葡匯咪走雞葡國餐廳 (Closed)

有時出去食得太多，就覺得愈來愈難選擇因為好似樣樣都食過咁呢一次同一位幾耐無出黎食飯嘅食貨朋友一齊，所以好比心機睇尖沙咀餐廳啲食評我地兩個無話不談，想搵間無限時，又坐得舒服啲餐廳都唔易慶幸『黃』天不負有心人，比我搵到呢間，感覺好好，所以係openrice表達一下黎得食葡國菜，唔少得叫番杯sangria飲下先，本人平時唔會成日飲酒，今次只係配合環境，呢杯白酒sangria好有水果甜味，又大杯，上面有5顏6色的水果粒，好睇又清新我地叫左蜆，牛尾，同小食併盤Sorry全名都唔記得了。。。蜆好大隻，勁濃郁酒味，食得出好新鮮小食併盤個人就麻麻［立］腸又硬又咸，唔識欣賞炸雞較乾馬介休好似食緊薯波咁 ，食唔到魚味尤魚就不過不失牛尾好香，當中料都好豐富，牛肉煮得好入味, 個鍋有唔同嘅蔬菜，唔會食完感覺好飽飽濟濟咁，如果有多啲汁點麵包就好了最後點少得甜品本人對麵包完全無抵抗力，知道有葡式西多果一刻就留左位比佢，等左約20分鐘左右就到本人本身唔鐘意肉桂，好彩呢個肉桂味唔重，麵包友人話應該浸過蛋液的，因為中間好軟淋淋同有好香蛋味，糖粉均勻地灑係麵包上，每一塊都金金黃黃，又有糖粉嘅光澤，唔會有啲好甜有啲又無味好

今日同幾個朋友黎咗呢間食葡國菜餐廳，自己唔多食葡國菜，但朋友介紹下，再加上Openrice 好評如潮，決定一於黎試下。一入去間餐廳，環境清潔，地方闊落。我地四個人個張枱都算幾大，坐得幾舒服。我地一共叫咗八樣嘢，店員好Nice，大部分菜式都係店員推薦里斯本沙律份量足夠四個人分。蔬菜配風乾火腿片、咸芝士粒、橄欖粒，加上沙律醋，清新開胃。食葡國菜又點可以唔食馬介休呢？薯香味重，加上濃郁嘅鱈魚，非常好食！ 白砵燴雞嘅雞肉係剪完先焗，D汁鎖住係雞肉裏面，好嫩滑。加上白酒煮忌廉汁、紅蘿蔔同洋蔥，配埋白飯一流。蝦又新鮮又大隻，個汁仲要超好食！抵贊嘅係蝦已經預先開邊，食起上黎好方便。葡式燒乳豬要D時間出，因為即叫即做。乳豬香脆，肥瘦均勻。配埋佢地嘅肥仔炒飯，茄汁、提子乾、葡式香腸同埋炒蛋，味道好豐富！第一次食葡式西多士，最唔同嘅地方係佢個玉桂味非常突出。形狀就四四方方咁，但就比較大粒，要切先食到。咖啡、白砵酒、紅砵酒雪糕  個人覺得三個雪榚都好食，咖啡個個比較突出。每杯雪榚下面都會有干冰，一路食一路出煙，想唔打卡都幾難。 最後飲杯Expresso 作結，成間店食物質素同環境都好好，值得一試！  

食正宗葡國菜終於唔使去澳門先有，友人帶完我食喱間，一試難忘。內裏環境廣闊， 燈光帶點浪漫。浪漫既情調飲翻杯Sangria最好不過，紅酒加淺色的水果襯托，仲有糖漿，少量酒精，顏色鮮豔，口味香甜清爽。葡國餐廳常見既一款地道菜馬介休其實就係一種咸鱈魚。當地人最鐘意食吃。雖然係咸魚，但以葡式既煮法，就不會好重鹹味，同埋去咗腥味，內裏魚肉結實有咬口，加埋薯仔焗，外皮香脆。白砵燴雞，White Port味濃，雞胸肉唔會乾柴柴，已經索晒啲汁。葡式烤乳豬1/4隻，最好提早打電話去預訂😋小豬啲肉質特別香嫩滑軟，聽話通常因爲bb乳豬仲未開始吃雜食。情迷紅白砵酒雪糕加乾冰，好岩打卡😬

2019年3月24日。雨。尖沙咀。呢兩日天氣突然轉凍，仲落雨添。。。咁嘅天氣令我不禁想起當年遊覽葡萄牙嘅時候都係一樣嘅天氣～而葡萄牙人仲認為落雨個地下望落會閃令令咁，比平時更靚，呵呵～咁啱呢日男朋友就帶咗我嚟食葡國菜啦～呢間葡國菜餐廳位置有啲隱蔽，喺美麗華二期行到門口就會見到呢隻好有特色嘅葡國公雞所以如果想喺尖沙咀靜靜地咁食餐飯，呢度都係唔錯嘅選擇～餐廳提供唔同嘅套餐畀客人揀，唔想選擇困難症發作就可以直接因應人數揀套餐～枱上仲有葡萄牙出產嘅橄欖油同黑醋，質素高，仲任加唔嬲添！里斯本沙律唔好以為呢個沙律就只係食菜，佢原來係個寶藏，充滿驚喜～首先有大量沙律菜啦～黑醋香甜，可以僻咗啲菜嘅少少草青味除咗沙律菜，裏面仲有芝士粒、西班牙火腿、橄欖最驚喜嘅係入面仲有好多唔同嘅果乾！！唔同嘅水果帶出獨特嘅甜味～有提子乾、莓乾、木瓜乾，仲有最正嘅無花果乾！！！呢個沙律真係好開胃，必點！葡式烤乳豬（1/4隻）中式烤乳豬係我平時婚宴唔多會食嘅嘢但係呢款葡式烤乳豬睇落吸引好多～即管試下～佢個外皮唔似中式乳豬咁會有爆花，係滑捋捋嘅～近骨嘅肉醃得非常入味，鹹香十足，但絶對唔係死鹹，好惹味～肉味嚟講，完全唔會有羶味

難得tea time 行得開， 當然同同事仔一齊去食好西啦👅 從網上得知尖沙咀開左間葡國餐廳， 同埋比佢個名吸引左「葡匯咪走雞」咪走雞我得知既意思應該係（吾執輸） 甘美食當前又點可以吾去試下呢 一於同埋同事一齊去食😆 環境舒適空間大～裝潢設計令我覺得好似去左澳門食葡國菜一樣侍應服務都好～ 食物質素高👍🏻 葡式烤乳豬（可以揀全隻/ 1/2 / 1/4）我地三個人就揀左1/4，記得提早一日預訂啊👅 乳豬燒得皮脆肉嫩，脂肪比例平均！ 食落口感更豐富， 配埋葡式炒飯一樣好味，看似普通既炒飯其實不普通，喱個飯加左乾果一齊炒別有一番風味砵酒炆牛尾（可選白飯或脆麵包） 我就揀左白飯（同事話天氣凍要暖下胃😂）牛尾炆得剛剛好， 又入味又‘腍’ 鍾意食牛尾既您就要試下啦👍🏻 葡式西多士好驚喜好意外👍🏻 外脆內軟（加埋多士中間有果醬）令整個口感更添層次～看似簡單但相信也下了不小功夫 ，推介傳統葡式拼盤整體味道吾錯， 但不算太驚喜～ 如葡國香腸煎一煎會更加香口 （純粹個人意見）

葡國風味 咪走雞位於尖沙咀美麗華商場 一樓， 有一間餐廳充滿葡萄牙風味， 在牆上掛上了許多葡萄牙的風景照片及有一支非常大的國旗。爆芝馬介休球－ 一道技巧非常高的菜， 首先要把薯仔掏空 打芝士讓落中間再加上其他的配料及馬介休再局至薯皮微微烤燶。 食落 外脆內軟薯蓉及芝士混合在一起非常惹味。烤焗西班牙黑毛豬－ 一道令人非常期待的菜， 首先分量非常 大及芳香撲鼻令人非常滿足。 廚師的技巧非常高超煮得剛剛好，咬落一層薄薄的脂肪剛好包圍著肥美的黑毛豬， 令口感非常豐滿但卻肥而不膩， 實在令人食指大動。砵酒燴牛尾－ 雖然外表看來沒有什麼特別好像一般的牛腩煲， 但食落卻非常有驚喜。 經過長時間的燜焗令所有的材料都充滿了牛尾味， 蘿蔔非常林在裏面充滿了腩汁。 牛尾非常有口感， 加上牛尾的汁配上幾碗白飯簡直一流。葡式西多士－ 與一般的西多士不同這裏的不加蜜糖， 改配以士多啤梨汁。 食落酸酸甜甜加上外脆內軟的多士，實在令人垂涎三尺。

最近同事去澳門玩，談論起葡國菜，突然興起好想食。想食正宗葡餐又唔一定要坐船過大海嘅，有朋友推介過呢間咪走雞，而家仲由西貢搬咗出尖沙咀，非常方便。🍞橄欖多士坐低每枱都會有多士同橄欖。多士好脆，可以用嚟配牛尾食。🐂砵酒炆牛尾牛尾炆得好冧好入味， 個汁好濃郁， 蘿蔔等配菜都好出色。夾住多士食連汁都撈埋唔會嘥😋。🧀 爆芝馬介休球馬介休球就食得多，有芝士係入面嘅都係第一次食。 炸得香香脆脆，外皮唔會太厚身。Size比普通馬介休球大一倍，砌開有好多芝士流出來。 本身係芝士控，所以勁like呢個爆🧀馬介休球👍🏻🍝葡式海鮮意粉味道酸酸甜甜好開胃，海鮮好多，用料十足。食完主菜當然要試下甜品啦試咗兩款熱嘅甜品：🍞葡式西多士葡式芝士多士加上砵酒肉桂醬🍞外脆內軟，好香口。食起上嚟，完全唔覺得油膩。🍴 廚師專業推介就咁睇個名雖然唔知佢係乜，不過真心推介呢個甜品😋 脆薄嘅酥皮紙包住香軟嘅香蕉，再加入咗薑汁， 估唔到香蕉同薑係可以咁match㗎！最後加埋凍冰冰嘅雲呢拿雪糕，成個甜品非常之有層次。可惜訂枱時冇預訂埋🐷葡式烤乳豬， 下次有機會會再試。 是次推介：🐂砵酒炆牛尾🧀爆脂馬介休球🍴廚師專業推介

上次食葡國菜，應該都有六年了，仲要係澳門食。在我心目中，葡國菜屬於偏府的新菜式，香港也鮮有有特色的葡國菜。話說回來，今次友人話想試試呢間係美麗華的葡國餐廳，我地就來試一試！ 列出的地址與地圖導航有少許出入，地圖導航都顯示餐廳位於美麗華商場那邊，但原來是對面酒店商場一樓才對！ 搵了一陣先找到餐廳正確的位置！ 怪就怪我們無睇清楚地址吧😅夜晚7時到達，人吾多，坐得闊落。我好鐘意門外的座椅，有我最鍾意的花花圖案，另外有好葡萄牙的特色擺設，感覺活潑開朗。餐廳也有一些自成一角的檯椅，等客人可以同朋友暢談一番。點菜後，侍應先拿來一人一個豬仔包。豬仔包外脆內暖，可以配牛油和檻欖一齊食。小食當然吾少得馬介休，我覺得大小份量剛好，等我可留肚食主菜。另外我們點了葡式滋味多士，嘩！好香芝士味！多士煙煙靭靭，堅好味！之後主角今首出場了！分別有1/4乳豬和招牌燒春雞。 因為乳豬的準備功夫較長，所以要預訂的，要吃的朋友留意了！ 救命，呢個乳豬真係好食到不得了。乳豬皮脆卜卜，中間那層脂肪入口即溶，乳豬肉厚汁多！ 試過呢碟乳豬後我覺得我吾會再鍾意食去飲的那些乳豬囉😅😝餐廳名字叫咪走雞，當然要試一試Mike's chic

想食葡國菜, 第一時間諗起澳門, 不過船飛貴, 又要坐成個鐘船。 係朋友口中得知美麗華廣場新開左間唔錯既葡國餐廳, 於是今晚收工同同事前去食個dinner。平日晚7點幾左右, 餐廳內已經坐滿8成。入座後待應就立即送上麵包作為前菜, 麵包表面被烘得很脆, 內裡鬆軟, 仲可以搽牛油增添味道。我地order左一個沙律開開胃, 同埋幾款葡國菜必食既share一齊食。【啤梨番石榴沙律】HK$125新鮮沙律菜、被切成一片片既啤梨、番石榴, 再加上沙律醋, 酸味味, 幾開胃。【雞尾特飲】HK$90有唔少人晚餐都會飲下紅酒同白酒, 對於我地呢d唔飲酒既人黎講, 呢度貼心地提供 Mocktail, 味道有D似利賓立, 有少少汽, 甜甜地。【爆芝馬介休球】HK$68外脆內軟正好形容呢款小食, 表面炸過, 帶點脆口, 入面既口感好似食緊偏林既薯仔, 甜甜地, 中間位仲有半溶既芝士流出tim...【乳豬(1/4)】HK$280 初嘗呢度既乳豬, 我地只order左1/4試試, 食過後, 下次必定會encorn, 而且下次必定要叫個大size黎食!!乳豬沒有厚厚既肥油層連住, 乳豬皮薄, 入口一咬, 乳豬皮脆得