玄鮨 (Closed)

玄鮨是一間高级日本餐廳，位於銅鑼灣利園附近；過往幾年還連獲米芝蓮獎項，認真唔簡單。今次有幸在股票市場裏執到些微利潤，便和老公豪一豪試下。服務員有禮地招呼我們坐下，隨卽斟上熱茶和餐牌。細看下我們選擇了兩個午市套餐。前菜(矮瓜煮)Steam egg custard茶碗蒸時間控掣得宜，非常嫩滑；蛋味香濃，內裏用料十足有菇和蜆肉。三色丼(Sea Urchin, Salmon Roe and Minced Prime Tuna on Vinegar rice)三色丼有海膽、吞拿魚茸和魚籽三種材料，合拼埋顏色搶眼；再配合埋壽司飯，食得滿足。吞拿魚茸加上幼葱絲，令原本質感軟綿綿的 tuna 口感豐富不少；清香爽脆。海膽入囗卽溶，三文魚籽大大粒，晶瑩爆口；味濃。Hot & Cold Udon or Soba 烏冬或蕎麥麵我揀選左熱湯蕎麥麵，因這類食物廣東人不太習慣凍食。以昆布淆湯本來是清甜味美，但今次畧為遜色因太咸。蕎麥麵口感唔錯是健康食品。最后以開心果雪糕夾餅來完結整頓豐富味美的午餐。

老闆今日請食飯 !!!!餐廳是是連續好4年獲得米之蓮推介的餐廳，很幸運又能再一次嘗試師傅的好手藝。我地叫左一個 三色丼和Deluxe Chirashi Set，點餐完成後後店員立刻遞上熱毛巾，熱茶和小食，服務細心。Deluxe Chirashi Set：配料名貴豐富！裏面包括：海膽、吞拿魚腩、牡丹蝦油甘魚、海膽、池魚、三文魚籽等等的刺身，簡直是完全能滿足我各方面的願望。池魚清甜，吞拿魚腩肥美！三文魚籽鮮味十足， 鹹香味夠濃。三色丼：裏面有海膽、吞拿魚腩蓉和三文魚籽，海膽好鮮甜creamy！吞拿魚腩蓉幼細香滑魚脂很豐富，配上珍珠米不會感覺太膩，而三文魚籽粒粒都晶瑩剔透，海水鮮味很重。三色丼還有跟蕎麥麵！夏天熱辣辣，能吃上一口冰冷的蕎麥麵真的很爽。最後還有甜品/咖啡，  我喜歡吃雪糕，所以選擇了甜品， 這一餐真的令人好滿足！

玄鮨位於銅鑼灣Cubus七樓，環境寬敞寧靜，帶高級感。入座後店員隨即送上熱茶，毛巾，以及餐巾，並介紹菜單。和男友分別點了三色丼和特上ちらし(Deluxe Chirashi)。店員先送上前菜-白身魚南蠻漬。白身魚酸酸甜甜，味道清爽。套餐附上的茶碗蒸口感香滑，雞蛋和上湯的比例簡直完美。配料中的白果和百合味道清甜，很有驚喜。特上ちらし(Deluxe Chirashi)附送味噌湯。這裏的味噌湯少了「死鹹」，多了一份魚介類的鮮甜。三色丼表面鋪滿海膽、三文魚籽，以及拖羅蓉。海膽十分新鮮，入口鮮甜之餘又毫無腥味。三文魚籽晶瑩飽滿，味道鹹香。拖羅蓉油脂感豐富，無筋，而且入口即溶，下飯一流。三色丼附送（冷/熱）烏冬/蕎麥麵。我們選了冷蕎麥麵，因為冷麵簡直是「夏の風物詩」呢。Deluxe Chirashi比起平時吃到的Chirashi更具豪華感，色彩更豐富。刺身新鮮，拖羅入口即溶，牡丹蝦鮮甜，赤貝亦是甘甜爽口。若果想多嚐數款刺身，Deluxe Chirashi會是更好選擇。最後每人可選熱咖啡或雪糕，我當然選了雪糕。本來以為是簡單雪糕球，想不到竟有兩塊口感像和菓子「最中」(もなか)的夾餅。這確實是小小的驚喜

今日老母忽然豁達，帶我去左位於銅鑼灣Cubus 7樓既玄鮨。上網睇先知道餐廳連續五年獲得米芝蓮推介，今次真係大開眼界。連筷子都印咗餐廳嘅名字，果然米之蓮餐廳對任何事情都係一絲不苟。Lunch Set 總共有十款，我點既係Sashimi Lunch，母親揀左三色丼。三色丼套餐包埋茶碗蒸，入面好足料，至少有三粒蜆肉、菇、白果同豬肉，口感順滑。三色丼既三色指既係海膽、三文魚籽同吞拿魚蓉。海膽有兩排左右，入口即融，濃厚鮮味慢慢喺口腔散發，超幸福。三文魚籽超大粒同鮮甜。吞拿魚蓉特別幼細香滑，軟綿綿的口感真係難以抗拒。至於sashimi lunch 一開始會有兩款迷你前菜。牛蒡絲少少辣幾爽口。我既Sashimi Lunch終於嚟啦！ 中間厚切肥美既拖羅當然最搶眼，入口即化。其他刺身亦不容忽視，例如象拔蚌、吞拿魚等等，全部都非常新鮮。多款刺身猶如構成一幅畫，非常和諧。三色丼套餐仲有冷蕎麥麵。蕎麥麵嘅顏色特別深綠，充滿韌勁。最後就係䄂子雪糕，感覺好清新，質感出色。對我而言，今次可謂deluxe嘅體驗，希望將來能夠有能力請返老母！

同朋友今日lunch去左開平道1號Cubus 7樓玄鮨由於12點鐘已經去到，餐廳開始有一兩枱客入座，眼見餐廳環境好闊落同舒服就算lunch set都有10款可以揀，侍應話頭4款都係餐廳推介既set，所以同朋友都分別揀左2同4試下呢間米芝蓮餐廳有幾好味～ 刺身定食lunch set - $330定食包前菜、白飯、麵豉湯同煮物，非常豐富！刺身種類都唔欺場，總共有7款，包括拖羅、活北寄貝、油甘魚等等～如果鐘意海膽就建議揀特上lunch set，除左有海膽亦會有茶碗蒸拖羅入口完全感受到油脂平均分佈，散發出魚甘香味，而活北寄貝亦鮮甜爽口，總括所有食材都好新鮮！ 三色丼 - $420三色丼lunch set有前菜、茶碗蒸同埋烏冬或Soba二選一而丼飯就由海膽、三文魚籽、拖羅蓉配上醋飯組成，海膽都差唔多有1/6板而味道亦夠鮮甜，拖羅蓉配上醋飯亦係一絕～食完丼飯已經忘記左一早揀好既Soba～侍應等完成丼飯再上菜午餐包咖啡或甜品，是日有黑芝麻雪糕，為整個午餐畫上完美句號雖然整體午市價位不低，但以餐廳環境同埋食物質素，絕對有興趣再黎試晚市既Omakse～

又到復活節嘅最後一日，成個假期都冇乜做過啲乜嘢，係最後一日梗係要食返一餐好嘅為呢個假期寫上完美嘅句號。於是乎我同女朋友就嚟咗呢間銅鑼灣米之蓮餐廳食午餐。一坐低就送上熱香麥茶，等我哋可以慢慢揀嘢食。前菜係芝麻牛膀，有淡淡醬油香味，爽甜開胃。我同女朋友都不約而同揀咗三色丼，即係有海膽、三文魚子、香葱吞拿魚蓉。呢個三色丼大大碗，三樣餸個份量一啲都唔小，完全鋪滿晒成個碗面。海膽帶有微微海水味，極度新鮮甜美，食起嚟一啲腥味都唔會有。三文魚子大大粒，咬破表皮之後，裏面嘅汗液非常鮮甜。香蔥配上吞拿魚蓉亦都係一個絕妙嘅配搭，香蔥充分突顯左吞拿魚嘅鮮味。而飯入邊亦都加咗少少醋，令人很醒胃。飯裹邊仲夾雜左少少甜腐皮，醃製過的菇片，成個飯絕對係百分百美味。燉蛋中有柚子皮，取其香味，仲有豬肉、蜆肉、冬菇等等，配合咁多種材料嘅鮮味，燉出嚟蛋滑美味。食完個大碗當飯之後，仲有一個冰凍soba。蕎麥麵夠冰凍，完全能夠refresh到味蕾。最後有自家製水信玄餅作甜品，水原餅裏邊有金箔，為呢個甜品添上幾分貴氣。呢一餐真係101分，好期待下次再嚟呢度食。

上次去完28樓，估唔到咁快又嚟cubus，上次因為朋友攞漏嘢俾我，所以要再去搵佢，所以約佢食個午餐這裏的陳設好grand，bar枱有師父席前顯技很pro而且原本連續四年打入米芝連推介餐廳我坐低等左佢一陣，佢話突然有急事，應該食唔到午餐，所以我只好自己食，睇左個menu後，我決定要三色丼落order後，先送上前菜，是芽菜漬物很香麻油味，少辣另外有一點我好欣賞，就是他們的茶用焙茶三色丼的三色是海膽，三文魚子和拖羅蓉丼內有半板多嘅馬糞海膽，非常鮮甜，令我這海膽痴如痴如醉三文魚子非常脆口，每粒爆出鮮味在口中，愈大啖令鮮味同爆烈好強勁拖羅蓉非常肥美，油份比一般地方的吞拿魚蓉重好多好多，所以充滿油香三色刺身混雜在口中，口感豐富，令我感到好滿足餐可揀凍或熱食的烏冬/蕎麥麵，而我揀左凍蕎麥麵個蕎麥麵真係極品，蕎麥味重之餘，仲非常煙韌，因為蕎麥麵要做到有咬口其實不易茶碗蒸內有鳴門卷，白果同蜆肉甜品係抹茶布甸，好細滑，抹茶粉完全溶透，同奶係完美嘅融合

踏入生日週...要搵d好野食獎勵自己努力辛勤咗一年，要同自己講聲多謝😄 Cubus全棟大廈嘅餐廳感覺都比較高檔，一路都知玄鮨嘅Lunch Set性價比高，所以今日就約埋男朋友黎拍拖撐枱腳🤘🏻一人嗌咗個三色丼唔洗爭🙂 *前菜、配菜、主菜、甜點* 就好似去咗日本旅行咁，每一個細節都做得一絲不苟。三色丼🥨 ->有海膽、三文魚籽、香葱呑拿魚碎。閉上眼先呷一口海膽，味道濃郁，填滿口腔內每一個味蕾🦠 三文魚籽有食緊爆珠嘅感覺，輕輕一咬，鮮味十足！好多人以為香葱呑拿魚係下㰙貨，將d頭頭尾尾切碎而成。其他食店唔敢講，但玄鮨就絕對對得住個招牌同價錢。食落去油份充足，每一啖都滿滿幸福感🥰以為已經完結？原來仲有蕎麥麵！傳統日式食法。麵條夠凍夠爽身已經加分不少，配埋香葱同秘制醬汁一齊食，真係食到𠽌𠽌𠽌☺️正呀！再以香濃嘅黑芝麻雪糕作結，真係驚嘆難怪連續多年獲得米芝蓮推介啦！成個用餐體驗都令人覺得好享受，雖然話係Lunch set, 但兩個人都接近成千蚊食個Lunch嫁喇，不過久不久豪一次，再加上一個近乎完美嘅用餐享受，乜都值嘅！