拉麵天王 (Closed)

元朗都有好多食拉麵嘅餐廳，今晚就選擇咗拉麵天王。拉麵天王位置尚算方便，喺元朗千色店行過去大概兩分鐘就到，門口仲有十幾個咪鏢位，絕對適合駕車嘅食客。我哋一入到去，店員即殷勤地招待及安排座位。店內環境尤如置身於日本嘅拉麵店內，好濃厚日本風。稍後睇一睇張落單紙，店員同時都解釋甚麼是限定天王（天王師傅因應不同月份同季節去選擇食材，繼而決定做邊款拉麵），限定天王有兩種，分別係胡椒天王同味噌天王，。最後我哋Order咗胡椒天王同黑天王，另加小食兩份同汽水兩支 - 豚角煮/烤餃子、可樂/忌廉。胡椒王天有好重黑胡椒味，加上香濃芝士慢慢融入湯內，近乎每一啖拉麵都有芝士跟黑胡椒味。麵方面選擇普通，食落柔軟度適中。另外粟米好甜同味蛋都好滑。另外一碗係黑天王，一嚟到已聞到好重黑蒜味，先飲啖豬骨湯，個湯真係好濃味。麵底選擇咗軟，咬落真係做得好，非常軟。叉燒亦做得好好，入口仿如融喺口𥚃面。由於個湯實在太濃，最後竟然不其然地將個湯飲哂。豚角煮聽就聽得多，但係我哋都係第一次試。肥肥的豚角肉配上甜甜嘅照燒汁真係絕配，豚肉肥瘦適中，一定要試。烤餃子亦都係一個好食嘅小食，餃子底部脆脆地，咬落肉汁鮮甜，點少少醋真係可以話齒頰

呢年幾我都無寫食評原因係搬左入上水同埋近呢幾個月工作時受傷無得四圍揾食🤦🏻‍♂️🤦🏻‍♂️，講返正題因為復工公司調左我去元朗返工（當養傷掛），咁當然要揾野食啦，行到西菁街發現拉麵天王，係咪同紅磡果間一樣先（有睇開就知），唔講咁多野去片好大個燈籠日本人嘅昭和美好時代兩款限定天王，已經好好食但唔知會唔會有更多樣化呢？我嘅蕃茄天王蟹肉同豚肉都一樣咁好味最後個湯變左咁少女朋友嘅白天王豚角煮，我同女友都一致認為肉質偏乾芝士年糕，喜愛芝士嘅我又點會錯過，仲要熱騰騰咁上最後係捧住個肚咁走，唔知各位看倌會唔會去試下呢？

啱啱去完日本去到當地食啲拉麵真係好好食!!!令人念念不忘...返到香港都食返一碗相當有質素嘅拉麵先得喇，去止止引！之前食個拉麵天王都覺得幾好今次決定再翻兜！都唔知話好彩定唔好彩因為落雨天去到唔使排隊！Yeah~~有選擇困難症嘅我..揀黎揀去都唔知揀邊款好，最終決定食限定天王！不過肯定天王都有兩款，好彩同朋友一齊去，可以叫晒兩個來試吓！我係重口味自選揀咗生蒜天王！勁多蒜！正呀！麵底硬度都選左正常，味道揀左濃。其實呢個麵都幾fusion , 將海鮮加入拉麵，我都係第一次食！估唔到八爪魚片同蒜同埋個豬骨湯底幾襯喎！以為有八爪魚就冇叉燒...原來八爪魚係遮住叉燒姐！肉同脂肪比例剛剛好嘅叉燒食落好有層次，唔覺得肥！而朋友個胡椒天王也不錯。拉麵上面有一層mozzarella cheese！見到佢慢慢溶落個拉麵度，好治療！將叉燒連埋啲芝士一齊食，感覺好幸福啊！呢度有啲似日本拉麵店係可以隨着自己喜好而揀拉麵嘅軟硬度！好似fd子咁佢鐘意食軟身嘅麵又得！同場加映食咗一個小食，豚角煮！個豚肉燒得好惹味！食落一啖肉中帶點油，係好滿足的！整體而言，拉麵天王保持一貫嘅水準！食物質素不錯，價錢合理，one of m

很久沒吃日本拉麵了，今晚和朋友又來到西菁街覓食。店子小小，不過支持者多多的和很多拉麵店一樣，有白赤黑拉麵選擇，還有限定天王。今期的限定天王，分別是胡椒天王和櫻海老天王。所以我和朋友各點了一碗試試選擇口味、香油、麵質等櫻海老即是櫻花蝦，很小很小的小蝦蝦口感挺香脆的。最大的驚喜是胡椒天王是滿佈芝士的香濃的拉麵湯配上很多的芝士味道很具層次。年糕很煙韌，內裡芝士漿很濃郁呢。鎖滿肉汁不知道下次有什麼限定天王呢

除火鍋雞煲外, 拉麵亦是冬日晚餐的好選擇. Tony 與友人為方便快捷, 選擇到拉麵天王用膳. 店舖裝潢簡單, 仿如要客人將焦點放在拉麵上. 拉麵麵身偏幼, 湯的溫度及份量剛好, 進食時暖胃不燙嘴, 喝掉整碗湯亦不會過份油膩, 專業而貼心的細節. 推廣中的櫻海老天王更值得一試!! 店員的服務也不錯櫻海老天王清甜櫻花蝦,啖啖充滿鮮味, 不油膩. 推介!! 每日限量供應胡椒天王主角是濃濃的胡椒湯底,芝士減低了胡椒的嗆喉. 可惜個人不太喜歡拉麵加上芝士黑天王(黑蒜湯底)黑蒜湯底並不創新,勝在味道平衡. 黑蒜化解了豬骨湯底的油膩感烤餃子味道不錯,略嫌外皮比較乾豚角煮豬肉經過醬汁燉煮,油脂部分都變到甘香.

喜愛在元朗區尋找美食的好友,因對上一次飯局的爽約,說怎樣都要請我來一頓拉麵晚餐作為補數;原本我說這小事而不必勞煩,但好友再三邀請,在盛情難卻下,我最終都答應了;在接近農曆新年前的這天,好友約了夜晚七點在元朗市中心見,而相約那個位置我選擇了乘坐可以直達的巴士,免卻由西鐵再轉輕鐵的兜轉;準時到達並與好友見面後,就齊步行至拉麵店;門面的裝潢完全是日式小館的風格:屋頂的青瓦,紅色燈籠寫著醒目的黑色的豚骨等字,加上玻璃木門與窗花,營造了一個在日漫常出現的帶著經典而懷舊情調的食店感覺!見外面沒有人龍,拉開玻璃趟門之後與好友進內,侍應生招呼到剛巧有兩個位,可即時入座;而坐下後,即時被一股濃厚的"木味"映入了眼球,加上木柱上的日式臉譜,呼應並貫徹了門面的裝潢,其一致性令人安坐其中猶如置身日漫場景!之後店員傳遞上點餐紙,並介紹了當晚有兩款的限定天王;好友就說點這兩款吧,正好每人一款,且由我先選;在限定的生蒜天王與胡椒天王中,我有點難以取捨,但最後選了生蒜;好友更提議加多兩款小食,遂加進了豚角煮與烤餃子;落單後,烤餃子最先登場;麵店的飲品以無酒精飲品為主,那今晚就順道而為喝個汽水吧!而我點的零糖可樂竟是以

與媽媽相約吃晚飯，來到元朗區美食集中地，選擇甚多，由於媽媽想食日式拉麵，在Openrice 搜尋到這間拉麵店，頗多好評，於是決定試一試。沿著千式店方向一直走落去，終於找到這間拉麵店，想不到平日的夜晚，小小的店鋪早已坐滿人，好明顯呢間小店頗有人氣。見著每一個食客都滿足地離開，心裡總有份熱切的期待。等了五分鐘，終於在待應的安排下就坐。座位靠近Bar枱，能夠看清楚司傅的煮麵的功架。侍應亦很細心，特別預留位置讓我放置公事包。為了能煮出一碗客人稱心滿意的拉麵，食客可自選口味，香油，义燒，蔥及麵質，拉麵款式有五款可選擇，其中有兩款限定拉麵（胡椒天王／櫻海老天王），我選了黑蒜油豬骨拉麵，媽媽選了限定拉麵櫻海老天王。額外加1 份烤餃子及豚角煮，飲品就揀左可樂及忌廉。先來忌廉及可樂，沒想到是以玻璃樽裝而非罐裝，樽裝汽水一般比罐裝多氣，更保留到汽水的原有味道！接著來了師傅奉上兩碗拉麵，櫻海老天王甚具氣勢，超多櫻花蝦，堆起來就像一座高塔。湯底混和了蝦和豬骨的精華，咸咸酸酸的味道，越食越開胃。至於黑蒜味拉麵，熱辣辣的湯散發著黑蒜的香味，每一淡湯都是豬骨及黑蒜完美融合的極致。拉麵質感適中，不太硬不太淋，爽滑彈牙

我發現元朗有好多間形形式式的拉麵店，今日同朋友去了這間「拉麵天王」，餐廳裝潢都以日式拉麵店為藍本，座位數目不多，大約十多位左右。據拉麵店的Facebook透露，老闆原是任職豚王，後來開設這間拉麵店。🍜而拉麵選擇不算多，有白天王、赤天王、黑天王及限定天王。今日跟朋友就點選了兩款限定款，包括：「限定天王-生蒜天王$89」、「限定天王-胡椒天王$89」、「豚角煮$25」、「烤餃子$28」、「飲品-可樂/可樂Zero$10」。🍜「限定天王-生蒜天王$89」採用了石垣秘製生蒜油，加配深海鮮味八爪魚片4片，半隻糖心蛋，湯底是天王專屬豬骨湯，不過湯底飲落有點濃及有點鹹，而拉面食落軟硬適中，整個拉麵都好濃生蒜的味道。🐙🍜「限定天王-胡椒天王$89」選用了上等黑胡椒粒提煉出濃香胡椒油，湯底是天王專屬豬骨湯，湯底飲落有點像胡椒豬肚湯的味道。再配上特選香濃芝士，大量粟米及叉燒，而拉面食落軟硬適中，整個拉麵都好芝士的感覺，芝士控必愛。🧀🍜「豚角煮$25」兩種的豚肉，分別有切粒的豚肉，食落口感煙韌，不過脂肪較多。另外有一大片的豚角煮，見師傅用火熗燒到剛好，食落肉質及脂肪分明，入口鬆軟，即溶的感覺。🥓「烤餃子$2

男朋友有條拉麵癮，聖誕正日午餐我地都去左食拉麵喺op見到呢間拉麵評價唔錯，價錢唔貴，即管試下。假日接近3點去到，由於店面唔大，類似日式拉麵檔嘅裝潢，清一式「自閉位」，可以見到師傅煮麵。所以座位唔多，不過幸運地坐上最後兩個位，如果要等位的話，我會覺得非常不值。拉麵有4款：白、赤、黑、限定天王 拉麵製作時間有點長，居然等左32分鐘先有麵食~白天王 $69 (豬骨湯)睇番菜單，湯底以豬骨新鮮淆製十幾個鐘，不過湯頭並唔濃 豬骨味淡，但同時又覺得鹹…椰菜、木耳，有人會覺得加分；個人認為剛剛相反，令到碗麵感覺更廉價，好似3餸飯附送嘅凍椰菜…只係想令人覺得大件夾抵食嘅虛象…赤天王 $79我依然係揀辛辣味，睇色水以為好辣，不過蒜味太重，稍為蓋過辣味，主要係用辣椒油去營造出黎嘅辣。湯底偏油，唔多想飲落肚，而且過鹹，係灌水之選…麵質軟硬揀中等，不過都係有啲淋、唔爽口。叉燒比較薄身，而且有啲韌…溏心蛋亦冇流心效果，不過由於係附送，我地本身都冇乜期待。唯一感激店家提供冰水，旁邊嘅客人都狂飲水~豚角煮 $25反而豚角煮幾出色！肥瘦佔半，帶微微焦香！ 但旁邊有一堆粒狀豚肉，冇乜特別~雖然不錯食，但廿五蚊黎講…太貴

跟朋友在元朗逛完一整天街，朋友說想吃日本菜，我們便開始尋找日式餐廳。於千色廣場後面也有很多的不同種類的餐廳，我們便在一個角落發現了這家拉麵天王。我和朋友也是拉麵迷，看到這麵店便決定要試一試！門面以招牌日本拉麵店的紅燈籠配上豚骨二字，十分清楚的讓人知道這是家拉麵店。簡潔的門面十分具日本麵店的味道。店內位子不多，一排枱凳面向著開放式的廚房，十足日本的拉麵小店麵店提供四款拉麵選擇，白、赤、黑和限定天王，分別指豚骨湯口味，辣味，黑蒜油以及其間季節限定的口味。麵店讓客人自己選擇口味，麵的硬度等，讓客人可以自己決定自己的口味。小食方面，選擇較少，建議餐廳可以再增加小食的多樣化。今期的限定天王有兩種，胡椒天王 & 味噌天王。前者是以胡椒湯底配上滿滿的芝士，加上豚骨湯底，十分新鮮的配答 ; 後者是味噌口味配上原隻帶子，濃郁的湯底配上鮮味的帶子又是另一特別的限定天王。先來一道烤餃子，外焦內軟的烤餃子十分吸引，金黃香脆的外皮包著豬肉，作為飯前小食十分不錯，二人分享分量剛好豚角煮味道濃郁，燒烤過的表面令燒烤的味道在滷水的味道中散發出淡淡烤味，十分特別除了兩款小食以外，主角當然少不了拉麵吧。我們2人各點了一碗

元朗開了很多日拉式拉麵店，覺得質素其實都中－高，而且相比起港島區抵食很多。今晚與媽媽到拉麵天王嘗鮮，來個拉麵夜！ 拉麵價格由$69-89，十分合理價位，有原味豚骨白天王、辛辣赤天王、黑蒜黑天王；還有兩款限定天王，很霸氣的感覺。我們看到掛牆的限定拉麵海報很漂亮和吸引，便點了一人一款限定天王，包括胡椒天王和桜海老天王。最欣賞拉麵除了可以選麪條軟硬，更可指定味道淡/普通和香油淡/普通，而且做足，十分貼心。 因為減輕罪惡感，我們兩碗都選擇淡。先來胡椒天王（＄89)鋪滿芝士條，多到連兩大塊叉燒都蓋住！芝士味很突出，相比起韓式芝士拉麵，這個更可以實在地捲住拉麵食，很滿足 。服務生有先提醒胡椒天王會微辣，但可能我點了淡，反而覺得不辣，但黑胡椒和胡椒油的配搭亦帶出了豚骨湯的香味和惹味 ，有驚喜另一款桜海老天王（＄89)更是吸引，和海報上一樣，櫻花蝦透出了像櫻花般淡淡的淺粉色，十分迷人。蝦的份量很多，微微脆身，加上有京蔥，很有口感，而這個豚骨湯頭更鮮，但不會過咸。兩碗拉麵都有兩大塊叉燒，兩面微燒。而且叉燒很厚身，所以肉質有咬口，不會韌，近肥膏部分更是脆口，比起薄身一片肉來得更有口感！拉麵份量

中午沒事辦，不！應該說不想辦工，於是跟母親外出元朗市中心找點吃的，經常飲茶，今天來點新意，去吃人氣不俗，位於元朗西菁街的拉麵天王。沒有寫過任何拉麵食評，回想一下，原來接近半年沒有到過任何日式拉麵專門店了，今天必須認真的吃一吃，評一評。今天不是假期，入座時間是中午1點左右，食客不多，入座不需等候。這食肆人氣及網上食評都不俗，而堂座只有十五六席，各食家如假日惠顧，請預留時間門外等候。開放式㕑房設計繞具日本屋台風味(照片是2點多時所拍，食客都已買單離座) ，店主把日本特色的木頭車仔檔帶到店內。日式拉麵店做食物會較為專注，選擇較少，這裏只有豚骨湯底，店家在基礎豚骨湯內再加入其他配料，做成白、黑、赤及兩款限定天王等共5款拉麵。這裏亦一如其他拉麵店一般貼心，客人可就湯底濃度、麵條軟硬及是否要蔥作出選擇，最特別之處是客人可選擇要或不要义燒，這選項真是聞所未聞。點了一碗黑天王給媽媽，自己則點了限定天王中的胡椒天王，另外點了兩份小食及兩瓶汽水。趁麵未到，跟煮麵師傅閒談了兩下，知道他們的拉麵及湯底做法是正宗的博多風味，湯底用大量豚骨𤉶製 ; 博多地方用的麵條主要有細麵、平麵及曲麵三種，而這裏供應的是細麵，

拉麵精既我上次探完朋友，途經西菁街，已經密謀試試呢間自詡係天王既拉麵，今日趁假期，一探其虛實先 !7點未到已經full左，好在預早左時間黎等。排隊期間，為左爭取時間，waitress派左張menu我地揀定菜式，等左唔使10分鐘就入得喇!店內大概約14個位，外內既裝修同擺設都幾日式，每2個位就有一壺檸檬水，暗隔內有調味料，我最欣賞旁邊醃製既辣芽菜，配上拉麵更多一絕!朋友揀左黑天王，我飲左啖湯，覺得黑蒜味唔夠重，朋友話愈食愈咸添，有d失望!而我就揀左限定天王，因為好奇所謂季節限定既胡椒芝士拉麵好唔好味呢?!一堆粟米&芝士條鋪在面，仲有半隻溫泉蛋同2塊叉燒既襯托，一睇就食慾大開，濃厚既胡椒味油同豬骨湯底出奇咁夾，麵質既軟硬度亦剛好，將芝士同熱湯混合既拉麵，非常有咬感!呢d先至叫天王嘛，創新又特別，好味!(雖然有大量既芝士，但係唔知係咪太好味呢，唔覺得漏喔！)今日特別開胃，再叫左2款小食都唔錯。芝士年糕皮薄，咬開一啖，糯米中既芝士湧住'be'出黎。碟旁有一小杯凍食既肉粒，似燒肉，豚角煮既肥膏同肉層層分明，識食既梗係一啖過咬曬先過癮架喇，雖然肉就唔係算淋，而且好肥膩，但好好味，唔怕肥既可以一試!

拉麵呀~拉麵呀~好好食嘅拉麵呀！！不嬲都知道元朗好多好野食 咁岩朋友住元朗就一齊去發掘新野試下啦！冇嚟元朗一排竟然有間新開嘅隠世拉麵！真係隱世架！首先間餐廳唔係喺大路，喺係茜菁街嘅尾尾，唔熟元朗嘅都要搵一陣！行到鋪頭，wow....門面好日式！真係好似去左日本拉麵小店咁，令人有去日本嘅咁感！好正呀！店內比較小，正正就同日本拉麵店好相似！大概座位十幾個左右，去到都要排陣隊先有得食 不過我都覺得係值得嘅！食好野嘛梗係要付出下啦！多人排証明真係好食！果然，咁多人排真係信心保證！入到去拉麵有四款可以選擇，白天王、黑天王、赤天王同限定天王～四款湯都係用豬骨熬製 入到店鋪已經嗅到濃濃豬骨湯味 真係好期待碗拉麵呀！是日兩個人點咗兩碗拉麵同一碟小食！分別係黑天王，限定天王同豚角煮！點拉麵嘅時候可以揀拉麵硬度，口味同香油嘅濃度！首先講下黑天王（$79）先！係黑蒜油豬骨油拉麵！我個人就揀左普通口味，香油同拉麵普通硬 好緊張呀～碗麵終於嚟啦！！ 賣相唔錯！首先一定要試一啖湯先，一飲落去真係好有衝擊！豬骨油混合黑蒜油簡直無懈可擊！鍾意黑蒜油嘅朋友一定要試下！同喺日本拉麵店嘅水準過之而無不及！正呀！普通硬度嘅拉