漁吉海鮮丼專門店 (Moved) New Location

.🔻漁吉海鮮丼專門店.好耐冇食過日本野啦，難得放假對自己好d,同埋慶祝香港人成功踏出自由既一少步，大家唔好放棄，要繼續加油！！.🔻黑松玉子鰻魚飯（$188)黑松露味好清香，唔係好重好難聞刺鼻果陣感覺，好岩我呢d 唔係好鐘意咁重香料味既人食，蛋超滑食落好順口，好易爬多2啖飯，鰻魚熱辣辣好大條，食晒d 飯都仲有鰻魚剩😂😂有少少魚油脂食落勁香口🤤🤤正！.🔻蟹王丼 ($238)入面有蟹肉碎，d 蟹玉碎好似mix 埋阻d 蟹膏，好香好濃蟹味😍仲有海膽，蟹籽同魚籽都好新鮮唔腥，仲有一粒玉子仔甜甜地好味。.🔻總結係雖然有少少貴，但呢個價錢絕對係值既，佢d 蟹肉碎多到成隻蟹刮出黎咁濟😱明明tick 阻少飯都好多飯😂😂唔tick 真係食到嘔，男仔都一定夠飽呀！

今次hp為大家推介下漁吉既海鮮丼🤗夜晚6pm開鋪 好快已經座無虛席😯😯未食都估計應該有返咁上下質素😌餐廳主打食丼 款式雖然唔多 但原來貴精不貴多🙂全部都係海鮮類 另外仲有小食提供 啱曬為食客😋.蟹王丼顧名思義梗係食蟹啦🦀睇下張相啲蟹肉多到可以舖到半碗飯😂而且係好厚唔係得薄薄一浸😆賣點係超級多汁 極為新鮮 👍🏻拍得住喺日本食到既級數🇯🇵🎌入口好甜 零腥味 𡁻落夠爽有啲彈牙添🌟三文魚籽好大粒 咬爆左啲汁係勁澎湃咁湧出黎💦💦粒粒晶瑩通透 外皮無渣 魚油味甘香🥰海膽係完全out of expectation地多😱每片都好大片 而且好厚身 餐廳仲輕輕火炙過面層🔥起初都諗會唔會破壞左本身味道😕點知原來入口有少少焦香味道 令到入口感覺更鮮🤩少少苦澀味都無 又甜又滑😛約200蚊一碗其實都算係好抵食 食物質素非常高😎落足料之餘食完係lam lam 脷👅

去親九龍城都係食泰國嘢😌但最近見到呢間日式海鮮丼好多人排隊.而且店舖設計好日式好靚☺️吸引左我.今日就去試吓!食物方面:⚪️蟹王丼對於一個蟹fans.即刻叫左黎試下💁🏻‍♀️黎到見到大半碗都係蟹肉.蟹肉好鮮味.咸咸地撈飯好正!仲有幾舊海膽.好鮮甜配埋蟹肉好滿足.旁邊仲有蟹籽同三文魚籽二種都有.令成碗飯都好有口感.我認為不需要落豉油都好夠味!!⚪️海膽三文魚籽丼海膽相比蟹王丼既海膽更大件.加埋蛋黃撈飯真係停吾到口!再加埋三文魚籽咸味岩岩好!⚪️海膽天婦羅第一次食海膽天婦羅.外脆內軟.但相對上冇直接食海膽咁濃咁鮮甜!⚪️蒲燒鰻魚(半條)鰻魚唔會燒肉太乾.而且好入味🙌🏻建議唔需要再點太多鰻魚汁.驚太濃味可以配埋飯一流👍🏻整體方面:喺九龍城嘅街口好易搵到.食材非常新鮮都好鮮甜.鍾意食蟹嘅絕對不能錯過👍🏻蟹肉係多到成碗飯都撈唔晒.款式種類都比較多👅而且枱面有一碗麵豉湯可以任飲.不過叫左小飯都係好多👀細食嘅女仔記得叫小飯!!

🇯🇵九龍城食魚生飯? 🦀蟹王丼蟹肉多到漏🍣
九龍城唔一定食泰國野 有間足料海鮮丼介紹比大家✨
麵豉湯仲係放係枱面住飲添😍

🦀蟹王丼$238
超超超多蟹肉😍 多到啲飯撈唔哂嘅程度😱
蟹肉食落係有蟹膏味道 一次過咁多蟹肉真係好爽😂
另一半邊係滿滿嘅三文魚籽好新鮮全部都好脆口 唔似啲唔新鮮嘅淋哂👍🏻
另外仲有幾片海膽添 真係好豐富
我覺得蟹肉同三文魚籽本身有咸味
所以唔洗落太多豉油都好夠味
無叫少飯真係飽到一個點 細食嘅女仔記得叫少飯阿！😂😂

🍣漁吉特選丼$188
另外叫咗個貪心嘅乜都有特選丼✌🏻
有三文魚/ 油甘魚/ 星鰻/ 帆立貝/ 左口魚群邊海膽/ 三文魚籽/ 櫻花魷魚/ 赤蝦/ 蟹籽
好多料好滿足阿 最中意星鰻同櫻花魷魚🦑
星鰻無骨好淋入口柔軟味道濃郁✨
櫻花魷魚就出面比較少食到 一條條好滑😋
咬落去好爽脆唔痴牙 加青檸感覺更加清新
🍤海膽天婦羅$88
呢款小食就比較普通 海膽未唔突出
不過都做到好酥脆嘅口感
-📍漁吉海鮮丼專門店 (九龍城)九龍城衙前圍道84號地下A舖
#linggfoodie

九龍城其實唔止得泰國嘢食架！！今次嚟到主打魚生飯嘅【漁吉】，就梗係要試下招牌菜之一嘅【蟹王丼】啦同行朋友就叫咗【漁吉特選丼】，貪佢刺身款式夠多因為太肚餓嘅關係，另外再加多一個【明太子雞翼】【蟹王丼】如果下次再嚟，我一定一定要揀「少飯」因為蟹肉份量十足，目測大概有1cm厚，淨係食蟹肉都飽咗大半啱晒我呢D唔鍾意剝蟹殼嘅懶人蟹肉同飯之間仲舖咗少量蟹子，一啖食落去有唔同口感好得意海膽份量雖然唔多，不過都唔會比蟹肉搶咗風頭，火炙過嘅海膽一夾起已經聞到陣陣香味，一碗飯有多重感受，抵呀【漁吉特選丼】建議食量唔大嘅朋友最好都係要叫「少飯」，因為刺身全部厚切，一定會食唔晒D飯兩舊水都唔使就試到咁多款新鮮刺身，啱晒貪心嘅朋友仔【明太子雞翼】即叫即整，外層炸到脆卜卜，咬開仲出緊煙值得一讚嘅係呢度提供任飲麵豉湯，每張枱都有一壺比客人自斟自飲，要嚟配魚生飯一流呀

餐廳日式的裝潢 牆上一幅手畫漁民捕魚畫主打丼飯 價錢由$108-$238店員會比部ipad可以睇下丼飯的賣相餐廳自家製味噌湯 用保溫壺暖住想飲幾多自己加 好好飲 鮮味蟹王丼 $238松葉蟹肉份量超多!!🤩 舖得好厚啖啖蟹肉 加埋三文魚籽 海膽 超滿足海膽炙燒過 鮮甜creamy 絕對無那種腥味漁吉特選丼 $188三文魚 油甘魚 星鰻 赤蝦 海膽三文魚子 帆立貝 櫻花魷魚 食材豐富 新鮮兩款海鮮丼都有一層蟹籽 增加口感飯的份量頗多 有330g 女仔建議少飯200g#蒜香厚切牛舌 $42落左乾蒜粒 夾埋蔥蒜好香 牛舌爽口 不過略乾

去九龍城大家都淨係記得去食泰國嘢，個到竟然有間專食海鮮丼嘅餐廳。😛 麵豉湯任飲，每張枱都有暖壺搖勻倒出嚟就飲得。 😗 咁啱我去嘅時候係餐廳周年慶有贈送芝士炸波，但唔清楚到咩時候 。😲 Ps. 丼飯嘅份量真係好多，而且我又叫咗小食，最後食淨唔少飯。比較細食嘅寶寶記得叫少飯，費事好似我咁做咗大晒鬼。--🦀 蟹王丼 HK$238個人其實都鐘意識蟹，不過最多大嘅障礙係總覺得拆蟹好麻煩。呢個蟹丼大愛佢蟹嘅份量超超多 🤭 ( 可以睇後面舀開咗嘅樣 )，每一淡的係蟹肉好幸福。另外，仲有三文魚籽，海膽。飯好飽滿，而且mix埋蟹籽，食起黎更有口感。.🍚 漁吉特選丼 HK$188外貌真係吸引。好多唔同款材料，三文魚、油甘魚、鮮魚、星鰻、帆立貝、海膽、三文魚籽、櫻花魷魚、赤嚇、蟹籽。🤩 我自己唔鐘意食魚生，所以唔特別比意見。不過鰻魚我接受到 🤫 第一次食生鰻魚，有平時食鰻魚飯燒汁甜甜地嘅味道，不過比起熟嘅時候更食得出有魚原本嘅味道，而且相對較薄。😁 另外，比較鐘意櫻花魷魚，味道好鮮甜，我呢啲唔太鐘意魚生嘅人就好鐘意佢。飯同上面一樣mix咗蟹籽。.🐟 蒲燒鰻魚 HK$88 ( 半條 )個人記得相比丼飯，佢無咁

去到九龍城搵食，今日唔想食泰國菜，於是睇下有咩其他選擇，成日喺九龍城街市附近行黎行去，喺街口轉角位見到有間裝修幾搶眼同大間嘅日本舖頭，同附近九龍城舊區嘅傳統泰國舖頭好唔同風格，所以俾佢吸引咗睇下食咩先～原來食日本野，以丼飯為主，醒起之前成日見人Po ig有個蟹王丼幾正，所以衝咗入去試下，可能都仲係6點幾，唔算多人，2個人入去仲可以揀位坐✌️一坐低侍應即刻介紹每枱都有用魚頭煲嘅麵豉湯任斟，佢全間舖頭得一部ipad俾人睇下啲丼飯相，然後就一人一張丼飯紙俾你落單，每款丼飯都可以揀少飯同走葱，夠細心👍我地揀咗頭兩個亦都係最貴嗰兩個丼飯—龍王丸同蟹王丼一黎到俾隻龍蝦同個碗嚇親，好巨型，個碗好大，啲飯好多，心諗：早知叫少飯，上面鋪滿龍蝦肉、火炙帆立貝同左口魚各一、兩片三文魚同蟹子，龍蝦肉鮮甜彈牙，蝦頭多膏，食得出新鮮，火炙左口魚油甘肥美，只有薄薄一片略嫌唔夠喉，其餘配料不過不失而已！另外一個蟹王丼係令我期待嘅一款，雖然個碗比龍王丼細，但整個飯碗都俾松葉蟹肉同三文魚子鋪滿哂，震憾程度絕對不比龍王丼輸蝕，無限嘅蟹肉鮮甜，三文魚子爆汁，加上兩片甜到漏又冇鯹味嘅火炙海膽襯托，層次豐富，我個人覺得依個比龍王丸

諗起九龍城通常第一時間諗起泰國菜，但點知原來呢度有間日本菜一樣咁掂。⁣⁣⁣🙈⁣⁣⁣⁣⁣⁣⁣蟹王丼（$238） 【好味道: 8/10】⁣⁣⁣⁣⁣⁣⁣⁣⁣松葉蟹肉唔單止舖滿晒白飯面，仲超級厚添。😳 一啖滿滿蟹肉，一啖滿滿三文魚子，好滿足。😙 咬破一粒粒三文魚子嘅感覺真係好正。😛 蟹肉都好鮮甜。🦀 仲有海膽添。⁣⁣⁣😋⁣⁣⁣⁣⁣⁣⁣漁吉特選丼（$198） 【好味道: 7.5/10】⁣⁣⁣⁣⁣⁣⁣⁣⁣一樣都係咁足料。😆 一個丼可以試試咁多款魚生同埋星鰻。🥳 而且都好新鮮，水準幾高。⁣⁣⁣😉⁣⁣⁣⁣⁣⁣⁣海虎蝦天婦羅（$88） 【好味道: 8.5/10】⁣⁣⁣⁣⁣⁣⁣⁣⁣天婦羅蝦入面嘅蝦都係真材實料，好有虎蝦獨特嘅鮮甜味道。😲 而且唔係天婦羅粉漿厚薄適中，啱啱好。⁣😇⁣⁣⁣⁣⁣⁣⁣順帶一提，呢度嘅麵豉湯係有一壺咁喺枱面for任斟，都好好飲㗎。⁣👍🏻⁣⁣

九龍城其實除左泰國菜仲有好多嘢食架！今次黎左試呢間主打食日本丼飯既餐廳「漁吉」😚_{蟹王丼}呢個丼真係唔係講笑！侍應serve上檯嗰下完全係嘩左聲！啲料多到呢‼️成個丼鋪滿撈左蟹膏既松葉蟹肉 三文魚籽 蟹籽 仲有玉子 同海膽添！唔單止量多 質素一樣唔錯！蟹肉鮮甜味濃 三文魚籽飽滿 充滿醬油鹹香 蟹籽脆卜卜 撈埋啲飯食 不論口感定味道都超正😻美中不足既係個海膽有輕微苦澀味 唔知係咪因為火炙呢🤔點都好 呢個丼飯食完真係超滿足💓 雖然唔平 但係對得住個價錢既😚 大推！_{漁吉特選丼｝如果係貪心人士 呢個漁吉特選丼就啱晒啦因為佢三文魚 油甘魚 星鰻 帆立貝海膽 三文魚籽 櫻花魷魚 赤蝦 蟹籽 左口魚 玉子 真係乜都有齊晒！魚生整體都ok的 雖然唔算超級鮮甜 但厚薄度啱啱好 味道唔腥～當中比較欣賞櫻花魷魚爽口惹味 左口魚充滿魚油香 仲有整條星鰻肉質緊緻嫩滑～☺️相比起黎 個人認為蟹王丼更出色😆 但呢個漁吉特選丼勝在份量多 又夠晒豐富！三心兩意既你點呢個就啱啦😛_{蒲燒鰻魚}另外仲點左份蒲燒鰻魚～條鰻魚好厚肉 肉質紮實但不失軟嫩感稍嫌唔夠滑身同入味但佢

今日放工去左九龍城探朋友, 佢知我喜歡食刺身, 於是就帶左我去一間九龍城人氣幾高既丼飯專門店潮聖。餐廳內面積不大, 地方企理, 每檯有一壺味噌湯, 可以無限自行添加, 倒前要搖勻, 不過搖勻後依然覺得味道過鹹, 只飲了一啖就放棄了。目光轉移至MENU上既丼飯, 每款丼飯都有列明刺身款式, 我地就揀左全場最貴的兩款, 看似最吸引!【蟹王丼】HK$238賣相非常豐富, 已拆殼蟹肉、海膽、魚籽, 同埋大量三文魚籽, 整整覆蓋了丼飯, 主角蟹肉超鮮甜, keep到蟹原汁原味, 份量十足, 每啖飯都可以食到梳梳蟹肉, 海膽大大粒, 甘甜唔腥, 加上大量三文魚籽, 令口感層次豐富, 兼有魚油香, 正!!【龍王丸】HK$238原隻龍蝦非常吸晴, 龍蝦已被預先拆肉, 切成一小段, 質地爽彈鮮甜, 三文魚厚切帶魚油, 帆立貝表面經火灸, 香口得黎又食到刺身口感, 左口魚裙邊同樣被火灸過, 迫出了魚油, 同樣都有三文魚籽、蟹籽, 但份量比起蟹王丼少, 食落層次相對下冇咁豐富【海虎蝦天婦羅(3隻)】HK$88即叫即炸, 表皮唔算好脆, 入面隻蝦略帶爽口, 除左平時點開既天婦羅汁, 仲有少少梅子粉, 甜中帶少

📍位於九龍城衙前圍道同南角道交界的轉角位🕋，店外裝潢行日本風⛩，與整條街比起上來，與眾不同，別樹一格，很易就找到店了🤗！入到店內，裝潢主要採用了淺色的木材，感覺好簡潔。坐低後，侍應好主動介紹菜式，而且仲俾左ipad📱我地睇每個丼的照片，有時淨係睇字真係幻想唔到係點樣，又刺激唔到我既食慾👀.✔️#麵豉湯 🍵每張檯上面都有一個暖壺裝住麵豉湯任飲，本人係極度鐘意個麵豉湯。坦白講，出面好多麵豉湯都係用粉開同埋得個鹹字，我好多時都直接skip左佢。今次好驚喜👍🏻，味道唔算好鹹，而且個湯帶有鮮甜味，食完成個丼之後再飲，有種清清口喉，洗走丼入面既濃味！如果可以加少少豆腐粒落去就更加prefect!💯✔️#蟹王丼 🦀($238) 俾佢既賣相吸引到我勁流口水🤤，D蟹肉同三文魚籽好似多到要漏出黎咁。除左蟹肉同三文魚籽，仲有海膽同埋蟹子！超足料，真心覺得要少飯，因為真係好！飽！🥢勁滿足🥰🥰~~~ 講番食物先，每樣食物都新鮮既無怪味，蟹肉中間夾左少少蟹殼同埋d軟骨係入面，扣左少少分！另外，Ｄ蟹肉食到後期無咁凍果陣，Ｄ蟹味仲出，建議大家可以先食小食，等Ｄ蟹肉回溫再食會更加好味！🙂✔️#北海帆立丼 🍚($178) 其實

個「蟹王丼🦀」($238) ［限定］面頭舖滿鮮甜嘅松葉蟹肉同脹卜卜嘅三文魚子 仲有兩塊入口即溶嘅大海膽 食到尾會有d過鹹 另外個「漁吉特選丼🐟🦑🦐🐙」($188) 用料豐富 大部分食材新鮮 但個人覺得某d食材唔火灼可更能保持其鮮味 如果兩個飯都用珍珠米會加好多分！btw「海虎蝦天婦羅🍤」($88) 隻蝦好大隻!🤤haha提示⚠️：唔太近地鐵站 去嘅話要預留時間轉車🚇/ 可以揀正常飯量(330g) or 少飯(200g)-The Crab Meat Rice🦀 ($238)［season limited] is served with a lot of crab meat, salmon eggs and two pieces of sea urchin. For me, the salmon eggs are too salty. Another donburi called Isakichi Donburi🐟🦑🦐🐙 ($188) is served with various sashimi, including salmons, octopus, shrimps, scallops,

去到九龍城泰國餐廳多就係人都知，上星期五行行下俾我見到間新開日本餐廳，所以就走左入去試試門口光猛，位置優越，係正十字路口，衙前圍道 南角道交界龍王丸材料有：原隻龍蝦、帆立貝、左口邊、蟹籽、玉子、三文魚樣樣食品都好新鮮清酒煮蜆：蜆肉肥美，清酒夠白，最緊要真正平民價$38真係邊度都搵唔到蒜香厚切牛舌 雖然厚切但肉質很（林）身，美味可口，食唔停口$38超值關西雪姬（冷豆腐）豆腐好滑，上面加左一隻隻櫻花蝦加上胡痳醬有另一番風味，口感唔錯$38邪惡之雞翅：點解會叫邪惡呢，我諗就係因為佢外面炸得好脆同樣係$38仲有免費任飲味噌湯蟹王丼材料包括：熟蟹肉、海膽、三文魚籽、蟹籽、玉子豪快海鮮丼其實即係用平民價錢食到什錦刺身飯$128

好多年都無入過黎九龍城搵食，不過今次我係為龍王丸而黎，賣相吸引之餘個名又夠霸氣，一向鍾意食海鮮既我見到都為之心動😍。由於係每日限定，所以今日六點幾已經黎霸定個靚位，估唔到咁早已經有唔少人了。餐廳環境唔算好大，一入到去就見到大大幅好搶眼又可愛既釣魚畫作，加埋天花上既魚網效果，幾match幾別緻。餐牌一覽，龍王丸我黎喇！！！！✨漁吉味噌湯：已經預先裝好一大壺，仲可以任飲嫁，飲水飲茶飲得多，食日本野任飲湯都係第一次。本身仲以為唔會好熱，但倒出黎係熱到出煙。呢個湯味道非常鮮甜，唔係平時得個咸字既味噌湯。真係飲完一碗要再添。見到日本產地直送既飲品都好想試，由於店員話一批批來貨，所以唔係款款都有。✨最後試左山梨葡萄同靜岡哈蜜瓜汽水（各$28),兩款都果味濃郁唔會太甜，我自己就鍾意山梨葡萄多d, 味道有d 巨峰提子feel, 酸酸甜甜very nice.晏晝留定肚，就係等今晚瘋狂叫小食😂✨汁煮豬軟骨（$42): 呢個煮得非常入味，入口都算淋，不過因為有d 部位偏瘦所以食落會痴牙。但係味道其實唔錯的，係食食下有d 偏咸，原來店員話平時有芽菜鋪底的可以中和咸味，不過今日咁啱無晒，可惜可惜。✨關西雪姬（$