蒙麵

Open Now

Now Closed

門口永遠都有一條長長嘅人龍，但店舖內嘅座位的確係好少，只有兩三張枱，但食完覺得的確係高質嘅車仔麵。排隊嘅時候可以睇吓老闆貼喺場上面嘅告示，雖然囂張，但就顯示出老闆對自己嘅出品好有信心。叫咗蕃茄薯仔湯底，轉做蒙麵。蒙麵嘅質感其實好似烏冬，但又再滑啲，又有少少煙韌，都可以一試。湯底好飲，配料叫咗牛肚，亦都係正常發揮。另外仲叫咗蜜汁叉燒串，同我哋平時食開嘅叉燒唔一樣，並唔係切開一塊塊，而係一粒粒，好淋燒得好香，但味道就似金沙骨，有啲似平時BBQ嘅醃料。老闆由湯底到配料都用心製作，下次會再去試吓其他餸菜。