奈良上釜 (Closed)

意外地發現eatigo有得book同埋有discount，咁就梗係用呢個channel book la店舖比想像中細同迫，檯與檯之間緊貼，而且現場環境噪雜，不是一個適合聊天的好地方但食物真的不錯吃，其實我本身並沒有在日本吃過釜飯，因為奈良那間實在是太多人了，旅行時未必有那麼多時間去排隊，所以當知道香港也有得吃的時候，內心也是小小激動了一陣子我選擇了蟹盛釜飯，而朋友選擇了鰻魚釜飯，兩個都好好味阿，其實鰻魚釜飯既前菜普通茶碗蒸都已經好好味啦！不過鰻魚釜飯相對較漏，同埋兩個飯份量都幾大下，我o地兩個女仔叫兩大個飯真係貪心o左少少.......最後都食剩o左少少...唔小心做o左大哂鬼tim蟹盛釜飯前菜有蟹茶碗蒸，蟹刺身，蟹天婦羅，全部都好鮮味，而且蟹盛釜飯既蟹膏同蟹肉同飯mix埋一齊之後簡直係好味到爆，如果係蟹既big fans就一定不能錯過阿，今餐實在係太過幸福了！

經友人同事的推介，晚上與親朋共三人黎到奈良上釜一試釜飯的味道。因為預早訂好位所以不需輪候就可以入座。店面有點小，店內大概只可以容納30人左右，位置亦較窄。侍應安排了在廚房旁的四人枱，三人坐其實都有少少逼，不過可以一睹釜飯的製作過程亦不錯。我們三人共點了兩個蟹盛釜及一個三種盛釜，首先三種盛釜的前菜先到，前菜共有6款，包括檸檬蕃薯，野菜，醃蘿蔔，吞拿魚粒，豆腐及茶碗蒸。茶碗蒸內有三文魚籽，蟹肉，蝦肉，冬菇，鳴門卷，再加上少許黑松露，味道不錯，只是如果能再熱一點更好。之後到蟹盛的前菜，蟹盛前菜就是凍長腳蟹腳，長腳蟹腳天婦羅，凍蟹腳配上柚子蟹醋，味道更鮮甜。天婦羅亦有天婦羅汁，而且入口仍然熱辣辣，十分脆口新鮮！因為枱面唔會夠位的原故，釜飯基本上都係食晒前菜先有位上，所以冇得一齊影。之後就到主角出場，三盛釜首先上枱。三盛包括左蝦（一隻），蠔（三隻），鰻魚（一段仔）。飯已經係有味的飯，不過因為三種海鮮都唔算特別出色，係一般貨色冇令人驚豔的感覺，而且都係冇得撈勻同啲飯一齊食，所以都係飯有飯食，海鮮有海鮮食，相比之下感覺遜色左啲。不過飯熱辣辣，軟硬度適中，而且有少少飯焦香，非常惹味。之後蟹盛登場，蟹盛

想嚟試好耐架喇😍，終於都可以一試喇😁。睇過餐牌，最給引我嘅就係蟹盛喇🦀😍，一於食咗佢🦀😝。先飲杯啤酒降降溫先😁，飯就即叫即煮，感覺好似快過港式嘅煲仔飯添呀🤔。先上松葉蟹天婦羅+蟹腳冷物🦀，天婦羅炸漲幾好，蟹腳就淡味咗啲喇😉。冷物都係咁😉，唔點蟹醋食，就冇味道😌。主角出場😍，好靚嘅蟹盛😍，拎起個蟹蓋，睇見飯上面有好多蟹肉、蟹籽、蟹膏😍。攪勻之後食，每一啖都好香蟹味😋，仲有飯焦添🤦‍♂️，我試咗少少飯焦，好香脆架👌，但我怕黐牙，所以都冇食晒😝。蟹鉗蒸蛋，蟹鉗有蟹味，肉厚😋，蒸蛋夠滑😋。麵豉湯就普通咗啲😉。海膽天婦羅，海膽味唔太甜啫😉。咁豐盛嘅一餐，真係要好有食力嘅💪，先可以食光所有食物呀😅。

一直有留意銅鑼灣登龍街開了間日式釜飯店，店外有個鳥居，好有趣。於網上了解過這間食店價錢比較貴，所以一直未有成行。趁著今個月出了bonus，同妹妹一齊去享受一下。蟹盛釜飯 ($298)蟹Set🦀前菜當中有松葉蟹腳天婦羅、松葉蟹腳冷物、味噌湯、茶碗蒸、甜品👍🏻，好豐富呢🥢！松葉蟹腳天婦羅有3件，炸得脆口，而且不油膩🤤。而松葉蟹腳冷物味道鮮甜😍。茶碗蒸內有一隻小蟹拑、冬菇等材料，蛋亦蒸得嫩嫩滑滑🙌🏻，好吃呢！之後到這餐的主角了～蟹膏蟹肉蟹籽飯🦀🍴草根先將材料拌勻，第一啖己經充滿鮮味，蟹羔甘香，而蟹肉份量又多又鮮。加上蟹籽脆卜卜，令整個釜飯口感更好❤️鐡鍋不但可以令米飯保持溫度，同時令釜飯造成飯焦🍚，原理就像煲仔飯一樣😋。而且飯量分到2大碗有餘，足夠2個女仕分享。最後，套餐還有厥餅做甜品，厥餅入口即化，雖然未有煙煙韌韌的口感，不過味道真的不錯呢！櫻之海釜飯 ($268)另外，店員介紹餐廳為配合春日主題，正推出櫻花祭🌸。這個充滿少女風的櫻花Set有簿切真鯛刺身、茶碗蒸、前菜、漬物及釜飯。櫻花釜飯🌸中有櫻海老、櫻鯛、鮟鱇魚肝。櫻海老亦即櫻花蝦🦐份量很多，拌入飯中令整個飯充滿鹹香。但鯛魚略為過熟🙈，令

一直知道呢間餐廳近排好受歡迎成日大排長龍，但今晚係平日見竟然唔洗等好耐就決定一試！招牌好有日式風情夜晚7:30左右去到，我地等左約15分鐘先有位場內有點擠迫，但未至於會令人受不了點左呢度最出名嘅蟹盛釜飯，男友將蟹蓋打開好好笑蟹蓋下係成隻蟹嘅精華-蟹籽蟹膏同蟹肉將所有材料撈埋一齊食啖啖都有蟹既鮮味，釜飯本身無咩味道，所以全靠蟹肉鮮味帶出味道松葉蟹茶壺蒸配料絕不欺場，有蟹籽、香菇同埋松葉蟹鉗，好鮮甜，忍唔住好快食完跟餐既三隻松葉蟹腳，蟹腳背面本身已經切開一個小長方形,方便食客進食,非常貼心。另外蟹腳天婦羅夠脆又唔油膩，值得一讚男友點左呢個餐廳主打之一： 奈良七盛釜飯釜飯裡有大海蝦，一隻鮑魚同少量蟹肉，都算係鮮味十足既配搭甜蝦好鮮甜，其他刺身有淡淡魚油香跟餐嘅茶壺蒸竟然有黑松露，味道意外地夾，另外仲有魚子，十分奢華漬物有白蘿蔔好開胃埋單每人約300，但食到咁多海鮮同其他野其實算好抵，等遲下無咁多人時會再黎幫襯

冬天，大部分香港人都會食煲仔飯，因為貪佢夠熱、夠香、味道夠濃。今次未到冬天，有朋友極級推介<<奈良上釜>>，叫我哋試下日式煲仔飯。我同我朋友仔各自叫份<<蟹盛>> 。<<蟹盛>>有松葉蟹腳天婦羅、松葉蟹腳冷物、蟹盛釜飯，味噌湯、漬物、生果。松葉蟹腳天婦羅：蟹腳被炸漿完全包圍，但食落不油膩，同啖啖蟹腳肉。松葉蟹腳冷物：原條已熟既蟹腳，餐廳已預先係蟹腳底開了個洞。我只需用棒刮一下，全條蟹腳肉可刮出來，味道鮮甜。蒸蛋：好多配料，包括蟹子、冬菇等，當中最為突出係隻蟹鉗。蛋混合了蟹汁，又滑又鮮味。蟹盛釜飯：打開蓋，蒸汽湧上，一隻蟹樣，飯上鋪滿蟹肉、蟹子和蟹膏。之後將飯同蟹肉、子、膏撈埋一齊，飯熱、飯鮮、飯甜。米飯用左日本米，口感煙韌。與中式煲仔飯一樣，鍋底有飯焦，脆口。味噌湯、漬物、生果：味噌湯較清，蘿蔔新鮮無渣，酸莓醒胃，最後以新鮮既蜜瓜同士多啤梨作結尾。

自哩間釜飯喺銅鑼灣開張後一直出現人龍，喺各個社交媒體都睇到好多好評，今晚終於黎到試下，亦係我第一次食釜飯。等左5分鐘左右就安排入座，坐低後就睇下食咩好先！但其實黎之前我已經諗好左喇，一心揀定要食蟹盛，因為實在太中意食蟹喇！蟹盛係一個套餐，$298包幾款食物，好豐富。第一道上松葉蟹腳，哩個係冷食，蟹肉鮮味，點住柚子醋食好開胃，岩晒夏天食呀！再黎既係另一道熱食前菜 - 蟹腳天婦羅，炸到金黃色好香口，炸粉薄食到原條蟹腳肉好味道！最後到主角出場喇！用一個特製既鍋裝住熱辣辣既飯同蟹肉，鋪滿晒既蟹肉好鮮甜，加埋蟹膏食更濃味。食到底仲有飯焦食好正！仲有個蟹肉蒸蛋、味噌湯同生果，哩個餐好多野食！而我朋友就叫左七盛釜飯，食飯前先食幾道小菜。跟餐仲會有碟刺身，魚同蝦都好新鮮呀。七盛釜飯以海鮮為主，有原隻新鮮鮑魚同海蝦岩晒中意食海鮮既朋友。哩間餐廳既釜飯用料新鮮，而且香港又冇同類餐廳，難怪見到門口長期出現人龍啦。