Plato Cafe & Bistro (彌敦道) (Closed)

星期三晚同男朋友一齊食飯。我地叫左兩個Dinner Set share食。套餐包左是日餐湯同蒜蓉法包。是日餐湯係薯仔煙肉湯，稠身好飲。蒜蓉法包脆脆地。明太子海蝦意大利粉意粉條條都索晒明太子忌廉汁，微辣好惹味，蝦既數量都好多，好食。BBQ燒豬仔骨配沙律及薯條豬仔骨好大份，燒烤醬好濃味，搭配香脆既薯條，一流。+$38要西班牙肉桂條伴雪糕一定要加錢食，肉桂條好香脆鬆軟，肉桂味好出，連埋砂糖食，好有口感，正。+$28要日本芝士蛋糕蛋糕細細件，有餅底既芝士蛋糕好重要。飲品要熱檸水同+$12要西班牙咖啡，西班牙咖啡原來係咖啡加球雲尼拿雪糕。

平時禮拜日都係約老友或者胃弟，今次就陪吓大胃之母行吓果欄，買到一袋二袋咁，就搵以前做嘢成日會上去放lunch嘅餐廳試吓食晚市湯好似進步咗喎，夠晒濃味包都好食咗喎，浸湯食真不錯夜晚唔敢飲咖啡，於是飲朱古力，加埋cream成件事好令人舒服呢碟risotto色水相當可觀，食落果然好濃郁，牛頰面肉仲要幾多吓大胃之母的健康之選黑毛豬鞍不得之了，煎得非常漂亮，點吓醬汁簡直係完美配角都唔係hea㗎，一樣配合返主角嘅水準最後加咗個甜品，玉桂條配雪糕認直完善咗成個晚餐，好好食呀開始有啲聖誕氣氛喇

以黃色做主調o既樓上西餐/cafe，一面有住大片玻璃窗可以居高臨下欣賞到彌敦道o既夜景，氣氛唔錯。有得散叫，亦有晚餐同二人set，我地點o左一個精選二人套餐($448 未加一)，因為朋友計過，會比叫兩個餐再補回頭盤甜品平大約$50。是日餐湯係雜菜雞湯，因為係西式o既煮法，唔會話好似中式老火湯咁濃雞味，味道接近羅宋湯，但係無蕃茄。除o左湯之外，仲有一片蒜蓉法包。頭盤可以六選一，有沙律、特色薯條同雞翼等等，我地揀o左英式炸魷魚圈，酥炸o既外層，點埋沙律醬靈舍好食～主菜可以揀安格斯牛扒、黑毛豬或者羊扒，因為羊比較少食，所以嗌o左紐西蘭羊西冷．露絲瑪利燒汁。好香羊酥味，講緊唔只係未食o個陣聞上去，而係食完之後齒頰之間o既留香。相比起用上露絲瑪利亦都即係迷迭香調製o既燒汁，個人覺得那綠色o既薄荷醬更加惹味，味甜而帶微薄荷芬芳。羊扒附有一份生菜、西蘭花同埋焗薯，生菜淋上o左黑醋汁，味道酸甜，而個焗薯就真係激好食，有少少類似茄子一樣咁腍，同埋好多油，真係好香口，我都朋友都一致俾滿分！跟餐有一個飯或者意粉，點o左龍蝦汁大蝦露筍意大利飯。d 蝦略嫌有少少乾身，同埋個別o既露筍有渣，但仍然算ok，尤其龍蝦

這一晚同和朋友約了來這裡吃晚餐, 餐廳近油麻地地鐵站，才兩分鐘路程，餐廳大,能夠容納很多人, 有一大片落地大玻璃, 可以欣賞彌敦道的景色, 而且這裡的價錢不太貴, 我們點了精選2人套餐 -2人套餐包是日餐湯及蒜蓉法包是日餐湯是蔬菜雞湯這雞湯融合了蔬菜的甜味和雞肉的鮮味, 味道鮮美, 蒜蓉法包脆身, 經過烤焗或油炸的蒜蓉，酥香惹味-頭盤選了酸忌廉脆煙肉薯條-脆脆煙肉粒炸香口, 剛炸好的薯條脆度怡人, 加上酸忌廉醬，愈吃愈過癮-龍蝦汁大蝦露荀意大利飯賣相不錯, 飯粒有龍蝦汁包住, 每一啖都食到龍蝦的精華, 諗起都滿足幸福, 大蝦烤至剛熟，肉脆彈牙, 露荀混和在飯中, 加添口感, 有驚喜---美國安格斯西冷牛扒紅酒燒汁另一款主菜叫了美國安格斯西冷牛扒紅酒燒汁西冷取自牛上腰的脊肉，肉味較牛隻其他部分濃, 肉質鬆軟味鮮, 叫了3成熟, 牛扒煎得剛好, 表面金黃鎖住肉汁, 味道甘香----Set 的甜品是西班牙玉桂條雪米糍-西班牙玉桂條酥脆的口感，伴上肉桂香氣的糖粉, 不會覺得油膩。配合冷的雪米糍, 勁解暑。餐飲叫了凍特濃朱古力和焦糖牛奶咖啡凍特濃朱古力-飲落會好濃朱古力味, 甜蜜滿載, 冰涼又可

約了友人在這裡晚餐，踏入電梯就有似曾相識的感覺，再入內，終於回想起以前曾到過這裡，可惜現在已轉手了。但內裡的環境依然舒適，亦可眺望彌敦道的街景，很relax ^_^既然 DINNER SET 有咁多選擇，我們便毫不猶豫地選 DINNER SET 了。我們點了「軟殼蟹黑松露意大利粉」及「BBQ燒豬仔骨配沙律及薯條」套餐。餐包，蒜蓉法包，香脆可口！餐湯，很甜，美味！軟殼蟹黑松露意大利粉，滿滿黑松露的香味，意大利粉彈牙，沾滿了汁，再配軟殼蟹，雖然得一隻，但配搭意大利粉已足夠 BBQ燒豬仔骨配沙律及薯條，豬仔骨燒得香口，肉質嫩滑，而且有很多醬汁，味道一流，再配新鮮蔬菜，可中和味道 沒想到食物美味，環境舒適，與三五知己共聚的好地方。

心血來潮事件簿(25)🤤適逢好友生日，本尊就決定帶朋友到依間餐廳食下😎之前都好幾次黎過依到食野，完全係一個食野同傾計嘅好地方😎😎本尊同朋友都食到差唔多收舖先走😂多啦🤤本尊同朋友都分別叫左兩個晚餐黎食😇套餐包蘑菇餐湯同蒜蓉法包😎本尊就最愛將法包點湯，依個食法真係有夠好食😋😋😋之後就去到主菜啦，其實實不相瞞，本尊對魚都有一份興趣，，所以本尊就叫左個蘇格蘭比目魚扒，整體食落都唔錯，魚肉好滑，同埋都好配合個野菌松露汁😇加上有薯菜同沙律做伴😎就更加唔錯 個沙律食落都幾開胃👍不過就略嫌份量較少，如果再多少少就更好🤔朋友就叫左個紐西蘭羊架🤔七成熟嘅 佢覺得個羊架雖然有少少鹹，但係佢燒得啱啱好，同埋沙律方面都整得幾好，見到餐廳對檯面每樣菜都好認真都整👍大家如果黎到叫羊架都可以試下七成熟，食下係咪大家嘅心水熟度😎飲品方面本尊同朋友分別叫左一個焦糖朱古力同oreo奶昔😎本尊就覺得個奶昔比較有特色，因為好少餐廳有得叫，同埋都真係好好飲！大家不妨去試下🤤🤤🤤今日本尊就介紹到依到，有機會再向大家介紹多D唔同嘅港地好食😎

一講柏拉圖（Plato），你可能覺得好熟，但又唔想唔起佢喺乜水。佢喺古希臘哲學家，但以前讀西史，稍為有啲印象就喺佢老師叫蘇格拉底，一聽搔「格甩底」大家就「架架笑」。因為要出油麻地上海街買整麵包材料，所以，順便約埋夏總兩公婆食晏，一拍即合就嚟到Plato Cafe食晏，嚟依度嘅哲學就喺搵食。Plato Cafe位處油麻地港鐵附近，非常方便。初時以為細細間，原來地方幾大，而且仲有唔少客幫襯。環境裝修簡約，以較少人用嘅芥辣黃為主調，掛上帶美國風嘅海報畫作作點綴。靠窗一邊落地玻璃喺個人覺得嘅心水位，因為光線足，感覺開揚，又可以睇吓彌敦道的街景。講明食晏就梗喺睇午餐有咩食，午市套餐包是日餐湯及蒜蓉法包，主菜8揀1，定價由$58-$128 + 10%，仲包一杯$34飲品，$34以上就只需補回差價就可以。甘筍忌廉湯是日餐湯喺甘筍忌廉湯，色澤幾鮮橙色，但味道就唔算好突出，始終甘筍唔喺強悍嘅味道，但口感算幼滑，又夠熱辣辣，試過有啲餐湯只喺得微暖咋，好影響個感覺。蒜蓉法包烘得香脆，又重蒜蓉香，交足貨。扒大蝦墨魚汁意大利粉 $78賣相做得唔錯，不過，得一件扒大蝦感覺都喺無夠睇頭，但蝦肉幾爽，肉質帶點鮮味；而

年尾時候，無論屋企還是公司都會吃團年飯，至於與我家那位嘛，當然也要吃一頓屬於我倆的團年飯吧~昔日曾有一段時間都會有文明里巴士站乘車回家，卻沒想到巴士站後方、看上去是酒店的地方，裡面卻有一家樓上西餐廳。雖是樓上店，客人還挺多。人多卻不嘈吵，那份寧靜感挺適合二人世界的晚餐。這裡供應著十多款晚市套餐，還有一些限定套餐與二人餐，選擇豐富。不過為了遷就愛吃天使麵的我家那位，最後還是各自點了一人份的晚餐。每客晚餐均附上是日餐湯及蒜蓉法包，而這夜的餐場是蕃茄湯。蕃茄湯茄香濃稠，吃得到粒粒茄肉夠晒滋味~至於法包滿載蒜香，香脆之中更加香口！假如不想喝蕃茄湯，也可以加$18升級至法式龍蝦湯。質感同樣濃稠的龍蝦湯，香濃而不嗆，值得升級一試。紐西蘭羊架配香草牛油焗薯仔粒西蘭花沙律 $188點了一客六成熟的紐西蘭羊架，輕輕切開，內裡是令人垂涎泛紅肉色。羊架在口裡散發陣陣肉香，嫩腍的肉質也教人動容。試試薄荷醬與露絲瑪利燒汁，喜歡薄荷味較重的我還是覺得後者較為滋味。龍蝦汁海鮮天使麵 $158我家那位點了海鮮天使麵，煙三文煙、青口、帶子與蝦球，海鮮量挺足。試吃了一隻蝦與半粒帶子，鮮味處處~至於天使麵掛起龍蝦汁來吃，不

搵左間野食唔錯又可以坐得耐d吹水既樓上cafe黎同朋友補祝生日，仲要就腳架，我一放學行去隔離就係✌🏻️最重要係宜家預早book仲有9折tim。我地嗌左幾個set dinner黎share，而每個set都有蒜蓉法包，餐湯同34蚊既餐飲跟。order完好快就有蒜蓉包同餐湯，跟手d野食都上埋，佢地全部既賣相都唔錯，而個份量都ok，個意粉意大利飯都幾好味，而我覺得當中最突出既係個明太子意粉，佢將明太子燴係意粉度再煮成個source咁，又幾好味喎😋😋另外，個豬手都唔錯呀，啖啖肉，又唔鞋，又夠味喎。話明同朋友補祝生日，又點少得嗌d甜品再叫佢地寫埋d生日字句上去喎。總括黎講，呢間cafe既質素唔差，仲有d驚喜tim，我仲覺得好食過佢另外一間分店。