Mad for Garlic (Closed)

對上一次食Mad for Garlic應該大約一年前， 當時喺度九龍塘分店，當年覺得佢地將蒜頭入饌的想法新奇，又合乎到健康潮流。今次係奧海城行街，特意再黎，見餐牌更新了, 多咗好多新款。前菜叫咗個脆豬腩仔， 配黑蒜汁， 有別於一般嘅豬腩仔， 佢真係將個豬腩肉包粉炸， 外脆內軟， 配上特製嘅香蒜辣汁， 惹味新奇。蒜香卡邦尼意粉， 滿滿嘅奶油香 ，加上香蒜， 麵質彈牙，好味。主菜烤澳洲牛柳釀蒜香蜜糖， side dish叫咗奶油菠菜。 呢個仲新奇，最少要七成熟，原因係牛肉嘅中間釀了整個蒜， 如果牛肉太生，驚入面嘅蒜未熟，整個味道就會走樣。整個用餐氣氛良好，店舖經理耐心推介， 愉快嘅一餐。

小妹好耐無同屋企人食飯，咁岩有屋企人生日，經朋友介紹去左奧海城呢間以蒜頭做主題既西餐廳。呢間餐廳好方便，地鐵站一出就到。平時經過只係去佢隔離個food court 食野，今次終於有機會試下。先講講餐廳裝修，傳統西餐廳裝修，很有格調，燈光比較昏暗，可以做到浪漫效果去到食物方面，首先叫左個凱撒沙律，頭盤沙律已經比炸蒜片同芝士碎包圍住。沙律菜都好新鮮再配上沙律醬特別醒胃。凱撒沙律 $128餐廳基本上所有食物用蒜頭為主，首先送上4塊香脆可口嘅蒜容包，熱辣辣好脆口。再叫左一個外表好特別既蒜蓉塔。飯類同意粉類各叫左一款，首先推介巴馬火腿蒜香忌廉意大利飯，好濃烈嘅忌廉味同芝士味，意大利米軟硬度恰當，唔會太硬。跟住仲叫左卡邦尼意粉。蒜香卡邦尼意粉 $118巴馬火腿蒜香忌廉意大利飯 $148主菜方面，叫左個熱板烤香草美國肉眼扒配芝士薯蓉，由於熱板上所以叫左5成熟，牛扒熟度岩岩好，有牛味，有肉汁。熱板烤香草美國肉眼扒配芝士薯蓉 $288最後，叫左個甜品畫上今晚嘅句號。推介Apple crumble配雲呢拿雪糕，有驚喜，唔會太甜，係甜品入面竟然發現有蒜頭。味道好特別。香脆蘋果金寶配雲呢拿雪糕 $78

之前都食過Mad For Garlic價錢都偏貴少少,不過今次食下午茶價錢就抵好多。Garlic Bread Tower MFG特色蒜蓉包塔,塔上鋪滿大量蒜蓉,上枱之後店員會先將上面嘅蒜蓉壓入法包塔裏面,令蒜蓉沾滿法包嘅每一個角落。勁香蒜蓉味,岩晒鐘意蒜嘅我。不得不叫MFG嘅招牌意大利薄餅Garlic Snowing Pizza。薄餅底非常之薄同香脆,上枱時店員會現刨冰芝士碎到薄餅上,多到好似落雪咁。薄餅仲有滿滿嘅炸蒜片,蝦同菠蘿。雖然唔係第一次食,不過依舊令我有驚喜。蒜香卡邦尼意粉蒜味冇我想像中咁濃郁,意粉軟硬度啱啱好,有大量嘅煙肉片作為配搭,卡邦尼醬汁亦夠creamy。蒜頭香蕉朱古力薄餅配自家製混呢嗱雪糕,薄餅底依舊薄而香脆,鋪上滿滿嘅朱古力醬同香蕉配搭糖漬蒜頭,味道都幾夾。暖暖嘅薄餅配上冰凍雲呢拿雪糕,冰火交融嘅口感令人一啖接一啖。

今晚同老公到奧海城睇戲，睇戲之前先到Mad for Garlic食晚飯。Mad for Garlic位於奧運站D3出口，地點好方便。店內環境非常舒適，設計亦相當優雅，像置身於高級扒房。這裏的最大特式是如店名所示，起用了蒜作為店舖食物的主題，由前菜、沙律、薄餅、意粉、牛扒，甚至甜品都有蒜的食材，十分貼題及稱職。不要以為以蒜為店的Mad for Garlic一入到去會有濃烈的味道，相反這裏的空氣味道甚至質素都相當好。烤澳洲牛柳伴牛油餡角 配蒜香忌廉汁及墨西哥辣椒醬牛柳粉嫩，味道濃郁而且入口軟滑，放在鐵板上上枱亦不會過熟，再配上特別調製的蒜香忌廉汁，更能帶出牛柳的鮮味。而配菜有原個蒜頭、洋葱及小青椒，微微烤過，吸了牛柳的鮮味，亦不能忽視。牛油餡角熱辣辣，外脆內軟，配上墨西哥辣椒醬食又得，配上牛柳食亦得，得咗。蒜香卡邦尼意粉卡邦尼汁好creamy，有好豐富的芝士味，而且比一般的卡邦尼汁更添上少許的蒜香味，再加上煙肉及蘑菇，這件事好夾，味道亦好有層次。意粉軟硬適中，每條均能掛上卡邦尼汁，值得推介。Tropical Fruit Tea水果茶的茶底原來是有三種味道選擇的，有青蘋果、芒果及桃味。我選了

與友人在奧海城行到攰想搵地方食飯兼休息，見到呢間以蒜做主打的餐廳又幾有噱頭，加上座位夠闊落又唔會太嘈，岩哂我地。餐廳的燈光同擺設都幾有情調，感覺好放鬆。Mad For Garlic絕非浪得虛名，餐牌上每道菜都加入蒜頭烹調，連甜品都見到蒜嘅身影。本來已經非常肚餓，卡邦尼意粉上菜時的芝士同蒜香味更加令人食指大動。意粉煮的時間剛剛好，有彈牙嘅口感 ; Sauce香滑之餘每條意粉都掛到汁，估唔到蒜香同芝士味道咁夾，除左更香口亦減輕左芝士的飽滯感，食到尾都唔覺得油同膩。食肉獸朋友點左肉眼扒，七成熟冇「煎過龍」，鎖到肉汁同保持到肉的嫩滑。雖然芝士薯蓉唔係主角但我好鍾意，薯蓉軟滑又綿密，加埋芝士更加甘香。蒜頭隱藏左係牛扒下面，第一次原個蒜頭咁食，烤完之後食落冇咁硬身，辛辣的味道冇左淨番蒜香，又幾好味~最後緊係要試埋加左蒜嗁甜品! 朱古力醬薄餅上面除左香蕉仲有糖漬蒜頭，香蕉同朱古力本來就係絕配，加左蒜頭冇格格不入反而添左特別嘅香味，又幾得意。雲呢拿雪糕好有奶香，最緊要係唔會過甜同雪到太硬。建議大家要趁熱食，香脆嘅薄餅加埋雪糕，一冷一熱咁最好味。用蒜做主打真係幾有創意，味道亦都有驚喜，好奇想試埋其他菜式

奧海城新開左以蒜頭為主打既餐廳，之前係銅鑼灣食過，今日再黎重拾悉日味道訂左枱果然唔同d，有個則邊位坐，方便傾計其實餐廳既空間感非常好，d枱唔會擺得太密，隔離仲有美酒相伴餐紙就有date Dinner 推介六點前離座仲有8折添首先以一道開胃菜作頭盤，八爪魚同蜆都係我既至愛，果汁就係以蕃茄、蒜頭同白酒汁秘製而成，食落都相當辣，蜆肉同八爪魚就可以吸收哂d精華，想飽肚d可以再加埋烘到脆一脆既多士一齊食pizza涵料有蝦、菠蘿，當然唔少得炸蒜片，上面再加左d芝士碎添，咬落脆得黎又有芝士煙煙un un 既口感呢個係之前已經食過，今次再encore，夠哂creamy，又有好多蟹肉同龍蝦肉呢個就係比平時既卡邦尼多左蒜香味，仲有好多蟹肉添咁鍾意食辣既我緊係要叫返個香辣意粉，一黎到就見到大量蒜片鋪左係面啦，意粉炒得乾身，吸哂d蒜味當然個意粉都幾辣，正！呢個飯係即時係你面前炒，原本有隻太陽蛋、蕃茄莎莎同埋來自澳洲既牛肉放係鐵板上，侍應就將佢地大兜亂，炒呀炒，完成左個美味既炒飯食完咁多辣野，又點可以唔飲返杯

依間餐廳之前聽過傳媒介紹，係新派韓式混合西式既餐廳，仲特別以蒜頭作食材，於是同朋友一齊去試，果然樣樣蒜好食有驚喜佢真係差唔多每道菜都有蒜我地點好菜後就先食細細碟既小食先依細細碟酸瓜出奇地好食比出面餐廳提供既相對無咁酸，仲帶點點回甘既甜，十分醒胃青口我都較少食，見依味青口係餐廳推介黎，就試一試總共有差唔多十幾廿隻青口，粒粒大小適中，乾淨爽口，點埋佢既蒜香忌廉汁一齊食真係很不錯佢附送幾塊法包，點汁連青口一齊食味道好夾，又提供多一種食法依間係韓式西餐廳，我就叫左卡邦尼意粉睇一睇佢功架如何一上枱就覺得賣相唔錯，都幾足料咁意粉質地岩岩好，唔會太軟或太硬，個醬汁屬於傑身一啲，整體食落好creamy ，味道幾好依味鐵板牛係餐廳既大熱推介扒上放落炸好既蒜片，堆到成座山咁好有氣勢佢有三款牛扒選擇，我地就揀左最平果隻黎試，味道已經很不錯牛味香濃，肉質亦算鮮嫩，唔洗點汁都已經夠入味配埋啲炸蒜一齊食口感更佳韓國既豬肉一向都幾出名，雖然唔知佢來貨係咪來自韓國，但見佢依味餡角好有特色咁，就叫左個黎試豬腩肉俾夠三大塊雖然有少少肥，但比例唔算多，油脂味配爽口既肉質係食豬腩肉既重點餡角雖然只得一個，但好大塊，夠兩個人食