龍門冰室 (Closed)

今晚想食平d，但又想飽d，於是去左港人之選 - 龍門餐廳！😂我order 左個餐包括3.6特濃牛乳芝士流心玉子燒(香辣肉醬)、沙爹牛肉辛辣麵、奶醬多、奶茶紅豆冰，跟餐仲送羅宋湯！嘩，一次過滿足哂口癮！我最喜愛既元素個餐都有齊！正！我尤其鍾意個芝士流心玉子燒，好滑，又有蛋香，加埋辣辣地既肉醬好惹味😋男友就order左星級雜扒餐，有牛扒、雞扒、英式腸、煙三文魚、炸帶子，d醬冧上去仲會熱到”zaza”聲，正啊！😋佢都一樣飲奶茶紅豆冰！作為紅豆控既我，當然會食哂d紅豆！😋又甜又夠冧，好味！配合奶茶，意念夠新鮮！👍🏻我地另外仲叫左小食蜜糖雞翼同黑松露醬薯條！我真係好鐘意食黑松露醬，再加上薯條又大條又脆，不知不覺間我差不多食哂成兜🙊🙊🙊我地2個食完都捧住個肚行出餐廳，哈哈！

"龍門冰室"相信是真香港人必定聽過的人氣茶餐廳，除左我知道是良心小店外，也聽朋友說這裡的食物抵食夾大件之外質素仲好好!坊間評語如此高的一間餐廳，當然會出現排人龍情況啦！常常經過銅鑼灣這間都一定有人排隊，今晚見唔使排隊，即刻同老公去試試佢!6點多進去，已經坐滿8成，我覺得很出奇，想不到呢個時期都咁多人黎幫襯，想必一定唔會差得去邊!我和老公都點了美式鐵板餐一個是紐西蘭羊架拼香草腸配黑椒汁 $110餐來到非常大份，我選了薯菜，羊架不韌，不羶連帶點脂肪，很香，食完兩舊都不會太漏，配黑椒汁很夾!香草腸不是便宜貨!很美式!好食!薯條都很香脆，一食就知新鮮炸!好味餐還包括了餐湯和飲品，+$3轉凍飲餐湯是我最喜愛的白湯，飲落creamy夠熱!飲品選了凍鮮奶咖啡，好香咖啡味，絕對不是就咁沖咖啡粉個啲!抵讚另一份點了至尊海鮮(青口，蝦球，帶子，龍脷柳x 2)配 龍蝦汁 $105 由於我們都不吃青口，為免浪費所以走青口同樣選了薯菜，走了青口份量都依然咁多，比羊架餐還要多!帶子和蝦球都爽口彈牙，沒有雪藏味!龍脷柳鬆脆不油!配龍蝦汁都很夾，雖然好大份，但我地都食清光，因為太好食了!這個餐配了奶茶紅豆冰 +$9很

最近武漢病毒肆虐香港，搞到少左人出街食飯，連平時大排長龍ge龍門冰室都唔洗排隊，咁岩今晚太夜收工，屋企無飯食，就同朋友去支持下啦。餐牌都幾多選擇，小食、常餐、粉麵飯、鐵板都有，飲品仲有特色咖啡添。雞翼新鮮出爐熱辣辣，表面淋上蜜糖，皮香肉嫩幾滋味。雖然叫玉子燒，但其實似港式奄列，配芝士吞拿魚都係第一次試，幾足料濃厚。吉烈蝦唔算油膩，夠熱。燒汁撈丁又係第一次試，燒汁本身味濃，撈埋都唔錯。韓式泡菜鐵板珍珠飯其實同鐵板配飯差唔多，不同之處就係用上朋友鍾意嘅泡菜同珍珠米，再配埋龍蝦汁，朋友嘅配搭真係幾新奇，但食落又出奇地唔錯喎。鐵板西冷大大塊，雖然冇得揀幾多成熟，但煮出黎又唔會全熟咬唔開，牛味尚可，好彩有香而不膩嘅黑椒汁搭夠，香草腸大大條非常香，薯條亦都夠脆，唔會腍晒。奶茶紅豆冰呢個組合之前係第二度試過，但飲落得奶味，而龍門呢杯就保留到茶香，同紅豆幾夾，但甜左啲，下次要叫少甜先。咖啡同朱古力味道雖平衡，但整體較淡。估唔到係冰室飲到Green Tea Latte，雖然奶泡唔多綿滑，但茶味同奶味配合得幾好，好飲。

/龍門冰室💛🇭🇰/➖➖➖相信大部分人都一定知道呢間店💛有幾次都想去龍門冰室 但每次都大排長龍 今次經過見到唔算好多人 終於有機會食🤤整體來講食物質素不俗 上菜速度好快但我個位近冷氣風口 食物好快就凍晒定價正常 揾機會食埋常餐👍🏻➖➖➖1️⃣蜜糖雞翼 $45/5pcs 外皮頗香脆 仲有黑芝麻粒增添口感肉質鮮嫩 會食到蜜糖嘅甘甜 唔會過甜➖➖➖分數:8/10 ➖➖➖2️⃣芝士焗西蘭花🥦 $35 本身有諗過食薯條 熱氣就食多啲蔬菜大約六至七件 芝士微拉絲～都幾多汁 唔會好乾 面頭有焗過嘅芝士有陣香氣 但芝士味可以更突出🙈➖➖➖分數: 7.2/10 ➖➖➖3️⃣流心奄列餐 $60 配雞扒、茄汁同意粉朋友叫左呢個份量比我想像中大份 幾足料 🤤面頭係蛋奄列舖面 有啲似炒蛋稍為覺得番茄汁蓋過蛋香味底部就係雞扒同意粉可能凍左嘅關係 流心效果唔算明顯～意粉韌度適中 份量會多過鐵板嗰份配茄汁感覺酸酸地 幾開胃🤤雞扒肉質鮮嫩👍🏻👍🏻➖➖➖分數:7.1/10 ➖➖➖4️⃣黑椒香蒜牛扒拼炸蝦 $95据扒抵食之選🤓🤓揀左黑椒汁配意粉 仲有餐湯牛扒大約七成熟 肉質較韌 帶筋食得出無加tenderiser～第一啖係會食到有蒜味 黑

琴晚先落機，不過今朝睇新聞見佢俾人打爆哂啲玻璃，即刻要去懲罰吓佢。7pm 左右去到已經好多人，排咗一個鐘左右，仲keep 住有人排隊，大家真係好有心呀! 香港人加油! 鮮茄焗豬扒飯 📍$56上枱嘅時候勁熱，睇住啲鮮茄醬卜卜，卜卜咁燒住，好治癒 😁 豬扒肉質好淋，仲用新鮮番茄做醬汁架蔥油雞扒炒蛋飯 📍$55雞扒好淋好夠味好大舊 😋 入面又唔會乾身，仲有例湯送。不過今晚係忌廉湯，希望下次可以飲到佢個羅宋湯啦蜜糖雞翼 📍$45份量好足，有成6隻雞翼。雞翼脹卜卜，外層又甜甜地，蜜糖味好夠，入面嘅肉汁仲keep 得好好

今晚放工同朋友去銅鑼灣行下街，平時食開商場入面啲餐廳，今日想試下街舖。行到登龍街搵食，因為知道呢頭多美食。不過由於我哋諗住食完繼續行街，所以揀咗間茶餐廳快食。 餐廳牌面寫住龍門冰室四隻字，好顯眼。入到去啱啱有座位，坐得算寬敞。 見到餐牌食物慨款式都幾多，唔單止中式，西式都有，另外仲有小食慨選擇。 鐵板升級雜扒 (⭐⭐⭐⭐⭐) 我哋揀咗鐵板升級雜扒，可以揀配飯或意粉，另外揀揀咗燒汁。雜扒餐分量都幾大，對於大食慨人嚟講非常爽 。幾喜歡配什扒嗰個吉列帶子，脆炸既外皮香口。 隨餐附有餐湯，成個餐夾埋約一百一十蚊。韓式鐵鍋珍珠飯 (⭐⭐⭐⭐⭐)另外我哋點咗韓式鐵鍋珍珠飯，配吉列魚柳，揀咗黑椒汁。渠有脆雞翼，飯慨份量好多，用料算幾用心，有韓式泡菜、西蘭花、粟米、蕃茄，感覺都幾健康。芝士肉醬焗薯條 (⭐⭐⭐⭐💢)鍾意食薯條就梗㗎啦，考慮到健康揀咗焗薯條而唔係炸薯條，所以有啲林。但係有好香慨肉醬同薯仔味，芝士味就相對冇咁出。蜜糖雞翼 (⭐⭐⭐⭐⭐)全餐最正系蜜糖雞翼，一共有五六件。雞翼永遠都係我慨至愛，蜜糖加埋個外皮口感一流。野飲方面，點左凍好立克同埋凍奶茶，全餐埋單唔使300蚊，超級飽。~~~~~~

Happy Friday Night有咩好做？梗係去銅鑼灣行下街食下飯☺️自從上次係百樂中心覓食完之後，發現原來時代廣場後面一帶都有好多好野食😋臨近月尾，洗得七七八八，就入一間唔算貴嘅冰室食飯啦！龍門冰室嘅野食好多元化，當然唔小得平時係冰室必備嘅鐵板、西式小食等等今晚係鋸扒夜，我同朋友一人叫一個扒share嚟食我嗌咗龍蝦汁配西冷扒，龍蝦汁好有鮮味，不過其實唔洗點汁本身塊扒都有味，而且分量夠曬大，啱曬我呢啲食肉獸😋朋友就點咗羊架，羊架雖然肉質好淋，不過份量就同我個西冷扒差天共地啦🙈，肉比較少，唔夠喉呀😟朋友點嘅呢杯菠蘿冰就非常足料，半杯係菠蘿，另一半就係糖水加冰，非常解渴我點嘅呢杯龍鳳可樂非常有誠意，有3大片檸檬同半個醃咗嘅青檸，食完咁多熱氣野，飲翻啖喉嚨瞬間舒服曬😌另外，餐廳做緊推廣，每人食滿$70即可加$20任食雞翼，共有三款：蜜糖、土匪、椒鹽，唔洗驚食唔飽呀！題外話，其中一樣最令我印象深刻嘅係佢嘅玉子燒，恕我見識少，我真係第一次見冰室/茶餐廳有玉子燒食，真係好驚訝，無諗過玉子燒都可以當正餐食🙀下次要叫嚟試下先

銅鑼灣登龍街一向有唔少貴價餐廳, 臨近糧尾豈不是要止步?! 行經發現一間港式茶餐廳, 門外看看Menu, 價錢相對唔貴, 而且冇加一。見入面環境整潔, 就入去一試!呢間茶餐廳原來都有鐵板餐供應, 對於喜歡食扒餐既我當然要一試!【星級雜扒】HK$110 (配餐湯+餐飲)是日餐湯為薯仔湯, 薯仔打成蓉, 入口很滑, 甜甜地雜扒非常豐富, 包括有西冷扒、雞扒、英式腸、煙三文魚、炸帶子, 自選配薯菜+左黑椒汁,鐵板熱辣辣上檯, 自行淋上黑椒汁, 個汁偏杰, 當淋上汁時, 散發出香噴噴~西冷扒好大件, 質地唔算得上嫩, 有咬口雞扒幾嫩滑, 雞肉脆皮腸皮脆, 入面帶少少鹹, 煙三文魚大大塊, 炸帶子香脆,  薯條份量好多, 夠哂飽!!【奶茶紅豆冰】茶味唔太突出, 紅豆很林, 整體甜度剛剛好【芝士煙肉焗薯皮】HK$45芝士唔係拉絲個種, 而係有淡淡奶味既芝士鹹香, 薯皮原來係薯仔切成一片片, 保留外皮, 薯仔好林, 索左個芝士汁, 都幾正!【蜜糖雞翼】HK$45雞翼脤卜卜, 表面唔算多蜜糖, 但內裡keep到juicy肉汁【鮮茄汁配肉醬意粉】HK$56茄汁酸度剛好, 好開胃, 碎肉份量適中, 整個意

前兩日出銅鑼灣睇戲，睇戲前快快食個晚餐，見到登龍街呢間新開嘅茶餐廳都幾多款嘢食，咁就試下啦！啲餐單真係好多款式，中日韓，甚至英式食物都有。上Openrice 見好多人推介英式早餐同埋玉子燒，咁我同男朋友就一人叫一款傳統英式早餐同埋日式玉子燒餐。傳統英式早餐超級豐富，個餐包咗羅宋湯同沙律！除咗有炒滑蛋，德國腸，煙三文魚同煙肉，仲有大蘑菇，多士，薯餅同焗豆！樣樣食物都唔錯！最推介嘅係大蘑菇，超多汁！個薯餅都好有驚喜，外面炸到脆卜卜，好香口！日式玉子燒雖然外貌同張相有少少出入，但食落都幾特別，係港日fusion，我揀咗鹹牛肉芝士玉子燒，鹹鹹嘅牛肉配埋芝士同玉子，味道出乎意料咁夾！個撈丁都唔錯，個豉油汁幾好味，應該係瑞士汁雞翼啲汁！我哋另外仲叫咗個小食，大推蜜糖雞翼！雞翼煎到好香口，調味有啲似土匪雞翼加蜜糖，好惹味！因為天氣好熱，所以男朋友叫咗鹹檸七，鹹鹹甜甜好開胃！龍門冰室雖然價錢中上，但都好多款式，待應熱好友善，下次嚟登龍街除咗食拉麵，都可以試吓呢間！

今天放工和老公到銅鑼灣逛街，銅鑼灣大部分都是偏貴又人多，經過登龍街看到這間冰室價錢相宜餐牌又多選擇，便決定試一試我們點了一個鐵板餐和撈丁餐周打魚湯 - 鐵板餐的餐湯，熱辣辣的，餐湯多菜粒而清淡，十分適合餐前喝燒汁紐西蘭羊架拼香草腸配薯菜 - 店員主動幫我們倒醬汁，服務加分羊架啖啖肉而不有羶味！香草腸帶有微微香草味，十分特別，而且份量多，十分抵食！看到餐牌叫了鐵板餐只需加$20便可任食雞翼！雖然已很飽但不叫真的對不起自己我們只叫了我們最愛的蜜糖雞翼蜜糖雞翼 - 熱辣辣的，雞翼肉質香嫩又帶微甜的蜜糖味，真是令我吃不停口！瑞士汁雞髀撈丁 - 雞脾啖啖肉而且肉質很滑！再配上微甜的瑞士汁撈出前一丁，是我的最愛餐飲點了熱檸蜜和凍朱古力，是茶餐廳必點！在銅鑼灣都可以找到抵食而且份量多的餐廳，下次真的可以再來！