夢の丼 (Closed)

之前在土瓜灣吃過一之夢之丼 ，用料新鮮，用餐體驗十分不錯👍🏻。得知西環關了新分店，特意前往一試。.點了丼飯後先送來沙律🥗，新鮮爽脆，加上黑醋，十分開胃。另外還有一碗蜆肉蘿蔔昆布味噌湯，在飯前暖暖胃。.📍西京燒比目魚（$128）兩塊比目魚厚肉，而且肉質油潤嫰滑🐟。加上燒汁燒過甜味突出，味道吸引。.📍一番拖羅丼（$368）丼飯有齊赤身、中拖羅、大拖羅、炙燒大拖羅和吞拿魚蓉做配料🐟，飯中還有一個醬漬蛋黃🐣。這個飯比前一個醋味強烈，加上醬漬蛋黃味道濃郁，與赤醋飯拌在一起，十分下飯😋。拖羅色澤粉嫰，大片又柔軟，肉質油潤，高質刺身做不了假🖖🏻，但若份量能夠多點會更好。飯量很多，應該男生都能吃飽💁🏻‍♂️。.📍夢之丼（$328）丼飯使用赤醋飯，由於飯原本已加入調味，但感覺醋味未算突出。這個招牌丼材料豐富😍，配料有三文魚蓉、三文魚子、吞拿魚蓉、帆立貝、牡丹蝦、松葉蟹🦀、右口魚邊。刺身新鮮，燒過的三魚蓉連同醋飯一同吃油潤又更易入口，三文魚子的鹹鮮令味道更豐富，帆立貝及牡丹蝦軟嫰好吃👅，加入橙醋有提亮之用，另外飯中好像灑上點芝麻，吃起來更香口。不過定價較高，只能間中吃一次。

朋友約出去西營盤食野,係網上揾左好幾間餐廳,最終見到呢間的魚生飯好吸引,所以決定試一試.平日晚上唔算太多人,唔洗等就即刻有枱.好多款魚生飯都好吸引,花多眼亂,揀左好耐先決定食二重親子丼,而朋友就叫左招牌的夢之丼，再另加個西京燒比目魚。西京燒比目魚魚肉好嫩滑，魚皮燒得香脆。只係燒汁比較甜味重，有啲蓋過左比目魚本身的味道。每個丼都有跟個麵豉湯同沙律。麵豉湯落左蘿蔔同蜆肉煮成，唔太鹹仲帶有蘿蔔的甜味，唔錯~二重親子丼同menu上個樣一樣，放得滿滿的材料睇見已經好吸引三文魚子好鮮甜，三文魚蓉有火灸過，帶焦香味。我第一次食黃金蟹子，覺得比一般蟹籽的鹹味同鮮味更重，口感更爽脆松葉蟹肉有淡淡的蟹鮮味。個人覺得蟹膏豆腐有驚喜，香濃的蟹膏配嫩滑的豆腐，簡單配上飯食已好好味!另外值得一提係佢地的飯唔係普通的壽司飯，而係自家製的赤醋飯，味道比白醋飯更有豐潤的感覺。夢之丼朋友個夢之丼材料超豐盛。除左二重親子丼都有的三文魚蓉，三文魚籽，松葉蟹外，仲有帆立貝，牡丹蝦同右口魚邊。另外呢個丼仲配左杯橙醋，食前飲啲醋開胃，仲可以擠啲橙汁落帆立貝上，增加鮮甜味。不過建議唔好擠太多，因為橙味會蓋過帆立貝的味道。