘左右，就到The wave 3樓米走雞live。餐廳七點半後設有現場演奏表演，氣氛一流。聽講這主打芝士雞煲，所以二話不說就點咗先。芝士雞煲以半溶芝士、洋葱配上雞件，芝士醬汁濃郁香滑，口味獨特，吃完可加配料吃火鍋。吃完雞煲，侍應幫我們在原有的雞煲加了清湯。大约七點半左右，開始有人彈結他唱歌。跟著我們看了一下點菜纸，火鍋配料齊全，種類夠多，有海河鲜，肉類，手打鲜製，丸類等等。當然還有汽水啤酒等等。我們點了特级雪花肥牛，牛柏葉，脆鲩片，手打鯪魚丸， 魚皮餃， 蟹柳， 粟米， 鲜冬菇，生菜。食火鍋當然要有醬料，一盒有六個醬油，有天椒，有蒜茸，有蒽花...還有一支豉油，我只落有了上蒜茸和豉油。特级雪花肥牛灼熟以後，牛味香濃，肉質鮮嫩，可見食材新鮮。手打鲮鱼丸灼熟後，鲮鱼丸呈灰色的，口感爽口，味道鮮甜，實在是意想不到的。鱼皮餃灼熟後，餃子豐富圓潤，爽脆可口，鱼味濃厚，食落有些特別。鲩鱼片灼熟後，鱼味濃厚，爽脆可口，食落清甜，可見食材新鲜。牛柏葉牛柏葉是我的最愛，灼熟後，可口清甜，回味無窮。疏菜生菜，粟米，鲜冬菇，食

一直聽聞米走雞芝士雞煲出名，今日終於帶女朋友去試下。枱面好貼心咁寫名芝士雞煲的食法和推介的食材，和姐姐熱情的介紹，終於係花多眼亂的選項下揀了配料。一坐下姐姐就送上醬料，可以自行調配，每位醬料費$14芝士雞煲可以揀激量芝士碎而唔洗加錢，緊係即揀啦：）雞煲一打開好吸睛，好多芝士碎，熱既時候可以做到輕微拉絲。一吃湯底果然有濃厚芝士咸香。雞件很多，也很入味。混合芝士湯底。邪惡又很滋味。配料就揀左響鈴，好似係自家製既，好多層，所以浸一浸，外淋內脆。不過比較飽肚。仲有蜂巢豆腐，係吸湯之選，口感好特別。仲叫左大路既芝士腸同魚皮鮫，鍾意芝士既我地，仲叫左全份既芝心丸，內裡可以拉絲。最後叫左個辛辣麵，辛辣麵彈牙好掛芝士汁，真係好滿足。食物可以叫半份同全份，兩個人來食又可以試多d 款，好貼心。現場有live show, 歌手聲線不錯。打邊爐來講，第一次有咁既氣氛。

念念不忘米走雞嘅芝士雞煲，今晚終於湊夠2男2女黎食喇，爽yy我地今次嗌個激多芝士wow, 個雞煲一黎到，d芝士好似熔岩嘅，冚住哂d雞正喔，雞件好滑，不過切得大件得滯😂😂如果可以切細d就好喇炸魚皮又大又脆，好似食緊薯片咁，響鈴應該係自家製，又厚又大，一碟7件，唔似平時街賣果d薄eat eat ，呢個索埋d 芝士，真係邪惡到不得了，又好食到停唔到口蜂巢豆腐，雪到成舊冰，一放落湯度，索哂d日月精華，好味到痴左線喔雲吞水餃非常足料，牛栢葉好爽口一路食一路有人唱live俾你聽，人生一大享受喔

其實已經嚟過好多次 平時食開佢普通雞煲 但今次叫咗芝士雞煲 鍾意食芝士嘅人一定要試一試 因為佢個芝士雞煲真係好芝士😂佢嘅牛肉好大份 而且好好味 一定要嗌！live band 唔會太嘈 服務都好好 所有人做嘢都好快手😂

對上一次黎係食西餐，原來佢同Mini Friday同一個舖位但分開左一半，呢度主打食雞煲後邊勞，不過唔鍾意食雞煲嘅朋友都可以就咁揀湯底打邊勞，我揀左佢地推介自創芝士雞煲，好多芝士好夠味，雞件都滑漏，不過食得耐都會覺得膩，後來加湯都可以揀清湯同芝士湯，如果揀芝士湯就真係太濃了，所以選擇了清湯，味道都還可以。後來，點了五拼丸，五拼餃，金菇，牛腩，午餐肉。手打丸類都無咩特別，不是特別爽口，餃同雲吞太咸了，不過都中等大粒，金菇就出奇地同個芝士湯夾，好味，牛腩用黎打邊勞諗住膽粗粗試下，點知原來係熟牛落去烚，味道好唔夾，好奇怪，食唔哂唯有打包回家煮面。最後，個午餐肉都唔係特別爽口有味，都係啲普通野，不過另一半鍾意食就比佢過下口引⋯ 第一次打邊勞無食肥牛，因為價錢太貴了，覺得唔值，自己回家買靚牛都無咁貴啊。本身想叫響鈴，以前係盒裝唔想食，點知見隔離枱個啲係自家製，如果有食客想去呢間都可以一試。另外環境方面，有個人係台上拎住支結他自彈自唱，我自己唱歌唔叻，但係台上個位人兄真係唔多掂，佢唱到走哂音，又鬼食泥咁⋯ 最有問題係個揀歌，佢居然係度唱比卡超主題曲，好無奈

餐廳分中餐及西餐兩部份，今天選了屬中式的雞煲火煱。雞煲有兩款：芝士雞煲及麻辣雞煲。點了前者，中菜吃芝士煱較不常見，便試一下。小的雞煱份量也不少，每仵雞件上均有滿滿的芝士，雞煲底有不少配菜，如洋蔥，芹菜，乾蔥，配合上芝士也很惹味。吃畢雞煱已半飽。加芝士湯轉火煱。火焗料先點了雪花肥牛及翡翠苗。細份肥牛的份量也很大，可惜的是在配塔芝士煱時，肉味給芝士味掩蓋。相反，蔬菜類跟芝士煱卻十分匹配。可能店員見我們那份肉吃得不多，主動向我們說可加清湯變回普通湯底，牛味即時回來。餐廳整體整潔，晚上有淡淡的live music，有氣氛之餘也不覺吵。

約了朋友在咪走雞等一上到去以為自己入錯地方冇諗過食雞煲嘅環境好像落了一間club一樣友人預先買了芝士雞煲 要了激量芝士非常濃味建議下次可要少量芝士或普通否則會太漏或會蓋過洋蔥，芫茜，乾蔥的香味響鈴是必點的吸盡芝士汁的精華 十分惹味但略嫌size過大如果食辣的便要小心, 因為吞極都未吞完虎蝦 十分鮮味爽口哈哈蝦中寶其實是大型蝦膠入邊有大約三至四隻嘅原隻蝦十分爽口推介竹笙墨魚滑又是一樣吸湯汁之選帶點墨魚的鮮味魚片頭這個我本身很愛吃這裏的魚片頭也是爽口彈牙五寶丸一向很愛吃手打丸味道新鮮，彈牙有鯪魚丸，牛丸，豬肉丸，墨魚丸，魚丸韮菜餃餡料豐富但不算皮薄當天很少人雖然有live band 但氣氛一般但食雞煲有如此氣氛算是難得。

現在內地的音樂比賽節目包羅萬有，歌手比拼，新人爭冠，歌手歌迷合唱，最近還看到有新人挑戰歌手。內地有很多餐廳有現場演唱，是一個陪歌者的好地方，又地方表演又有生計。這種餐廳在香港不多，而且大多是酒吧及外國歌者，本地的相對較少。 跟朋友談起這個話題，就被朋友帶到來了。  來到的時間差不多八點，剛好看到兩位表演者正在準備。 坐下點好餐後．就隨著她們的歌聲，吃著邊爐聽著歌。 紫薑流心皮蛋 $28蛋黃軟綿油潤，蛋白軟熟軟彈，一啖一口，好快被清碟！黃金芝士雞煲(小) $158雖然是“小”煲，但雞的份量相當不少，件大份肉，絕不吝嗇。芝士份量可選擇，可加可減。我就是喜歡它的芝味，當然要了大量芝士。芝士厚厚的粘住雞件，每一件雞也能粘上芝士。雞肉嫩滑，充滿濃香芝士味。黑松露魚面 $138魚麵非常軟彈，加上不斷爆脆的蟹子，帶有濃郁黑松露味，再粘上香濃芝士湯底，多層口感豐富味道，一試難忘！鮮炸響鈴 $48輕輕過下芝士湯，濃郁湯汁從內裡就緩緩滲出，外層鬆脆，內裡軟腍，芝味十足。黑蟹子墨魚滑 $88軟綿的墨魚滑上面舖滿黑蟹子，軟彈中有粒粒爽脆黑蟹子，口感豐富鮮味加倍！

新奇的芝士雞煲！味道幾搭，雞肉ok不會太老主要配洋蔥，如果洋蔥更甜就好了！加湯後淥野個味都好正！最impressed係各樣配料質素唔錯！蠔大大隻無雪味👍🏻響鈴真係鮮炸，好好食😋牛腩（？見相）同墨魚滑都新鮮好食韭菜餃皮薄餡靚待應好留意到客人叫佢地👍🏻Live band氣氛好好，唱得幾好聽！尤其係一d經典歌曲，beyond, 盧巧音個d超耐無聽過總之整體非常唔錯！裝修有d心思，係一舊舊雲狀嘅燈😙成個環境感覺乾淨，廁所都乾淨企理，有心做雞煲！

性價比唔太高 既港式雞煲火鍋雖然話個芝士雞煲 既味道幾好睇落去以為會好滯 其實都唔會味道亦唔會太過鹹 或者太過濃不過 火鍋配料既性價比比較低全部配料都係酒樓價 牛肉更貴鴕鳥肉冇咩肉味 個賣相比較差不過食落都唔會太韌 冇渣冇筋水餃拼盤 好求其嘅四款餃x2 係未解凍與解凍嘅邊緣 唔吸引竹笙墨魚滑 上枱外表只係竹笙裏面其實有墨魚滑 唔係太特別有冰左嘅蜂巢豆腐半份 可以既叫咗一隻翡翠苗冇特別 係貴囉有麥氏出品嘅手工啤 都幾好飲雜菇併盤望落都可以 無咩特別員工好隨便 無問清楚就加左湯我哋話唔加麻辣湯 佢就落清湯後期先知道 原來可以加芝士湯因為見突然啲湯既顏色'黃咁咁'其實個場有live Band都幾嘈下想傾計嘅話就唔係一個好選擇有人生日都唔係太製造到氣氛三個人食$800 其實可以食好啲