Bilibala Yakitori Bar

Open Now

Now Closed

這間是位於銅鑼灣的串燒小店，平日晚上會較清靜，但都會見到有三、四枱白領客人在吃枝喝啤酒，可見這裡不失為一個放工吹水的好地方。今晚我和幾個朋友一起來，我覺得雖然價錢有點貴，但質數都算不錯，可能到這裡吃宵夜比吃晚飯適合吧。這次我們點了很多東西，下面是我認為比較特別和值得寫下的菜式。芥末魚蛋 ($48) 眼看似蘿蔔，但一入口非常之彈口，值得推薦。白飯魚乾 ($68)第一次食白飯魚乾，口感幾特別，鹹鹹地有D似薯片，好好送酒喎。煙肉車厘茄串及煙肉荔枝串($34/串)其實我平時唔係好食煙肉，因為我怕佢好油膩同好鹹。但配合左車厘茄及荔枝，入口反而會令煙肉冇咁油，同埋好咁鹹，幾好味呀。燒花竹蝦串($118/串)好大隻蝦呀！食蝦最緊要多肉，但今日好似燒得過熟減左D分。燒銀鱈魚($88/串)我最愛既燒銀鱈魚呀，估唔到都幾有份量，西京燒配銀鱈魚真係好好味，肉質嫩滑又有油香，不過唔平，食一串算啦。燒金鯛第一次食燒金鯛，師傳話呢個唔係成日有得食，因為要睇季節，魚味濃郁，都做得唔錯，幾厚肉，但我都係鐘意燒銀鱈魚多D。燒羊架 ($88)另外，我都好鐘意呢度既燒羊架，因為肉同脂肪比例好，唔會燒得太熟，肉嫩有羊蘇味，正

Happy Friday收咗工當然唔會咁早返屋企啦！我地一行五人約埋去食啲嘢吹吹水。尼間酒吧兼餐廳，主要serve日式燒物同各種日式西式嘅酒精飲品。店內都唔會好嘈吵，幾啱收工坐低食吓飲返杯傾吓偈。尼度燒物同飲品都有幾多選擇，大家都好爽手落order叫啲嘢食頂頂肚再慢慢傾 日本番茄好fresh好juicy，加咗黑松露點綴，令番茄味道更鮮甜，食慾大增。尼個冷食厚切魚蛋，口感爽彈，wasabi同魚蛋都幾夾。見到有花竹蝦已經食指大動！端上枱已經聞到香噴噴 肉質爽厚紮實，真係無得輸 白飯魚仔炸到好酥脆，味道鹹香，送酒一流呀 仲可以清楚見到好多一點點嘅白飯魚眼，好得意。銀鱈魚燒得火喉剛好，油份甘香，肉質嫩滑。凍凍地嚟一碗暖笠笠嘅湯烏冬，清清地飽肚啲即刻感覺幸福晒 烏冬口感都幾彈牙㗎。不過尼個烏冬個價錢確係幾貴吓！

每次吃日本菜，總是傾向刺身和拉麵系。朋友說要嚐嚐新意，這次選了日式串燒。到達餐廳後，猶豫了一會，怎麼會有酒吧的感覺呢？看看名字，才發現沒找錯，真的是crossover了。兩個女生觀察一下，店面格局開揚可靠，決定一試。剛坐下，就留意到主菜單畫有切合內容的手繪卡通。有佐酒小食、沙律、燒物、炸物和一品料理，以燒物的款式最多。另有厚厚的飲品菜單，列有不少酒類和果汁類。紅莓汁 ($48)果汁類不限於常見的橙汁和蘋果汁，找到紅莓汁了呢～味道自然，不會酸澀。消膩解喝，為串燒做好準備。黑松露日本冷蕃茄 ($75)身為蕃茄控，當然要吃這個。紅潤完熟的蕃茄，晶瑩通透，肉汁比例均衡。襯上香濃的黑松露碎，更能引出蕃茄的鮮味。芥末魚蛋 ($48)單看名字，配搭難以想像，原來是凍食的。日式魚蛋彈牙爽口，wasabi未算很嗆鼻，反而有清新的氣息。雞泡魚乾 ($88)甜甜的又煙韌，有點像烤魷魚，很適合當小食。要注意趁熱吃，放久了風味依然，但會漸漸變硬喔～舞茸 ($48)朋友點的這款菌類，樣子特別，混著淡淡的燒汁味。火候控制得恰好，鎖著水份，不會烤成菌乾。免治雞肉棒 ($58)餐廳以烤雞串 (Yakitori) 作名字

返工太忙啦!! 一定要約三五知己出黎傾下偈, 朋友就介紹呢間較穏閉嘅串燒店, 舒緩吓壓力先(藉口食好野) 呢到以居酒屋形式, 裝修具工業風格, 以深色為主調, 無咁刺眼, 眼睛都放鬆啲  日本居酒屋當然有好多款Sake啦, 亦有Cocktails $68起Happy hour 3:00-8:00所有酒精 25%off我早咗到, 等唔切嗌返杯梅酒先!角玉梅酒 $88唔會太重酒精味, 梅味都幾濃厚, 但圓形嘅冰都幾大粒, 放耐咗就會溝淡 友人黎到就第一時間點沙律 (聽聞再度減肥, 哈)黑松露冷日本蕃茄 $58 (4/5)見到咁精緻, 有自發性菇類敏感症嘅我都試呢個黑松露先, 夾起嘅時候將黑松露放近脷底, 容易試得出佢嘅香濃味, 真係令我一試愛上 溫泉玉子沙律$68 (3/5)有番茄仔, 沙律菜, 火箭菜及小粟米配芝麻醬, 味道當然好啦! 最吸引我係有溫泉蛋, 有糖心嘅效果, 比完全流心更加考工夫, 整體都唔錯 芥末魚蛋$48 (3/5)食粉麵魚蛋都係熱食嘅, 估唔到可以有呢個食法, 白魚蛋好彈牙, 無雪味! 就好似比小朋友嘅刺生, 釀係裏面嘅芥末都幾攻鼻, 刺激吓食慾先 玉子蛋$

近排愛上了吃串燒, 故四處尋覓串燒店, 今次來到位於銅鑼灣的 “Bilibala”, 店名很有趣! 店子以黑色為主調, 門口掛了一塊貓頭鷹圖案的門布, 細細想, 貓頭鷹入夜才出沒, 的確宵夜時段吃串燒最合適, 不知店主是否有同一意思, 不過甚少吃宵夜的我, 還是來吃晚餐吧!店子地方小小, 一邊設有三張兩人的高枱, 另一邊有一張四人和一張六人的枱子, 而中間是L字形的酒吧枱, 櫃內放滿了大量不同的酒款, 一口串燒, 一啖酒, 滋味滿分。一坐下便看看封面印了肥豬人的菜單, 內裏亦有不同的食物卡通公仔, 個個樣子可愛。按食物的類別編寫, 有佐酒小食、沙律、燒物、炸物及一品料理。等即叫即燒的串燒時, 先上一些小食醫醫肚。第一款是黑松露冷日本蕃茄Cold Japanese Tomato with Black Truffle ($ 58), 原個蕃茄切得薄片, 頂部放了一些幽香的黑松露醬。淡紅色的蕃茄入口冰凍, 爽口多汁, 雖是簡簡單單的菜式, 但估不到蕃茄伴上黑松露, 配搭挺不錯。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊接着是芥末魚蛋 Japanese Fish Ball w

工作勞碌，最開心的時間當然是放工後能和三五好友 Happy Hour，暢飲飽吃一番。在同行好友介紹下，得悉銅鑼灣開了間新酒吧，既有酒飲亦有日式串燒供應，正合各人不同喜好，決定前往一試。餐廳開業於希雲街，地點稍稍隔涉。話雖如此，小小一條街食肆臨立，加上易於泊車，所以亦吸引到一定人流。餐廳位置近街尾，地方不算很大，門外設長長的高桌，可於店外捧著酒杯，三五成群品酒談天。店內除吧檯外，亦設有數張餐桌供吃串燒的食客享用。雖然聖誕已過，店中還留有佳節的痕跡。而店中兩幅老虎掛畫，則帶點鬼馬味道。翻開餐牌，發現各式串燒的選擇還算不少，豬牛雞海鮮一應俱全，每串價錢由二十餘元至百餘元不等，定價都算合理。先點數客餐前小食作熱身。黑松露冷日本蕃茄是一道沙律冷盤，日本蕃茄賣相紅潤飽滿，入口多汁甜美。蕃茄上方放有少量黑松露提味，端上時確是香氣撲鼻，可為菜式作點睛之效。在日式串燒店有韓國泡菜提供其實有點奇怪，這也是香港食肆的多樣化特色吧！泡菜辣度不高，酸爽開胃，每人小小一口，少量刺激正好用來煥醒發呆了的味蕾吧！第三款小吃玉子蛋，將蘿蔔蓉伴以香醋作醬料，置於玉子上方一拼吃下，味道先酸後甜，再來蛋香，層次分明。最後一款

話說有位識食嘅朋友同我講，最近銅記嘅希雲街開左幾間幾好食嘅舖頭，有富山麵家又有抹茶雪糕等等，由於富山未開業，朋友話探一探路，來呢度一間又係新開嘅串燒舖試下~ 老實講，我平時真係唔會行過呢條街，但估唔到真係有啲驚喜! 呢間舖嘅外表真係好簡單，以黑色為主調嘅舖頭，外面又有得坐，仲有隻狗仔做PR，感覺好似落Pub咁~ 好似我係中環返工，放左工要happy hour咁~ 一入到去就見到呢張閃閃發光嘅bar 枱，單係佈局已經知道店主係想打中產同外藉人士巿場~ (工作關係，所以成日猜度人地目標顧客~ )入口嘅左手邊係貼滿店主同佢啲朋友嘅即影即有，等我仲勁細心咁睇以為有明星.....=_="店裡掛了兩幅關於老虎的畫，最後我們被安排了坐在這隻佻皮老虎嘅下面~ 這裡嘅坐位不多，我諗大慨一晚做得3枱客嘅生意~ 心裡面盤算，這裡實在似係pub多過串燒店呢~ 終於見到order 紙勒~ 原來呢度嘅串燒種類真係幾多，有佐酒嘅小食、沙律、燒物有成7種，連埋炸物同一品料理都竟然有咁多款，唔可以睇少啊~ ! 其實呢度飲野亦係主打，呢本drink menu唔少得~ 店主推介了今天新鮮的鮟鱇魚肝給我們作佐酒小食，呢一道菜

朋友吹雞話班齊人馬 , 去 CWB 食串燒 , 我一向重義氣 , 一收到 whatsapp 立即帶埋老婆 & 大女 , 即刻「飛的」趕去撐場 ! 今晚一於 Bilibala , 吹水唔抹咀 ! 大聲講大聲笑 ... My attitude ... 吹咩 !話說這間位於銅鑼灣希雲街的日式串燒店 , 開業不久而大獲好評 ! 雖則是小店一間但因為廚師用心烹調 , 絕大部份食材均是購自日本 , 如日本赤雞、日本海鹽、日本雞蛋等等 ~這是餐廳的門面 , lomo 效果 , 夠藝術氣息吧 ~ 店外設有吧檯吧凳 , 給煙民邊扯煙邊食串燒 , 照顧周到 ~ 不過本人奉勸各位 ... 吸煙危害健康 , 還是盡早戒煙 !總覺得一連串倒掛著的酒杯很美 酒吧小小但五臟俱全 , 連即磨咖啡都有供應 , 激讚 !一睇就知店主人緣甚佳 , 當中還不乏城中名人呢 ! 店子小 , 一眼睇完 , 樓底甚高 , 座位舒適 , 燈光柔和 , 絕無擠逼感 , 最適合三五知己邊食串燒邊把酒談心 ~ 別忘記留意中間那幅畫作 , 此乃鎮店之寶 , 是全店的亮點 -- 我說的躲在暗角處的男人 -- 我 , Dog Gor 是也 ~芥末

銅鑼灣早前有一間日式串燒店新開業，店名十分搞怪令我留下深刻印象，是夜終於一訪。位於希雲街最裡頭，有一間店身漆黑，僅得藍光小招牌突出的餐店。Bilibala Yakitori Bar－－正正就是是次所講，店名搞怪令我留下印象的串燒店。店子很小，不過卻有個半露天的店外吧台位，很有外國餐店感覺。店內雖然又是黑漆漆的，不過多虧有個店外位置使店鋪感覺開揚了些，令黑色不是沉寂的黑而是型格的黑。餐牌設計都好有心，是一張折了幾折的大紙，上面畫滿圖案分好類別，既生動又清晰。先上溫熱的麥茶，到日式餐店必不可缺的就是茶，感覺更有風味而且溫溫熱熱的喝下好舒服。芥末魚蛋 $42評分 : 6/10先來點清新的前菜－－魚蛋彈牙富韌勁，魚味是清淡的自然，加上生磨的芥辣辣度高強，吃下去我還是忍不住哭XD……韓國泡菜 $38評分 : 7/10想不到日式串燒店都找到韓式泡菜，味道還真挺辣挺入味，這點有些意想不到。冷日本蕃茄 $58評分 : 8/10冷番茄是道簡單到難以失手的小吃，但店家在大顆酸甜水潤的番茄上加上香氣逼人的松露，配搭上少見但味道卻很討好，令人一口接一口。免治雞肉棒 $48評分 : 6.5/10雞肉柔嫩帶醬汁烤