蒙麵

Open Now

Now Closed

知道｛蒙麵｝至少要等1個鐘先有得食，為咗減少輪侯時間，我哋喺鋪頭開之前半個鐘就到達排隊🚶🏼‍♀️🚶🏻🚶🏻‍♂️開店前排隊嘅人唔算多，所以可以第一輪就入座，唔洗等1個鐘咁耐🥹鋪頭小小，每碗麵同小食都係逐一製作，非常之用心❤️亦都因為咁，需要用更多嘅時間等候，想食就要俾耐性⌛️✴️新鮮花甲蕃茄薯仔湯銀針粉✴️❤️❤️好鐘意依個湯！一定落咗好多蕃茄，煲咗好耐先會有依個味道同濃度，而且仲有大大嚿薯仔，飲湯都飽😍花甲份量好多，脹卜卜夠哂甜，邊食邊感到好幸福☺️✴️韭菜餃蝴蝶腩香菇貢丸河粉✴️同樣湯底🍅🍅韭菜餃皮十分之薄，餡料豐富，推薦👍🏻✴️辣味魷魚✴️唔食得辣嘅人真係要斟酌，因為呢個辣味好刺激💥我要等到最後食晒碗麵，再用蕃茄湯洗一洗先至食到😂✴️糖心滷蛋✴️偏鹹，但滷蛋嘅時間剛剛好，呢種流心蛋黃真係好吸引🧚‍♀️✴️蜜汁叉燒串✴️調味都幾濃，叉燒比較乾同難以從竹簽中扯出～無想像中咁好食，試過一次就算🙈

店主好有性格 1點先開門🥸 我1245去到已經排緊隊🚶🏻‍♀️🚶🏻🚶🏻‍♂️🚶🏻‍♀️究竟值唔值得排隊呢? 佢又串唔串得起呢?😎▪️自選車仔麵 (三餸起) 1️⃣🥢麵底🥢 必點招牌既蒙麵😎 蒙麵其實係Q彈版烏冬, 煙煙韌韌, 幾得意, 可以一試🤣2️⃣🍲湯底🍲 免費湯底係滷水湯底, 好清甜😋想滋味D既話可以加$12轉蕃茄薯仔湯底🍅 好有屋企既味道, 好濃, 真材實料, 仲有蕃茄蓉係度添😍正👍🏻3️⃣🥟餸🥟新鮮花甲($33): 份量都算多, 而且鮮甜😋溏心蛋 ($13): 用鴨蛋, 所以大粒D, 醬汁微甜, 唔錯😉韭菜餃 ($12): 勁大粒!!成舊都係菜, 無肉, 但好香🤣其他滷水既餸都好入味, 除左牛腩有D肥之外😮▪️招牌蜜汁叉燒串 ($26) ‼️必點‼️佢由好耐以前既$6一串, 加到而家$26一串, 幾鬼串‼️😎不過我都覺得佢真心串得起🤣🤣👍🏻👍🏻串燒即叫即燒, 燒到好焦香🔥蜜汁唔會過甜 而且好入味😋半肥瘦既叉燒食落唔覺得好肥, 而且比我想像中大舊, 超正🤩🤩‼️車仔麵來講真係唔錯, 絕對唔係求其一碗拿渣麵咁🤣加上佢個叉燒又真係好鬼正, 所以真係串得起😎👍🏻評分: ⭐️⭐️⭐️⭐️

紅磡人氣車仔麵小店招牌蜜汁叉燒串 $44/2串即叫即燒 燒至外面微焦脆叉燒醬汁再加蜜汁味道好惹味 加上炭燒的香味味道係幾唔錯 但略嫌肉質較為乾同實如果用上梅頭肉應該可以juicy啲不過咁厚切咁多粒 咁的價錢絕對收貨！特濃蕃茄薯仔湯(+$12)蕃茄湯底好有住家蕃茄薯仔湯的感覺有鮮蕃茄又多薯仔再加香辣菜甫 辣辣地更正配餸方面選了滷水豆腐($8)、五香牛筋($12)、蘿蔔($7)全部都夠入味份量足 唔食麵亦可揀菜底($15)另外再叫左個香草烤雞翼($23/3隻)都好食

門口永遠都有一條長長嘅人龍，但店舖內嘅座位的確係好少，只有兩三張枱，但食完覺得的確係高質嘅車仔麵。排隊嘅時候可以睇吓老闆貼喺場上面嘅告示，雖然囂張，但就顯示出老闆對自己嘅出品好有信心。叫咗蕃茄薯仔湯底，轉做蒙麵。蒙麵嘅質感其實好似烏冬，但又再滑啲，又有少少煙韌，都可以一試。湯底好飲，配料叫咗牛肚，亦都係正常發揮。另外仲叫咗蜜汁叉燒串，同我哋平時食開嘅叉燒唔一樣，並唔係切開一塊塊，而係一粒粒，好淋燒得好香，但味道就似金沙骨，有啲似平時BBQ嘅醃料。老闆由湯底到配料都用心製作，下次會再去試吓其他餸菜。