泰廚泰國菜館

Open Now

Now Closed

好耐冇嚟食，今日星期五收早見無乜人就幫襯下啦～串燒一如以往最好味，一定要食。蒜蓉包，菜及湯河正常。個咖哩大頭蝦真係不得了～星期五做特價$158～有三隻好大大頭蝦，但大頭蝦啲肉真係梅到好難食😭又冇蝦膏～咖哩係好味配蒜蓉包好正。下次叫其他料嘅咖哩穩陣啲。

最近我都少咗出街食飯，因為肺炎嘅疫情越鬧越大，令到我減少與朋友嘅聚會今日約咗一個朋友出嚟食飯，咁耐冇見梗係要去一間有質素嘅菜館啦呢間泰國菜我已經唔係第一次過嚟食，我成日過嚟嘅原因係，食物有質素，價錢又實惠👍《每滿$200加多一$1款餸》呢個項目我真係覺得好抵，加上生蝦嘅肉質鮮甜😍簡直相當於每$200就俾個七折你豬皮入口即溶，份量都唔少👍唯一缺點肉質有少少乾（可能煮得太耐）《燒和牛串》我每一次你都會叫，因為真係好好食入口有牛味，加上有少少和牛脂肪嘅分布，肉質又嫩滑，推介《燒豬肉串》又係正嘢，大大塊嘅豬肉用泰式醬汁去燒到佢香噴噴，而且燒到啱啱好，豬肉嘅肉汁仲保留喺入邊，鮮嫩爽口👍，推薦必試👍《咖喱軟殻蟹》軟殼蟹上枱嘅時候仲係能夠保持鬆脆👍咖喱汁香濃（唔知係咪加咗蛋黃醬）好香、好奶，用嚟送白飯一流蒜蓉包非常香脆，脆到好似一咬就自動散開晒嗰種呢個時期個個都咁注重衛生，佢哋個廁所都算幾乾淨👏呢間都算係多年嘅食店，水準保持倒👏整體質素加埋價錢，絕對抵食👍

同朋友喺旺角行街，行到通菜街搵到呢間餐廳。由於都好一排冇食泰國嘢，所以入咗嚟。餐廳，好似茶餐廳咁嘅格局，面積唔算好大，好彩啱啱有位。見到餐牌上面嘅咖哩辣蟹非常吸引，決定一試。咖哩辣蟹 (⭐⭐⭐⭐⭐)分量好大，足夠兩個人食。咖哩汁辣得嚟可以接受。蟹肉都幾多，食落啖啖滋味，都幾過癮。仲有啲配菜，令到咖哩嘅口感層次增加。蒜蓉包  (⭐⭐⭐⭐💢)為咗配咖哩辣蟹，我哋點咗蒜蓉包。蒜蓉包配辣蟹配搭一流，又唔使驚食到太飽，比飯更加好。泰式生蝦 (⭐⭐⭐⭐💢)餐廳仲有個值得推介嘅一元任選一款美食。我哋 食夠200蚊，可以任揀一款。我哋揀咗泰式生蝦，泰式生蝦唔係好多件，不過作為開胃前菜係唔錯。除咗泰式生蝦之外，仲有泰式木瓜沙律、泰式粉絲沙律同埋泰式椰汁糕選擇，一蚊一碟冇理由錯過。整體嚟講都幾滿意，又唔算話好貴，只要唔嚴餐廳好似茶餐廳咁，可以考慮幫襯。~~~~~~~~~~~~~~~~~~~~~~~~ 泰廚泰國菜館 旺角通菜街126號地下推介菜式：咖哩辣蟹👍🏻分量好大👍🏻口感豐富👍🏻價錢大眾 

今日同同事一行四人來到位於旺角通菜街126號的泰廚泰國菜館，一嘗泰國菜的好滋味。我們大約於07:30來到餐廳，當時餐廳經以人山人海，坐得八九成滿座。當天星期四的是日優惠是以$94就食到泰式明爐烏頭魚，所以我們便叫了一客，烏頭魚肉質解嫩，配上獨特的泰式香料，再沾上泰式的辣汁，口味十分之豐富，一百蚊都不用就能夠品嘗到咁大條烏頭魚，非常之抵食。黎到泰國餐館，當然少不了要叫一客小食拼盤 (大) ($160)，開心Share一番，小食拼盤中包括了蝦片，春卷，串燒，泰式魚腐，炸蝦餅等等，好適合一大班人一同分享，每款小食都調味得宜，好快我們就吃光光。在入餐廳之前經以見到門口有店員在即燒串燒，當然我們也不走寶，叫了四隻即燒全隻雞翼($15)，雞翼燒到外皮焦脆，內裡嫩滑，再配上沙爹醬，野味得很。再加點一份蒜蓉包($28)來沾沙爹醬可算是絕配。主食方面，我們點了一份菠蘿炒飯($98)，炒飯用料十足又夠鑊氣，有大量的菠蘿、肉鬆、提子乾、鮮蝦、青口等等，多重口感，一個炒飯足夠四人分享，平民之選。最後我們為了想健康一點，加點了一份馬拉盞炒什菜($67)，什菜炒得不油膩，但又有馬拉盞的香味，不會好像某些餐廳一味死

星期四難得準時收工，我們一班好同事一行四人，吃我們最喜愛的泰國菜，在太子天橋附近有間泰國菜館(泰廚泰國菜館），常常經過都聞到很香的燒雞翼味，我們一於去吃吧！泰式香茅雞翼在門口已經聞到雞翼的香，是馬上燒的，一於每人一隻燒雞翼，我最喜歡食，皮簿脆身，肉質嫰滑，而且每隻都是$15，大大隻小食拼盤（大)有一些蝦片，炸蝦餅，泰式春卷，還有我最喜愛豬肉串燒，串燒配上惹味可口的沙嗲醬，突出泰國風味！菠蘿炒飯點少得主食之一炒飯，每次食泰國食品都會叫個菠蘿炒飯，原個菠蘿上，風味十足，而且菠蘿炒飯材料也十足，菠蘿、什豆、肉鬆、蝦、青口、臘肉，而且份量大！蒜蓉包蒜蓉包香脆，份量也滿多，大約有四至五件馬拉盞炒什菜馬拉盞惹味配合清甜爽口的什菜，正而且每曰也有特價菜款選擇，因為星期四有泰式明爐烏頭魚，熱辣辣上菜，少少酸汁顯出烏頭魚更鮮甜。惠顧小菜滿$200元加一元可以選擇有四款菜式選擇其一，分別兩款沙律，木瓜沙律及泰式粉絲沙律、生蝦刺身、泰式椰汁糕選擇，非常吸引！我們剛好滿$600元，選了生蝦刺身一客，有四隻，雖然是$1元四隻，但絕不馬虎，生蝦新鮮鮮甜，再黎加$1元選擇了兩客的泰式椰汁糕，椰汁味濃，每人食兩個也不

以前成日同朋友經過旺角通菜街，都見到呢間泰國菜館門口好多串燒賣，有好多人排隊，之後會有個肥姐姐喺度燒燒燒，之前都已經想試下。今日因為太熱，所以決定入去堂食，可能時間尚早，不用等位，very good坐低就見到呢塊每日優惠，今日係星期一，所以侍應姐姐都推介我地試吓槽魚。我諗住2個人1一定叫到200蚊，所以就叫咗一客1蚊泰式生蝦晚市食海南雞飯，都冇馬虎。飯好重薑油味，雞超滑冇骨，所以好好食雖然係特價，但用料十足，所以好重香料味，同埋一啲都唔腥，仲好滑添。一蚊都有4隻，算係咁啦，醬汁才是靈魂，沾了後，感覺超fresh，加埋蒜片同辣椒，冇得頂。主要係想試串燒，但人都係貪心，咩都想試吓，春卷足料，同埋全部都係熱辣辣，讚啊！蒜蓉包都多蒜蓉，唯一缺點係太多件，兩個人食唔哂要打包龍眼冰太多冰青檸冰，酸甜適中，解辣唔錯環境可以，唔算好窄，尚算舒適，同埋晚市繁忙時間都冇趕人走，算唔錯。

今日同行山友勇闖完大東山同鳳凰山後，決定食番餐泰菜獎勵下自己～於是我地就簡左個就腳位— 旺角，去尋覓泰菜的蹤影～最後經Openrice大神推薦，揀左間近花園街個邊既泰廚泰國菜館黎祭我地早已餓得飢腸轆轆既五臟府～係旺角地鐵站行5分鐘到就到，非常就腳！啲雞肉超級多！！！多到我地覺得老細咁樣會回唔到本🙈咖哩汁帶小小甜味，且質地略為稀身，只能說不太對我和友人的口味～點咖哩點可以唔配蒜蓉包呢！呢到既蒜蓉包烤得外面一層都酥酥的，再用咖喱幫佢黎個沐浴，簡直係prefect match! 只能說這道蒜蓉包為黃咖哩加左唔少分🙌🏼湯以原煲上枱！（小心燙到⚠️）友人和我大愛呢煲湯！飲落酸酸辣辣，十分開胃！而且不會有一種奇怪的泰式香料味，十分迎合香港人口味👍🏼同咖哩一樣，落料完全唔吝嗇！有青口、有蝦、有花枝、秀珍菇......份量一啲都唔少，兩人分享可以每人有兩碗半到！雖然係叫沙律，但其實係炒得熱辣辣既泰式豬頸肉！每一塊豬頸肉都帶有濃濃的泰式香料味，有少少辣味，但十分開胃。而且豬頸肉炒得十分嫩口，很客易就可以咬開！友人和我大愛這道菜😋😋最後我地仲叫左個98蚊菠蘿炒飯，可惜影個張相失蹤左，只好口述😞菠蘿炒飯啲材料

一家四口晚飯時間來到旺角泰廚泰國菜館。由於晚餐時間食客十分多，餐廳方面要求我們齊人才入座。被安排坐上2樓的卡位，每張桌都很迫夾，感覺有點侷促。 這裏有一個$1的食客優惠，本來我們打算點泰式生蝦，可惜已賣光，於是改為泰式木瓜沙律($1)。木瓜十分新鮮，切成超幼身，十分清爽。 另外還點了酸辣鳳爪沙律($72)，鳳爪十分爽口，加上酸辣醬汁同樣開胃。 炸蝦餅($73)， 外層炸得十分香脆，不算太油膩，而內裡的蝦肉十分彈牙。一口咬開剛炸起的蝦餅，熱烘烘的十分好吃。 由於餐廳門口有一檔串燒，媽媽一到達餐廳便說想試，我們便點了燒豬串($12)和燒雞串($12)。沙嗲醬味道濃郁的，但不會太甜，配上剛燒好的豬肉和雞肉，十分好味。串燒保留了肉汁，令肉質不會偏乾。 主食方面點了一個蒜蓉炒椰菜苗($75)，很香蒜容和蝦膏的味道，十分開胃。椰菜苗是我每次都泰國餐館的最愛，可是這裏的椰菜苗不夠幼嫩爽脆。 食泰國餐又怎少得架呢呢？由於媽媽不愛吃辣，於是點了一個偏甜的青咖喱海鮮($89)。青咖喱椰汁味挺濃的，海鮮配料份量很足，很適合用來拌飯吃。 另外還點了一個蒜蓉包($2

跟朋友係旺角東附近行完街, 被一陣陣燒烤味吸引住，真係香氣噗鼻！原來係一間泰式餐廳, 於是就入去試下。裝修尚可， 頗有泰式感覺, 但略嫌地方狹窄左小小。依家餐廳原來有好多是日精選優惠，但我地對當日既優惠菜式無興趣，所以無叫到。我地當晚叫夠$200,就可以加$1換泰式粉絲沙律，真係超抵，我和朋友都好驚訝，處於租金高企既旺角地段還有甘抵既優惠。泰式粉絲沙律味道酸酸辣辣，做開胃菜一流，令人食指大動！因近日有颱風襲港，天氣都特別熱，所以我地第一時點了椰青$33，略嫌椰青唔夠凍，如果再凍D就真係好消暑。第二道一定係泰式金邊粉$62，味道太酸，除了酸便沒有其它味,頭，但金邊粉口彈尚算彈牙。第三道一定係我地都鐘意既泰式咖喱蝦球$88有好香濃的九層塔味，唔太辣，而且蝦球煮得啱啱好，好鮮甜彈牙，配蒜蓉包$25一流！但略嫌咖喱偏多油，如小番D就完美；蓉包烤得好香脆，蒜蓉味又重，蒜蓉包沾滿香濃既咖哩再配上彈牙既蝦球，味道層次豐富，真的很回味！唔使幾分鐘蒜蓉包已被我地吃光!整體食物質素尚可，上菜又上得好快，服務都OK，價錢街坊價，這類平民小店已買小見小, 我地真係要珍惜。

今日咁熱=口="又係食泰國野既時候了～四個女仔可以食到有幾盡呢 我地嗌左七餸一湯!! Yummy首先,咁熱一坐低就緊係叫左野飲先...友人佢地就叫左兩個大椰青友人飲了幾口都大讚十分鮮甜而且解渴由於我比較中意食菠蘿, 所以叫左菠蘿冰:味道比預期清淡, 但有大量菠蘿肉, 很有口感 因為友人點左串燒沙爹(豬、雞), 肉類燒得不錯, 不會太老, 配埋重椰奶既沙爹醬, 甜得黎又有少少辣, 十分野味泰式生蝦:我覺得有點辣, 可能因為我食埋舊辣椒仔...泰式炸蝦餅拼炸春卷:蝦餅好彈牙, 同出面食既有分別, 春卷就有點油, 炸得唔夠乾身, 但勝在春卷有好多餡蒜蓉包:係我食泰國野必點食物, 今次店主可能落左啲香草, 所以個蒜蓉醬有啲綠綠地, 好重蒜味又脆卜卜, 點咖哩一流啊!馬拉盞炒通菜:係第二度食過覺得不錯所以今次黎到又試試先, 一試發現呢度炒得冇咁咸, 又夠鑊氣, 正正正!泰燒和牛串:賣相不錯, 而且和牛燒得岩岩好, 中間又有青椒同洋蔥, 入口冇咁膩冬蔭海鮮湯:好足料啊!!!好香檸檬葉同香茅味, 味道酸酸辣辣, 好開胃^^因此蝦球賣曬, 所以我地叫左泰式咖哩軟殼蟹:呢個餸有驚喜, 估唔到佢會有伊麵