陳漢記 (Closed)

雖然大埔陳漢記的第一明星食物是煲仔飯，尤其是白蟮作主打的更是出名，但一來晚上多人排隊吃，二來吃煲仔飯還是要講時令，非秋冬吃滋味總是遜了一籌，因此夏天來此店的話，蝦腸便是我的心頭好。雖然近期大埔開始有人整皺皮腸，但廣東那表面平滑的手拉腸仍是絕對的主流。而此店的手拉腸絕對是新界，甚至全港來計也是極品。手拉腸最重要的是米漿要有米香味，粉皮絕對要薄才能算優質。現時去酒樓看見那些粗製濫造之作，層皮厚得像綿胎便倒胃。昔日廣州西關大少們就是要吃皮薄如絲的腸粉，好方便吸索汁醬豉油也。陳漢記的腸粉便合符有米香皮夠薄的大原則。我最愛兼每次必點的便是蝦腸，皮薄晶瑩，裏面的蝦清楚透現出來，看著已覺靚，吃多少次都唔會厭。雖然蝦本身唔算大隻，但總算品質唔錯，至少唔會軟軟的，仍具一定彈性。其實以前也喜歡此店的叉燒腸，但有時倒覺得其叉燒落得多得滯，搶了薄腸粉皮的風味也。至於陳漢記的牛腩麵得我心，是因為與我兒時在荃灣吃開的陳漢記有關，有童年回憶也。雖然荃灣陳漢記已結業多年，但原來大埔陳漢記與前者有親戚關係，因此牛腩牛雜味道一脈相承呢。平心而論，此店的牛腩同呢區的神級店群記相比遜了一籌，但仍滷得相當不俗夠味，軟硬度適中，

大埔友推介，於是一日兩餐陳漢記。先是下午茶，1100-1700有粥餐供應，$29多款粥選擇，選了肉丸粥，加$11-12可配腸粉，選了散叫要$22的蝦腸，平不少。粥棉厚身，像以前酒樓吃到的粥的味道，不用加鹽或胡椒粉都好夠味。薑蔥味濃。六七粒肉丸，很足料，肉丸新鮮，口味清淡，沒有味精，食完完全不會口乾。腸粉透薄，爽身不黏筷子不黏牙，個人喜歡的質感。蝦爽口彈牙不加味精。精髓是那微甜的豉油，調味得宜，令人欲罷不能。晚上再安哥，大埔友話識食一定食豬潤腸($26)。豬潤切成幼絲，一點都不鞋，內臟味濃，比維記豬潤麵更能把豬潤的吸引力發揮得淋漓盡致，愛潤者必試。大埔友叫我比較這裡與廟街的煲仔飯，廟街我只吃過興記，每次食完都有點失落感，料少飯焦也過燶。這裡的飯還保有濕潤感，粒粒分明，有米香。和吃腸粉一樣，豉油同樣是食煲仔飯的精髓。完美地為每粒飯粒上色而味道並不霸道，輕盈少油。排骨切成小塊，伴飯能一羹同時吃到肉跟飯。雙腸蒸得剛好，軟硬適中，臘腸一咬下去噴油，很滿足。飯焦雖不及利苑那麼完美（價錢是這裡的三倍），但還算香口。厲害之處是煲底完全無油，而飯焦一粒都沒有黏煲。雖然這裡是茶餐廳格局，但服務非常好，很有

星期日入到大埔當然要去永遠人來人往的陳漢記食個lunch喇。呢到總是每次到大埔的必吃！ 蝦腸即叫即做，足料又新鮮,腸粉皮又薄又滑。牛坑腩略嫌份量少了，但依舊入口即溶，再配上濃郁既腩汁湯底非常正！

成日來大埔做FACIAL, 都會經過, 只係以為一間唔起眼的茶餐廳, 點知前排電視介紹, 又聽到住大埔的親戚常提起~我都忍唔住, 夾啱有次做完FACIAL來嘗嘗~下次可再揀其他餐試試~果然粥底好味, 好綿好滑, 唔會太鹹, 讚~ 不過滑牛就韌韌地, 要o趙多幾口才吞到, 至於牛味呢.....就冇乜LU~滑滑蝦腸真夠滑~ YUMMY! YUMMY!!腸粉真係超滑, 蝦超大隻又爽, 正正!! 下次要試下夜晚來, 吃個煲仔飯+豬潤腸~

11月13日, 為慶祝呀菲嘅農歷生日, 今日山長水遠帶佢去到大埔林村許願樹, 在途中先搵個地方醫醫肚~ 知道呢度附近有間出名嘅蒸腸粉, 特登來試一試~ ::: 免牛粥 + 蝦腸 ::: $26免牛粥都算幾好, 好夠熱, 不過應該都係一早煮好, 放d免牛入去嘅啫…免牛真係好碎, 碎到唔能夠搵到一舊完整碎牛, 好似同粥混合咗咁~ 粥底有牛味, 都算綿, 再加埋蔥粒同花生粒, 都幾香口~腸粉係即叫即蒸, 都要等十五分鐘先有~ 不過都係值嘅!! 腸粉皮好夠薄, 精瑩通透嘅皮下可見大大隻嘅鮮蝦~ 一咬落去腸粉皮好香米味, 滑得嚟完全可以一口啜落喉嚨, 而蝦肉爽口之餘亦十分彈牙! 再配上甜甜嘅豉油, 口感味道都好豐富~ 雖然份量唔多, 但已經十分滿足~::: 叉腸 + 凍奶茶 ::: $20 + $2腸粉皮同蝦腸一樣, 都係好夠薄而且一樣咁滑~ 但係叉燒唔靚喇, 雖然料幾多, 但似係隔夜貨, 肉地有d霉咗同好鞋, 同d腸粉唔夾~ 不過d叉燒都幾多~凍奶茶真係幾讚! 無唸過呢度除咗腸粉同粥品出色之餘連d茶記飲品都咁有水準!! 奶同茶比例好好~ 濃郁奶味中又滲出甘澀有致嘅茶味~ 而且口感好thick!

哈~~哈~~食完陳漢記D 腸粉,我依家先知道咩先至係皮薄餡靚既腸粉,怪唔知得相依為命可以一個人食三碟呀,今次係我第一次食,但真係好正,我地叫左2碟豬潤腸同一碟蝦腸,好快我地3個人就KO左D腸粉LU,不過D腸粉真係細碟左D!攪到我地食極都唔夠喉,最終我都係叫多碗蠔豉田雞粥,都未算,仲要整多碟魚皮食TIM 呀,咁先好似岩岩好咋!!!!

一直誤認為大埔的陳漢記,係只開晚市,原來,早上十一點就開門營業.腸紛同粥全天候,有心吃煲仔飯,要到晚市才有.我不是夏天都一定要打邊爐/煲仔飯的火山孝子.來到當然是腸粉搭粥這個組合.陳漢記的腸粉是即拉,要吃就要等.我的蝦腸,外表晶瑩,蝦球在腸粉皮包著之下若隱若現.粉皮有米香,吃落點點煙齦夠實淨,最怕一夾就散,彈到成件衫都係豉油.腸粉得,餡料又如何?蝦球爽口兼很鮮味.果然名不虛傳.花蟹粥賣$24,價錢上就很便宜.一整隻花蟹放在粥內去滾,很難說不鮮甜.此店的粥底偏稀,吃落軟綿綿,中午時段的花蟹,味道也很新鮮.有說此店的水準比年前下跌,我這次是第一次來,也覺得不錯.難道之前真係好到天上有,地下無?