博多拉麵別天神 (Closed)

香港的日式拉麵店越開越多，除了不斷有來自日本的過江龍，本地小店也定期有新面孔出現。這股拉麵旋風應歸功於「味千」，雖然現在只剩下四間分店，亦早已被歸類為次級的味精湯底、港式口味日本拉麵，但成功將日式拉麵在香港普及化的功勞又確實不能抹煞。今日就揀了一間本地日式拉麵店「別天神」試試。小店早在2013年創店之前，創辦人曾經遠赴日本學習日式拉麵手藝。為了紀念拜師學藝的拉麵店，特別加上「別」字，日文意思代表「另一個」。不過，上日本美食網站 tabelog 努力搜尋，也找不到一間名為「天神拉麵」的店子；雖然博多天神站周邊一帶，又的確有很多著名的博多風味豚骨湯底拉麵店，可能「天神」只是指地區，並非店名？門口一張大海報介紹了小店的所有出品；不計算套餐及追加配料，其實只有兩款拉麵、煎日式餃子及沙律四款出品。款式確實少得可憐，但這正正是日本個體戶拉麵小店的特色：餐牌選擇少，店主（通常也是拉麵師傅）才能功多藝熟、保證穩定的出品質素。小店門口另一邊就放置了一台自助食卷機，想起日本的拉麵小店。日本仍然非常傳統，需要用現金買卷；香港就先進得多，採用觸控式螢幕及信用卡付款，反而不接受現金。撥開冷氣擋簾，店舖一眼盡見。

銅鑼灣一條友唔知食咩好諗起呢間別天神即刻嚟回味下之前朋友帶我嚟食已經好中意尤其係佢個蟹肉沙律不過一個人就食個拉麵算依舊出色！湯濃淡適中 拉麵我叫偏軟最緊要落大量蒜基本上嚟親都好似食蒜多過食麵好中意佢打到咁溶配麵或者木耳都好好食份量對女仔嚟講都算恰到好處中午一個麵夠晒飽又唔會唔夠喉又有麥茶解下膩👍🏻要講缺點就係鋪頭細 多人就好唔舒服同焗到癲下午茶時段得一兩個人都算舒適的老闆係個有啲年紀嘅姐姐非常好禮貌 上菜快 👍🏻

銅鑼灣有好多拉麵鋪，想搵一間豐富嘅拉麵，其實有好多選擇。今次呢間拉麵店得10個位左右，睇落好似日本嗰啲拉麵專門店，都幾有風味！呢度拉麵選擇唔算太多，價錢都適中。鋪頭入面全部都係高櫈bar枱，坐得唔太舒服，枱上面放咗唔同嘅調味料，例如常見嘅七味粉同芝麻，可以自行加入湯底嚟提升口感。➡️ 豚骨拉麵湯底非常濃郁，唔會好鹹，叉燒半肥瘦唔會太厚，糖心蛋半生熟，入口即溶，食落好似去左日本咁➡️ 餃子表皮煎得好香脆，唔錯博多拉麵別天神地址📍: 銅鑼灣告士打道277號地下3A號舖.............................. 味道😋: ⭐️⭐️⭐️💫環境👀: ⭐️⭐️服務👨🏻‍🍳: ⭐️⭐️抵食💰: ⭐️⭐️⭐️💫

這間餐廳一直都很想來試，因為有很多朋友跟我說好好吃，今日lunch唔想食杯麵，所以就自己一個來到這間餐廳！餐廳座位不多，只有大概10個位左右，全部都是bar枱！客人需要於門口點餐機點餐和付款，然後入內給予職員便可！我點了別天神套餐，有拉麵，也有餃子！煎餃子，餃子煎得香口，餃子皮煎到脆脆地，餃子是鮮肉餡，再配上餃子汁一齊食，酸酸咸咸十分開胃！豚骨湯麵，這個豚骨湯底味道很香濃，奶白色的湯底放置一會已經有一層膜，好有骨膠原感！拉麵軟硬度適中，叉燒不會很肥，厚薄適中！流心蛋很入味而且蛋黃部分真的做到流心效果！還配有木耳絲和蔥，口感更豐富！枱上還寫了加入拉麵汁、蒜蓉和辣芽菜，令湯底味道更濃更惹味！下次要帶友人來再吃，十分美味！

又係一間有參與罷工 有學生優惠既小黃店💛兩年後，我希望Hong Kong is still Hong Kong·豚骨拉麵 $75個湯底幾好味 平時我就最鍾意食拉麵落蒜 但係因為依家我唔落得 所以我今次忍痛無落到😭但係都ok 今次食佢個純純豬骨😤佢個蒜同埋辣芽菜好好味架我記得我上次食😋佢個叉燒肉質都幾好 唔會鞋sarp sarp keke·蝦味噌豚骨拉麵 $85呢個一上枱嘅時候個味就已經好濃 之後因為我對蝦敏感 我個friend個食後感係話佢覺得個蝦味濃到驚我聞到已經會敏感 勁好笑😂😂·小龍蝦蟹子沙律 $35 （跟set $30）我哋眼殘 以為個set係有曬龍蝦沙律同埋餃子🤣但係原來個餐牌寫住”or”🤦🏻‍♀️我哋仲食到最後喺度諗個餃子係咪未黎😂😂😂不過今次誤打誤撞嗌咗呢個都幾好食 佢入邊都幾多龍蝦 係肉眼可見既大細 都幾好 包住紫菜黎食都幾好食😋😋·📍銅鑼灣告士打道277號地下3A號舖📍中環擺花街12-16號合成商業大廈地下3號舖📍北角書局街22號地下📍尖沙咀阿士厘道24號天星大廈地下A1地舖📍尖沙咀彌敦道100號The ONE LG1樓📍旺角山東街40Q號地下📍紅磡民泰街6號地下

平時出銅鑼灣食飯太多選擇搞到好難㨂，好彩依家有apps一search就知食咩好今次嚟咗銅鑼灣呢間黃色拉麵店，佢夜晚六點先開㗎所以唔好太早去到去到餐廳之後要先喺門口嘅自動販賣機買飛，等到有位先入得去店員服務好好，有禮貌之餘仲會幫我地加茶同介紹點食好我叫咗豚骨拉麵，佢個湯底味道好濃郁🤩🤩朋友就叫咗蝦味噌豚骨拉麵，雖然佢湯底好重蝦味不過我覺得就偏咸咗少少值得一讚嘅係溏心蛋做得好出色小食都唔錯鋪頭後面仲有連儂牆比食客寫野地址：銅鑼灣告士打道277號地下3A號舖#懲罰黄店系列#黃色經濟圈

好久沒有去拉麵店了，現今有不少拉麵店，有的很有名，有的則沒有那麼高的知名度，尤其是在銅鑼灣登龍街一帶，真有不少拉麵店。除了在登龍街，其他地方也有不少拉麵店的啦，有一間叫「博多拉麵別天神」的店，自己想試很久了，分店足足有7間，這次到的是銅鑼灣分店。拉麵的種類其實真的不多，最主要的是豚骨拉麵和蝦味噌豚骨湯麵，其他的都是套餐和散點的，套餐包括餃子和蟹籽沙律。最特別的是，食店門口設有自助販賣店，不像一般的拉麵店，要入店內才可以下單，這種自助販賣機是仿效了日本的自助販賣機，操作機器完畢，便可拿收據給拉麵師傅。餐廳更強調自己拉麵中的白湯是由100%豚骨和純水製成的，不含任何味精及奶類製品。另外客人更可自行添加口味，包括濃味和辛辣味。自己點了一款蝦味噌豚骨拉麵，蝦味也算濃郁的，不過湯底偏稀，有一些櫻花蝦在面層，令客人的口感更豐富。叉燒方面比較遜色，算不上是很軟稔，而且叉燒也沒有很好的口感和甜味，麵條的較硬度沒供客人選擇，有點兒偏硬，看個人喜不喜歡，我覺得還可以。朋友點的是豚骨拉麵，很坦白說，雖然拉麵店事先已說明是100%豚骨和純水製成，我卻感受不了很多的豚骨味，叉燒則跟蝦味拉麵的並差不多，口感也不是

呢間位於告士打道嘅博多拉麵別天神已經喺度好多年，有時搭車都會經過見到。呢日朋友話想食拉麵，就試下佢啦～店舖採取先落單後入座，客人可以喺外面部點餐機度點咗嘢食，比埋錢，先入去坐。對於多用現金，冇咩用電子錢包/信用卡/八達通嘅朋友就可能冇咁方便喇。店內面積小小，只有大約十個座位，好彩呢晚客人唔多，唔洗排隊～店家好細心，座位後方有衣架比客人掛褸；座位上方有紙巾供應，方便食拉麵嘅時候可以抹下咀仔👍🏽【蝦味噌套餐配小龍蝦蟹子沙律（$115）】蝦味噌豚骨拉麵 單點 $85呢個勁推薦呀！湯底嘅蝦味好濃，但食得出唔係重味精嗰種。面頭有櫻花蝦，增加口感同蝦嘅香味🦐拉麵麵條整得啱啱好，唔會太淋，口感一流。但都索曬/掛咗啲湯，令到食嘅時候都品嚐到蝦湯嘅味道👍🏽小龍蝦蟹子沙律 單點 $35望落個樣似薯仔沙律，但入面全部都係小龍蝦同蟹子嚟㗎，口感幾得意～【別天神套餐配餃子（$105）】豚骨拉麵 單點 $75呢度嘅豚骨湯係用100%豚骨同純水製成嘅，所以有豐富濃厚嘅豚骨味。唔重味精，所以飲曬啲湯都唔怕呀😋面頭有木耳絲。兩碗拉麵都配以蔥花、粟米同半熟流心蛋，蔥花香，增添口感；粟米鮮甜；流心蛋蛋味濃郁，流心效果一流。

今日想食拉面，經過依度見佢鋪頭細細得幾個座位，門口就有部機可以自己揀完想要嘅野就直接用八達通俾錢，再係入面坐底等食入面有冰水俾你自己任斟，係啲咁熱嘅天氣有杯冰水真係好爽入面啲小龍蝦好多，溝埋沙律醬味道豐富，另外佢仲有紫菜可以俾你包住沙律，好味😀餃子煎得熱辣辣，又夠脆皮，不錯呢個湯底比較清，但鍾意冇咁濃味嘅人係覺得啱啱好嘅，另外啲叉燒亦都唔鞋，肥瘦適中，拉麵亦都彈牙，唔會煮得好淋依個湯底相反十分濃郁，一啖湯一啖面真係正，蝦全部都細細隻整得夠惹味，好食到最後連湯都飲晒每碗拉麵入面都會有一隻糖心蛋，醃得非常之入味，好似台灣七仔嗰啲咁好食，初初仲諗緊係咪真係喺出邊買嘅呢，跟住見過師傅喺雪櫃攞咗一大盆出嚟，佢哋真係自己自家醃製架😍😍

有朋友係呢間博多拉麵別天神(銅鑼灣)旁邊返工，講過好食，星期一去銅鑼灣上堂前終於經過記得去食，果然無介紹錯!小龍蝦蟹子沙律用脆口紫菜包住小龍蝦蟹子沙律黎食，好似食迷你手卷咁好過癮~小龍蝦蟹子沙律好實，成膠狀，可見其真材實料，連住套餐叫好抵~餃子叫兩個套餐，我建議一個配小龍蝦蟹子沙律，另一個配餃子，咁就咩都食到，唔使15、16，因為煎餃子都好好食~別天神套餐$105豚骨湯底，唔會太濃太咸味而且無落任何味精，乳白色湯底都知係長時間熬製而成，細佬不知飲得幾開心,係食完碗見底!蝦味噌套餐$115 可以自行調製隱藏口味，我中意加辣芽菜，拉麵汁同七味粉，新辣地再加上櫻花蝦既香味，令呢碗湯底生色不少~豚肉片好大塊，拌住辣芽菜食好正~

銅鑼灣呢個咁多人嘅地方，搵野食唔難。難就難在要搵性價比高嘅美食。餐牌有兩款拉麵，都係七十至八十幾，價錢又幾合理。🤔我同友人一人叫一款，務求可以試曬兩款。蝦味噌湯底幾濃，但絕對唔會過鹹。面頭加上少少櫻花蝦，比到少少香味個拉麵。麵質係有我最愛，用嘅係曲麵所以較彈牙。推薦要叫埋小龍蝦蟹子沙律🤘🏽，堅係有龍蝦肉係入面👀，幾有咬口，用幾片紫菜包著食同就咁食都得，雖然只係小食，但絕對唔輸主食。呢個豬肉湯底都不錯，幾濃但唔會太黏口個種，見到友人狂飲湯就知道唔錯。最好係食完冇口渴，證明冇咩味精。

之前成日聽ｄ朋友講，博多天神幾正(九州的)，見到這間叫...別天神，又挑起左條拉麵癮，衝入去試下，內裡裝修像極日本小拉麵店。不用豪裝一排食位向師傅，傳統。選擇不用多，只專注豚骨叉燒，還有一樣期間限定。調味品非常多選擇，蒜蓉，芝麻，辣芽菜，七味，紅薑.....總可match 你口味。竟然連這個拉麵胡椒都有，正。這個沙律真好味，用少少蟹肉薯蓉撈蟹子加小龍蝦肉，蟹子脆脆的，還吃得到小龍蝦的爽甜，不錯。餃子ok，內餡菜多亦爽，可以。蝦味噌湯充滿左蝦殼的香味，正，順口，我食豚骨拉麵，湯充滿豬骨的香，甜。完全好豬骨，夠味亦不會過份濃杰，Good。糖心蛋亦做得夠糖心，麵質須幼但麵身曲，可以帶湯，而且夠麵香，沒有鹼水味，份量亦夠。ｄ咁有質素的拉麵真係要俾過最高讚禮佢。

成日都聽個別天成依個大名，但係聽朋友無論邊個時候去都係好多人，所以我都冇去試過佢嘅拉麵。但今日6:30左右喺銅鑼灣行下街經過間別天神，發現裏面唔使等位！！所以諗都唔使諗就入咗去食啦。見過餐牌先發現得兩種拉麵，同其他拉麵店唔同。今日係二人行所以就叫晒兩種拉麵啊，加埋餃子，一次過滿足晒三個願望。環境方面都幾傳統簡樸，店裏面全部都係高枱面向煮嘢食嘅地方。我本人好鍾意望住望住成個整拉麵嘅過程，順便可以睇埋個廚房乾唔乾淨，而答案係好乾淨別天神呢間拉麵店都好細心，我哋見到一啲告示牌，同你講可以自己製作出更濃郁嘅湯底，我自己幾鍾意呢嗰特式，因為可以自己試味直到自己滿意為止。所以呢個服務值得一讚！另外你可以自己加啲配料，例如芝麻同埋辣芽菜。我自己幾鍾意落好多芝麻，因為佢灑芝麻方法特別，同埋加左芝麻既拉麵會更加香。唔信你下次試吓！我哋等左10分鐘都冇就食得啦！豚骨拉麵淨係睇賣相都好正，我自己比較鍾意軟硬度中等嘅拉麵，別天神嘅拉麵就恰到好處，煙煙韌韌咁。而且麵條也幼細，吸收到湯底嘅味道，。唯一麻麻係我覺得豚肉簿左少少唔係好大塊。但整體來講本身超濃白湯加為豚肉已經好出色！另外一個就係蝦味增豚骨拉麵啦！睇個湯

呢間拉麵店嘅分店越開越多 但喺銅鑼灣呢間 雖然舖位細細 好有日本小店風格 但因為製作方法正宗 都幾多人排隊等食嫁😁 ----------豚骨湯麵 ( $75 )白湯底唔油 都幾濃豬骨味 係冇加奶 淨係用水同豬骨長時間熬製出黎🙂 拉麵比較幼身 但又好掛湯😮 軟硬適中 叉燒肥瘦平均 好嫩唔鞋☺️ -別天神套餐 ( $105 )(豚骨湯麵+日式餃子4隻/小龍蝦蟹子沙津)平時去拉麵店 $100左右都係食到碗麵 今次就可以食到麵同小食😬套餐嘅麵仲有一隻好滑嘅溏心蛋 生熟啱啱好😍-本身仲有另一款蝦味噌豚骨湯麵 但冇曬 暫停供應😢-不過呢度環境比較細同逼 得一排位 環入到最入都幾難 所以位都唔多😂 另外仲好貼心咁有曬配搭建議有「濃味推介」同「辛辣味推介」隨你加入蒜蓉 拉麵汁 辣芽菜 七味粉 芝麻 酸薑 胡椒粉 任落唔嬲🤗 食到熱仲有冰茶可以飲😛 性價比幾高👍🏻

用餐果日落大雨隔離嘅熊築地排長龍，自己又幾鐘意食拉麵跟住就成家行左入嚟坐(又咁啱有四個)已經唔記得個set幾多錢不過覺得幾好嘅地方喺用八達通俾可以平兩蚊(我承認我屎賄)講麺先麺嚟講佢間店喺用細麵唔知用嘅麺注水率喺幾多或者佢煮幾耐因為唔記得同店員specific咁講要硬啲定軟啲(個人嚟講鐘意食硬身啲)所以就覺得如果普通齋叫without special requirement嘅話麺有啲偏軟(其實也是自己的錯~誤)跟住湯底嘅話個人認為會單調左少少無乜特別變化其實都喺自己嘅錯因為博多拉麵本身就喺sell only豬骨做主要原料唔知道如果加少少魚乾同少少少少醬油煲會唔會好啲overall如果齋一碗麺73我覺得價錢嚟講喺相當可以而且佢店裡面啲凍茶都幾正熱騰騰一口拉麵之後配上一口凍茶喺唔錯嘅hehe